поиск новостей
  • 19.01 "Кичер мине, әнкәй", 12+, Кариев театры, 18:30
  • 21.01 Премьера! "Арыну", Татарстанның халык артисты Нуриәхмәт Сафин юбилее, 12+, Кариев театры, 18:30
  • 22.01 Премьера! "Арыну", Татарстанның халык артисты Нуриәхмәт Сафин юбилее, 12+, Кариев театры, 18:00
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 19 Гыйнвар
  • Артур Гыйниятуллин - саксофончы
  • Фарыйх Мадьяров - самбочы
  • Мурат Сиразин (1957-2021) - фермер
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Сдаётся 2-х комнатная квартира с мебелью в центре Актаныша на длительный срок. т. 89063332251
 
 

 
Архив
 
18.01.2013 Җәмгыять

Күрше әби кемгә дә кирәкми хәзер... (Булган хәл)

Картлык... Авыр да икән ул картлык гомереңдә ялгыз калу. Беркемең дә яныңда юк, берсе дә ярдәм итә алмый. Дару төймәсен йотып җибәрер өчен стакан белән су бирүче дә юк, ичмасам! Карт кеше бит ул бала сыман, аңа ярдәм, булышу кирәк. Аңа чиләк белән су күтәрергә, мич алдына бер кочак утын алып керергә яки кыш көне кар көрәргә бик авыр. Әйе, хәзерге заманда һәр өйгә ут, су һәм газ кертелгән. Ләкин авылларда кайбер картлар һаман мич белән җылытылган өйләрдә яшиләр, чишмәдән алып кайткан су белән чәй эчәләр.

Безнең урамда да шундый ялгыз әби яши. Балалары юк, ә туганнары читтә. Бертуган апасы биш ел элек үлеп китте. Бу әби шулай берүзе яшәп ята. Әбинең өенә су да, газ да кертелмәгән. Шуңа аңа су белән утынны үзенә ташырга кирәк.

Әлбәттә инде, аның караучысы да бар, тирә-күршеләре дә булышып тора. Ләкин аңа барыбер авыр. Сөйләшергә, киңәшләшергә дә кеше кирәк бит.

Ул нигәдер гел калын киенеп йөри, хәтта җәй көнендә дә өстенә дүрт-биш кат кием кия, башына да ике яулык бәйли иде. Без көлә идек аңардан: “Ничек сиңа, әби, эссе түгел?” - дип. Ул безгә: “Әй, бәбкәм, минем радикулитым авырта бит, салкын ярамас дип киенәм”, - ди торган иде. Биткә ул кара гына, уртача буйлы әби. Бер белмәгән кеше аңардан хәтта куркып та китә иде кебек, ләкин аның күңеле бик йомшак, ягымлы иде.

 Без, бала-чага, җәй айларында аның йортындагы чирәмдә уйнарга ярата идек. Өй каршында чия, миләш, кура җиләге, шомырт агачлары үсеп утыра. Шул кура җиләген ашарга дип, әбидән сорамыйча гына бакчасына да кереп сыйланып чыга идек. Чиясе дә күп була иде, ләкин ахыргы елларны җимеш бирмәде. “Туңгандыр инде, бу елны кыш бик салкын булды”, - диде әби.

Ә инде яз айларында,чирәм төсле яшел капкадан килеп керүгә, чәчәкләр белән капланган шомырт ботаклары, коймадан салынып, хуш исләр тарата иде. Әби: “Тия күрмәгез агачка, чәчәк атып утыра торган чагы. Җәйгә үзегезне җимешләре белән сыйлар”, - дип әйтә иде. Безгә инде зыян гына итәргә булсын! Анда уйнарга кергәч: “Бәла-каза чыгара күрмәгез тагын!” - дип, безне саклап яныбызда утыра торган иде әбиебез. Әлбәттә, уйнап туйгач, без әбигә су яки утын кертеп калдыра, ә ул безне кәнфит белән сыйлый һәм рәхмәтен укый иде. Менә шулай авыр булса да, әкрен гына яшәп ята иде әле күрше әби. Ләкин бер көн эчендә барысы да үзгәрде...

Көзнең беренче ае үтеп бара иде. Бакча эшләре әкрен генә тәмамланып килә. Кайбер бакчалар бөтенләй кап-кара булып калган. Мин мәктәптән ул көнне иртәрәк кайттым. Укытучы апабыз авыру сәбәпле, безнең ике дәресебез булмады. Кайтып, өй эшләрен әзерли гына башлаган идем, телефон шалтырады. Трубканы әни алды. Ул бер генә сүз әйтте: “Әй, Аллам!” Трубканы кую белән: “Күрше әбинең өе яна!” - диде. Без, өйдәгеләр, йөгерешеп чыгып киттек.

Әти бакчада калган чүпләрне җыештырып йөри иде. Мин бар көчемә: “ Әти!” - дип кычкырдым. Әтигә ни булганын әйтүгә, ул күрше әби ягына йөгерде. Мин дә аның артыннан ашыктым. Әбинең өенә карап әле бөтенләй яна диеп булмый иде, ләкин тәрәзәләреннән ап-ак төтен чыгып тора.

 Әбине инде урамга чыгарганнар иде. Әти белән берничә абый чиләкләрдәге су белән утка каршы торып карадылар, ләкин ут өскә менә башлагач: “Чиләк белән генә булмый инде”, - диделәр. Әни дә, күршеләр дә райондагы ут сүндерүчеләргә шалтыратканнар. Ләкин алардан алдарак авылдагы үт сүндерү машинасы килеп җитте. Бер-ике егет шунда ук утка ташландылар һәм, веранда түбәсенә менеп, утны сүндерергә тотындылар. Ләкин шланг тишек булып чыкты. Аны ничек булса да каплап, авыл халкы егетләргә булыша башлады. Менә бер мәлне ут сүндерүче егетнең аягы таеп китте. Барысы да тын калды. “Егеткә бер-бер хәл булмадымы?” Ул-бу булмады, егетебез торып басты да эшен дәвам итте. Ут күршедәге сарайга да капмасын өчен, чиләкләп суны сарайга сибеп тордылар. Әби, мескенем, капка төбенә чүгәләгән дә шунда утырып тора. Аңа чәй да алып чыгып эчерделәр. Менә районнан да ут сүндерү машинасы килде, алар инде үз эшләрен җиренә җиткереп эшләделәр. Бер сәгать дигәндә ут сүндерелде. Аллага Шөкер! 

Барысы да тарала башлагач, әбине сул якта торучы күршесенә алып керделәр. Әйткәнемчә, аның балалары да, якын туганнары да булмау сәбәпле, аны караучысы кунарга үзенә алып китте.

Төнлә ут тагын кабынып киткән һәм өй бөтенләй янып беткән. “Төне буе машина гөрелтесе ишетелеп торды”, - диде әни. “Әгәр төнлә янмаган булса, авыл кешеләре белән өйне төзәтеп куйган булыр идек әле!” - дип сөйләде авыл халкы. Көндез янганы алай ук каты түгел иде кебек. Төнлә янганыннан соң иде кап-кара бүрәнәләр генә калган...

 Күрше әбине икенче көнне район хастаханәсенә илткәннәр. Анда картларны карый торган бүлек бар икән. Әбиебез рус телен бөтенләй белми. Хастаханәдә ул бөтенесе белән татарча сөйләшеп маташа, диләр... Мескенкәем... Ерактагы туганнары кайтып әбине үзенә алып китсәләр генә инде. Кемгә кирәк булсын соң карт кеше... Әбигә озак яшәргә дә калмагандыр, бөтенләй китеп барырга да вакыты җитә торгандыр... 

Аның йортын инде беркем дә төзәтеп тормас... Әбинең йорты берсенә дә кирәкмәгән кебек, ул үзе дә беркемгә дә кирәкми бит инде... Менә шулай, кеше бу дөньяда яши-яши дә, вакыты җиткәч, әкрен генә китеп тә бара. Дөнья шулай корылгандыр инде, күрәсең.

Лилия ГАЛИУЛЛИНА, Шенталы районының Денис урта мәктәбе, 10нчы сыйныф укучысы
 


Лилия ГАЛИУЛЛИНА
Бердәмлек
№ | 19.01.2013
Бердәмлек печать

Фикерләр

Исем:
E-mail:
Текст:
 
№10 (826639) / 23.01.2013 23:09:36

Калын киенү дигәннән
Ташкентта хезмәт итәргә насыйп булды.
Ташкент урамында, ишәккә җигелгән ике тәгәрмәчле арбада утырып баручы бабайлар, кара тукыма белән тышланган, эченә мамык тутырылып сырылган озын халат кигәннәр күренгәли иде. 40-46 градус (күләгәдә) кызу. Сәерме? Әлбәттә сәер. Әмма, калын кием кызудан да, тәннең үз сыеклыгын парга очырудан да саклый икән. Нигә кара халат, агы азрак җылына (кыза), белмим.

№9 (826111) / 19.01.2013 11:13:00

әлки, Самара олкэсендэ ул авыл,Татарстаннын Чирмешэн районы белэн чиктэш район

№8 (826107) / 19.01.2013 09:18:59

ульян әлкәсендә (актанышта яки сабада түгел) яшәүче үсмер кызның шундый матур итеп язуына сокландым. булдырасың, сеңелем, рәхмәт!

№7 (826101) / 19.01.2013 07:47:46

Бу кыз язучы булыр дип әйтә алмыйм, әмма әти-әнисе бик яхшы кыз тәрбияләгән.

Җенем чыга, татар авыл бетте, эчәләр, фәлән төгән.

Япь-яш кыз нинди матур әйбер( жанры сочинениедыр) язган.

Рәхмәт, матурым. Сезнең кебек кызлар булганда татар бетмәс.

№6 (826060) / 18.01.2013 22:19:59

дорес язгансыз Элфия.

№5 (826053) / 18.01.2013 22:16:20

Яхшы пожарниклар...

№4 (826045) / 18.01.2013 22:08:58

Картлык шатлык түгел, диюләре шулдыр инде. Олыгайган саен шикләндерә икән. Ярый инде, картлык гомереңне ялгыз калмасаң.Бөтен шатлыклы яшәү мизгелләре яшьлектә кала икән.Бәхетле картлык, дип җырлаулары хәзер аңлашыла....

№3 (826029) / 18.01.2013 21:49:50

Кеше картаеп зур бэхет курэмени7

№2 (825975) / 18.01.2013 18:24:09

рафис

Картаю бәхете барлык кешегә дә тәтеми шул...

№1 (825974) / 18.01.2013 18:11:17

картлык ботен кешегэ килэ ул,жир эйлэнэ,вакыт бара

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar