поиск новостей
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
  • 13.04 Яратам! Бетте-китте! Тинчурин театры, 17:00
  • 14.04 Полиционер. Тинчурин театры, 17:00
Бүген кемнәр туган
  • 29 Март
  • Шәкүр - җырчы
  • Рөстәм Абязов - дирижер
  • Илфат Фәйзрахманов - журналист
  • Мөхәммәт Сабиров (1932-2015) - дәүләт эшлеклесе
  • Айгөл Хәйри - җырчы
  • Ринат Хәйретдинов - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
19.09.2013 Җәмгыять

Син аның елмаюын күрдеңме?-2

Без күрдек! Ул елмаю хәтер төпкеленнән юыла, күз алдыннан китә торган түгел! Энҗе тешләрен күрсәтеп, бөтен дөньяга нур сибеп көлгән әлеге нарасый – октябрь аенда 4 яше туларга тиешле Айсылуны куеныма алып сөйдем дә әле. Аксубай районы Кызыл Тау авылында яшәүче Чулпан һәм Равил Әбраровлар өчен дә нарасыйларының елмаюыннан, шат аваз чыгаруыннан да кыйммәтрәк нәрсә юк. Эх, Айсылулары тәпи йөреп китеп, башка балалар кебек тәте-тәте сөйләшә дә башласа әле!..

«ШК»ның узган пәнҗешәмбе санында «День добрых дел» проектының башлап йөрүчесе, иганәче егет Рөстәм Хәсәнов турында язган идек инде. ДЦП диагнозлы балалар өчен Татарстанда ортопедик урындыклар ясау һәм аларны иганәчеләр табып, мохтаҗларга өләшү белән мәшгуль Рөстәм эшенә без – «шәһриказан»лылар да бик теләп кушылдык. Айсылу Әбрарова әнә шул без башлаган яңа акциянең башы да булсын иде, дидек – игелекле эшне күтәреп алучылар, җаны аша үткәрүчеләр, 365 көннең 24 сәгате буена авыру баласына беркетелгән ата-аналар хәленә кереп, ярдәм кулын сузарга теләүчеләр безнең арабызда бихисап ул – анысына без хәтта шикләнмибез дә!..

Аксубайга юлыбыз урау булып чыкты безнең. Ходай Тәгалә, бу бәндәләр ихластан йөриләрме икән, юл газабына сыгылып төшмәсләрме дигәндер, күрәсең. Казаннан белешкән адресыбыз Апас районы Кызыл Тау авылы иде. Бардык, таптык Апасның Кызыл Тавын. Баланың анасы Чулпанга шалтыратам: «Авылны зират буйлатып кердек, буаны үттек», – дим. «Нинди зират? – ди телефонның теге очындагы тавыш. – Безнең авылда буа да юк бит!» Беребез – Кытай, икенчебез Гыйльмениса түтине сөйләгән булып чыкты шул – кире Казанга кайтып, Питрәч, Алексеевск, Чистай аша киттек Аксубайны эзләп.

Кызыл Тау – кечкенә дә төш кенә авыл икән. Без килеп кергәндә, эңгер-меңгер төшкән, авыл кичке эшләрен төгәлләгән иде инде. Юл газаплары безне әнисе Чулпан белән каршы алырга чыккан Айсылуны күрүгә үк онытылды. Без утырып килеп әвәләнәбез монда, ә кемдер сынауны кулларында күтәреп йөреп тә үзендә елмаерга, тормышны яратырга көч таба! Чем-кара, зур күзләрен безгә төбәгән Айсылу елмаеп та җибәргәч әле...

Чулпан үзе Тукай районы кызы икән. Аксубай районы Кызыл Тау авылы егете Равил белән алар Чаллы шәһәрендә танышкан. Чулпан – хисапчы, Равил заводта эшче кул булган. Чулпанга – 20, Равилгә 24 булганда, гаилә тергезеп җибәргәннәр. Баланы көтеп алганнар. Көмәнлелек чорының бер авырлыгын күрмәгән Чулпан, үзе әйтмешли, җырлап-көлеп бәбиләргә тиеш булган да соң...
– Соңгы УЗИ баланың муенында ике катлап тыгыз итеп уралган кендек бавын күрсәтте, – ди Чулпан. – Мин – 21 яше дә тулмаган хатын-кыз, медицинада әллә ни чамаламыйм. Кесерево кисүе ясарга тиеш булганнар да соң – ә миңа, туганчы, бала үзе чишеп җибәрә ул бауны, диделәр. Табиблар белән бәхәсләшеп утыраммы инде? Үз әтием шул вакытта, кызым, әйдә, табасы кешеңә акча бирик, ул-бу булмагае, диде диюен. Әти, дидем, эчмим-тартмыйм, мин нишләп кемгәдер акча түләп ятарга тиеш әле – сәламәт бала табачакмын, янәсе.

Бала туу белән үк Айсылуның карап торышка үзгәреше сизелми, әмма көн дими, төн дими елаудан туктамаган баланы баккан ана күңеле сизенә инде. Бер дә юктан үксеми аның нарасые! Айлар үтүгә карамастан, башын тота алмавы да күңелгә шом өсти – табибларга барырга кирәк! Казан табибларына беренче тапкыр килгәндә Айсылуга 8 ай тулмаган була. Анда да дөрес диагноз куелмый – ДЦП дигән карарны бала бер яше тулгач ала. Чулпан сыгылып төшүен бик яхшы хәтерли – төшерелгән томография сурәтендә муендагы имгәнгән җир аермачык күренеп тора. Кендек бавы!..

Бәргәләнеп үксүләр, кулдан эш төшүләрне, башка сәламәт балалар үстергән аналарга карата булган көнләшү хисен дә үткән кеше Чулпан. Аның иң тәмле төшләре дә баласын аяклы – чатыр чабып йөргән бала итеп күргән төшләр шул...

– Шул бер яше тулгач, төрле җирләргә – реабилитация үзәкләре, остеопатларга актив рәвештә йөри башладык. Чаллыда дәваландык, аннан «Солидарность» дигән үзәк 170 мең сум акча күчергәч, Украинага барып курслар узып кайттык. Йөреп китәчәк, диделәр, мин аны үзем дә беләм. Әлеге дәваланулардан соң бала күзгә күренеп тынычланды: төннәрен йоклый башлады, елаулары кимеде. Без хәзер – кич җиттеме, әтиебез кайттымы – артык шуклана да башладык әле!

Равил мал-туар карап өйгә керүгә, Айсылуның әтисе кызы икәнен үз күзләребез белән дә күрдек инде – андагы сөенү, чырык-чырык көлү, куенына кереп бетеп иркәләнү дисеңме!

«Кызым, кызым» дип өзелеп торучылар исемлегендә Кызыл Тауда яшәүче Равилнең әнисе Гүзәлия апа да бар әле. Кичкырын балаларга булышырга төшкән, үзе дә яшь киленнәрдәй булган Гүзәлия апа белән дә сөйләшеп туймаслык. 28 яшендә 3 ир бала белән иреннән тол калган (ирен ток сугып үтергән) хатын үзе дә бала кайгысы күргән кеше – Равилне табуга ук, бу яшәрлек бала түгел, диләр аңа. «Заячья губа» – борын белән авыз бергә кушылган Равил көчкә-көчкә тиешле килограммнарын җыеп өлгерә. Аннан операция ясаталар. Үзе дә диндә булган Гүзәлия апа өч малаен да намазлы итүне сөйләп ала: «Равилне намазга бастырганда 4 яшь иде. Бала-чага аңа-моңа алданмый – шоколад биреп өйрәттем», – ди ул елмая-көлә.

Равил белән Чулпанның авылга кайтып урнашуларына әле ел гына тулып килә. Гаилә аны башка чыгасы килү белән аңлата. Гүзәлия апа белән машинада авыл әйләнгәндә Равил нәкъ менә беренче укытучысының өе, инде шактый еллар буш торган йортка ишарәли. Сатмаслармы икән, янәсе. Инде нигезгә шактый еллар булса да, нәкъ менә шушы йортта яшисе килә аның: «Шуның кадәр матур, үрнәк гаилә иде алар», – дип, укытучысын олы хөрмәт белән телгә ала Равил. Нигез, чынлап та бик килешә үзләренә – туганнары ярдәме белән 135 мең сумга сатып алырга килешкәч тә (баштагы бәясе 150 сум була – йорт хуҗалары Айсылу хакына 15 мең сумын киметәләр, әле анысын да акрынлап түләргә кушалар), авылга кайтып төпләнә алар. Мал-туар, бакча тоталар. Ерак түгел генә торучы Гүзәлия апаның 25 умартасын да исәпкә алсаң – Әбраровларга авылда эш җитәрлек үзе.

Бу гаиләгә ихластан гашыйк булдык без – сабыр холыклары да, тәрбияле-ипле булулары да, нурлы нигезләрендә иман бәрәкәте булуы да сөендерде. Менә балалары да тернәкләнеп китсә!.. Равил әнә, тагын ким дигәндә икене алып кайтабыз әле, дип тора. Авылда Чулпанга эш табылмаса да, Равил Иске Кыязлы авылы мәктәбенә физкультура һәм ОБЖ дәресләре укытырга урнашкан. Әмма баланы сәламәтләндерү юлында бер хезмәт хакы гына җитсә икән ул...
«Шәһри Казан» алып кайткан ортопедик креслога баласын утырткан Чулпанның шатлыгыннан мин үзем дә дертләп киттем: Ходаем, без бит моны иртәрәк тә башкара алган булыр идек! «Мин сезгә ни рәвешле, нинди сүзләр белән генә дә рәхмәтемне әйтеп бетерә алмыйм, – диде Ана. – Ходай Тәгалә үзегезгә бер кайгы-хәсрәт тә күрсәтмәсен, Ходай Тәгалә ташламасын берүк. Сез безгә бүген тагын бер канат куйдыгыз...»

...Төнге юлдан Казанга юл тотканда да күз алдыннан Ананың күз яшьләре, Баланың елмаюы китмәде. Булыша алабыз бит – бөтенебез булышырга, битараф рәвештә янәшә үтеп китмичә, кемнеңдер хәсрәте янында туктап алырга сәләтле. Ил төкерсә, күл була, диләр. Әгәр һәрберебез елына бер генә тапкыр булса да әнә шундый сабырлыгы хәйран калырлык, йөрәк җәрәхәтеннән кан саркып торганнар авырлыгын күтәрешергә алынса, үзебезнең дә күңелләребез чистарып, маңгай күзләребез ачылыр иде. Хезмәттәшләребез – башка газета-журнал редакцияләре, оешмалар, зур йөрәкле иганәчеләр дә әлеге эшкә битараф калмаслар – «День добрых дел» интернет җәмгыятенә кереп, әлеге балалар исемлеге белән танышырлар дигән өметебез дә акланыр дип ышанабыз.
Ә син аның елмаюын күрдеңме?..

Игътибар, акция: «Яхшылык җирдә ятмас»

Яхшылык дигән төшенчә дә, аны эшлисе килү теләге дә һәркемнең күнелендә яши инде ул. Кемдер күтәреп, оештырып җибәргәндә, зур булмаган коллективлар да һич югы бер балага ярдәм итәргә мөмкинлек таба ала, әлбәттә. «Шәһри Казан» редакциясе башлаган акциягә дә кушылучылар табылыр дип өметләнәбез. Интернет аша «День добрых дел» сайтына кереп карасагыз гына да, күпме баланың бездән ярдәм көткәнен күрерсез. Ә инде, ярдәм итәргә теләгегез булып та, каядыр барып, акча күчереп йөрү мәшәкатьләреннән куркып калгансыз икән, акчаларны редакциягә китереп тапшыра аласыз.

Фонд «День добрых дел»
ИНН 1657115472
КПП 165701001
ОГРН 1121600005295
р/с 40703810126030000039
в филиале «Саратовский» ОАО Банк «Открытие» г. Саратов
БИК 046311854
к/с 30101810900000000854
Назначение платежа: благотворительный взнос по программе "Мебель для особенных детей" 


Гөлнара ҖӘЛИЛОВА
Шәһри Казан
№ |
Шәһри Казан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»