• 17.04 Премьера! "Ак чәчәкләр кебек..." (12+), Кариев театры , 18:00
  • 24.04 Ришат Төхвәтуллин. Уникс. 17:00
  • 25.04-27.04 Алтын Казан. ТАГТОиБ им. М.Джалиля. 18:00
  • 26.04 "Печән базары" (12+), Кариев театры, 18:30
  • 27.04 "Зәйтүнәкәй" (12+), Кариев театры, 18:30
  • 06.05 "Кайнар" концерт (6+), Болгар радиосы, 18.30 сәг.
  • 15.05 Бертуган Сафроновларның фантастик тамашасы. Татнефть Арена. 14:00
Бүген кемнәр туган
  • 17 Апрель
  • Бату Мөлеков (1928-1999) - композитор
  • Продаю комнату в коммунальной квартире, которая расположена по адресу: Казань, пр-т Ибрагимова, 37. Общ. площадью 13 кв.м.На 2/5эт. Входная дверь в комнату металлическая, пластиковые окна, на полу ламинат.Кухня, туалет, душ в коридоре с отдельным входом. В квартире сделан косметический ремонт.Доброжелательные соседи. Месторасположение комнаты очень удобная , развитая инфраструктура, всё в шаговой доступности(магазины,школы,аптеки). Во дворе детские сады, детская площадка, парковка своя. Отличная транспортная развязка, откуда можно добраться до любой точки Казани. Метро "Яшьлек" в 5 минутах пешим ходом. Автобусная остановка рядом. Парк Победы рядом. ТЦ Парк Хаус, Тандем, ДК Химиков, московский рынок всё в шаговой доступности.Тел.89274000105
  • Зеленодольский районы Большие кургузи 20 сутый жир арендага бирэм.шулай УК ялгыз яки Бер кызы булган моселман хатын кызы кирэк .ойдэ торырга 89600696970
  • Сниму гостинку или 1 комнатную квартиру в советском или приволжском районе,до 15т всё включено.89274234089
  • Требуются стропальщик и разнорабочий. Актаныш. Тел. 89376209888
  • Братьев Касимовых 22/7 (рынок мавлютова) адресы буенча урнашкан булмэгэ, иптэшкэ бер ир-егет кертэм. 89274433797.
  • Исэнмесез! Май башы май азакларын да 2 бэлмэле фатир снимать итер идем центр да Актаныш, семья балалар белэн. Желательно стиральная машина. Чистоту и своевременную оплату обещаем!!! 89509461699
  • Актаныш районында агач йорт сатыла. Торырлык, яхшы хәлдә. Арзан бәядән. 89372979649
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • романовский сарыклар сатыла .срочно тел 89050220598
  • Зур телевизор сатыла.Күрсәтүе яхшы.3000 сум.тел.89172337131

 
 

 
Архив
 

               

30.03.2013 Дин

Гатаулла Баязитов – Россия җәмәгатьчелегенә ислам асылын җиткерүче татар зыялысы

ХVIII гасыр ахыры – ХIХ гасыр башында татар җәмгыятендә зур үзгәрешләр була. Әлеге үзгәрешләр рухи өлкәдә дә күзәтелә. Татар укымышлылары халыкның дини белем-мәгърифәт өлкәсендәге бөтен мәнфәгатьләрен чишәр өчен тырыша башлый. Халыкның белемен күтәрү максатында алар армый-талмый укыталар, дини хезмәтләр язалар, милли газет-журналлар чыгару өчен рөхсәт алырга омтылыш ясыйлар.

Әлеге изге-игелекле эшнең башында Габденнасыйр Курсави, Габдеррәхим Утыз Имәни әл-Болгари, Каюм Насыйри, Шиһабетдин Мәрҗани һәм башкалар тора. Бу исемлекне совет власте вакытында сызып ташланган шәхесләр белән тулыландыру мөмкин. Шундый шәхесләрнең берсе – дин галиме һәм җәмәгать эшлеклесе, публицист, нәшир Гатаулла Баязитов.

Гатаулла Баязитов 1847 елда Рязань губернасының Касыйм өязендәге Төмәнсу (Темников) авылында мулла гаиләсендә туа. Башлангыч белемне шул авылда әтисе мәдрәсәсендә ала. Аннары укуын Касыйм шәһәреннән ерак булмаган Чутай авылындагы Байморат мәдрәсәсендә дәвам итә. Берничә елдан күпләргә билгеле булган Кышкар мәдрәсәсенә күчә. Казан артында урнашкан әлеге мәдрәсә (хәзер Татарстанның Арча районына карый) Г.Баязитовның үзаңы, дөньяга карашы формалашуына зур өлеш кертә. Моның нәтиҗәсендә ул татарларның дини тормышында реформалар башлаучыларның берсенә әйләнә.

Чутай авылына килеп урнашканнан соң, Гатаулла хәзрәт биредә фәлсәфә һәм логика укыта. Ләкин биредә озак эшләми, чөнки 1871 елда Петербургтан Икенче мөселман мәхәлләсен җитәкләргә чакыру ала һәм ризалаша. Г.Баязитов башкаланың иҗтимагый тормышына актив кереп китә, моның өчен урыс телен өйрәнә һәм шәһәрнең дәрәҗәле кешеләре белән аралаша. Бераз вакыт үткәннән соң, ул Балтыйк флотының хәрби ахун дәрәҗәсен ала. Ул вакытта хәрби хезмәттә, дини кешеләргә хөрмәт йөзеннән, дини йолаларны үтәү өчен мөмкинлекләр тудырыла, чөнки дин тотучы мөселманнар гадел, эш сөючән, аек булулары белән аерылып тора. Петербург хәрби гарнизонында мөәзин, мулла, ахун кебек хезмәт вазифалары була. Әлбәттә, хәрби ахун булу өчен зур белемгә һәм аерым бер әхлакый сыйфатларга ия булу сорала. Ул вакытта, сайлау аша үтеп, иң лаеклысы гына бу дәрәҗәгә ирешә ала торган була. Гатаулла Баязитовның шушы дәрәҗәле урынга сайлануы аның чынлап та бик белемле һәм Петербург мөселманнары арасында дәрәҗәле, абруйлы булуын ачык күрсәтә.

Мөселманнарның төрле өлкәләрдә актив эшчәнлек алып баруның мөһимлеген яхшы аңлап, Г.Баязитов милли һәм дини рухтагы урыс һәм татар телендә газет-журналлар чыгарырга хыяллана. Аңа кадәр бу өлкәдә рөхсәт алу өчен мөрәҗәгать итүләр күп булса да, уңай җавап алынмаган була әле. Г.Баязитов 1880 нче елларда урыс һәм татар телендә “Хәфтә” (“Атна”) исемле газет чыгару өчен рөхсәт алырга теләп мөрәҗәгать итә. Ләкин аның мөрәҗәгате дә озак еллар дәвамында җавапсыз кала. Бары тик 1905 елда гына ул “Нур” исемле газет чыгарырга рөхсәт ала, соңыннан аның нәшире һәм редакторы була. Шулай итеп, Россиядә беренче татар газеты нәшер ителә башлый. Әлеге басма битләрендә шул заманга хас бик күп актуаль мәсьәләләр күтәрелә, ләкин үзенең төп максатын мөхәррир татарларның дини-әхлакый тәрбиясенә мөмкинлектән чыгып өлеш кертүдә күрә.

Петербургта яшәгән татарларны берләштерү максатын куеп, Г.Баязитов татар телендә булган газет чыгарудан тыш, татар мөселманнары өчен рухи үзәк тә кирәк булуын аңлый һәм 1881 елда Җәмигъ мәчете төзергә рөхсәт сорап, хакимияткә мөрәҗәгать итә. Ул вакытта Петербургта татарлар саны өч меңнән артык була. Шушы мәчет төзелешенә акча җыю бөтен Россия мөселманнарының бердәм җәмгыяви хәрәкәте кузгалуына сәбәп була, чөнки Россиянең шактый күп төбәкләреннән төзелеш фондына ярдәм килә башлый.

Дин галиме буларак, Гатаулла хәзрәт Баязитов төрле дини дәреслекләр яза, ислам тәгълиматына багышланган берничә җитди китапның авторы була. Урыс телендә дә басылып чыгу сәбәпле, алар Россия күләмендә зур кызыксыну уята, илдә яшәүче урыс телле мөселманнарга һәм, гомумән, халыкка ислам дине асылы турында акыллы, саллы фикерләр ишетергә мөмкинлек тудыра. Г.Баязитовның шушы хезмәтләре бик тә уңай бәяләнә. Соңрак исә бу китаплар төрек һәм француз телләренә дә тәрҗемә ителә. Шул вакытта татар галимнәре, гадәттә, гарәп телендә генә язалар һәм аларның хезмәтләрен Россиядә татар-мөселман халкы гына укый ала. Урыс һәм француз телендә ислам турында дәреслекләр чыгу исә башка милләтләрнең дә ислам дине белән таныша алу мөмкинлеген тудыра. Шушы хезмәтләре белән Г.Баязитов җәмгыятьтә ислам турында таралган хаталы фикерләрне дә дөресләргә омтыла. Чынлап та, бу хезмәтләр ул вакытта күпләр өчен ачыш буларак кабул ителә.

Хәзрәтнең Россиядә һәм чит илдә зур кызыксыну уяткан беренче китабы – “Ислам һәм фән”. Ул Эрнст Ренан дигән француз тарихчысы һәм язучысының ислам һәм фән бер-берсенә каршы килә торган өлкәләр дип әйтүенә нигезле тәнкыйть була. Бу тема шулай ук “Ислам һәм прогресс” исемле хезмәтендә дә чагыла, биредә автор ислам дине фән үсешенә каршы түгел, ә киресенчә фәнне өйрәнергә, үстерергә өнди икәнен белдерә.

“Исламның фәнгә һәм башка дин кешеләренә мөнәсәбәте” дип исемләнгән хезмәтендә Баязитов толерантлык, ягъни башка диннәргә түземлелек хисе исламның төп принципларыннан берсе булуын дәлилли. Биредә автор ислам дине башка дин кешеләренә яхшы мөнәсәбәттә булуын һәм төрле дин әһелләре бер илдә, бер җирлектә бергәләп тыныч, тату яши алуларын ачып бирә.

Без дә бүген Гатаулла хәзрәт Баязитовның шушы юлын дәвам итеп, ислам дине артка, аска өстерәүче түгеллеген, ә киресенчә элек тә, хәзер дә фән, цивилизация үсешенә өндәүче һәм кешенең мәңгелек ахирәт тормышында гына түгел, ә бу дөньяда да бәхеткә, күркәм тормышка илтүче һәм ярдәм итүче бер тәгълимат булуын сүзебез, хезмәтебез, гамәлебез белән исбатлап күрсәтү – олуг бурычыбыз икәнлеген белергә тиешбез. 


Нәзир РӘХИМҖАНОВ
Татарстан Диния Нәзарәте
№ | 19.03.2013
Татарстан Диния Нәзарәте печать

Фикерләр

Исем:
E-mail:
Текст:
 
№15 (835094) / 03.04.2013 23:56:54

Өмөтләнмим! Синең фикер сөрешең (логикаң) бик аңлашылып бетми. “Җитәкчеләр нәрсәгә кирәк?” – дисең. Любой оешманы, нинди дә булса системаны карасак та, бөтен җирдә җитәкчеләр бар. Чыннан да, кем ничек тели, ничек мәсьәләне аңлый – шулай эш итә башласа, нәрсә була соң инде алайса? Разброд һәм неразбериха. Нигә соң әле диндә җитәкчеләр булырга тиеш түгел? Дин өлкәсендә дә динне үстерү, аны тарату, ныгыту буенча ниндидер эшләр башкарылырга тиеш. Аннары тормыш булгач,төрле шәргый мәсьәләләр гел килеп чыга бит ( уразамы, дини бәйрәмнәрме, никах-талак һ.б.)гади мөселманнар барысын белеп бетермәскә, аңламаска да мөмкин. Кайчакта мөселманнарга бергә җыелып сөйләшәсе, нәрсәдер обсуждать итәсе була и т.д. Җитәкчелек, һичшиксез, кирәк.
Мөхәммәд пәйгамбәр (с.) бер хәдисендә әйтә: “Әгәр нинди дә булса җәмәгатьнең әмире булмаса, шул җәмәгатьнең әмире шайтан булыр”. Пәйгамбәребез (с.) хәтта ике сәхәбәне сәфәргә җибәрә торган булса, берсен “син әмир булырсың” дип озатып җибәргән. Шуңа күрә мәхәлләдә әмир – ул имам (мулла). Нинди дә булса регионда яшәүче мөселманнарны да ничектер организовать итәргә кирәк бит инде, шуның өчен шул регионда яшәүче имамнарны җыеп, общий проблемнарны сөйләшергә, алар белән җитәкчелек итәргә кирәк. Мөфтиятнең төп бурычы, кирәклеге шуннан гыйбәрәт. Мөфтине сайлар өчен һәр авылның һәр мөселманы барып катнашу мәҗбүри түгел, бәлки, мөмкин дә түгел. Мәхәлләләрнең имамнары җыелып хәл итсә дә җитә, чөнки имам мәхәлләнең фикерен чагылдыра. Ә без, гади мөселманнар җитәкчебезне, һичшиксез, белергә, ә иң мөһиме – аңа итагать итәргә тиеш. Чөнки бу хакта Аллаһы Тәгалә Коръәндә боерык бирә: “Буйсыныгыз Аллаһка, Аның рәсүленә һәм арагыздан җитәкче итеп куелганнарга” (“Ниса” сүрәсе, 59 аять). Димәк, җитәкчене танып аңа итагать итәсең икән, Аллаһның әлеге боерыгын үтәгән буласың. Юк икән, димәк, Аллаһка түгел – шайтанга итагать итәсең (өстәге хәдисне кара).

№14 (835007) / 03.04.2013 11:29:42

Өмет.
хәр мәхәлләнең үз уставы!!
\\дин җитәкчеләре \\ - кемнәр алар? мин аларны сайламадым,даҗе мин аларны белгәнем дә күргәнем дә юк!
мин үзебезнең муллабызны беләм. мин сайлауда катнаштым. гаделлеген беләм,карак түгел,чын күңленнән эшләп йерүче кеше.
мөфтиәттә минем ни эшем бар?
гасырлар буе эшләп килгән бер мөфтиәт (Уфада) бар иде. ул мөфтиәт мәхәллә эшләренә тыкшынмады. китаплар бастырып таратты,дини тәкуим чыгарды. и все!
нинди приказ чыгара,кемгә кирәк ул приказлар? мөселманнарның яшәү кагйдәләре Коръәндә язылган! Янә приказлар кемгә кирәк? аңламыйм.
мөфтиәтнең ни эше бар,янәнәсе Хәнәфиләр "канонизирован"ныйлар, вахабитлар "неканонизированный"лар дип фәтвә чыгарырга,что они господь бог?
әнә агартсыннар кешеләрне,аракыдан,фәхишәлектән,караклыктан туры юлга бастырсыннар. ник бер брашюра,китапчык бастырсыннар - юк бит. дәреслекләр,элементар ислам диненә өйрәтүче китаплар киң халык массаларына басыламы? ЮК!
сорау туа,нигә кирәге бар шул кадәрле мөфтиәтнең?
мөфтиәттәге ызгышларны күреп,халык иманнан яза. шулмы мөфтиәт эше?

карагыз Иговаларны нинди матур,төсле,татарча китапчыклар тараталар. нигә мөфтиәткә шулай эшләмәскә? нигә бастырмыйлар?
әнә Вәлиулла начармы-яхшымы китапчыклар,гәзета бастыра иде,аны да аттылар.

күп укып килдем сез язганнарны.
минем ялгышуым да мөмкин, дәлилләп үз белгәнегезне әйтегез.
RIM, Өмет,Баш мие аңлап сөйлиләр. әмма шулкадәрле мөфтиәт кирәклеге турында әйтмиләр...

№13 (834974) / 02.04.2013 23:50:05

Өмет, мин бит үзем уйлап чыгармадым. Безнең ТАТАР галимнәре нәрсә әйткән? Нигә без шуларның сүзенә колак салмыйбыз? Әлбәттә беркеше дә мәҗбүри рәвештә тыя алмый , үткәрегез дип бер кеше дә мәҗбүр итә дә алмый. Шунысы кызганыч, безнең галимнәребез дип бар, тегедәй , болай дип сөйләнәбез ә сүзләрен күрмәмескә салышабыз. Әйтерсең алар бу китапларны сезгә бәдрәфкә алып барыр өчен язган.

Укып карагыз.
Сайланма хәдисләр аңлатмасы (Ризаэтдин Фәхретдин)

http://altinurta.ru/kitapxana/

№12 (834969) / 02.04.2013 23:33:13

RIM,кабатлансаң да, кабатланмасаң да, син дә , мин дә казый-мөфтиләр түгел. Ярый, язган ди Идрис хәзрәт шикаять. Аннан нәрсә? Кайда ул хәзер Идрис хәзрәт? Җәлил хәзрәт Баш казый буларак аңа нәрсә дип җавап биргән? "Ярар, моннан соң үткәрмәс халык мәҗлесләрне" дип әйткәнме? RIM,күктән җиргә төшәргә вакыт инде. Идрис хәзрәт бит мөфти дә, казый да түгел, Аллаһы Тәгалә аның хәтта гади имам булып торуын да теләмәгән әнә. Дин мәсьәләләрен дин җитәкчеләре хәл итә. Әгәр без яшәгән җирлектә шул җитәкчеләр "мәҗлесләр үткәрүне туктатырга, тыярга" дигән боерык чыгара икән, һәр имам бу боерыкка буйсынырга тиеш була. Әмма бүгенге көндә андый боерык юк икән - үткәрәбез. Әлбәттә, беркем дә "үткәрергә фарыз, мәҗбүри" дип әйтми. Һәрхәлдә, бүген мәҗлесләр үткәрүдән һәр яктан да файда бар:мәчеткә аяк та атламаган кешеләр вәгазьләнә, Коръән укуны ишетә, догалар кылына, туганнар берберсе белән очраша, тынычланып китә. Аннары бит күп авыл мәчетләрендә мәчетне тоту өчен керем шул мәҗлесләрдән керә. Моны да исәпкә алмыйча булмый. Әйтәм бит, һәр җирлекнең вәзгыятен, халыкның менталитетын, традицияләрен белеп эш итүдән динебезгә файда күбрәк була. Ә кырт кистереп - ярамый и все! - дип кенә эш алга таба китә дигән сүз түгел әле ул. Хикмәт кирәк. Ә бүгенге көндә гади халык ашка чакырганда "бидгать! бармыйм!харам!" дип җаваплау дин әһеле өчен (яшь булса да, олы булса да) бер дә килешми. Файдага караганда моннан зыян күбрәк.

№11 (834938) / 02.04.2013 20:04:04

Өмет, кабатланасым килми дә.Бу тема инде аңлаган кешегә аңлашылырга тиеш кебек. Мәет ашлары турында Фәхретдин, Мәрҗәниләр дә шул фикерне әйткәннәр бит. Әгәр Идрис хәзрәт Гарәбстаннан кайткач ашларга йөргән икән, димәк эш чит илдә уку түгел. Мин чит илдә укымадым. Мәет ашларына "Җәвамигуль кәлим шәрхе"не укыганнан соң йөрмәскә , бармаска тырышам.
Идрис хәзрәттә үзенең ашлар турында кайчан аңлаганын монда язган.
"Мин гарәп иленнән 2000 нче елда кайттым. Мин әле аннан кайткач та мәетнең өче, җидесе, кырыгына һәм елына йөрергә ярамаганын белсәм дә, мәҗлестә тәмле ризыклар күп булганга һәм акчалар бик күп кергәнгә нәфесемне җиңә алмыйча дин таратырга бер сәбәп дигән сылтау белән йөрдем. Берәр гарәп илендә укып кайткан дустым бу мәсъәләдәге сорауны биргәндә, мин төрле сәбәпләр табып, аңарга: " Мәет мәҗлесләренә дин таратыр өчен барырга кирәк» дип әйтә идем. Ә менә мин 2001 нче елда Вәлиулла Ягъкуб бастырган китапларны тагын бер кат укыгач, бигрәк тә Мәрҗәни хәзрәтенең «Гүр сәдакасы бирү, һәм өче, җиденче көннәрдә аш булмас. Кирәк нәрсәләр түгел»- дип әйткән васыятен укыгач, миңа Мәрҗәни хәзрәтенең васыяте бик нык тәэсир итте, йөрергә ярамаганлыгын ныклап, аңлап андый мәҗлесләргә йөрүдән туктадым. Хәзер андый мәҗлесләргә чакырсалар да, төрле-төрле сәбәпләр табып, бармаска тырышам. Әгәр бу алда санап үткән китаплар булмаса һәм миңа алар турында беркем дә әйтмәгән булса, аның бидгать икәнлеген каян белер идем? Кеше бит белеп тумый, ул ишетеп яисә укып, яисә Аллаһының илһамы белән генә белә ала. Мин дә өчесе, җидесе, кырыгы һәмәетнең елын үткәрергә ярамаган хөкемнәрне алдагы санап үткән китаплардан укып һәм Нурулла хәзрәттән ишетеп белдем. Бу китапларны чыгармаган булсалар һәм Нурулла хәзрәт һәм кайбер башка кешеләр аны әйтмәсә, мин аның бидгать икәнен каян белер идем? Мин соңыннан бу мәҗлесләр хакында бик күп эзләндем. Әйе, мин дә мәет ашлары хакындагы җыелган мәгълүмәтләр бик күп. Аның хакында Вәлиулла хәзрәттән тыш та китап язучылар һәм бастыручылар булганлыгын белдем. Ләкин ул китаплар әлегә кибет киштәләрендә 20 шәр мең тираж белән сатылмыйлар. Аларның кайберләре гарәп телендә, кайберләре урыс һәм башкорт телләрендә дөнъя күргән. "

http://www.mtss.ru/forum/viewtopic.php?t=4976&sid=3d152883a98c724

№10 (834933) / 02.04.2013 19:22:13

RIM, син белгәннәр арасында шундыйлардыр, ә мин белгәннәре күбесе маңкорт, диндә милләт юк дип фетнә таратучылар. Идрис Галәветдин улы татарча беләдер, ләкин аны киләчәктә татарларга хезмәт итәчәк дин әһеле дип әлегә атап булмый әле. Чөнки хаҗ вакытында Татарстаннан килгән хаҗиларны "татарлар бидгатькә баткан, Коръән ашлары уздыралар" дип вәгазьли. Әтисе дә Гарәпстаннан кайткач, шулай шапырына башлаган иде, аннары әйбәтләп кенә бөтен ашларга йөри башлады, аңлады хаклык кайда икәнен.
Халык тарихын, менталитетын белү бер нәрсә, аны бит әле хөрмәт итәргә, иң мөһиме - аңларга, бүгенге хәлгә карап хикмәтле итеп эшне алып бара белергә кирәк. Ә соңгы елларда Гарәпстанда укып кайтканнарның күбесендә бу нәрсәләр юк, алар гарәпчә яхшы беләдер, ә кешенең, үз халкының хәлен, менталитетын аңлау, хикмәт, шәфкатьлелек, олы күңелле булу дигән нәрсә юк та юк инде.

№9 (834872) / 02.04.2013 15:30:27

Айдар бабай элек НКВД да эшләгән мәллә?)))))

№8 (834870) / 02.04.2013 15:04:46

Гарэптэ укып кайтканнар арасында, динилэр юк, Америка агентлары гына.

№7 (834868) / 02.04.2013 14:59:06

Өмет,
//гарәп илләрендә белем алган яшьләрнең күбесе ни туган телен, ни халык тарихын хөрмәт итми,белми, беләселәре дә килми.//

1әр кешене әйтеп кара әле шундыйны .Мин белгәннәр арасында барысыда татарча әйбәт сөйләшәләр, тарихны бик яхшы беләләр. Бер таҗик сөйләде. Хаҗда вакытта мәчеткә куелган көчәйткечтән татарча сөйлиләр ди. аптыраганнар. Кереп карасалар бер шәйхне Идрис Гәләветдиннең улы татарчага тәрҗемә итеп утыра ди.

№6 (834860) / 02.04.2013 12:54:55

Гарәп илләренә үз динен генә түгел, үз халкын, үз милләтен, туган җиренХ хөрмәт итүче яшьләрне җибәрергә кирәк. Менә андый яшьләрдән татарга файда булыр иде.Хәзер мулла булып йөрүче өлкәннәр арасында шундыйлар юк дип әйтеп булмый, араларында ихлас дингә хезмәт итүчеләр байтак. Ә менә гарәп илләрендә белем алган яшьләрнең күбесе ни туган телен, ни халык тарихын хөрмәт итми,белми, беләселәре дә килми. Аларча дөньяда яшәүче барлык кешеләр бер төрле (дөресрәге, гарәпләр кебек) булырга тиеш. Бөтен эшләгән эшләре - кайтып фетнә оештыру.

№5 (834848) / 02.04.2013 10:21:42

Ул атеизмны узегез телэп укымагансыз бит инде, заманы шундый булган. Дин эхеллэренэ дэ, гади халыкка да узгэрергэ вакыт

№4 (834847) / 02.04.2013 09:59:03

үзебез нинди,дин әхелләребез дә үзебез арасыннан. атиезм укып йөргән кешеләр,партиейный муллалар. бар өмет,гарәп илләрендә белем алган яшьләрдә!

№3 (834842) / 02.04.2013 09:04:50

Мактанырлык дин әхелләренә эшләргә ирек бирмиләр шул. Андыйларга сразу ваххабит дип исем тагалар.

№2 (834840) / 02.04.2013 09:01:36

Шул элеккеләр белән генә мактансак инде, хәзер мактанырлык бер дин әһеле дә юк.

№1 (834730) / 01.04.2013 13:04:54

Хэзер Русия жирендэ дингэ миллэткэ хезмэт итуче татар дин эхеллэре бик куп. Алар турында да язарга кирэк. Нэрсэ борчы аларны нинди проблемлары бар.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar