Рәшит Ваһапов фестивале яшь башкаручылар конкурсы үткәрә

Быел, Рәшит Ваһапов исемендәге IX Халыкара татар җыры фестивале кысаларында чираттагы яшь башкаручылар конкурсы үткәрелә. Элегрәк конкурс җиңүчеләре, әйтик, Филүс Каһиров, Ришат Төхвәтуллин кебек җырчылар бүген инде зур сәхнә тота. Конкурста югары һәм урта музыка уку йортларын тәмамлаган яки анда укучы җырчылар катнаша. Гаризалар 10 апрельгә кадәр кабул ителә.

Ә конкурсның йомгаклау турлары Казан шәһәрендә 23-24 апрель көннәрендә үтәчәк. Җиңүчеләр танталы рәвештә 15 майда, С.Сәйдәшев исемендәге Зур концерт залында, Ваһапов фестиваленең гала-концертында игьлан ителәчәк.

Конкурс шартларын түбәндәге чыганаклардан табарга була: http://vk.com/ (Вконтакте.ру) “Конкурс молодых исполнителей им.Р.Вагапова” дигән группа, яки бу адрес буенча: http://vk.com/club50627399

Белешмәләр өчен: 231-18-28.
Рәшит Ваһапов фестивале.