• 21.08 "Зәңгәр шәл" спектакле. Камал театры. 19:00
  • 27.08 "Килә ява..." спектакле. Камал театры. 19:00
  • 28.08 "Әтәч менгән читәнгә". Камал театры. 19:00
  • 29.08 "Бию пәрие". Камал театры. 18:00
  • 29.08 "Казан кичләре". Филармония. 18:30
  • 30.08 "Кырыкта да кызыкта. Мунча ташы". Филармония. 18:30
  • 06.09 Хәмдүнә Тимергалиева. Өстәмә юбилей концерты. УНИКС. 17:00
  • 18.09 Рифат Зарипов концерты. УНИКС. 18:30
Туган көннәр
  • 12 Июль Люция Хәмитова
  • 12 Июль Матвей Апросин
  • 12 Июль Альберт Борһанов
  • 12 Июль Илдар Арсланов
  • 12 Июль Мирсәет Яруллин (1938-2009)
  • 13 Июль Марат Яхъяев
  • 13 Июль Айдар Галиәскәров
  • 13 Июль Рифкать Хисмәтов
  • 13 Июль Лилия Йосыпова
  • 13 Июль Алмаз Шәрифуллин
  • Холодильник сатыла, двухкамерный, биеклеге 1,80, яхшы эшли. Казан, ул. Губкина. Тел. 8 953 999 72 00
  • Продаётся комната в статусе КВАРТИРа 21.8 кв.м в Казане в Московском районе(район Восстания-Гагарина).Комната чистая,после косметического ремонта,Вся мебель и техника остаётся,заезжай и живи!Цена 1490000. Телефон для связи 89393937375.Документы готовы.СОБСТВЕННИК.
  • Казанда эре Җир җиләге сатабыз 89518954298
  • шпаклевка,штукатурим оконные ,дверные откосы,плитка ,обои недорого.89178887212
  • Казанда Диван кроват сатам яна тел89520460614
  • Кулай бәядән шкаф-купе сатыла.Тел 89272488945
  • Казан шэхэренен Мэскэу районындагы ике булмэле фатирнын Бер булмэсенэ иптэшкэ тэртипле Кыз эзлим.Метро Яшлек,Тандем,Д.К.Химиков белэн янэшэ.89272469637
  • Сниму квартиру в Актаныше, без мебели на длительный срок. с.т.8-9534014521
  • Казан шәһәрендә Зур Урам, 1 К адресы буенча квартира озак вакытка арендага бирелә. Кер юу машинасы, холодильник, телевизор бар. Бәясе 15 мең сум. т.89274345719
  • Сдается комната в Казани ул.Можайского д.12 кв 4/1 (Кировский р-н),10кв/м,цена 7000р, Тел.: 89274298213
 
 

 
Архив
 

               

20.12.2012 Җәмгыять

Ни җитми ирләргә?

“Иреннән аерылып кайткан” – авылда мондый сүз элек тә йөргән, хәзер дә ишетелә. Әйе, хатын-кызның иреннән аерылуы гайре табигый хәл түгел. Ә менә соңгы елларда ирләрнең гаиләсен калдырып, аналары янына кайтуын ничек аңларга?! Әллә ирләрдән күрмәкче, аларны хатыннары кыйный башлаганмы, мескеннәрне?

Мескеннәр дип яздым. Көчле затлар дип аталсалар да, бүген күп кенә ирләр тормыш зилзиләләренә каршы тора алмыйча, бик тиз бирешәләр. Нигә шулай соң бу? Әвен кадәр гәүдәле бит аларның күпчелеге, Аллаһы Тәгалә өеп сәламәтлеген дә биргән үзләренә. Ә акыл? Акыл бер чәркә эчү белән спирт күк очып юкка чыга.

 

Авыл тулы исерек ир-атлар. Шуларның күбесе өйләнмәгән һәм өйләнәчәге дә юк! Кайсы гаиләсен калдырып каладан кайткан. Авылның күңеле киң – ул читтә үлгәннәрнең җәсәден дә, гаиләсендә “артык кашык”ка әйләнгән исереген дә сыйдыра, кыйбласын югалтканнарны да кире бормый. Ярый әле туган нигезләр, игелекле туганнар, барысын да күңеленә сыйдыручы әниләр бар.

 

“Тәүбә итегез!” – дигән Ходай. Тәүбә ит тә, якыннарыңнан гафу сора! Тәкәбберлек ирек бирми дисезме, кадерле ирләр?! Ә бит эчеп, бөтен горурлыгыгызны аяк астына салып таптау берни тормый сезгә. Гафу итмәсләр димәгез, гафу итә белә хатыннар. Тик тукран тәүбәсе кирәкми – туйдырды, ирләрчә булсын! Ант кебек!

 

Ни җитми бүген ир-атларга? Нигә җылы якка оча алмаган гарип бәбкә күк канатларыгызны салындырып йөрисез? Тормышта үзегез сызасы, артыгыздан гаиләгезне ияртәсе туры юлыгызны онытып, нигә кибет төпләрендә таптанасыз? Бомжлар түгел бит сез! Җылы, төзек йортларыгыз, тәмле ашлар пешереп сезне көтүче хатыннарыгыз, әти дип өзелеп торучы балаларыгыз бар бит, югыйсә. Ни җитми ирләргә? Алар рәхәткә түзми! Эчкечелекне чир дип саныйлар бугай хәзер. “Эчкечелеккә бәйлелек” дип атала бугай ул. Нинди генә чирләр юк җир йөзендә. Дәваланабыз бит! Чит илгә барып дәвалану өчен дә миллионнар табабыз яшисе килгәч. Эчкечелекне дәвалау өчен миллион кирәкми – теләк кенә кирәк! Юк шул теләк дигәннәре, чөнки бик рәхәт авыру бу! Чыннан да, рәхәт бит: кәеф яхшы, тормыш бара, хатын китми – ябышып тормыш итә, балалар үсә тора. Акчаны хатын таба, чөнки кешедән ким яшисе килми, утка-газга түләнгән, утын килеп ауган, мунча ягылган. Кирәк булса, күтәреп дигәндәй, юындырып чыгаралар. Ашарга пешкән, алдыңа китереп куелган. Чиста урында ауный-ауный йоклыйсың. Баш чатнап уянсаң, торып, тагын эчеп кайтасың. Терлек каралган, бөтен проблема чишелгән, ә ник эчмәскә ди?!

