• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
17.05.2013 Бәйрәм

95 еллык юбилейга "Ватаным Татарстан"лылар эстрада йолдызлары белән дуэтлар башкарды (АУДИО)

Каушыйбыз, дулкынланабыз. Шулай булмыйни, Татарстан халык артистлары, эстраданың танылган җырчылары белән студиядә җыр яздырып кара әле? “Ватаным Татарстан” газетасының 95 еллык юбилеенда журналистлар һөнәр алыштырырга булды. Тәвәккәлләдек тә, студиядә танылган җырчылар белән җыр яздырып, “Йолдызлар ышыгында” дип аталган проект эшләргә карар кылдык. Ходай рәхмәте, булып чыкты кебек. Ниһаять, җыр җыентыгыбыз дөнья күрде. Без аны сату өчен түгел, ә үзебезгә, иң актив һәм тугры укучыларыбызга, редакция дусларына истәлеккә дип әзерләдек.

“Әртистләнү” җиңел түгел икән ул. Яшь чагыннан ук җырчылар белән гастрольләрдә йөргән Риман Гыйлемханов та югалып калды хәтта. Редакция коридорларында җырның ике сүзен генә әйтеп көйләп йөргән журналистыбыз Римма Ибраһимова белән дуэт җырларга дип карар кылгач та, җыр сүзләрен истә калдыра алмый интекте. Ахыр чиктә барыбер: “Студиядә мине күрмиләр”, - дип кәгазьдән карап җырлады. Озак еллар Сара Садыйкова хорында йөреп шомарган, чая мишәр кызы Миләүшә Исмәгыйлева да микрофон каршына килеп баскач, беразга каушап калган иде. “Эстраданың иң чибәр егете белән җырлап кара әле син?!” – диде ул. Рөстәм Асаев турында әйтүе иде. Рим Хәсәнов көенә Наҗар Нәҗми иҗат иткән “Кышкы романс” җыры дуэтка, Миләүшә апа әйтешли, “мач килде”. “Бу җырның иң популяр вакыты безнең яшьлеккә туры килде бит, - диде ул. - Көне-төне шуны җырлый идек. Хорда йөргән вакытлар искә төште”.

– Миңа бу проект ошады, һөнәр алыштырулар кирәк ул, - ди Рөстәм җырчы Асаев. – Журналистларның җырчыларның эчке кухнясын белүе бик кирәк. Читтән генә карап тору бик җиңел бит ул. Күпләр: “Әй, моның кебек мин дә җырлый беләм бит”, - дип әйтергә ярата. Ә монда журналистлар күз уңында торган җырчылар урынына үзләрен куеп карады, алар роленә керде. Һәм моның белән җырчы һөнәренең никадәр җаваплы икәнен аңлады”.

Чыннан да, студиядә җыр башкару, тавышны уйнатмыйча, тигез генә җырлау өчен шомару, дөресрәге, репетиция таләп итте. Аранжировщик егет: “Башта куркуыгызны алырга кирәк”, - дип әйткәч, мин тагын да сискәнеп киттем. Каушаган килеш җыр башкарып булмаячагын аннан гына аңладым.

Ә Камил Сәгъдәтшин тамчы да каушамаган икән. “Үзем язган шигырьгә җыр башкару, аны йөрәгең аша үткәрү – шулкадәр күңелне тетрәндерде, - диде ул. – Миңа шулкадәр ошады. Әллә җырчы гына булып китимме икән?!”

Дуэтка Зөһрә Шәрифуллинаны сайлавы да очраклы гына түгел. Чөнки Камил абый язган шигырьләргә иҗат ителгән җырлар җырчының репертуарында шактый икән.

Илнар Хөснуллин белән Айгөл Сагынбаева пары да күңелләргә хуш килерлек. “Бервакыт телевидениедә җитәкчеләр һәм җырчылар дуэтларыннан торган үзгә проект барлыкка килде. Үземнең дә шунда катнашу теләге туган иде, - ди Илнар. - Тели белеп теләсәң - теләк, теләмәсәң – имгәк, диләрме әле?! Хәзер инде үзебез шул проектны тормышка ашырдык. Газетаның 95 еллыгына җырчылар белән бергәләп җырлаган булсак, “Ватаным Татарстан”ның 100 еллыгына клип та төшерербез, бәлки”.

Журналистлар шулкадәр азартка кереп китте ки, аларның башларында әллә нинди теләкләр пәйда булды, күңелләре шулкадәр үсенеп китте. Һәркем үз хыял-теләкәре белән уртаклашып ашыкты. Риман Гыйлемхановның шулкадәр яшьлек хисләре яңарган. Ул хәтта редакциядәге хезмәткәрләрнең үзләренең студиядә җырлатып, җыр җыентыгы чыгарырга һәм районнар буйлап концетлар куярга хыяллана. “Журналистлык һөнәрен ташлыйк. Хәзер бит бераз гына мыгырдап куючылар да рәхәтләнеп акча эшли. Син бит әле баянда да шәп кенә сыздырасың. Музыкант эзләп аптырыйсы да юк”, - дип шаяртам Риман абыйга.

Ә ул чынлап торып сөйли. “Бу концерт кына түгел, ә район, авыл халкы, ягъни укучыларыбыз белән дә аралашу булыр иде”, - ди. Журналистлар гына түгел, газетага килгән мәкаләләрне, хатларны компьютерда җыючы Фәнисә Хәйретдинованың да хыялы тормышка ашкан. Яраткан җырчысы Нәфкать Нигъмәтуллин белән җырларга хыялланган булган ул. “Аның репертуарындагы җырларның барысын да яратам. Моңа кадәр өйдә көйләп кенә йөргән булсам, үзе белән студиядә дә җырларга туры килде”, - ди.

“Йолдызлар ышыгында” проектында газетабызның баш мөхәррире Миңназыйм Сәфәровның катнашуы күпләргә сюрприз булачак. Җыр-моңга гашыйк редактор редакциядә иңгә-иң терәп эшләгән хезмәткәрләре белән шундый җыентык чыгаруыннан шулкадәр канәгать иде. “Редакциядәге мәҗлесләрдә журналистларның һәвәслекләрен белә идем, - ди ул. – Аннан җырчылар һәрдаим чараларыбызга килеп, үзләренең җырлары белән сөендереп китәләр. Шуңа күрә бу проектка без әкренләп килдек. Җыентыктагы җырларны тыңлаганда, карале, Миләүшә, Риман, Фәнисә, Алсу, Илнарлар сәхнә тотса, алардан нинди җырчылар чыгар икән, дип уйлап утырдым. Табигый талантлар бит! Аннан үзең студиядә җырлагач, бүгенге җырчыларга булган мөнәсәбәтне чынлап торып аңлый башлыйсың икән. Яңа гына сәхнәгә аякка баскан яшь талантларга каты бәрелергә кирәк түгел икәненә төшенәсең, җырчы булам дип кенә җырчы булып булмаячагына инанасың. Әлеге проект кызык өчен дә, кемнәрнедер уздыру өчен дә эшләнмәде. Шуңа күрә “Йолдызлар ышыгында” дип атала да ул. Аларның ышыкларына гына ышыкланып җырладык. Бу үзенә күрә һөнәребезнең дәвамы кебек, мәкаләләребез, язмаларыбыз кебек ихлас булды дип уйлыйм”. Җыр җыентыгы нәкъ менә Миңназыйм Сәфәров белән Алсу Әбелханованың “Сорамагыз хәлләремне” җыры белән башланып китә.

Җыр сайлау һәм аны парыңның тавышына туры китерү иң авыры булгандыр, мөгаен. Студиягә барып җыр яздырганчы, аранжировщик ярдәме белән әнә шул процессны үттек. Зөһрә Сәхәбиева белән дуэт җырлавыбыз да очраклы түгел. Хәйдәр абый белән аларның җыр җыентыклары өстәлемнең түрендә тора. Гаҗәеп талантлы, югары зәвыклы җырчылар. Аларны тыңлаган саен шуңа тагын да күбрәк инанасың, милли, професиональ сәнгать нәкъ менә шулай булырга тиеш дигән нәтиҗәгә киләсең. Баштарак, Зөһрә апага: “Ике хатын-кызның дуэты сәеррәк булмасмы?” - дигән сорау биргән идем. Ул тыйнак кына елмайды да. “Әгәр тавышың туры килеп, шәп җыр сайлыйсың икән, нишләп җырламаска?” - диде ул. Берничә җырга тукталганнан соң, Зөһрә апаның репертуарын бизи торган “Яшьлегем хисләре”н сайларга булдык. “Минем яшьлегем син булырсың”, - диде ул елмаеп.

Бүген “Ватаным Татарстан”ның юбилей кичәсе. Инде тагын бер серне ачарга ярый. Кайбер дуэтлар бүгенге бәйрәмдә дә яңгыраячак хәтта. Студиядә җыр яздыру каушаткан булса, сәхнәгә чыгу икеләтә дулкынландыра. Аллага тапшырдык!

P.S. Безнең “иҗат җимешләребезне” бүген үк vatantat.ru “Ватаным Татарстан” сайтында (“Видеохәбәр” бүлеге) яки youtube.com сайтының vatantat каналында тыңлый аласыз.

 

Җыентыкка нинди җырлар керде?
1. Рөстәм Асаев – Миләүшә Исмәгыйлева “Кышкы романс”
2. Нәфкать Нигъмәтуллин – Фәнисә Хәйретдинова “Сандугач моңы”
3.  Алсу Әбелханова – Миңназыйм Сәфәров “Сорама хәлләремне”
4. Айгөл Сагынбаева – Илнар Хөснуллин “Эзләмә син кабат очрашулар”
5. Римма Ибраһимова – Риман Гыйлемханов “Әллә нигә сине яратам”
6. Зөһрә Шәрифуллина – Камил Сәгъдәтшин “Яшик әле сөенеп”
7. Зөһрә Сәхәбиева – Алсу Хәсәнова “Яшьлегем хисләре”

Кайбер дуэтлар:

Алсу Әбелханова - Миңназыйм Сәфәров "Сорама хәлләремне": 

Зөһрә Шәрифуллина - Камил Сәгъдәтшин "Яшик әле сөенеп":

Зөһрә Сәхәбиева - Алсу Хәсәнова "Яшьлегем хисләре": 

Римма Ибраhимова - Риман Гыйлемханов  "Әллә нигэ сине яратам": 


---
Ватаным Татарстан
№ --- | 17.05.2013
Ватаным Татарстан печать

Фикерләр

Исем:
E-mail:
Текст:
 
№12 (841067) / 28.05.2013 21:44:41

Мин дљ гомер буе газетада эшлљдем, ќырларга да бик яратам. Сезнећ дуэтларны яратып тыћладым.Рљхмђт сезгђ, "Ватаным Татарстан" газетасы журналистлары! Ђйбђт, кызыклы проект уйлап тапкансыз!

№11 (840826) / 25.05.2013 11:19:35

"Ватаным Татарстан" газетасы хезмәткәрләре юбилейларына шундый зур бүләк әзерләгәннәр.Бу бик куанычлы хәл.Мин алар яздырган җырларның (дуэтларны)барысын да тыңладым.Алар һәммесе дә үзенчә матур.Аларга киләчәктә яңа иҗади үрләр, сәламәтлек, бәхет, иминлек телим!

№10 (840510) / 21.05.2013 13:23:49

Барысы да эйбэт булган. Чын профессиональлэр кебек. Алсунын да тавышы чиста, Минназыйм да эйбэт жырлаган. Сокландым.Бэйрэмегез белэн. Бу бик узенчэлекле проект булган

№9 (840466) / 20.05.2013 20:13:33

римма белэн риманга

№8 (840462) / 20.05.2013 19:17:34

Римма белэн Риманга чыннан да 5ле. Сэхэбиева б-н Алсуга 3 ле.
Минназыйм белэн Алсуга 4ле

Жэмэгэть! Сайтыгызны башлагансыз да ташлагансыз! Булдыра алмагач тотынмаска иде. Элеккесенэ ни булган иде сон?

№7 (840303) / 18.05.2013 09:24:31

Укучы - дорес эйттен.

№6 (840277) / 17.05.2013 21:15:35

Әллә җырчы гына булып китимме икән?!”
---
Шаяртып та әйтә торган сүз түгел,Камил.
Бернинди музыкаль белем алмаган,әрсезлегеннән башка чурты да булмаганнар белән тулган сәхнә.

№5 (840269) / 17.05.2013 19:41:13

бэйрэмегез белэн молодцы барыгызга да 5ле

№4 (840254) / 17.05.2013 17:09:52

Риман-Риммага да 5ле куям!

№3 (840252) / 17.05.2013 17:07:08

Зөһрә-Алсу дуэты,очень даже ничава!

Әз генә синхронность җитеп бетми,ну нишлисең, андый таләпләр куеп булмый Алсуга. Җитмәсә,вакыты бик кыска булса!

№2 (840239) / 17.05.2013 14:27:38

Молодцы. Бәйрәмегез белән!

№1 (840229) / 17.05.2013 10:57:08

язмагыз сез. жырлагыз гына. жырлагыз. язмагыз гына ярыймы. Жырлагыз яхшырак получается

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar