Тавыш-гаугалы “Дөнья яратылуы” рок-фестивале бүтән үткәрелмәскә дә мөмкин (ФОТО)

Музыкант Андрей Макаревич бүген Казаннан әнә шундый шик калдырып китте. Берничә ел рәттән рок-фестиваль Татарстан башкаласында уздырылганнан соң, былтыр аны Пермь шәһәренә күчергәннәр. “Бу хакта без ике ай алдан гына белдек. Пермь тамашачысы исә музыкаль чаралардан арыган, анда “Дөнья яратылуы” Казандагы кебек уңыш казанмады. Шуңа күрә быел без аны үткәреп тә тормыйбыз”, - диде Андрей Макаревич.

Фестиваль киләсе елда Казанда булачакмы соң, дигән сорауга ул “юктыр” дип җавап кайтарды. “Чарага ел буе акча эзләү ул – бик авыр, рәхмәтсез хезмәт. Фестиваль үткәрүгә киткән вакытны мин нәтиҗәлерәк, әйтик музыкаль иҗат белән шөгыльләнеп үткәрә ала идем”, - дигән зарын да белдерде фестиваль президенты, дип яза kazanfirst.ru.

Билгеле булганча, Казанда да “Дөнья яратылуы” рок-фестивале бар кешедә дә хуплау тапмады. Төгәлрәк әйткәндә, милли зыялыларның һәм җәмәгатьчелекнең бер өлеше аның Колшәриф мәчете каршында оештырылуына катгый ризасызлык белдергәннәр иде. 

1

2