ЯПОНИЯ. 2100 ЕЛ.

(Моңсу фэнтези)

Россия автопромы дөньяда алдынгылар рәтендә. Бер генә ил дә аның белән ярыша алмый. Японнар Владивосток аша үзләренә 5-6 еллык “Жигули”, “Волга”, “Ока”, “Москвич”лар ташый. Кыйммәт булса да халык ала ди. “Тойота”, “Мазда”, “Хонда” язмышы өчен борчылып, Япония хөкүмәте Россиядә эшләнгән машиналарга пошлиналарны арттырган. Утраулар илендә канәгатьсезлек митинглары. “Мин Россия машинасында бер йөреп карагач, үзебезнекенә беркайчан да күчмәячәкмен!” – дип кычкыра бер шофер. Аның сүзләрен икенчесе җөпләп ала: “Менә мин яхшы гына акча эшлим. “Уаз” джибында йөрим. Могу себе позволить! Ә мине “Лэнд Крузер”га утыртмакчы булалар”... “Ник соң алайса түрәләр “Волга”ларда йөри? Үзебезнең “Тойота” ярамаган мыни?”, – дип шаулый халык. Шулай да һәр кешенең күңелендә өмет яши: бәлки, безнең машиналар да кайчан да булса машина төсле булыр?..

Пәрдә.