|
|
Бүген кемнәр туган
|
|
Архив
|
24.01.2013 Дин
Казанда “Мөселманнар традициясендә Мәүлид ән-нәби” дип аталган түгәрәк өстәл узачакМөселманнар өчен Мәүлид иң күркәм, мөхтәрәм бәйрәмнәрдән санала. Сөекле Пәйгамбәребезне олылау һәм аны дини, фәнни күзлектән өйрәнү максатыннан ТР МДН 29 гыйнварда Казанның “Мәрҗани” мәчетендә “Мөселманнар традициясендә Мәүлед ән-нәби” дип аталган түгәрәк өстәл үткәрә. Әлеге чарага Мәскәү, Санкт-Петербург, Дагыстан, Казан галимнәре, дин әһелләре җыелачак. Дагыстан мөфтие урынбасары Мөхәммәт Мөхәммәтов, Ислам цивилизациясе институты директоры Сәет Кәмилов, РИУ ректоры Рафыйк Мөхәммәтшин, Россия Фәннәр академиясе шәрык кулъязмалар бүлеге белгече Алексей Хисматуллин, филология фәннәре докторы Фәрит Яхин, Ш.Мәрҗани исемендәге Тарих институты өлкән фәнни хезмәткәре Рәүфә Уразманова һәм башкалар катнашуы көтелә. Чарада Мәүлиднең мәдәни, теологик һәм тәрбияви яклары каралачак. Түгәрәк өстәл сәгать 10.00 дә башлана.
|
Иң күп укылган
|