 

Мондый хикмәткә бары яшьлектә сине сөеп яр иткән, бергә балалар үстереп, йорт-җирләр җиткереп яшәгән хатын гына түзә. Түзүен түзә, ләкин гомере бәрабәренә. Ә гомер бер генә тапкыр бирелә! Җүнле яшьлеген күрмәгәч, матур картлыгын күрәсе киләдер аларның. “Ыңгыр-шыңгыр” итмичә генә оныклар сөясе киләдер. Ә аның өчен йә аерылып матур картлык өмет итәсе, яки исерекне “кеше” итә-итә вакытсыз гүргә керәсе. Ә бит шуны аңлаган хәлдә хатыннар ахыр чиккә кадәр гаилә учагын саклыйлар.

 

Аерылганнарны гаепләмим мин. Алар – булган вакыйгаларны бизмәннәргә салып үлчәп, алга карап яшәүче көчле хатын-кызлар. Димәк, бүтәнчә була алмаган. Ә менә гаиләсен аракыга, кәеф-сафага алыштыручыларны берничек тә аклый алмыйм. Тормышта тирә-яктан гыйбрәт ала белмәгән кеше икеләтә бәхетсез. Кызыклы ачыш ясадым әле беркөн: булдыксыз хатынны ир беркайчан да ташламый икән. Сәбәбен бик яхшы беләм: көчсез хатын янында күпмедер күләмдә көчле хис итә бит алар үзләрен! Аннан, ни хикмәт, көчсез хатынның көче күз яшендә була, елап жәлләтәләр. Ходай тигезли адәм балаларын – ирне дә ярата белеп ярата торган була шул алар – елак җан ияләре (елатып кара син ире эчкән хатыннарны, дөнья еламаска өйрәтеп бетерә шул аларны). Кирәк вакытта “салырга” да маһир булалар мондый хатыннар. Андый хатынның ире җүнле ашау күрмәсә дә, үзен барыбер бәхетле саный. Аңламассың бу тормышны! Адәм баласы рәхәткә түзми, михнәткә түзә шул.

 

Озак еллар бергә яшәү нәтиҗәсендә хисләр суыну дигән нәрсә бар. Моны бу өлкәдәге белгечләр дә раслый. Талчыктыргыч бертөрлелектән хисләрне яңартырга кирәк диләр. Бервакыт мәдәният йортында чибәр ханымнар арасында бәйге үткәрәм. Сорау-җавап өлешендә: “Ирегез белән ачуланыштыгыз ди. Эшләр бер-берегездән читләшүгә таба бара. Һәм сез...?” – дип ситуация каршында калдырам. Бәйге тотучы Ралинә бик төгәл, кыска җөмлә әйтте: “Мунча ягам!” Шулчак тамашачыларга карадым. Тормыш төбеннән күтәрелгәннәр, булдыклылар тапкыр җавапка теләктәшлек күрсәтеп, алкышладылар. Тормышның ямен аракыга алыштыручылар кызык табып көлделәр. Мин исә бу сүзләрне хәтер кесәсенә салып куйдым. Әһә, минәйтәм, юкка гына дүрт бала үстереп, матур гына яшәп ятмыйлар икән болар!

 

Ирләре эчкән хатыннар газетага язмый. Минеке дә эчми. Кая барсам да тирә-якны күзәтергә яратам, үзем өчен гыйбрәт җыям. Ләкин гайбәт белән бутамагыз. Игътибар итәм гел: ире эчкән хатын киңәш тә сорамый ул. Шулай да бер яшь хатын олы яшьтәге ханымнан: “Ничек яшәрмен икән? Бик эчә. Син ничек түздең?” – дип сораган, имеш. Тегесе: “Әгәр учыңда утлы күмерне кысып тоткан хәлдә йөзеңне чытмыйча, әрнегәнеңне сиздермичә түзә аласың икән, ирең белән яши алырсың”, – дигән. Чыннан да, бүген шулай яшәүче ханымнар җитәрлек. Күңелләре тулы кайнар күмер йөртеп тә, укытучы, кибетче, җыештыручы кебек халык белән аралаша торган хезмәтләрдә, кешегә берни белдермичә, елмаеп, эшләрен җиренә җиткереп башкаралар алар. Ләкин утлы күмердән берни калмый бит, барысы да янып-көеп бетә, ә йөрәк җәрәхәтләнә! Вакыт – дәва, төзәлә төзәлүен, тик шулай да кутырлатмагыз яралы йөрәкләрне! Уйлагыз әле, кадерле ирләр! Матур итеп яшәүгә ни җитә?! Аек акыл, дустанә мөгамәлә белән яшәүчеләр дә бар бит арабызда. Берсе дә мөгезле дә, койрыклы түгел – бөтен кешеләр кебек. Әле дә соң түгелдер. Гомерлеккә сайлаган ярларыгыздан гафу сорап, кадер-хөрмәт күрсәтеп, үз балаларыгызның әти-әни дип өзелеп эндәшкәнен ишетеп, һәр туган көнгә өмет белән карап яшәгез! Кирәкмисез сез туганнарыгызга, аларның үз гаиләләре бар! Кирәкмисез сез әниләрегезгә, алар сезгә канат куеп очырганнар инде! Сез бары гаиләгездә бәхетле! Туры юлга басыгыз! Кадерсез үткән гомерләр әрәм. Ә ул ике килми.

Гүзәл ГАЛЛӘМОВА
Татарстан яшьләре
№ |
Татарстан яшьләре печать

Фикерләр

Исем:
E-mail:
Текст:
 
№85 (823649) / 27.12.2012 16:01:35

Кем әле мин!
Сезнең белән килешеп бетмим.
Хәлле егет- кызларның әти -әниләре кияү - киленне хәлле халык арасындан эзли.
Хәлле егет яисә кыз үзе таба үзенә сөйгән ярны..Бер кем сүзенә карамыйча үзе теләгән кеше белән гаилә корып җибәрә.. Бәхеткә каршы, мондый кешләрдә байтак..

№84 (823647) / 27.12.2012 15:11:03

Иии,шулай шул,ИРкә ул бер үзе дә күп хатынга тора,кирәк булса.Аңа менә бер Летчик сымак кеше булсааа,безнең иркә 8-айга бер бала табачак.Бу инде демография вопросын решили дигән сүз.Вопрос Татарларны үрчетү турында бара,шулай булгач Летчик тоҗе Татар булырга тиеш.Иркә 60 ягына чыкканчы балалар таптырып калырга кирәк.Квартир вопросы тоҗе решиться.Синдром кебек офиристланып йөрергә туры килмәс ул чакта.

№83 (823645) / 27.12.2012 14:46:19

әгәр хәтерләсәгез,Гитлер влачка килгәч,нимес халкына зур льготалар бирде. шулар белән бер рәттән, нимес КЫЗ-хатыннарына ирсез бала табарга рөхсәт бирде. любой салдат(только немес солдаты!!!) белән йоклап бала табарга тиеш булды.

иркә әйткән димаграфияне күтәрүнең бер ысулы.

татарларга - күп хатынлылык!!

марҗаларга, генофундны ныгыту өчен, плямәгә татар ирләре(татаркалардан артса)!

даееешь пятилетку подема демографии!!!

№82 (823642) / 27.12.2012 13:57:02

Хәлле генә түгел,Ата-аналы булырга тиеш.Ятим үскән балага аякка басуы бик авыр.АНдый баланың анасы не очень... .

№81 (823640) / 27.12.2012 13:51:14

Кем бу!
Хәлле егетләр хәзер ,хәлле кызларны күзлиләр.
егетләр дә башка төрле хәзер.

№80 (823639) / 27.12.2012 13:44:06

№78 гэ.
"Кемгэ кирэк атасыз бала"
Эллэ сез булачак киленгэ егетнен, яки булачак иренен ата- анасы кирэк дип уйлыйсызмы.? Эгщр шулай уйласагыз бик нык ялгышасыз.. Аларга егетнен халле гаилэдэн, ата- анасынын бай булуы кирэк.. Килэчэктэ тушэмгэ токереп яшэр очен.. Зур пенсия ала торган эби- бабасы булсада риза..
Атасыз ускэн баларнын 85-90% ата канаты астында ускэн балаларга караганда тэртиплерэк, тормыш алып барырга яраклашкан, алда очыраган авырлыклар алдында югалып калмый.Шулай ук алар гаилэдэн аерылып , балаларын ташлап китми.. Аларнын балары очен алимент тулэргэ, оныкларын карарга этилэре юк..
Мин Иркэ белэн 100% килешэм.. Ул, куплэр кебек, эмоциягэ , истерикага бирелеп язмый.. Ул, фактлар, чын барлыкны яза..Тормышка реаль кузлектэн карый

№79 (823638) / 27.12.2012 12:52:47

Иркәне укып,нервым чыгыыыып ,тырнакларыма грибок таралды.МЕнә хәзер ярдәм ит инде ничек котылырга.Син бит күп беләсең.

№78 (823637) / 27.12.2012 12:47:06

Иркә теләгәнче законнар чыкса,ул төне көне бала табып ятар иде.Кемгә кирәк атасыз бала ?.Үсеп җитеп гәйлә кора башласа да атаң бармы дип сорыйлар.Андый хатын,андый ир. второй сортка кереп бер-берсен тапсалар гына инде.

№77 (823634) / 27.12.2012 11:46:46

Статистика  буенча, 

шуның өчен яшьләр башта яшәп карарга тиеш. Элеккеге никахларның ныклыгы элеккеге сәбәпләр белән аңлатыла:
1) аерылышсаң, торыр җир юк, әти-әни өендә тагын 4-5 бала оядан очарга тиешле.
2) балага узудан саклану чаралары юк иде
3) элек күбрәк физик хезмәт, һәм шул сәбәпле ир-ат ашатучы иде. Хәзер хатын-кыз үзен, бер баласын ашата ала,аерылып, үз өстеннән ир асрау, көйләү функциясен төшерә.

Бүген аерылышу сәбәпләре:
1) элеккеге кебек түзеп яшәү мохтаҗлыгы юк. Әти-әни янына 1-2 бала сыя. Оныгы белән дә.
2) хатын-кыз хәзер үзен, бер баласын ашата ала. Секс табарга мөмкинлек зур хәзер.


Әмма болар демографиягә зур зыян китерә. Хөкүмәт бары эре бизнес кына яши алырлык система оештырган икән, бу өлкәдә ике юнәлеш булырга тиеш:
1)фактта күптән киң таралган күпхатынлылны юридик рәвештә оештырыга.
2) икенче баладан фатир бирелергә һәм бала тәрбияләгән өчен түләү каралырга тиеш.

№76 (823633) / 27.12.2012 11:03:12

Авыл апасы,аның геройларын белеп бетер алмассың.100 яңа өйләнешкән парларның 90% бер ел эчендә аерылышалар.Бу сан Татарстан өчен.Төп сәбәбе нидә,менә шуны хөкумәт тикшерми.Шуның сәбәбе табылмаса,ахры Синдром кебек бетәчәк.

№75 (823626) / 26.12.2012 23:12:52

Гелбирә дигән исемне беренче генә ишетмибез. А сын әйткәч, Я сын да әйтеп бетер инде. Кызык бит, аномаль явлениеләр белән кызыксынабыз бит без. Как никак тарихи шәхесләр. Страна үзенең геройларын белергә тиеш.

№74 (823623) / 26.12.2012 22:41:25

Мин.
хатын Гелбирэ это одно дело.
Другое дело -бала.
Оныттым һәм кайгым да юк.
Бу кешене таныдым. Хатын-кызларга бөтен гөнаһны тага торган кеше. Күп яза,үпкәләп яза.

№73 (823622) / 26.12.2012 22:33:15

Балта, не суди ........

№72 (823621) / 26.12.2012 22:26:10

Балада күптән гүр иясе))))
Миннән киткән,шуның белән эш беткэн икән..
Ә син аның язмышы яхшыга барсын өчен ни эшләдең соң?Ул-залетный бала бөтенләй кызыксындырмаган бит сине!
Үлеш,шушы кешеләр яшьләргә акыл бирәләр.
Себерелеп туйгач,узең әйтмешли..

№71 (823615) / 26.12.2012 21:44:59

Ахрын язуны кирәк дип тапмыйм,мин аннан котылдым,Ходаем миңа булышты.Вакытында котылмаган булсам күптән гүр иясе булган булыр идем инде.Балада күптән гүр иясе,миннән аласы үчне баладан алганы билгеле булды.Шулай ук ялган паспорт белән яшәп ятканы билгеле булды-күпкә яшен киметеп.Язып бетерә торган түгел кыек эшләрен.Барсында язган булсам,елап арган булыр идегез.Иркә кебек наданнарга укытасым килмәде,Авыл апасы кебекләр барысында аңлагач шул җиткән.Күчермәдем, копиясен вордта калдырган идем,админ сөртер дип шикләнгән идем.Дөрес булып чыкты.

№70 (823610) / 26.12.2012 20:35:59

Мә кабатлыйм, кичә аномаль синдром язганнарның сүзен-сүзгә күчергәнсең бит, җаным. Әллә кайсыдыр бер гәҗиттә язганнар идеме? Мин, дөресен генә әйткәндә, авызымны ачып сүзсез калган идем шул. Нигә азагын күчермисең? Давай кызык ич.
Иркәгә бәйләнмә, син монда аны чәйнәр өчен куйгансыңдыр ич. Һәркемнең дә үз фикерен әйтергә хакы бар. Барлык җыелган фикерләрдән үзеңә нәтиҗә ясарсың, бәлки. Хатының турында язманың ахырын укыгач язармын. Бераз гына аңга килергә ирек бир.))))

№69 (823603) / 26.12.2012 19:44:48

Хатыны турында шундый сүзләр язгач..

Гелбирә авырга узып китмәсенме.Ай-хай вәт проблема.Дус булып,себеркеләр булып йөрсәк тә,мин аңа бала төшер дип әйтмәдем))))

Хэзер үзең дә намазлыктан төшмисеңдер!

№68 (823599) / 26.12.2012 19:17:11

Ничэ хатын-кызның капкасы буялса,шул хэтле ир капкасы да дегетле булырга тиеш №:67!!!
Укырлык язманы алып аткан админ.Бер брачный аферист узган тормышын язган иде.
Э бэлки узеңдер дэ,Балтач синдромы!

№67 (823598) / 26.12.2012 19:11:42

Хатын кыз бөек исем түгел,Ана бөек исем.Себерке хатын-кызга затлы исем биреп булмый,капкасын гына дегет белән буяп була.Синең мнениең бик үзенчәлекле,үзеңнең эчке тормышыңны -характеризует.Любой язманы укый белергә кирәк,аңа анализ ясый белергә кирәк ,аның өчен кешегә белем кирәк.Син барсыннан да мәхрүм.Авыл апаеннан бик акыллы,төпле сүзләр чыга,аның язмасын укуы кызык.Ә син какая то злая,ирләргә карата үчле.Синең ирсез-нисез бала үстереп ятуыңда кешенең гәебе юк.Синдром язмасының 90% сиңа кагыла булса кирәк.Гәйлә оешкач,берең бер якка икенчең ике якка өстрәгәч тормыш була алмы,бары уртак,югы бергә булырга тиеш.Уйлап кара әле башың булса.

№66 (823593) / 26.12.2012 18:33:33

Иркә!!

№65 (823587) / 26.12.2012 17:14:02

Синдром кая киткән??
1. Ата-ана намаз уку, бала да намаз укырга, мөслимә булырга тиеш түгел. Совет мәктәбе атеистлар тәрбияләде, бу Россиядә дә дәвам итә.Атеизм җенси тоормышны көйләми. Ирләргә нинди ирек, хатыннарга да шулай.Хәтш син икегезне дә себерелдек дигәнсең, монысы үзеңә үзеңнең бәяң инде. Димәк, чиләгенә күрә капкачы.Әнә Соры гаиләсе кебек булырга тиеш ул очракта. Уртак килешенү, икең дә иректә.Бу аңлашыла.
2. Ярар, бала тапкач, хтатын белән бергә яшәгәч, пропискага кертмәгәч, бу нинди яшәү формасы соң??? Хатының сиңа бушлай хезмәтчемени - прачка, поломойка, кухарка,экономка, официант, посудомойщица, няня һ.б.
3.Сиңа пропискага керер өчен кияүгә чыккан дип әйтеп булмый а)икегез себерелеп (гафу, үзең кулланганга гына кулландым), бала тапкансыз б) аның пропискасы булган.
3.Өй иске булгач, аны сатмый ни эшлисең инде. Җимерелеп беткәнне көтәсемени????
4. Ә син хатыныңны хатын буларак яманламагансың, хәтта мактагансың, ә менә син нинди ир икән, монысы караңгы..
5. Ничек бер өйдә яшәп, уртак бала үстереп, шундый чит кеше санаган ир белән яшәп була?... Яраткандыр инде күрәсең...

6.Ирләр түгел, әллә нинди җенессез затлар китте хәзер. Хатын-кыз дияр идем, хатын-кыз бөек исем һәм зат.

№64 (823569) / 26.12.2012 13:00:41

Админ кагидәләрен үтәсәң бу руда языпта булмаячак.Ярый алайса башка сайтка китәрбез,Хуш админ.

№63 (823558) / 26.12.2012 10:04:20

Иркә -бикәч,Синдромның ахрын укысаң үзең дип белесең,моҗет быть җыларсыңда.НДАНЛЫГЫҢ чәчрәп ята икән,укуын укыгансың ,эчтәлеген аңларлык миең эшләми икән,Бикәч.

№62 (823555) / 26.12.2012 08:40:33

Балтач синдромы, син үзең амораль тип. Язганнарыңнан хатының турында әйбәт фикер калды.Хзтта яманларга теләп тә, яман сүз чыкмагач, ул чынлар та әйбәт хатын булгандыр...


№61 (823551) / 26.12.2012 00:04:23

Баласы бер елга якын урын өстендә ятып та,анасы килеп хәлен белмәде.Җавап көтәм.

№60 (823549) / 25.12.2012 23:53:39

Бу ни тагын

№59 (823547) / 25.12.2012 23:45:07

---------------

№58 (823541) / 25.12.2012 23:21:05

.....................

№57 (823540) / 25.12.2012 23:19:49

Брачный аферистлар,жиглололар элек булмаган дисэм...ялгышканмын икэн.

№56 (823520) / 25.12.2012 20:52:01

Укып баруч!!!! Ну язып караган...Укый белмисез диюче яза белми!!!! Тозэтимме хаталарны? "Укып баручы. Яздым бит инде гыйбрәтле хәлләрне. Сез укый да белмисез чтоли, иптәш гайбәтчеләр?"

№55 (823518) / 25.12.2012 20:45:12

Яздым бит инде гыибрәтле хәлләрне.Сез укыйда белмисез чтоли иптәш гйбәтчеләр.

№54 (823452) / 24.12.2012 23:06:19

Ометле Риф эчен, Менэ молодец,болай булса омет бар!

№53 (823440) / 24.12.2012 21:29:39

Эйе, сезнен тэкъдимдэ дореслек бар, чэнки 1-2 ай тиресе узен кулда тотып маташа, "синен тынычлыгын мине куркыта"- дир. Каян килсен ди ул тынычлык- битлек ул, уз-уземне кулда тоту. Аннары мин акчаны эйбет эшлим- укытучы гына булсам да(репититорство) шуннан да курка квартира снимать итеп китер диеп. Доресен эйткенде, мин анарга аерым яшэрге тэкъдим итеп карадым, ризалашмады. ойден китмегез инде, фатир зур, запойга киткен чагында тэрле булмеде яшэрбез дир. Бала анын селкенеп кайтканын курмэсен эчен, кайтыр алдыннан эйдэ булмау ягын карыйм-без кайткан жирге йоклап киткен була. Этиен арыган икен, уята курме,-диеп узебезнен булмеге узабыз.

№52 (823438) / 24.12.2012 20:54:44

Ометсез, Без барыбызда узебез кылган гамэллэрне дорес диеп уйлыйбыз,ирдэ дорес,хатында хэрвакыт(!!!)дорес,вэт шуннан тавыш чыгада инде семьяда.Без беребездэ башка кешенен тормышын яшэмибез,башка кеше очен тузмибез эгэр сез тузгэнсез икэн авырлыкка,монын ниндидер сэбэплэре бар или сезгэ бу тормыш ошый.Исемегезне узгэртегез эле-Ометле диеп,ансы матурырак була

№51 (823433) / 24.12.2012 20:06:13

Телене килген хер сузне чыгарып тугеп була, кире жыеп булмый. Ант эгер, тузем, утырып язасын да, яртысы тошеп кала. 10 ел кайнана белен торып кычкырып суз эйтмедем, анын туганнары белен сэйлэшкенен ишетеп беренче елларда чэчем торып баса иде. Эни хаман эйтеп килде,сугасын килсэ- кулынны башта кесеге тыгып тор, эйтесен килсе- теленне тешлеп ал, биялэй эчене тыгып-йодрык курсет!

№50 (823426) / 24.12.2012 19:00:17

Бик тулганда кесесенэ хат язып тыгам,))))
Вәт шәп, вәт маладис, язу язып торырга түземлегең җиткәч... Без бит ордым-бәрдем акырып салабыз, маминтында түзеп калып булмый. Зато ул акыра башласа, тизрәк парга әйләнү җаен карыйм)))))

№49 (823420) / 24.12.2012 18:26:10

Риф! Мин беркайчан да тавыш чыгармыйм, кешеге кычкырмыйм, уземэ кычкыртмыйм. Яздым бит инде,бала хакы эчен торам дип, авыз кутэреп, "ир" булып туган кешегэ бала алдында, эшекелекне анын анасы( кайнана) алдында эйтеп, аны тагын да тубенейтмим. Мина ир була алмаса да ул бала эчен -АТА. Бик тулганда кесесенэ хат язып тыгам, ойлэнешкенче дэ шул гадэтне керттем мин. Анарга да бик ачуы килсэ телефоннан эйтэрге рэхсэт, я булмаса купмеге бер икеу гене калганда ачык сэйлэшерге ондим. Кара кан йотсам да,кеше алдында токермэдем, холкым бутэн! Типтеру турында болай эйтэ алам, тирэмде куз тошэрлек ирлер бар, но мин шалава тугел- КЫЗ булып кияугэ чыктым, туры юлдан йэрим, аллага шокер.

№48 (823404) / 24.12.2012 16:36:04

Ходай биргән чир түгел, берәү дә көчләп эчерми,кич эчкәндә,иртән ни буласын уйласын. Күтләренә күрә таман.Тәүбә итәргә яхшы булыр.

№47 (823373) / 24.12.2012 08:51:17

Кырыйдан, Исеректэ узе генэ белэ хатын белэн яшэунен нинди газап икэнен,баш авыртканда 100-граммда бирмичэ яфалаганын ))))

№46 (823366) / 23.12.2012 22:32:36

Исерек белэн яшэгэн хатын узе генэ белэ инде Риф.

№45 (823363) / 23.12.2012 22:24:49

Ометсез, бу сезнен,крик души кебек килеп чыккан. Сезнен тавыш чыгаруыгызда ойдэн чыгып китеп типтереп кайтыр очен генэ тугелме икэн.Гонахлы кунелемэ шундый шик керде эле сезнен язманы укыгач

№44 (823362) / 23.12.2012 22:18:25

Комментарийларны карап чыктым- монда исерек турында ишетеп белген хем алар белен интегучелер суз корештерелер. Куреп белучелер! Сез буш, мэгнесез, анламаган нерсе турында суз куертып, тормыштан, алкаштан, кунел куенына кереп оялаган бушлыктан, назга, иркеге сусаган монсу кунеллэреннен колеп, тормыш йоген уз жилкелеренде тартучы хатыннарнын кара, ачы язмышын тикшермэкче буласыз. Бу- "тере ирле толлар" нын бер генэ хатасы бар, ул да булса аларнын шул тубэн, шакшы, кешелеген югалткан хайваннар белен яшэудэ!!! Алар сезнен кискен тырнагыгызны да тормыйлыр, тормыш алардан башка жинелерек бара, сез бит акыллы, кубегез югары белемле, белгечлеге булган унган, булган хатыннар! Мин уземнеке белен бер фатирда "кунак никах"ы белен тормыш итем. Айнык кайтса мин эйбет, ал телле, унган чибер хатын, чын соярке була алам; эгер зэхер суы белен тамагын чайкаса, шул ук кенне чыгып китем, иптеш кызымда кич утырып, бер кочак чэчэк кутереп кайта башладым. Шунда гына бераз басылды. Элек айлар буе айнымый иде. Кайнана хэйлене беле, бала белен кала, акчаны узем анардан эйбет эшлим, узем рульдэ, баланы узем тэрбиялим.Кайнананы кызганам, балам этисен ярата, психикасына зыян килмесен эчен тузем, мэхеббет сунеп киле... Планым фатирны зурайткач, бала анарчы усе тошэ, аерылып яшэрге. Э исерекне убеп каршыларга??? Сез сасы, мэгнесез, узен белештермеген, сезге аракыны эстен курген кешене убэ алыр идегезме узегез?????

№43 (823296) / 23.12.2012 14:43:49

Исерекне үбеп каршыласаң, ул тагын да күбрәк эчә,бу мине әрләми әле дип.Мин дә эчеп кайткач ашарына бирәм инде,тавыш чыгармасын дип.Исерек вакытта нәрсә кыланганнарын айныгач үзенә сөйлим,әйткән белән әйтмәгән бер түгел, барыбер бераз колак сала.Бөтен кешелек мең еллар буе эчкечене дәвалый торган дару уйлап таба алмый,ни эшлисең,җайлашып яшәргә туры килә.

№42 (823295) / 23.12.2012 14:32:41

Мәйсәрә,кондәшеңне урам эйлэндергэннэн генэ сина ходай бала бирер иде микән?

№41 (823294) / 23.12.2012 14:23:55

Исерекне айнытасыгыз килсә,исереп кайткач,битеннән үбеп,Кайттыңмы җаныкисәгем,әйдә, өстәл әзерләдем,аша да ял итәрсең диеп, каршы алырга кирәк.Сөяркәләре кебек.

№40 (823291) / 23.12.2012 13:48:01

Исмәгыйл, жаным. мин дэ укыдым кара йозлэрне. шулай булсын иде ул. мин чиста чыктым. только никтер бала бирми ходай. менэ кондэшем гел тошкэ кереп аптырата. иремэ бик кызыккан иде. тегесе вакытында акылга килде.

№39 (823271) / 23.12.2012 09:31:49

Оста! Ойрэт эле мине дэ,ничек исерекне аекка эйлэндереп була ул.Мин начар хатын чутында йормэдем,тик акыл да, булдык та житеп бетми,сэламэтлек тэ юк исерекне жирдэн ир итэргэ!!!Булыш эле,э?!

№38 (823129) / 21.12.2012 20:25:15

Син узен бишмэт киеп тугач та,кешене мыскылларга ни хакын бар??

№37 (823127) / 21.12.2012 20:24:10

Эйдэ сузыйк сон.Мин жырларга яратам,узем.

№36 (823119) / 21.12.2012 19:58:03

Син минем итэк астына кермэ яме!
Утыр майя календарларе белэн халыкны куркытып!

№35 (823113) / 21.12.2012 19:41:25

э вот урамда йорту,бусы насилие.
Безнен берсен дэ йортергэ хакыбыз юк. Ни тегелэрен,ни боларын.
Кара йозлэр заманы узган чор,анда кайту кирэк тугел.

№34 (823107) / 21.12.2012 19:25:13

Шулай шул Галиябану.Элек,мин әйтәм,безне укытканда,"Кара йөзләр" дигән язманы укыттылар.Андагы геройларны,муеннарына "Уйнашчылар"дигән табличка асып,урам буйлап йөртәләр.И-и-и Галиябану,сылыуым,иркәм,хәзер менә чиста кызларны "Ник син гонах кыйлмыйсың?"дигән табличка асып, урам йөртер вакытлар җитте.Вәт прогресс бу.
Мал мәсьәләсендә,Галиябану,безнең вакытта сатарга да,алырга да ярамады шул.Зарплата да ташка үлчим генә.Хәзер халык малга комсызланды.Бозылып бетәбез ахрысы,Галиябану.

№33 (823100) / 21.12.2012 19:08:23

Узгэрми Исмэгыйл. Кешедэ мэхэббэт кайгысы тугел,мал кайгысы.
Тирэ ягына куз сал!

№32 (823090) / 21.12.2012 18:13:08

Галябану,ашыкма әле.Менә бит, яңа эра килә 23 декабрьдән соң.Бәлкем,менә,тормышка карашлар үзгәреп китәр ир-затларда да,хатын-кызларда да.Элекеге шикелле мехәббәт ыгы-зыгылары калмас.Кешеләргә кешелек сыйфатлары кире кайтырга бик мөмкин.

№31 (823086) / 21.12.2012 17:44:05

Ыслушай, мисаллар ике якта да житэрлек.
Корбаннар,югалтулар ике яктан да.
Хикмэт- гаилэ институтынын кочен югалта баруында.Э бэлки узгэрэ баруындадыр.
Чорлар алмаша.Традицион никахлар урынына энэ,кунакка йорешу варианты килэ.

№30 (823084) / 21.12.2012 17:36:01

Соңгы елларда матбугатта ирләрне хурларга тырышкан, аларны кимсетергә корылган, аларны түбәнсеткән язмалар еш очырый башлады..Күпчелеге бармактан суырып , тагын бер мисал, тагын бер гыйбрәт, тагын бер хәл дип уйлап чыгарып язылган.Нигә язмаска, ирләр баребер укымый, укыса да авыз эчендән мыгырдыйда шуның белән бетә.
Халыкта әйтемдә бар бит, \"ирне ир иткәндә хатын, җир иткәндә хатын\", дип.Нигә яратышып гаилә коргач, уртак балалар үстергәндә, аз гына авырлыклар килгәндә дә, подруҗкалар , апа- сеңелләр, әниләр сүзенә карап гаиләне туздырып ташларга..Нигә гаилә бәхете өчен көрәшмәскә.Азырак булсада үзеңнең башың белән эш итәргә, уртак фикергә килергә була..Балалр хакына булсада гаиләне саклап калырга була..
Бу мәсәләдә , сез яманлаган ир-атлардан үрнәк алырга була. кызганычка каршы, хатын кызлар арасында да , азып - тузып,шешә белән дус, ир өстендән типтереп яшәүче хатыннарда күп.. Тик нигәдер хатын кызларны яманлап, күп санлы тарихлар, гыйбрәтләр китергән язмалар юк.. Ирләренең дә хатыннарын почмак саен яманлап, кешегә сөйләр йөргәннәре юк..Ничек булса хатыннарын туры юлга бастырырга, гаиләне саклап калырга тырышалар..Туган- тумачаларданда киңәш сорамыйлар..

№29 (823072) / 21.12.2012 16:52:09

???????????

№28 (823061) / 21.12.2012 12:32:36

Остага. Бер кайчанда мин болай булмам дип эйтмэ.Синнэн сорап тормый ул тормыш жанашым.Кирэк булса шап итэдэ артына тибэ.

№27 (823048) / 21.12.2012 11:34:26

Чилэгенэ курэ капкачы 26!

№26 (823040) / 21.12.2012 10:07:43

Әй Илдус брат,кайдан табасың ул акыллы хатынны.Бик сирәк шул алар,бик бәхетле иргә генә очрыйлар алар.ИРләрнең бәхете хатыннан тора,андый хатынга эләгү Ходай эше үл.Бик дәрес эшләгәнсең куып чыгарып,башка өйләнмә,рәхәтләнеп үзең өчен яшә,кан туганнарың белән дус булып ләки акылыңны җуйма.Туганнарың да дошманга әйләнергә мөмкин,татар барда хәтәр бар дигәннәр, дерҗись на растояний .Башта булмаса булмый ул,кабат ялгышма.

№25 (823038) / 21.12.2012 09:54:25

Кызлар ни өчен киәүгә чыгырга ашыга.Бер 6 ай чамасы очрашып йөргәннән соң уҗе кыбырдый башлыйлар,төрле-төрле хәйләле сүзләр белән,к-ны кабалап алыргада оялмыйлар,оятсызлар.Кияүгә чыгып калу аларга беренче урында,ә менә соңыннан җылап йөриләр.Бирептә өлгерәләр,каптыру планы белән.

№24 (823037) / 21.12.2012 09:49:38

Мин беркайчан да эчмэдем, тартмадым,ойдэ барысын да (ир-ат эшен) эшлэп тордым. Эштэн вакытында кайттым. Тик ярый алмадым. Гомер буе чибэрлеге белэн масаеп, тэртэгэ тибеп яшэде. Гомер буе китеп куркытты. Сонгысында барып алмадым. Хэзер аерым яшибез. Эчмэскэ кирэк! Эчмэсэн ялгыз яшэргэ дэ була. Тик акыллы, ипле хатын белэн матур итеп яшэулэргэ баребер житмидер инде ул.

№23 (823036) / 21.12.2012 09:35:50

Астагыларны укып-укып чыктым,нәтиҗәдә косасым килеп китте, бигрәктә хатын-кызлар язмасыннан.Заманалар үзгәрде,хатыннар үзгәрү исәбенә.Ирләрнең тормыш юлында кандала кебек характерлы хатыннар ябыша.Алар тешли,каныбызны эчә,бик тиз размноҗаются.Хәзерге белемнең алга киткән заманада,ирләргә случайно очраган хатыннар кирәкми.Хатыннарны үзебезгә яраклы итеп проберкаларда үстерә башлаякчакбыз.Җир шарында җенский особолар бик тиз үрчи башлады,күп җирдә чүп күп була,шуңа күрә ир затларга бииик остороҗно өйләнергә кирәк.Ашыкмаенча,башта временно бер ун ел чамасы торып карага,бала ясамаска,соңыннан күз күрер.Хатыннар белән көрәшу ирләрнең гөмерен кыскарта,аларны вакытында куып чыгыру яхшы булыр.Бусы җитеп торыр,соңыннан дәвам иермен.

№22 (823034) / 21.12.2012 08:51:28

Айсылуга. Эгэр синен ирнэ кияугэ чыккан булсам, ул бугенге хэленэ тошмэгэн булыр иде. Ирлэргэ ярый белу зур сэнгать ул.

№21 (823031) / 21.12.2012 00:38:07

Иярләми торыгыз әле менә! Вәйт!

№20 (823030) / 21.12.2012 00:08:12

Оятсыз. Модный узен генэ яр аткан ирдэн Алла сакласын.

№19 (823028) / 20.12.2012 23:17:07

Мин ир кеше. Хәзер үк урамга ялангач чыгарып җибәрсәләр дә, киләчәктә барыбер аягыма басачакмын. Чуртыма кирәк миңа буйсына белмәгән хатын! Ир кеше баш та, муен да булырга тиеш. Ә хатын-кызның түбәнрәк өлешләре шәп эшләргә тиеш! Вәйт!

№18 (823024) / 20.12.2012 22:26:29

Бик акыллы директор.Барсын да тигез курэ.Узен дэ онытмый.Маладич

№17 (823023) / 20.12.2012 22:22:40

Менэ безнен директор башта узенен хатынын мактый,аннан донья бетереп сояркэсен мактый,аннан сон узен мактый.Кем дурак??????????????

№16 (823019) / 20.12.2012 22:12:26

Тормыйлар кем бу. Барсы да тормый андый ир белэн. Чыгып китсэк, фатирдан эт абзары ясый дип курыкканнары,яисэ барырга урын булмаганнары гына яши.
Гузэл затларнын бик "акыллылары "аек остеннэн дэ рэхэтлэнеп йори. Исерек белэн йончыган хатыннын йорергэ ни акчасы,ни вакыты..Ул эчкэндэ кем алып бара доньяны?

Э ниндидер алкашнын хатыны сулга каера икэн....Ну ире булдыра алмагач ул нишлэргэ тиеш?? Бу аз очрак.

№15 (823008) / 20.12.2012 21:27:19

Безнең татарда шундый әйтем бар бит:
\"Атын мактаган ярты дурак, хатынын мактаган тулы дурак\".Шуңа күрә мин үземне мактыйм лутчы.Бик иртә өйләнмәдем. Менә 36нчы ел китте өйләнешкәнгә дә.Өч бала - ике малай, бер кыз тәрбияләп үстердек, анысы әле тормышта түгел.Салган чаклар да булды яшерәк чакта.Дөнья булгач күпме хатын-кызлар белән аралашырга туры килә. Күпме гомер мин аны башкалар белән чагыштырып карыйм, әмма аңа тиңен очраткан юк дип әйтсәм дә ялгыш булмас. Димәк, күпме кызлар арасыннан нәкъ менә аның кемлеген - чын кеше икәнлеген тоемлап сайлап ала белүче кем әйбәт? Мин әйбәт!Хатын-кыз, минемчә, башка уңай сыйфатлар белән бергә һәрвакытта да нәзәкатьле, ояла белүчән булырга тиеш.Тәмәке тартучы, машина йөртүче, сыра-аракы чөмерүче, тупас сөйләшүче затлар гомумән миңа гомикларга караганда да җирәнгечрәк. Так что чын хатын- хатын-кызлар алай ук бик күп түгел алар хәзер.Шуны ук ирләр турында да әйтеп була.

№14 (823006) / 20.12.2012 21:11:15

эйтеп узганымча, ирләрнең эчэ торганнары хатыннары белән тора..Аларны куып чыгарсаларда, китмиләр..Бусага, ишек төбенә булса да ятып йоклыйлар..Һәм хатын кызларныңда күпчелегенә шундыйлар кирәк, акчасын кайтара, хатынын бик контролдә тота алмый, чөнки үзе исерек..Ә безнең гүзәл затларыбыз күп санлы бәйрәмнәрне яраталар..Ә бәйрәмнәргә без бай..туган көннәр, юбилейлар..кем оныгы туа. кем кредитка машина ала..барсында бәйрәи итәләр..Эштән туры кафеларга кайтып.. исерек ир сулга йөргәнне дә сизми.. җае булганда ансында калдырмыйлар..
Ә хатынындан аерылып китүче ирләр, алар язмада телгә алган исерекләр түгел.. Алар бүтән кешеләр..Андый ирләр, урысча әйткәндә,"На дорогах валяются, за такими в очереди стоять"...Алар тормышта үз урнын тапкан, бер нәрсә алдында туктап калмый торган ирләр, шулай ук югалып, исереп юкка чыга торган кешеләр түгел

№13 (823001) / 20.12.2012 20:19:56

кунел тынычлыгы кирэк шул...

№12 (822996) / 20.12.2012 19:49:18

Эчмим, тартмыйм. Беренче хатын гел юк-бардан гаеп табып торды. Яхшы эшләремне дә начарга чыгарып торды. Аерылдым. Икенче хатыным белән менә дигән итеп яшибез. Акчабыз артык булмаса да, җитәрлек. Фатир төзетеп, шунда яшибез. Табыныбыз ризык белән мул. Балаларыбыз игелекле. Яшәү - рәхәт!

№11 (822992) / 20.12.2012 19:18:27

обедта малны карамыйча су эчермичэ чыгып киткэн машинага утырып, ишегалдына кердем маллар кычкыра,шалтыраттым ,хэзер кайтам диде . 4 сэг. сон кайтты,исерек. шул килеш капка тобендэ машинасын борып куйган булган, ятты. к..ты, чыгарып туктем, э бит авылда спектакль- чыгасы килгэн иде, кече кызым да упкэлэде. икэ кон тормаячак,чирлэш. иртэгэ ярый эшкэ тугел, эшкэ булганда да эчэ, баралмаган чаклары да бар. бу ярты елга 1 була торган хэл, машинасын да жимереп кайтканы бар. анын белэн кунакка барып, кеше чакырып та булмый тиз исерэ . бу кеше белэн килэчэгемне кузаллый алмыйм, бугенгесе белэн яшим. эше бар, акча ,узем ботенлэй эчмим...кыен инде ,кая барасын, карап торуга эулия дэ сон...

№10 (822985) / 20.12.2012 18:05:37

Әгәр дә кеше үз теләге булмаса,аны берничек эчүдән ташлатып булмый.Ул бер ипи алырга акча кызгана,ә аракыга киткән меңләгән сум акчаны чүпкә дә санамый.Авыл җирендә ярый эш күп.Шәһәрдә бит кыш көне ирләргә бер эш тә юк.Эш булса бераз булса да эчми торыр иде.

№9 (822978) / 20.12.2012 17:37:41

Именно ирләрнең эчә торганнары хатыннары белән тора, ничек булса да хатынына ярарга тырышып.Исерек ир хатын кыз кешегә күпмедер дәрәҗәдә выгодно.. Исерекләр хатыннарын контролдә тота алмый..
Сез авылда эчеп ятучы ир- егетләрне хатыннарындан аерылган ирләр белән бутамагыз..Болар икесе ике нәрсә

№8 (822971) / 20.12.2012 17:17:29

Оста. минем ирнедэ килеп айныт эле бик булдыклы булгач. Менэ сина айнытып булганы элэккэндер.Мэнге айнымасларыда бар анын жаным.Чэчен белэн идэн себерсэндэ,артын яласанда юк кайбер исереклэр белэн.Кеше ойрэтеп утыру бик рэхэт конечно.

№7 (822968) / 20.12.2012 16:47:57

Гаилэ институты узен юкка чыгарды ирлэрне "тэрбияли" торгач.
Бер хатын-кызнын да "куп балалы" буласы килми.

№6 (822961) / 20.12.2012 15:19:24

Эрем, мин ир кеше тугел, хатын-кыз. Барысын да да уземнэн чыгып язам. 20 яшендэ ук аракы соременэ баткан ирне кеше иттем. Зато хэзер узем хормэттэ, рэхэттэ яшим. Ирлэр алар гомере буе бала, хатын-кызнын эзрэк башы булырга тиеш.

№5 (822960) / 20.12.2012 15:14:30

Минем ир 15 яштән эчә башлаган.Ул эчә дип,бер дә чит ирләргә йөрмәдем.Киресенчә,ирләрдән гайрәтем чикте.Ярый әле командировкага йөри,вахта белән эшли,шунда җаным тынып тора.Өйдә чакта тәмле ашлар пешерәм,чиста урында йоклый,мунча кертәм.Ирләр рәхәткә түзә алмый ул,аларга приключениеләр кирәк.Хатыннарның да төрледән-төрлесе кирәк,бер төрле ялкыта.Шуның өстенә,оялмыйча хатыннарны хурлыйлар.

№4 (822959) / 20.12.2012 15:14:05

Ирлэрнен хаман кемгэдер салынырга исэплэре.
Башта эни,аннан хатын.
Ни очен эле сине кемдер ир итэргэ тиеш?Эгэр дэ жир булу ошый икэн,яшэгез оста.

Хатыннарыгызга кочле булмый хэл юк. Балалар устерэсе бар бит.Сез мыжлаганны тынлап кына усмилэр.

№3 (822957) / 20.12.2012 15:05:45

Кадыйр синен белэн килешэм. Ирне ир иткэн дэ, жир иткэн дэ хатын дигэн халык сузлэре дорес ул!

№2 (822950) / 20.12.2012 14:08:10

Хатыннар очен эчкэн ирлэрдэ кирэк,сулга йорергэ жинел дилэр. Кайсы хатын кыз янында айнык ир-ат торада торган тугел.Сез ботен эшне эшлэгэч,тормышны узегез тарткач нигэ сон сез ир эзлэп йорисез кадерле хатын кызлар.
Чонки сезгэ(кубегезгэ) эш очен генэ,акча очен генэ ирлэр кирэк

№1 (822945) / 20.12.2012 13:00:12

Юнле,акыллы, хатыннар ирлэрен куптэн айнытып бетерде инде. Жыен булдыксызларнын гына ирлэре эчэ.

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте