|
|
Бүген кемнәр туган
|
|
Архив
|
19.02.2013 Җәмгыять
Нәни Мәрьямне Франциянең танылган табибы тикшерде. Өметләр якты!2, 10 февраль көннәрендә Балтач район үзәгендә һәм Казан филармония залында ике яшьлек Мәрьям Сафина өчен хәйрия концертлары узды. Кичә кич сабыйны Франциядә танылган табиб Дюлак кабул итте. Тикшеренүнең беренче нәтиҗәләре өмет уята. Мәрьямнең йөреп китәчәгенә шикләнергә кирәкми. Бүген өстәмә анализлар алыначак һәм дәвалау курсы аныкланачак. Доктор Дюлак фикеренчә, сабыйның үсешендә генетик факторлар түгел, ә туган вакытта табиблар җибәргән хата ята. Нәни Мәрьям белән бәйле әлеге очракны Казан хокук яклау үзәге үз контроленә алды. Бу чираттагы, табиблар катнашындагы җәнҗал белән тәмамланырга мөмкин. Исегезгә төшерәбез, Байлар Сабасы һәм Чистайда табиблар гаебе белән гарип калган балалар эше җәмәгатьчелекнең игътибар үзәгендә инде. Без нәни Мәрьям язмышын күзәтеп барабыз. Мәрьям турындагы алдагы язма монда.
--- |
Иң күп укылган
|