• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
31.05.2013 Җәмгыять

Соң булса да... (Гимн сүзләре рәсми рәвештә кабул ителгәч кенә, Рамазан Байтимеровның китабын чыгаралар)

Бервакыт җырчы Салаватның “Ак барс” матчы алдыннан Татарстан гимнына кушылып җырлаганын телевизордан күрсәттеләр. Шунда күпләр: “Нәрсә җырлый бу, гимнның сүзләре юк бит”, – дип шаккаткан. Ә бит без Рамазан Байтимеров шигыренә Рөстәм Яхин көй язган “Туган ягым” җырын яттан белә идек. Чөнки ул һәр мәктәпнең элмә тактасында шигырь юллары нотасы белән әллә каян балкып тора иде.

Гимн шаукымы

1970 елда патриотик җырлар бәйгесендә “Туган ягым” җыры иң уңышлы җыр дип таныла. Аннан инде Татарстан гимны буларак яңгырый башлый. Әмма соңрак моның сүзләре туры килми дип, гимнны шигъри юллардан мәх­рүм итәләр. “Тәфтиләү”не гимн итәргә кирәк дигән фикер­ләр дә яңгырый. Менә шулай Татарстан гимны сүзсез генә шактый еллар “гомер кичерә”.

“Туган ягым” җырының язмышы Рамазан Байтимеровның кызы Гөлшат ханымга тынгы бирми. Бу хакта матбугат битләрендә күп кенә мәкаләләр белән чыгыш ясый ул. “Танылган композиторыбыз Рөстәм Яхин әтинең ши­гырьләренә бик теләп һәм рухланып көй язуын әйткән, – ди Гөлшат Байтимерова. – Аның шигырьләре беренче сүздән үк җәлеп итте, дигән. Шулай булмаса, Рөстәм ага көйләренә “Җиңү җыры”, “Йөрәк­ләрдән мәңге китмәс”, “Йөрәк җыры”, “Иген­че”, “Романтика”, “Әнкәй”, “Каен суы”, “Төнбоек”, “Шәһәрләрнең гүзәле син” дигән җырлар туар идемени?!”

“Туган ягым” җырының язмышы, чыннан да, сикәлтәле була. Гимн сүзләренә бәйге игълан итәргә кирәк, дип республикадагы каләм ияләренә мөрәҗәгать итү Гөлшат ханымның күңеленә тагын тынгылык бирми. Ничек инде Рөстәм Яхин, Рамазан Байтимеров шигырен укып, рухланып язылган “Туган ягым” җырына башка сүзләр язылырга тиеш, дип уйлый ул. Тагын “һөҗүм”гә күчә.

Гимн сүзләренә бәйге игълан иткән төркем, шактый гына бә­хәсләшкәннән соң, Рамазан Бай­тимеровның шигъри юлларын калдырырга кирәк дип таба. Әмма Гөлшат апа барыбер тынычланмый әле.

– Дөрес, гимн сүзе үзгәрде, әмма аны Рамазан Байтмеровныкы түгел, дип әйтү бернинди дә кысаларга сыймый, – ди Гөлшат ханым. – Әтинең шигырьләре туп­ланган архивын күтәреп, шагыйрь Гәрәй Рәхимгә алып килдем. Без икәүләп аның белән җыр сүзләре эзләдек. Гимнның сүзләре әтинең төрле шигъри юлларыннан алынган. Гәрәй Рә­хим аны камилләштерде, әл­бәттә. Шулай ук Роберт Миңнул­лин да үзгәртмәләр кертте. Әмма аны Рамазан Байтимеровныкы түгел дип кырт кистереп әйтү бөтенләй дөреслеккә туры килми.

Үлгән шагыйрь шигырь яза аламы, дигән сорау күпләргә тынгылык бирмидер, бәлки. Моннан да шәбрәк шигырь яза алыр идем, дип уйлаучылар да юк түгел. Әлбәттә, бездә талантлы әдипләр бик күп. Әмма Рамазан Байтимеров белән кулга-кул тотынып эшләгән Рөстәм Яхин үзе исән булса, әлеге үзгәреш белән килешер идеме?

Шәхес кадере

Әтисенең иҗатына тугрылыгы, кечкенәдән гаиләдә сең­дергән туры сүзлелеге әнә шул бәхәс­ләргә нокта куйгандыр, мөгаен. Ә бит заманында Рамазан Байтимеровка шактый гына кыйналырга туры килә. 38 яшен­дә инфаркт ала ул. Ә икенче йөрәк өянәгеннән соң бөтенләй якты дөньядан китеп бара. Моның сәбәбе нәкъ менә иҗатка, кеше кадеренең бер ти­енгә дә тормавына бәйле.

“Казан, Казан... Сөендергән дә, кайчагында көендергән дә ул шагыйрьне. Зур журналларда, аб­руй­лы газеталарда шигырь­ләре басылган, радио-телеви­дение аша бөтен республикага җырла­ры яңгыраган, – ди язучы Рәмзия Габделхакова. – Казанда ул гомер буе аралашып яшәрлек ышанычлы дусларын тапкан, иҗат ке­шеләре белән аралашкан... Бу очрашулар аның күңелен баеткан, язмыш офыкларын ки­ңәйт­кән. Күп эшлә­гән, күп иҗат иткән Рамазан ага. Аның әсәр­ләренең күпмесе әле архивында саклана. Хатыны Мөнәвәрә апа 1989 елда Татарстан китап нәш­риятына илтеп тапшыра. Тик...”

“Тик китабын бастырмадылар”, – дип дәвам итә Гөлшат апа. Мөнәвәрә апа гына түгел, Рамазан Байтимеровның архивын кү­тә­реп, кызы Гөлшат ханымга да шактый гына Казан, Әлмәт юлын таптарга туры килә. Татарстан китап нәшриятына берничә тапкыр мөрәҗәгать итә ул. 90нчы елларда аның китап җыентыгы дип туп­ланган кулъязмаларын юкка чыгарган булсалар, инде яңа китапка дип әзерләнгәнен дә алырга атлыгып тормыйлар. Язучылар берлегенең дә кылын чиертеп карый Гөлшат апа. Әмма аннан да күңел җылытырлык җавап ишетә алмый. Аңа: “Ига­нәче тапсаң гына”, – дип әйтәләр. Рамазан Байтимеровка “Рухият” фондында да урын табылмый. Гөлшат апаны кире борып чыгаралар.

Әтисенең архивын күп еллар кочаклап йөри әле ул. Гимн сүз­ләрен рәсми рәвештә кабул иткән­нән соң гына Рамазан Байтимеровка яшел ут яна башлый. Күптән түгел нефтьчеләр ша­гыйрь­нең шигырьләр җыен­тыгын бастырырга дигән фи­кергә кил­гән. “Соң булса да, уң булсын. Шатлыклы күренеш бит”, – ди Гөлшат апа.

Әйе, шәхес кадеренең сукыр бер тиенгә дә тормавы утка да, суга да сала икән. Исән вакытында ук үзенә карата булган мөнә­сәбәтне тоеп, Рамазан ага эчен­нән генә сызып яшәгән. Гомер буе спорт белән шөгыль­ләнгән шагыйрь чаңгы шуганда егылсын да үлсен инде?!

– Әткәй Казан юлларында шактый йөрде. Анда очрашыр, күрешер дуслары күп иде, – ди Гөлшат апа. – Ләкин шулай да ул Казаннан арып, кәефсезләнеп кай­та иде. Аны Язучылар бер­легенә никтер алмадылар. Ул чакта сугыш ветераннары хәзер­ге кебек хөрмәттә булмаган, күрә­сең. Ә бит әткәемнең иҗаты тулаем сугыш темасы белән сугарылган. Аның күп кенә патриотик шигырьләре җырга салынган.

Тикмәгә генә Рөстәм Яхин, Сара Садыйкова, Бату Мулюков, Әнвәр Бакировлар Рамазан Байтимеров шигырьләренә дистә­ләгән җырлар иҗат иткәнмени?! “Аның иҗаты бөтенләй өйрә­нелмәгән әле”, – ди Гөлшат апа. Нәкъ менә артык ялганны кү­тәрмәгән, ике­йөзле кешеләрне сөймәгән, үткен телле, туры сүз­лелеге аркасында кыйналгандыр ул. Чөнки тәлинкә тотып йөрү­челәр күпкә рәхәтрәк яши, андыйлар дан-дәрәҗәне, шөһ­рәтне бик тиз казана. Ә Рамазан Байтимеров мондый мохиткә яраклаша алмады. 


Алсу ХӘСӘНОВА
Ватаным Татарстан
№ | 31.05.2013
Ватаным Татарстан печать

Фикерләр

Исем:
E-mail:
Текст:
 
№35 (841429) / 02.06.2013 20:27:47

Ә Сез нәрсә көткән идегез ,букинист? Язучылар Берлеге нинди оешма ул? Нинди максат һәм нинди принциплар берләштерә язучыларны бу оешмада?Совет чорында,аңлашыла, бер идеология (марксистик) һәм бер максат (коммунизм) кына бар иде.Язучыларны шул линиядә тоту өчен кирәк иде ул оешма. Бүген нинди идеологияне күздә тотып эшләргә тиеш ул ? Татарстан хакимияте-"Бердәм Рәсәй" фиркасендә тора һәм Язучылар Берлеген ,сөяк аткалап,шушы линиядән чыгармаска тырыша,әмма "урыс-татар дуслыгы" турында әкият язучылардан халык туйган,ә милләткә хезмәт итү,ягъни милли идеолгиягә-сепаратизм,национализм- терроризм тамгасы тагылган.Шуңа да бу аяк чалулар, түбәнсетүләр, кыерсытулар, мыскыллауларлы япа-ялгыз барасы юлны М.Әгъләм,Ф.Бәйрәмова кебек бик сирәкләр генә сайлый.Ә Берлеккә , димәк, бүтән максат һәм принциплылар омтыла.Максат-укылмаса да китаплар чыгарып танылу,лаек булмаса да ,исем-дәрәҗәләргә ирешү,җылырак эш урыны,квартир,дача,төрле льготалар эләктерү;
Принцип-,үҗәтлек,оятсызлык,намуссызлык.Шуңа да анда сезнең бәяләвегезчә,күпме кәнфит кәгазенә төренгән тизәк утыра.Әгәр дә алай булмаса ,Язучылар берлеге гимн бәйгесен болгаткан аферистларга үз дөрес бәясен бирер иде.Беркем эндәшмәде.Эндәшер иде дә ,Берлек булгач,авыз да бер генә шул ,ә ул авызны куйган патша гына ачтыра. Татар язучыларының үз авазы да,үз авызы да булсын өчен ,башта Татарстан Язучылар Берлеген дөресләп,Язучылар Бергәлеге дип төзәтүдән башларгадыр ,бәлки...

№34 (841427) / 02.06.2013 19:41:38

Тизәктән кәнфит ясау шушы инде ул. Посредственностьтан классик ясамакчы булалар.

№33 (841309) / 31.05.2013 22:27:24

/Гимнның көендә дә Рамазан ага рухы яши./
Р.Зарипов

Гимнның көендә, мин аңлавымча, Рөстәм Яхинның рухы яши!!!

№32 (841298) / 31.05.2013 21:28:44

Тәнькыйтче дөрес яза,

Монысы ёичшиксез афера инде!!!

№31 (841294) / 31.05.2013 21:24:55

байтимеров кызы ничек оялмыйча соңгы гимн текстын этисенеке дип саный икән?!байтимеров сүзләре белән ГӘрәй Рәхим төзәтүендәге текстны янәшә куеп карагыз сез!

№30 (841293) / 31.05.2013 21:23:37

Эхем-эхем, бу хәл афера булып чыга түгелме соң?!

№29 (841289) / 31.05.2013 21:19:21

Тәрҗемәчеләргә, тестның тәрҗемәсен саткан акчадан гонорар гына каралган бит.

№28 (841287) / 31.05.2013 21:15:05

Эхем-эхем, ә Пираевка шалканмы?

№27 (841286) / 31.05.2013 21:04:37

1 урын- "Туган ягым" шигырен өчен Рамазан Байтимировка,(приз- Гимн тексты астына автор итеп исемен язу)
2-урын-Лениногорскидагы йорт чормасыннан "Туган ягым" шигыренең гимнга яраклысын "тапкан" өчен-Байтимиров кызы Гөлшат Кушелкова,(приз-бәйгегә бирелгән акча)
3-урын-чормадан тапкан шигырьне Байтимиров тексты итеп 500 вариантта төзәткән өчен-Гәрәй Рәхим,(приз-Кушелкова приздан бүлеп биргән приз)
4-урын-Гәрәй Рәхим төзәткән шигырьне үзенчә ваткан өчен Роберт Миңнуллин,(приз- гимн текстынла "мин" сүзе)
5-урын-җырчы булмаса да ,җырлый-җырлый гимн сүзләрен көйгә килештергән өчен-Римма Ратникова (приз-җырларга өйрәнү)
үзләренә алганнар.

№26 (841284) / 31.05.2013 20:51:07

Менә ичмасам гимнга ярарлык сүзләр!

///Бу дөньялар һәрчак болай булмас,
Тормышлар да әле көйләнер.
Берәү китә, берәү килә торыр,
Ватан калыр. Ватан - Бердәнбер.///

№25 (841282) / 31.05.2013 20:46:54

Молодец, адаш, ни дисәң дә, тулысынча минем никны кабатлмагансың, сонгы хәрефне язганда, ара калдыргансың.)))

№24 (841281) / 31.05.2013 20:45:26

Гимн бәйгесендә икенче һәм өченче урыннарны кемгә бирделәр?

№23 (841280) / 31.05.2013 20:33:18

Ахырысы!
Теләсә кем алдында авыз ертучы түгел,бугай!

№22 (841279) / 31.05.2013 20:30:46

Ул Зарипов мулла кушса гына җырлыйдыр, бәлки.

№21 (841276) / 31.05.2013 20:27:12

Эйдэ Зарипов,бердэнберне сузып җиббәр әле!
Без кушылабыз!

№20 (841273) / 31.05.2013 19:52:08

1.Законны саннаучы,әбәзәтелнә акчаңны кушелогына салдырачак Кошелкова апаң.Гимн сүзләре Байтимеровныкы дип язылды ич,ә кем мирасчысы? ә бәйгегә катнашучылар шартнамәгә:"әгәр дә шигырем гимн тексты итеп алына икән,дәүләт файдасына баш тартам"-дип язганнар иде,ә комиссия бәйгене уздыртмый гына, Кошелкова претензиясе алдында капитуляция ясады. Тщк шту ,җырласаң,түләтәчәк бу апаң,түләтәчәк! Түләтә торган булып чыкты ул,Байтимировка ошап юаш тумаган.
2.Безме? Минме? Роберт Миңнуллин кая караган?-дисең. Нәкъ менә Роберт абыең керткән инде ул "мин" дә "мин"не.Юкка гына Мин-уллин түгел ич ул.

№19 (841272) / 31.05.2013 19:49:09

Флюра = Рөстәм Зарипов.

№18 (841271) / 31.05.2013 19:48:06

Роберт,
Нур-улы монда берни язмаган ич. Сагындыра башлады үзе. Кая йөри икән?

№17 (841270) / 31.05.2013 19:27:08

Нур улы! Давай бер поэма, җонны кырганчы.

№16 (841269) / 31.05.2013 19:26:57

Татар телендэ жырланган гимн астында басып торырга хурланган хоккеистлар китеп бетте инде.Музыкасы гына уйналганда тузэлэр иде эле.Эх..яратмыйлар да инде башка миллэтлэрне урыс тэрелэре.Хотя..кайбер манкорт кэмэшлэре урысыннан да уздыра-менэ шулары тагын да куркынычрак.Аллам сакласын!

№15 (841266) / 31.05.2013 19:17:26

Флюра, җоныңны кыр, җәме!

№14 (841265) / 31.05.2013 19:12:37

Флюра, кем ул Блученый?

№13 (841263) / 31.05.2013 18:54:05

Әтисе дә, кызы дә ситаусияне искә алып ике төрле психологик тәэсир ясап эш иткәннәр:
1.Әләкләү, гауга күтәрү белән куркыту.
2.Мескенләнү, атаклы кешеләр янында сөрпәләнү.

№12 (841260) / 31.05.2013 18:34:46

"Сандугач" язмасыннан күренгәнчә, Рөстәм Яхинны шушы Байтимеров аркасында гел кимсетеп торганнар икән. Рөстәм Яхинның рухы үпкәләмәсен инде.

№11 (841259) / 31.05.2013 18:29:01

Бу Мөгәрәй гимнында "без" дип тә, "мин" дип тә язылган. Гимн күпчелек белән башкарыла, яки "без" дип язылырга тиеш иде. Комиссия, һәм дә Роберт Миңнуллин кая караган (... "Роберт Миңнуллин да үзгәртмәләр кертте"...). Комиссиядә ахмаклар утырмый ич.

№10 (841257) / 31.05.2013 18:10:58

Лжебайтимеров сүзләре "Барс" вариантыннан урланганын исбатладылар ич инде:

"Барс" варианты

Батыр, тырыш һәм хөр ХАЛЫК йорты,
Без сөябез сине, ИЗГЕ ВАТАН!
Матурлыгың буенча дөньяда
Сиңа тиң ИЛләр юк, ТАТАРСТАН!
ЧАЛ ТАРИХың белән горурланып,
Кодрәт җыеп рухи мирастан.
Үткәннәрне барлап, алга карап
Киләчәккә атла, ТАТАРСТАН!
Тормыш дәрте, сафлык һәм яңарыш
Байрагыңда синең расланган.
Кыю, көчле булып, ак барыстай,
ГАСЫРларда ЯШӘ, ТАТАРСТАН!

http://tt.wikipedia.org/wiki/%D0%A2%D0%B0%D1%82%D0%B0%D1%80%D1%81%D1%

№9 (841254) / 31.05.2013 18:00:04

Эхем-эхем!
Әйт әле, мин гимнны җырласам, миннән акча түләттерәчәкләрмени?

№8 (841253) / 31.05.2013 17:54:12

Башкалар юк, бердәнбер ул
Татарстанның куштаны -
Үзе блоггер, үзе флюгер,
Мактап, яза хуштан ул!

№7 (841251) / 31.05.2013 17:49:51

Аның каравы,без татарлар, дөньяда гимнны приватизацияләткән бердән-бер халык!

№6 (841249) / 31.05.2013 17:48:57

///Шигырьләренә музыкалар язып, Рөстәм Яхин күп кенә шагыйрьләрне җыр иҗат итү эшенә тартты. Аны хәтта җыр шигырьләренә талымсыз дип гаепләүчеләр дә булды. Өлкән шагыйребез Сибгать ага Хәким җыелышларда, болай үзара әңгәмәләрдә, Рөстәм Яхин җыр шигырьләрен сайлаганда, талымсызлык күрсәтә, шигъри эшләнеше йомшак сүзләргә җыр яза дигән кебегрәк фикерләр әйтә иде. Рөстәм Яхинның Рамазан Байтимеров сүзләренә язган җырларын мисал итеп китерә иде. Бу сүзләрдә хаклык та булгандыр. Матур-матур җырлары булса да, Рамазан Байтимеровның шигъри эшләнеше югары булмаган сүзләргә язылган җырлары бар иде.///
Г.Зәйнашева истәлекләреннән

http://kitaphane.tatarstan.ru/tat/yakhin/zainasheva.htm

№5 (841237) / 31.05.2013 16:28:21

Татарстан гимнына бәйге игълан итү кирәкле гамәл диючеләр дә,каршы килүчеләр дә булгандыр,әмма бәйгедән шушындый шамакайлык ясап дәүләт гимнының дәрәҗәсен төшерү вакытлар үткәч үзенең бәясен алыр һәм лжебайтимеров тесты гимн тексты булудан туктаячагына шигем юк.

№4 (841236) / 31.05.2013 16:21:51

Китапның беренче битенә Байтимеровның "Туган ягым" шигырен һәм янәшә Гәрәй тәрҗемәсен кую мәслихәт булыр иде.Бигрәкләр дә уңышлы чыккан бит.

№3 (841232) / 31.05.2013 14:32:06

Малаховның "Пусть говорят"ында чиста суга чыгарырга җыенысын.

№2 (841230) / 31.05.2013 12:29:30

Тик Голшат ханымнын фамилиясе Байтимерова тугел бит хэзер, Кушилкова.

№1 (841228) / 31.05.2013 11:59:07

Гөлшат ханымны ихлас күңелдән җиңүе белән котлыйм.Гимнның көендә дә Рамазан ага рухы яши.
http://rustemzaripov.blogspot.ru/2013/03/blog-post_9.html

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar