• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
25.07.2013 Җәмгыять

“Шерше ля фам” яки 1+ 0=10

Кешелек язмышында хатын-кызларның беренчел ролен аңлатыр өчен иңдерелгән оҗмахтан куылу турындагы кыйссаны үтә гади фәһемләү гыйбадлык, аның да авыл гыйбаты дигән төре ул. Имеш, барысы өчен дә баштан ук алмага кызыккан хатын-кыз гаепле...

“Булгария” корабы батуда бөтен гаепне Инякина фамилияле ханымга тагып маташалар. Чиркәүгә кереп җырлап, вак хулиганлык гамәле кылган өч хатын-кызны кырыс хөкемгә тартып, икесен шактый озын срокка төрмәгә тыктылар. Саклану министрлыгы карынында барган коточкыч урлашулар өчен киң җилкәле маршал да, генерал да, полковник та, хәтта прапорщик ир-атлар да түгел, ә хатын-кызлар гаепле икән.

Байтак еллар элек бертуган апам белән Казан урамыннан барганда шагыйрь Рәшит Әхмәтҗановны очраттык. Апам белән Рәшит әфәнде икесе бер чорда университетта укып, бер тулай торакта яшәгәннәр икән. Кайсының кайда, кем булып эшләве, гаилә хәлләре белән дә кызыксындылар. Шунда Рәшит аганың: “Хатынымнан уңдым. Казна эшендә мин дә чиләнәм дип хокук дауламый, мине санлап тора, өс киемнәремне юып кигезә, ашарыма әзерли, балаларны карый”, – дигәннәре ничектер хәтергә уелып калган.

Ә бит ир хатыны һәм ана вазыйфасын башкаручыларга кануни җирлектә ниндидер реаль ышыклаулар да артык булмас иде. Иң зыянлы, иң авыр, иң кара эшләр хатын-кызларга калып бара түгелме бөек илебездә? Колхозларда орлык агулау кебек сәламәтлеккә зыянлы хезмәткә гомер-бакый авыл апалары дучар ителүе генә дә ни тора. Шәп машиналарда гына килеп, җилкәгә ап-ак халатлар элеп, фермалар кичеп “театр куючы” үгездәй таза җитәкче ир-атлар сыер савучы хатыннарның шешенгән бармакларына күз сала микән?

Рельс күтәрүдә, урам себерүдә, асфальт түшәүдә ханым һәм туташлар инде күп еллар “алдынгылыкны бирми”. Ә буяу эшләре?.. Ябык бүлмәдә бер сәгать эчендә баш иңке-тиңкеләнә ләбаса берсеннән-берсе зәһәр буяу исләренә. Миңа калса, “Булгария” корабы батканы һәм Саклану министрлыгындагы караклык өчен, хатын-кызларның сәламәтлекләрен күрәләтә куркыныч астына куйганнары, шуны белмәмешкә салынганнары, үзләре өстендәге гаепләрен гүзәл затларга авыштырганнары өчен бик югары урыннарда утыручы ир-атларны җинаять җаваплылыгына тарту гадел булыр иде.

Күптән түгел яраткан газетабызда басылган бер мәкаләдә танылган әдип саналучыбыз милләтебезне орышты, ә катнаш никахлар һәм мондый никахтан туган балаларның татар булып үсмәүләре өчен татар хатыннарын әрләде. Имеш, негрлар кыйнаган саен ныгыган, ә без – татарлар, сынганбыз. Хәтта негрларның берсе иң бай илгә президент та булган икән. Әйтергә кирәк, негр дигән халык һәм негр теле табигатьтә юк. Сүз тән төсе хакында бара. Алайга китсә без дә тәнебез төсен җуймаганбыз, ә татардан чыккан Борис Годунов, Симеон Бикбулатовичлар Русия патшасы булганнар. Суворов, Кутузов, Державин, Булгаков һәм башкалар хакында да татарныкы дип авыз суы корытырга яратабыз. Әлеге әфәнденең шелтәләвенә караганда, имеш ки, татар кызлары кайсы халык вәкиленә кияүгә чыксалар, шуңа артык тугрылык күрсәтә. Ә бит тугрылык – яхшы сыйфат. Янә килеп, бу хатын-кызлар кайчандыр газиз әтиләренең нәни кызлары булгандыр. Ислам тәгълиматы хатын-кызга үзгә диндәгеләргә кияүгә чыгуны тыя. Үз йортының имамы булырга тиеш ир-атның үз вазыйфасын үтәмәве өчен хатын-кызны гаепләү мантыйк киртәсенә сыймый.

Тормышның бөтен мәшәкатен үз җилкәләренә алган гүзәл затларга үзләрен ышыклый, яклый, дин кушкан таләпләрне үти алмаучы, исәпкә бар санга юклар белән хисаплашуны даулау мәзәк түгелме? Шул ук вакытта әдипнең уптым илаһи татарыбызны гаепләве белән дә килешәсе килми. Инглиз язучысы Джек Лондонның “Ак теш” хикәясендә бүре баласын даими кыйный-кыйный һәм ач тота-тота эткә әйләндерәләр. Аннары аны этләр белән сугыштырып тамаша кылалар. Кем ничек аңлагандыр, шәхсән үзем бу әсәрдә халкыбыз язмышын сиземләдем. Безнең халкыбызның рухын да ачлыклар, көчләп яки алдап чукындырулар һәм сугышлар аша сындыралар лабаса. Эшкәртү туктамый: 309нчы закон, татарча БДИны тыюлар – шул олы юлның чакрым баганалары. Гасырлар дәвамында тәмуг кичүче милләтеңне сүгеп, кыю күренергә, очко җыюга тырышулар номеры искермәде микәнни соң әле? Бу гамәл күптән әтрәк-әләм кылануы буларак кабул ителмимени соң аңлаган кешеләргә? Тукай халкыбызны “зур ул, әдип ул, шагыйрь ул” дип зурлаган. Әмирхан Еники, Миргазиян Юныс, Мөхәммәт Мәһдиев, башка асыл затларыбызның язганнары халкыбызга мәхәббәттә аңлашуга кайтып кала. Халыкны талаучы милли бюрократларга конкрет гаепләүләрдән (алда кайберләре атап та кителде) ышыклану өчен, фамилияләрне атамый гына, тулаем милләтне сүктерү кыйбат. Һәм бу шөкәтсез вазыйфаны үтәүче “әдип” ир-атлар, дөресрәге, ир-ат саналучылар табылып тора. Җимле тагарак хакына үз-үзләрен фаш итүдән кыенсынмыйлар гына түгел, болай кылануларын батырлыкка санауны дәгъва дә итәләр бәгъзе “көрәшчеләребез”.

Хатын-кызны балигъ булу белән якасыннан ала торган бик катлаулы проблема Ркияүгә чыгу мәсьәләсе. “Чаян” журналында шундый рәсем басылган иде. 1ле саны – хатын-кыз, ә ноль ир-ат кыяфәтендә ясалып, икесе бергә янәшә 10 санын тәшкил итәләр һәм ноль кыяфәтендәге ир-ат хәләл җефетенә: “Әгәр мин булмасам, гомерең буе берлек булып каласы идең бит син”, – дип авыз ера.

Гомергә берле булып калмау, һичьюгы, унлы дәрәҗәсенә ирешү өчен һәм аналык инстинктына да буйсынып, нольләр белән булса да тормыш корырга омтыла гүзәл затларыбыз.

Казах әдибе Олҗас Сөләймановта шундый парча бар. Хатын-кыз коллективында модалы киенгән, шәп прическалы, пөхтә һәм чибәр марҗа хатыны Гөлкәй атлы юбалгы казах хатынына: “Болай үз-үзеңне карамый йөрсәң, ирең ташлап китәр бит”, – дип шелтә белдерә. Гөлкәй, бер дә исе китмичә: “Ташламас, ул минем өчен фәлән мең калым түләде”, – дип, сылу хатынның авызын томалый. Әле генә ерткыч селәүсәнне хәтерләткән чибәркәй шул сүздән соң коллектив каршында хуҗасыз мәче халәтендә кала. Чөнки бар да белә: ул гүзәл өчен бер тиен дә калым түләнмәгән. Шундый хәлләр. Базар хөкеме аяусыз.

Унга бар, уңганчы бар дигән мәкаль дә бар татарда. Әйтергә генә ансат дияр заман туташлары. Кияүгә чыгып та уңганнар бар, ә бар туңганнар да. Шәп дип эләктергәне “сулга” каергаларга яратырга мөмкин. Артык чутлы, саран акча кортына тап булу да ерак йөрми. Әле бит бармакка бармак сукмаучы, әниләре җилкәсеннән хатын асрамасына күчүче хөрәсәннәр күпме? Ир-ат саналып, чынлыкта алай ук түгелләр дә үз-үзләренең барлыгын сиздереп торалар.

Кемдер язган, хатын-кызны бәхетле итү өчен яшәүчеләр тормышта барысына да ирешә дип. Андыйлар да бардыр, дөнья бит.

Бер танышымның шактый чәүчәләк кызы кияүгә чыккан иде. Озак та тормый анысыннан аерылып, тиз арада икенче тапкыр чыгарга да өлгерде бу. Шуның килендәше сөйләде: теге ирем дә әйбәт иде, монысы да әйбәт ди икән. Һәм килендәше: “Ул, чыннан да, бәхетле. Мин дә ир белән яшим, югыйсә. Әмма аның кебек бәхетле була белмим”, – ди. Кыскасы, төрле гаҗәеп хәлләр чыгып тора. Аннары, бәхетле буласың килсә, бул дигән әйтем дә бәхетнең күктән генә төшмәвен, үзеңнән дә торуын, гамәл, иҗтиһад зарурлыгын искәртә.

Ә иң аянычы, менә дигән акыллы, тәртипле һәм уңган-булган сылулар утырып калучан.

Бер мәлне шулай электричкада Казаннан кайтып киләм. Каршы эскәмиядә утыручылар арасында күршемнең кызы кайта. Яше утызга җитеп килә инде аның. Бик акыллы, тәртипле кыз, сыра чөмерүче, тәмәке тартучы туташлар белән арасы өзек, ерак булды. Эштә уңган, тыйнак, аз сүзле. Менә шул туташка вагон буйлап чабып уйнаган биш-алты яшьлек кызчык килеп бәрелде бер заман. Күршем аны күтәреп алып янына утыртты, исемен, әти-әнисе хакында кызыксынды. Кызчык тулы җаваплар бирде. Аның да яңа танышына сораулары бар икән.

– Синең егетең бардыр инде, син бит зур, – диде ул, күзләрен хәйләкәр җемелдәтеп. – Зур кызларның егетләре булырга тиеш.

– Барлык зур кызларның да егетләре булмый, шуны исеңдә калдыр, – диде күршем, кырысланып китеп.

Кызчык күршем каршына чыгып, аны баштан-аяк күзәтеп торды да:

– Барлык зур кызларның да егетләре булырга тиеш, үзең исеңдә калдыр! – диде.

Янәшә-тирәдәгеләр гөр килеп көлеп җибәрделәр. Күршемнең генә йөзе агарып китте. Һәм ул боек карашын тәрәзәгә борды. Ә анда каеннар, чыршылар йөгерешә, моңсу тәрәзәле йортлар артка шуыша...

Французлар һәр этлекнең төбеннән хатын-кызны эзләргә кирәклеген “шерше ля фам” (безнеңчә, “хатын-кызны эзләгез”) дигән формулага салган. “Әгәр хатын-кыз гаепле икән, аннан гафу үтен” дигән әйтемнәре булу бу халык ир-атларының ирлек дәрәҗәсен саклап кала. Без фәкыйрьләргә гафу үтенүләр, классик әйтмешли, “едва ли”...  


Рөстәм ЗАРИПОВ
Татарстан яшьләре
№ |
Татарстан яшьләре печать

Фикерләр

Исем:
E-mail:
Текст:
 
№78 (847305) / 01.08.2013 00:14:31

мин аны соннэтсез диеп уйлаган ием бая, эйтергэ кыймадым ышанмассыз диеп.

№77 (847304) / 01.08.2013 00:07:15

Ул борчэ дигэннэре соннэтсез мени эле?срочно печэргэ кирэк аны уптым илахи.ие нинди хэл ул Гомер курмэгэн урыс арасында яшэмибез сэнэ

№76 (847302) / 31.07.2013 23:58:51

Не менее интереснее срачь, спасибо, господа, за развлекуху

№75 (847301) / 31.07.2013 23:57:51

КЕмне көчләгәннәр ?. Әкиәт сүләмәгез инде,көчләүләр күптән бетте.Кызлар үзләре ирләр артыннан чабалар,кирәкме диеп.Көчләделәр диеп үзләренең бәяләрен күтәрмәкче булалармы эллә башкарак сәбәп күздә тотыламы ?

№74 (847298) / 31.07.2013 23:43:38

борчэ, ул турыда алдан сойлэгэнче соннэткэ утыр башта

№73 (847283) / 31.07.2013 21:01:53

кызына кызыккандыр берчэ.*

№72 (847280) / 31.07.2013 20:29:34

кияуен тугел,ирен дип сойлэш борчэ.

№71 (847274) / 31.07.2013 19:55:47

Нинди марка автобус сарып алдың, мине шүфирең итеп алмассыңмы? Ошап китсә, бәлки, кияең дә булып куярмын.)))))))))

№70 (847259) / 31.07.2013 17:55:04

Сез мактый торгач, башым күккә тия инде. Мин мерседес-600да да, электричкада да йөрмим, мин автобуста йөрим.

№69 (847257) / 31.07.2013 17:44:10

кеше хурлары булдым жаныйларым, нигэ мина алдан эйтмэдегез тукраннын хатын икэнен?сорарга оытып торам икэн,бэйрэмгэ камалга билетлар кайсыгызга булсада тидеме.

№68 (847252) / 31.07.2013 17:22:36

Бу турыда,тукраннын узеннэн сорыйсы булыр,мин узем аны мерседес-600 да йоридер дип уйлыйм

№67 (847251) / 31.07.2013 17:16:57

ух, чибэр хатын дисен - мэкалэдэ телгэ алынган зур кыз кебек, Тукран да электричкада йориме?

№66 (847250) / 31.07.2013 17:12:27

Тукран бик тэ чибэр хатын,мин узем куптэн гашыйк ана.

№65 (847247) / 31.07.2013 17:07:43

Ул тукран дигэнегез жунле кешем сон хэт?талкувый булса мин дэ каршы тугел

№64 (847240) / 31.07.2013 16:37:18

Тукранга жаныйларым мин дэ гашыйк булдым ахрысы.

№63 (846999) / 29.07.2013 20:16:38

сундергэч оялмый башлыйлар алар...

№62 (846996) / 29.07.2013 20:07:04

Тукранга гашыйк булдым бугай инде.

№61 (846995) / 29.07.2013 20:06:25

Оятсыз оялса каты ояла,ди ,Тукран.

№60 (846994) / 29.07.2013 20:00:29

Карга, син мине бик дөрес күз алдына китергәнсең, ну мин эротика турында язарга түгел, уйларга да оялам, әстәгъфируллаһ.

№59 (846988) / 29.07.2013 19:47:35

Вәли,зинһар алдыңны-артыңны карап йөр,яме!

№58 (846985) / 29.07.2013 19:45:01

Татарстанда кочлэулэр бик купкэ арткан икэн.

№57 (846981) / 29.07.2013 19:36:17

Тукран,яшь чагын,мемуарлар яза булыр.

№56 (846979) / 29.07.2013 19:27:48

неужели тукран эротик эсэрлэр яза,мин аны бик тыйнак,бик оялчан,чибэр хатын дип куз алдына китерэдер идем.

№55 (846976) / 29.07.2013 19:24:50

Нигә бәйләндегез инде тукранга? Аңа кому с утра кирәкми, ул үзе тагында хутлырагын язып ята. Нәшерияткә тапшырмаган булса инде))))))))

№54 (846974) / 29.07.2013 19:17:41

Бу ирләрнең кирәкмәгән якка башлары бик тиз эшли, шунда ук сүзен дә табалар, логикасын да китереп чыгаралар, Кама-сутра рәсемнәрен карау турында уйлаганым да юк.

№53 (846970) / 29.07.2013 18:10:56

укырга яратмыйм,рэсемнэрен генэ карарга яратам дисен инде син,тукран.

№52 (846968) / 29.07.2013 18:03:44

Юк, мин Кама-сутра укырга яратмыйм.

№51 (846965) / 29.07.2013 17:09:24

Бөрчә!

№50 (846964) / 29.07.2013 17:08:51

борчэ хэзрэт булып эшлэмэгэн,хэсрэт булып йоргэн.

№49 (846961) / 29.07.2013 17:00:40

менэ сина имам булып эшлэгэн кеше.

№48 (846960) / 29.07.2013 16:51:17

безгә тәмуг ул кадәр янамый булса кикәк.
Шулай, бер вакыт оҗмах фәрештәсе тәмуг шайтанына шалтыраткан:
- ничек яшәп ятасыз анда?
-Бөтенесе дә әйбәт, кондитсианерлар эшләп тора, плантатсияләрдә җиләк- җимеш пешә, бер каттан- икенчесенә эскалаторда йөрибез, туйганчы ашыйбыз-эчәбез, күңел ачабыз. Оҗмахың бер читтә торсын...
- Ничек ул алай?
-Безгә бер инҗинер килеп эләкте, энергия җитеп ашкан, барысында шул уйлап тапты.
-Ялгышлык киткән, тиз арада оҗмахка менгереп җибшрегез, югисә арбитраҗга бирәм.
- Арбитраҗга бирмәгәең хет әллә ни эшлш, бөтен адвокатлар да бездә...

тәк ышту, баз дә сриднәй паршиуас инҗинерлар бит әле... тәмугтагы ут бушка янып әрәм булмасын, хзебезгә файдалы якка кулланырга тырышырбыз))))))))))

№47 (846920) / 29.07.2013 10:02:30

№46 (846918) / 29.07.2013 08:25:51

тукран сина кама-сутра укырга кирэк.

№45 (846915) / 29.07.2013 06:01:40

Бер китапта укыган идем. Теге дөньяда ментальный мир оҗмах дип атала икән, ә тәмуг "ниҗний астрал" дип атала. Кешенең рухы никадәр нык үскән, ул оҗмахның биегрәк өлешенә эләгә, азрак үссә түбәнрәк өлешендә була. Тәмугның да иң түбән өлешендә иң куркыныч урын, анда утлы елгалар ага, кеше җаны бик авыр газапларга дучар ителә, биегрәк әлешендә бераз җиңелрәк, ну барыбер анда эләкмәвең яхшырак.

№44 (846912) / 28.07.2013 22:14:12

ИР, мескенлегең километрлардан күренә. Бер рәтле сүзең юк. И Ходаем, кемнәрең юк синең!

№43 (846911) / 28.07.2013 22:04:16

Аларны тыеп булмас,алар кибәк(кандала) белән бер.

№42 (846910) / 28.07.2013 21:57:53

Хатын-кыз өчен, гадәти булмаган, биш тыю:

http://sobesednik.ru/incident/20130728-5-samykh-neobychnykh-zapretov-

№41 (846907) / 28.07.2013 21:29:44

Алайса,Татарстанда берәү генә акыллы кеше-ул СИН.Үземне акыллыга санамыйм,шуңа күрә бире дә утырам.

№40 (846905) / 28.07.2013 21:26:52

УКЫДЫМ ӨСТӘГЕНЕ.
Сүздә юк,бөтен авыр әш хатын-кызга.НИгә дисезме? Чөнки аланың телләре озын,үзләре явыз. Шул авыр эш кенә аларны азырак басып тора. Яхшы катын булсагыз,без сезне эшләтмәс идек. Эшләгез,үлгәнче !

№39 (846904) / 28.07.2013 21:25:23

Картлач

)))Бер казанга, ике тәкә башы сыя аламы соң? )))

№38 (846902) / 28.07.2013 21:18:44

Дөниада ике акыллы кеше булса Соры дус,берсесе син һәм МИН.

№37 (846899) / 28.07.2013 21:10:53

менә кара ,соры

Менә бу, чын мөселман. Исламда, хатын-кыз кеше түгел, ир-ат өчен, тере курчак!!!

№35 (846895) / 28.07.2013 20:21:24

Соры корт,могаен без предбанник ише нэрсэдэ булырбыз кебек.
Гонахларым бар,саный башласан ярыйсы жыела.Шуна да, ожмах сорарга оялам мин.

№34 (846894) / 28.07.2013 20:18:46

Теге, Әйдә, безнең янга. Оҗмахта да, бу диниләр, аларча булмаган өчен, акыл сатулары белән, бар миеңне черетеп бетерерләр.)))

№33 (846892) / 28.07.2013 20:13:03

Хатын-кыз булып туган очен генэ дэ жэхэннэм икэн бит э? Ул узе телэп хатын-кыз булып туганмы эллэ?
Менэ мин узем фэкыйрь,лэкин хатын-кыз?
Минем кебеклэр тагын бардыр эле. Без кая элэгэбез була сон?

№32 (846891) / 28.07.2013 20:08:45

"җәһәннәмдә күпчелек байлар һәм хатын-кызлар булачак дигән, Аллаһның илчесе сала Алааһу гәләйһи вәссәлләм" байлары кызыксындырмый, ләкин, хатын-кызлар күпчелек була икән, җәннәтләренең, андагы икуственный хур кызлары белән, кирәге юк, мин дә җәһәннәмгә керәм! Җитмәсә, тәквәләрнең барысы да төскеләр, ә шаян-күңеллеләрне, тәмугъ кисәве, диләр. Шулай булгач, җәһәннәмдә отличный компания җыела икән. Җәннәткә эләгүчеләрне, тезләнеп сорасалар да, җәһәннәмгә кабул итмәбез.)))

№31 (846890) / 28.07.2013 20:03:45

җәһәннәмдә күпчелек байлар һәм хатын-кызлар булачак дигән, ))

Бу,димэк безнен тирэгэ кереп йорергэ туры килэчэк икэн эле,сина да!

№30 (846888) / 28.07.2013 19:59:27

“Әгәр хатын-кыз гаепле икән, аннан гафу үтен”, дигән җөмлә искиткеч көчле әйтелгән.

Мәкаләдә асылда сәвит чоры катыннары сурәтләнелә.

Мәкалә көчле. Әмма лояльлек, тартылу булса да дине белән аз кызыксына Рөстәм әфәнде.

Нишлисең, җитешле тормыш шулай итә.

Җәннәттә күбрәк фәкыйрьләр, җәһәннәмдә күпчелек байлар һәм хатын-кызлар булачак дигән, Аллаһның илчесе сала Алааһу гәләйһи вәссәлләм.

№29 (846869) / 28.07.2013 18:08:29

Конечно, бик яшь булмасам да, минем фигурам да, башка урыным да яшьләрнекеннән ким түгел, берәр заман үзеңә "В Контакте"дагы адресымны бирермен.

№28 (846864) / 28.07.2013 17:34:28

тукран син дэ бик яшь тугел бугай инде,может син постельдэ бик яман яшьтер,тикшереп карыйсы булыр.

№27 (846861) / 28.07.2013 17:28:31

Интернетка, "В Контакте" га, яисә башка шундый сайтларга фотографияңне куй, эзләп тә йөрисең юк, үзләре предлагать итә башлаячаклар.

№26 (846857) / 28.07.2013 17:18:07

Ничек кияугэ чыгарга?-ойрэтегез эле мине дэ.

№25 (846694) / 26.07.2013 18:27:31

Бөрчә, бәлки үзең карт булганга бик чибәр кызларга исең китмидер, ә егетләр бик чибәр кызларны яраталар, аларга кәртинкәгә караган кебек карыйлар, ә өйләнә алсалар,"минем хатын матурмы!" дип бер-берсенә мактанып йөриләр.

№24 (846692) / 26.07.2013 18:21:57

Монда да хатын-кыз гаепли хатыншалар.

№23 (846640) / 26.07.2013 11:15:57

Интересный срач здесь

№22 (846634) / 26.07.2013 09:46:08

Борчэ, дорес сулисен)))

№21 (846571) / 25.07.2013 19:28:57

Күпчелек кызларга бит аларга "денег мешок и кое- что до кешок" булган егетләр кирәк. Шулай сайлана торгач шымытырның иң зурысын тотып, ялгыз калалар. Соңыннан авыл гыйбатыда ярый да, "авыл гыйбатлары" да ахмак түгел, акны карадан аера белә. Артык чибәрләргә бик ушы китми авыл егетләренең. Аларга донҗа көтешердәй төпле кызлар кирәк. (хатының артык чибәр булса, баҗайлар күбәеп китүчән була)

№20 (846565) / 25.07.2013 18:41:07

Байга_бай,фәкиргә-фәкир бар була

№19 (846562) / 25.07.2013 18:12:48

Бар да бар, дорес эйтэсен, кызлар эллэ нинди китте хэзер, артык акыллыга кыланалар. Минем карт эбием исэн булып, бугенге мэхшэрне курсэ - "вэйт, матрипиздалар" дип эйтер иде))) Урыны жэннэттэ булсын.

№18 (846561) / 25.07.2013 18:08:30

Тукран, ялгышма, син сойлэгэн чак - социализм чоры буларак тарихта калган. Хэтерем ялгышмаса, ул чакта шырпы да 1 тиен торган. Аерманы сизэсенме?))

№17 (846560) / 25.07.2013 18:03:34

Бай егетләр гадәттә "мин мин микән, мин кем микән" дип масает йөриләр, аларга тыйнак кызлар кирәкми, аларга гламур кирәк. Мин машиналарның маркаларын аермыйм, безнең шәһәрдә берәр "Мерседес" бар микән, бәлки юктыр да. Кызлар бай егет эзли дигән сүз дэ дорес тугел, безнең заманда байлык тикшерү юк иде, егетләр-кызлар шәһәрдә общеңитиедә торып, бернәрсәләре булмаган килеш өйләнешәләр иде.

№16 (846559) / 25.07.2013 17:46:10

Тегеләй дә, болай да. Но Мин дигән кеше фикере белән килешәм, шәхсән үземнең хәзерге кызларның артык кәпрәеп, масаеп йөри торган "акыллыларын" күреп кайберсенэ ат кендеге белэн кереп чыгасы килеп китә үзе.-Әйе, алар тәмәке дә тартмыйлар, аракы-сыра да эчмиләр, тик егетләргә таләпләре, Ходаем, Алла сакласын...Аларның барлык таләбен үтәсәң - башың гомерлек кредит кабаласыннан чыкмас кебек күренә.Үзләрен әллә кемгә санап масаеп йөриләр. Күптән аңларга вакыт: бай егетләрнең аларның күптән үз ишләре - бай егетләре була. Тәмәке тартмау, сыра-аракы эчмэу - хатын-кыз өчен яхшы әйбер, сүз дә юк, тик ул өстенлекнең дә югары чиге бай кияү көтү түгелдер бит?

№15 (846558) / 25.07.2013 17:42:44

Кунаев кемгэ өйләнгән соң инде, марҗагамы,татаргамы?

№14 (846557) / 25.07.2013 17:38:06

татар кызлары кайсы халык вәкиленә кияүгә чыксалар, шуңа артык тугрылык күрсәтә
-----
Унлапны саный алам. Ил башы дәрәҗәсенә менгән, Татар кызына өйләнгән Урта Азия ир-егетләрен.Кунаевтан башлап Атамбаев белән бетереп.Чынгыз Айтматов та шунда ук.
Марҗага өйләнмәсә,денен сатмаса,татарга тәтеми ул постлар.

№13 (846555) / 25.07.2013 17:30:39

Мин!

Нигә аның янына килергә куркалар соң егетләр,җитмәсә уңган да булгач? Бәлки артык акыллы күренәдер? Егет кеше,служанка гына эзләгән очракта,я исә кайнанага килен кирәккә генә берәр кеше белән таныштырырга була әлбәттә.

№12 (846553) / 25.07.2013 17:25:48

Килешмим,тегеләре дә болары да чыга кияүгә.
Иш ишен таба тора.
Акыллы уңган хатыннарга да мөгезне яхшы куялар Тукран. Мондагы бер абый хатыны язмышын кара. 40тан соң рәте китте дигән бит!Тэк чту.. Аннан килеп, кайчандыр төнге клубларга йөреп тә,соңыннан яхшы тормыш алып бара торган хатын-кызлар барлыгын беләм. Бетләре котырганда сикерделәр,хәзер тынычландылар бала табып мәшәкатькә күмелгәч. Инсафлы,егетләр кулын тотып карамаган көенчә кияүгә чыгучылар да ирләрен мөгезлиләр. Дөнья булгач,барсы да бар.

№11 (846551) / 25.07.2013 17:16:54

Тукран, унган, тыйнак, аз сузле кызларга аларга жаным ак мерседеста йоруче чибэр егетлэр кирэк шул - аз сузле, унган-булган, тырыш булса да - узе ЭЛЕКТРИЧКАДА гына йорсэ дэ, фэкать машиналы-квартиралы егеткэ генэ кияугэ чыгам, яисэ гомумэн кияугэ чыкмыйм дигэн установка белэн яшилэр... Бер суз белэн эйткэндэ, идеаль образ эзли-эзли,гади, байлыгы булмаган егетлэрне читкэ этэреп, ялгыз да калалар... Бигайбэ,узлэре сайлаган язмыш. Тормыштан примирларым мульун.

№10 (846550) / 25.07.2013 17:14:30

Хатын-кызның язмышы,һаман да ирләр кулында кала бирә.Гел шулай булды.Ирләр шовинизмы бөтен җирдә.
Инякинага килгәндә, әгәр дә бай ире я сөяркәсе булса,тарала торган ләгәнне алмас иде. Аңа әзерне,алып биргән булырлар иде.

Ул бит, балаларын ашатыр өчен алган аны. Тик техниканы караган ирләр корабның төзекләндереп булмаслыгын аңлатып тормаганнар. Аларга да акча кирәк бит!
Билгеле инде Антонов дигән адәмгә берни дә булмас.

№9 (846548) / 25.07.2013 17:08:38

Уңган, тыйнак, аз сүзле кызлар янына егетләр якын да килдми шул, аларга ярым-шәрә, төнге клубта типтерә торган, эчүче, тәмәке тартучы кызлар охшый, чөнки аларның җенси феромоннары күп була, шуңа алданып, балга җыелган чебен кебек, бөтен ирләр дә алар тирәсендә бөтерелә. Күбесе шундыйларга өйләнеп гомер буе "мөгезле" булып йөриләр. Андый хатыннар йорт карау, ашарга пешерү турында уйламыйлар да, күңел ачырга гына булсын, зато ирләре канәгать.

№8 (846544) / 25.07.2013 16:34:10

"Үз йортының имамы булырга тиеш ир-атның үз вазыйфасын үтәмәве өчен хатын-кызны гаепләү мантыйк киртәсенә сыймый."
Менә шулай ул, җанкисәкләрем, хатын-кыз итәге астына качу дип атала ул. Көчсезлек бервакытта да ир-атны бизәмәде. Әгәр чиркәүдә җырлаганнар һәм булгария өчен җаваплы ир җенесеннән булган булса,тавыш-гауга ул кадәр көчле дә булмас иде. Имынны хатын-кыз булганнары өчен җәзага тартылдылар да ич инде. Әлбәттә, моны мәни анасы да да белә.
Чындыр, Илаһым, автор бик әһәмиятле проблема күтәргән. Хатын-кызларның язмышы сөлектәй көчле ир-атлар кулында икән, димәк, Исламда беренче өч урынны биләгән Бөек Ана ихластан кичекмәс ярдәмгә мохтаҗ или ир-атның Ана урынын яуларга маташуын аның түбәнгә тәгәрәве дип аңларга кала. ))))))))))

№7 (846543) / 25.07.2013 16:17:31

Бибинур, элдем дисен - хочу познакомиться с приятной женщиной до 48 лет дигэн убъявление синеке мениинде?)) - анын монда куелу тарихы гына нигэдер искерэк - 24.06.2013 ди...

№6 (846540) / 25.07.2013 16:04:16

Элдем. Ник берсе шалтыратсын.Юк инде.Булмый инде,булмагач.Сабаларда тумагач.

№5 (846536) / 25.07.2013 15:46:51

Бибинур, сон бит зрэгэ генэ М.РУда "Тин ярымны эзлим" сэхифэсе эшлэмидер-белдеру элеп кара хич булмаса. Бер дигэннэре, монарчы тошенэ тугел, оненэ дэ кермэгэн тин ярлар табылыр)))

№4 (846535) / 25.07.2013 15:46:17

Бибинур,хэзер инет аша да танышалар бит, торле юлларын эзлэп карарга кирэк, ниятенэ керсэн табарсын, тик ялгыз кала курмэ.

№3 (846533) / 25.07.2013 15:35:16

Булырга тиеш икэнен мэни анасыда белэ.Юк бит.Каян алырга.

№2 (846532) / 25.07.2013 15:35:15

Булырга тиеш икэнен мэни анасыда белэ.Юк бит.Каян алырга.

№1 (846530) / 25.07.2013 15:18:50

Мач эйткэн инде, зур кызларнын барысынын да егетлэре булырга тиеш))))

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar