поиск новостей
  • 19.03 "Ләйлә вә Мәҗнүн" Кариев театры, 18:30
  • 19.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 20.03 "Ут чәчәге" Кариев театры, 13:00
  • 20.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 21.03 "Анна Ахматова:Вакыт кайтавазы" Кариев театры, 13:00
  • 21.03 "Эх, алмагачлары!" Тинчурин театры, 18:30
  • 22.03 "Корт" Кариев театры, 18:30
  • 22.03 "Ай, былбылым!" Тинчурин театры, 18:30
  • 23.03 "Йосыф" Кариев театры, 18:00
  • 23.03 "Бәхетле көнем" Кариев театры, 13:00
  • 23.03 "Яратам! Бетте-китте!" Тинчурин театры, 17:00
  • 24.03 "Әлифба:Хәрефләр дөньясында" Кариев театры, 13:00
  • 24.03 "Мәдинә" Тинчурин театры, 17:00
  • 26.03 "Мио, минем Мио!" Кариев театры, 18:30
  • 26.03 "Җилкәнсезләр" Тинчурин театры 12:00 һәм 18:30
  • 27.03 "Гөлчәчәк" Кариев театры, 19:00
  • 27.03 "Идегәй" Тинчурин театры, 18:30
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
Бүген кемнәр туган
  • 19 Март
  • Татьяна Водопьянова - дәүләт эшлеклесе
  • Камил Гайнуллин - актер
  • Ренат Вәлиуллин - дәүләт эшлеклесе
  • Илшат Вәлиулла - язучы
  • Гөлнур Корбанова - шагыйрә
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
  • Ассаляму алейкум! Казанда, центрга якынрак булган гостинка яисэ булмэ снимать итергэ телим. Риелторсыз. 89872312932 (ватсап)
  • Кому требуется шпаклевка, обои, по городу Казани также Арск обращаться по тел +7 (917) 266-37-64.
  • Яр Чаллыда 2-бүлмәле фатир сатыла:Яңа шәһәр, 30 комплекс. Мәйданы 52 кв.м. Планировкасы әйбәт - распашонка. Җылы, яхшы хәлдә. Хуҗасы сата. Телефон:8-9631571216
  • Хәерле көн! "Салават Купере 2" торак комплексында бөтен унайлыклары булган 2 бүлмәле квартира арендага бирелә. 3 этажда. Өр-яңа ремонт, мебель. "Бәхетле" артында урнашкан. Тәртипле татар гаиләсе эзлибез. Йорт хайваннарсыз. Төп шарт: тәртип, чисталык, вакытында түләү. Риелторларсыз. Элемтәләр өчен телефон: 89534975861
  • Студентлар өчен өстәмә эш. 8-917-880-94-77
Архив
 
05.08.2013 Медицина

Ходайдан бирелгән чын табиб ул!

Асфальт юл читендә, талгын искән җилдә әкрен генә тибрәлеп утыручы алтынсу иген кыры, һәр юлаучыга сәлам биргәндәй башын иеп кала. Яшәү чыганагы булган менә шушы алтын бөртекләрне үстерүче, терлекчелек белән шөгыльләнүче авыл кешесенең исәнлеген кайгыртуга игътибар биреләме, шуның сагында торучы офис табибларына рәхәтләнеп хезмәт күрсәтергә бөтен мөмкинлекләр дә булдырылганмы икән, дигән бихисап сорауларым мине Камышлы районының Иске Ярмәк авылындагы офис табибы Риф Хәйдәр улы ГЫЙБАДУЛЛИН янына очрашуга алып килде.

Табиб төшке ашта иде әле. Аның югында бирегә дәваланырга килгән Чулпан авылыннан Миңсылу Сафиуллина, Иске Ярмәктән Хәмдия Сафиналар белән сөйләшеп алырга да өлгердем. Апалар берсен-берсе бүлдерә-бүлдерә табибның һәм биредәге хезмәткәрләрнең эшенә зур бәя биреп, ихлас күңелдән, йөрәктән чыккан рәхмәтләрен җиткерделәр.

Риф Хәйдәр улының кул астында дүрт хезмәткәр эшли. Фәния Әхтәмова, Гөлнур Фәттахова - шәфкать туташлары, Гөлшат Җантимерова - санитарка, Фәһим Әхмәтҗанов - “Ашыгыч ярдәм” машинасын йөртүче. Табиб барлыгы 1 мең 714 кешегә хезмәт күрсәтә икән. Бирегә Иске Ярмәк, Яңа Ярмәк, Чулпан авыллары керә. Өстәвенә ул шушы авыллардагы фельдшер-акушерлык пунктлары өчен дә җаваплы.

Риф Хәйдәр улы Гыйбадуллин 2007 елда шушы изге эшкә алынган. Биредә рәхәтләнеп эшләр өчен бүлмәләр тиешенчә җиһазландырылган, кирәкле аппаратуралар да җитәрлек. Авырулардан анализ алып тикшерү өчен лаборатория дә бар. Табиб акушер-гинеколог вазифасын да башкара. Ул ел саен үзенә беркетелгән авылларга чыгып, вакцинация эшен алып бара, атна саен кешеләрнең сәламәтлеген тикшереп кайта.

- Мин шушы эшкә керешкән вакытларда төнге чакырулар бик еш иде. Ә хәзер авыл халкы минем киңәшләремә колак салып, авыру көчәйгән вакытта үзе кирәкле даруларны кулланырга өйрәнде. Шуның өчен дә бездә йөрәк өянәкләре, инсульт очраклары бераз кимеде.

Ходай язса, алдагы көннәрдә интернет аша әзер кардиограмманы Самара өлкә хастаханәсенә озатып, авыруга юлда азапланып йөрмичә, видеотрансляция аша кардиолог белән элемтәгә кереп, кирәкле консультация алу мөмкинлеге дә булачак. Моның өчен кирәкле аппаратурабыз да бар, озакламый көйләячәкбез, - дип үзенең шатлыгы белән уртаклашты Риф Хәйдәр улы.

Сөйләшүдән соң офис бинасын карарга керештек. Килеп керешкә барысы да әйбәт кенә булып күренгән булса да, игътибар белән карасаң, кимчелекләр, җитешсезлекләр дә аермачык булып күзгә ташлана икән. Офисның идәне, стеналары җимерелә башлаганы күренеп тора.

- Менә шушындый проблемалар эшләргә комачаулый, эчне пошыра да инде. Эш зурга киткәнче, бинаның эченә һәм тышына тиз арада капиталь ремонт ясарга кирәк. Тиешле җирләргә мөрәҗәгать итеп караган идем, тик шунысы кызганыч, бирелгән вәгъдәләр әле бары тик сүздә генә кала бирә, - ди табиб, уфтанып.

- Аннан, “Ашыгыч ярдәм” машинабыз да искерде инде. Төн урталарында күрше авылда яшәүче, хәле начарланган авыруга ярдәм итәргә дип, ашыгып юлга чыгып китәсең, хәерсезгә нәкъ шул вакытта машина ватыла да куя, чөнки тузган. Машина йөртүченең хезмәт хакы да бик түбән. Ул да минем төсле бәйрәмен, ялын санашып тормыйча, көзге, кышкы кар-буранлы ачы суыкларда, тәүлекнең теләсә кайсы вакытында җылы өеннән чыгып китә бит.

Ачык күңелле, кешеләрне хөрмәт итүче, авырулары өчен җанын фида кылучы табиб яныннан авыр уйлар белән кайтып киттем. Үз гомеремдә авылда яшәгән чорда югары белемле табибларның биредә озакка тоткарланып калмаганнарын бик ачык хәтерлим. Чөнки бездә авыл кешеләренә сәламәтлек хезмәте күрсәтүчеләрнең эшчәнлеге беркайчан да югары бәяләнмәде. Әнә кешенең гомере, исәнлеге өчен үз-үзен аямыйча, вазифасын яратып, табиб антына тугры калган Риф Хәйдәр улына вәгъдә ителгән фатир да әле һаман бирелмәгән. Аның хезмәт хакы да түбән.

Риф Хәйдәр улы Гыйбадуллин Иске Ярмәк авыл җирлегенә депутат итеп тә сайланган һәм аны башкара. Авылның бүгенгесе һәм киләчәге бик нык борчый аны.

- Авылыбыз матур, аның табигатенә сокланмый мөмкин түгел, ул биек тауларга, елга-инешләргә бай.

Аның саф һавасы гына да ни тора! Киләчәктә, шушындый иман нуры таратып утыручы ярымайлы, мәчетле татар авылларыбыз таркалмасын иде. Авылның Мәдәният йортына да, мәктәбенә дә капиталь ремонт кирәк. Яшьләрне эш белән тәэмин итәргә дә вакыт җиткәндер инде. Аларны шәһәрләрдән яңадан авылларга тартасы иде, - диде ул, бу турыда үз фикерләре белән уртаклашып.

Табибның шәхси тормышына килгәндә, аның яраткан хәләл җефете Олеся ханым авылда элемтә үзәген җитәкли. Кызлары Аделина мәктәптә укый, кечкенә улларына дүрт яшь кенә икән әле.

Риф Хәйдәр улы Гыйбадуллинны Иске Ярмәктә хөрмәт итәләр, яраталар. Аның турында авыл кешеләре бәхетенә Ходайдан бирелгән чын табиб, дип әйтергә мөмкиндер. Менә шундый белгечләрнең кадерен белеп, ярдәм итеп, эшләргә бөтен мөмкинлекләр тудырырга кирәк.

Югарыдагы рәсемдә:
табиб Риф ГЫЙБАДУЛЛИН һәм шәфкать туташы Фәния ӘХТӘМОВА офиста авыруларны кабул иткәндә. 


Нурсинә ХӘКИМОВА
Бердәмлек
№ 31 | 03.08.2013
Бердәмлек печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»