• 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 29.10 Микулай, 12+, Кариев театры, 18:30
  • 30.10 Премьера!"Бәхетле көнем", 3+, Кариев театры, 11:00 һәм 13:00
  • 30.10 "Яратып туялмадым", 16+, Кариев театры, 18:00
  • 31.10 Премьера "Бәхетле көнем", 3+, Кариев театры, 11:00
  • 31.10 "Шәй-бу, Шай-бу!", 12+, Кариев театры, 18:00
  • 01.11 Юрий Шатунов. КСК "Уникс". 19:00
  • 02.11 "Хикмәт әкиятләре", 6+, Кариев театыр, 18:00
  • 03.11-07.11 Ришат Төхвәтуллин. Сула. КСК "Уникс"
  • 04.11 "Корт", 12+,Кариев театры, 18:00
  • 05.11 Премьера! "Бәхетле көнем", 3+, Кариев театры, 13:00
  • 05.11 "Мәхәббәт күгәрченнәре", 12+, Кариев театры, 18:00
  • 06.11 "Кәҗүл читек", 6+, Кариев театры, 13:00
  • 06.11 "Шәй-бу, Шәй-бу!", 12+, Кариев театры, 18:00
  • 07.11 "Сәлам, Актәпи",3+, Кариев театры, 13:00
  • 07.11 "Ак чәчәкләр кебек...", 12+, Кариев театры, 18:00
  • 10.11 Валерий Меладзе. Татнефть Арена. 19:00
  • 10.11 "Озын-озак балачак", 12+, Кариев театры, 18:30
  • 20.11-24.11 Гүзәл Уразова һәм Илдар Хәкимов. КСК "Уникс"
Бүген кемнәр туган
  • 26 Октябрь
  • Резидә Галимова - җырчы
  • Раил Өметбаев - журналист
  • Мамадыш районында иртә буаз тана сатыла, бәясе килешү буенча, тел.89172470972
  • Бер булмэле квартир,гостинка,студия снимать итэм,укып эшли торган татар кызы,ДРКБга якын булса бик яхшы булыр иде или якын-бирэ районрдан советский,и тд.2булмэле квартирга бер кыз янына подселениега да керергэ риза.тел:8962-575-68-53.
  • Корбанга, гакыйкә, нәзергә сарыклар бар. Казанга, Биектауга, Питрәчкә китереп бирәбез. Барлык бәясе 8000 мең. 89179113219
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ЗАРПЛАТА 15-17 МЕН ТЕЛ 89957664503
  • Открыта вакансия на должность бухгалтера , экономиста в бюджетное учреждение в с.Актаныш тел 88555232062, 88555232034
  • Ноябрь бэйрэмендэ суелачак яшь ярымлык угез итенен ике ал боты сатыла.кг 330 сумнан тел 89027113070
  • Телэче районы Шэтке авылында йорт сатыла.Газ, су кергэн. 89534073195
  • Торле породалы тавыкларны бик арзан бэягэ сатабыз. Кученеп киту сэбэпле 89274897219
  • В Казани семейная пара снимем однокомнатную квартиру, без детей и животных, РИЭЛТОРАМ ПРОСЬБА НЕ БЕСПОКОИТЬ!!! 89046705587(18+КУ)
  • Детскому саду №100 Советскому району требуются воспитатели,ст.медсестра адрес ул.Кирпичная 2а телефон 295-54-15
 
 

 
Архив
 
30.11.2012 Җәмгыять

Китмим, монда калам!..

Беркөн гаиләбез белән, кичке аш өстәле артында утырганда, кызу гына гәпләшеп алдык. «Тизрәк бу Россиядән китәсе иде. Туйдым. Балаларымның да монда үсүен теләмим», – ди иремнең энесе. «Ә мин чит илдә яши алмас идем», – дим мин моңа каршы. «Ә синең бит бер генә чит ил дә күргәнең юк. Анда барсаң, кайтасың килмәс иде», – ди ярты ел Америкада яшәп кайткан Азамат. Аның сүзендә дә хаклык бар.

Океан күрдем дип мактана алмыйм анысы, әмма  сагыну хисе миңа бик тә таныш.  Затлы сарайлар, кыйммәтле машиналар, бай тормыш... Әгәр янымда гаиләм, әнием, туганнарым һәм дусларым булмаса, боларның берсе дә кирәк түгел миңа. Бәхет эзләп чит җирләргә китеп, якыннарын бер күрергә зар-интизар булып яшәүче милләттәшләребез азмыни?!.

 

Беренче курста укыган чак. Автобуста авылга, әни янына кайтып барыш. Ике ай туган якларда булган юк. Үтереп сагынылган, күңел, автобус алдыннан «йөгереп» кайтып, әллә кайчан әнинең бәлеше белән сыйлана инде. Шунда урыннарыбыз янәшә туры килгән кыз белән сөйләшеп киттек. Кызганыч, хәзер инде исеме дә истән чыккан. Шулай да аның сүзләре бүгенгедәй хәтердә, димәк, язмышы күңелгә тигән. Биш ел туган якларына кайтканы юк икән моның. Эшлим, вакыт юк, дип аңлатты ул моны. Туган авылында нигезе таркалган дияр идең, әти-әнисе дә исән-саулар икән. Алар турында да җылы итеп сөйләп алды. Юк-юкта әнисе Казанга килгәләп китә икән үзе. Ә менә әтисен шул гомердән бирле бер генә тапкыр күргән. Вокзалда да нәкъ менә ул каршы алды кызын. Баласын кочагына алганда күз яшьләре бәреп чыкты ата кешенең. Сагынган. 

 

360 чакрым гына юл узар өчен вакыт тапмаслык җитди сәбәпләре дә булгандыр бәлки. Ул вакытта үзем дә сораша белмәгәнмен, юлдашым да артык «чишелмәде». Һәрхәлдә, озынрак яллар булган саен, авылга кайтып китәргә ашкынган, якын районнарда яшәүче дус кызлар ял көннәрендә өйләренә кайтып киткәндә, сагынудан елап шешенеп беткән беренче курс студенты өчен бик тә сәер тоелган инде бу.

 

Сагыну димәктән. Хәзерге вакытта әнием Азнакай районында яшәсә дә, тумышым белән мин Башкортстаннан. Ел саен  шунда кайтып килергә тырышабыз. Быел да гаиләм белән кендек каны тамган нигезгә кайттык. Сагындырган. Әти егет чакта ук утырткан алмагачлар, бакча артлары, әбием төшләргә кереп җәфалый хәтта. Машина авылга килеп керү белән үк бугазга төер тыгыла, күзне яшь элпәсе каплый. Барысы да – авыл янәшәсендәге таулар да, бакча башларыннан ук ага торган Ык елгасы да, яшүсмер чакта идәнен шактый таптаган мәдәният йорты да, әрәмәлек тә үз урынында. Тик әти дә, әби-бабай да, нигезне карап-тәрбияләп торучы апа да арабызда юк шул инде. Күңелне әйтеп-аңлатып бетермәслек моңсулык биләп ала. Авыл урамнары да кечерәеп калган төсле. Югыйсә зур-зур йортлар да калкып чыккан, тормыш шул бер көенә дәвам итә. Әби белән бабай яшәгән йорт капкасын ачып керәбез. Хуҗа кулы тимәгәнлеге әллә кайдан сизелеп тора. Мал-туар, кош-корт авазыннан «гөж» килеп торган абзар, каралты-куралар ятимләнеп калган. Минем төшләремә кереп җәфалаган, бала чакта дусларымны җир йөзендәге иң тәмле алмалары белән сыйлаган алмагачларым да корып беткән. Йорт эчендә дә үзгәрешләр икән. Һәр почмагы, һәр бүрәнәсе таныш өй кечерәеп, салкынланып калган. Күңелсез. Әбинең иртә таңнан ук пешереп, хуш исләре белән безнең борынны кытыклап уяткан  тәмле ашларын бер генә авыз итәсе иде... Күңелләрне айкап-актарып ата торган сагыну хисе менә шул буладыр инде ул. 

 

Чит ил, дим, кайвакыт Азнакай да океан артында кебек тоела миңа. Казанда бер генә якын туганым да юк. Ярый әле дусларым, мине гаиләләренә бик тә җылы кабул иткән иремнең туганнары бар. Әмма кайвакытларда рәхәтләнеп сөйләшеп утырырга, көзге елак көннәрдә йөгереп кенә кунакка барып килергә якын туганым җитми. Югыйсә Казан белән Азнакай арасы 360 чакрым гына. Ә монда аралары мең чакрымнар белән исәпләнә торган чит ил турында сүз бара. Ю-ю-ю-к, сагынып, юксынып үләм бит мин анда!..


Зөһрә САДЫЙКОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№17 (823480) / 25.12.2012 15:05:03

Чит ил киленнәре турында: Бер Энәгә — Бер Сыер

http://tishek.ru/ber-enege-ber-syer/

№16 (821558) / 01.12.2012 12:48:08

Ярсыма, минем бар да тэртиптэ гаилэм тук,доньям ботен,хэркемгэ ишегем ачык,чэем кайнаган. Кайчан килеп таларлар икэн дип калтырап утырмыйм хэм чит илгэ дэ чыгып качарга жыенмыйм.
Сина да бер кинэш бирэсе килэ:кайтып чардуганынны да алып кит кирэге чыгарга может...

№15 (821543) / 01.12.2012 11:49:37

Тукайчага килгәндә, молодис алар.

Минем чыгышка килгәндә, бабам соңгы кеше булып Йомгалак калхузына кергән. Урта Саба калхузының беренче тракторын бабам акчасына алалар.Сатыш калхузын акча кирәк саен, туйдырып торган.Әмма ялкай эшлексезләргә акча җитәме. 1941 елга акчасы беткәндер. Нимесләрне көткән.

№14 (821542) / 01.12.2012 11:48:52

Иркә,авыл апае шәһәрдә тора бугай ул. 

№13 (821541) / 01.12.2012 11:42:14

Хәйдәрнең шул, "Без исән", дип җылаган җыры ничек атала? Белүчеләр языгыз әле. Эзлим-эзлим, таба алмыйм.

№12 (821540) / 01.12.2012 11:41:48

№10))) күзеңә өрәк булып күренәм ахыры. Турылык - минем лозунгым. Мин чит никлар белән язмыйм, мондый җитди нәрсәләрдә. Бик сирәк кенә, җитди булмаган уен-көлке янында нидер язып куя алам.

Син кайдандыр, әмма безнең авылда алкашлар юк дисәң дә була. Барысы эш белән мәшгуль.Авыл крестьяны турында беркайчан начар фикердә булмадым. Шул сәбәпл пай җирләрен таратканда дәшмәгән идем.Без авырлыклырдан качканда, авылдашларым авылны яратып анда калганнары, саклаганнары өчен бүген яшәүче авылдашларыма бүләк булыр дигән идем. Фиг тебе. Яһүдләргә бирәләр имеш!!! Юк инде, алай булса, үземә кайтарыгыз пай җирләрен!!!!
Кайбер конкрет авыл кешесе мин әйткәннәрне үз исәбенә кабул итәсе урынга, крестьяннарга юнәлгән дип уйлый икән, ул аның проблемасы.Күп авылда хәзер крестьян калмады.Алкашлар янында үзен акыллы дип йөрүче, җиргә катышы булмаган клуб мөдирләре, кибетчеләр, укытучылар дигән каста - авыл апайлары бар. Минем тискәре сүз шуларга.

№11 (821534) / 01.12.2012 10:45:11

курыкма авылдаш,значет сәхәби озак яшәячәк.

№10 (821530) / 01.12.2012 10:29:25

Тукайча (иркәдер инде).

Кайтып чардуган буяганны да күпсенәсеңме инде,ходаем.

Авылда мәчеткә, гыйбатка,йөрүче кеше булса мин дә салдырыр идем.
Бар да алкаш! Ике мәхәлләле авылдан 45 йорт калган!
Миндә мактанчылык гадәте юк,("Авыл кешесенэ уч-ачу саклап")авыл кешеләренә ачу-уч саклаганым да юк. Менә мин дип мактанасым да килми,хотя мактанырлык нәрсәләр дә бар.

Аллаһе тәгалә һәрберебезгә үз әҗерен бирә!

Мин шуны гына аңламадым,Габдулла абыйның бу шигере,бу очракка,туры килми бит.Шуны аңлыйсыңмы?

Язуыңа караганда,сөрүче,утыртучы кешенең оныгына охшагансың.
Әле хаман хәерчелектә яшисең икән. Сез сөргәннәр кайтып мәчет төзеп биргән,сабан туйлары оештыралар! Ә үзеңнең кулыңнан килмиме,шуларны эшләргә?
Хаман хәерчелектә икәнсез,кулларыгыз сузылган хәер өстәп.
Мактанырлык ни эшләдең? Мәктәпләрне ,медпунтларны яптырдың. Авылларда татар теле бетте. Шушымы синең казанышларың?
Син авылда яшәмисең,синең кулдан эш килүче кеше түгелсең...

Ярар гафу,ачуым чыга башлады. Җитәр. Пока!

№9 (821529) / 01.12.2012 10:26:20

Тере килеш куму ялгышлык була аламы?Гафу да утенэ белгэч ялгышларыннын барсын да танырга кирэк, кунелен жинелэеп китэр!\"Олы таш\" кутэреп йоручелэрнен кимуен куреп без дэ соенербез...

№8 (821527) / 01.12.2012 10:04:40

Милләттәшләр мине гафу итегез ялгыш,Хәйдәрнең фамилиясен дөрес язмаганмын,хатыны Зөһрә Сәхәбиева булганга күрә. Ялгышканмын,читтә яшим бит.
Хәйидәр Бегечев әлбәттә!

№7 (821482) / 30.11.2012 19:00:12

Авылнын буген шундый хэлдэ яшэве, коммунистлар вакытында халыкнын хэлле,бай, зыялы укымышлы, динле олешен любой сэбэп белэн аерып алып, кара (надан)олешеннэн кол ясау сэясетенен нэтижэсе. Барыбызны да кыса тордылар, куа-сорэ тордылар, утырта тордылар кайттык хэм уз жиребездэ яшибез. Аллага шокер куылганнар да сынатмады, тагын да урчеп кубэеп кайтып мэчеткэ кадэр салып бирделэр, кайтып бэйрэмнэребезне ямлэнлдереп китэлэр.Авыл кешесенэ уч-ачу саклап, кайтып чардуган буяштырып, таралып барган авылны куреп соенеп китучелэрнен поты бер тиен.
Тукайча яшибез:
...Китмибез без, анда мондагыдан "эш"кыен
Мондагы биш урынына, анда унбиш шпион.

№6 (821481) / 30.11.2012 18:55:19

Мин дэ шулай дим бит,ул бу булганы ишетелмэде
Яши генэ курсен!

№5 (821480) / 30.11.2012 18:51:40

Таныш!

Сүз Рафаэль Сәхәбиев турында барса, ул яңа гына 27 ноябрь көнне Тукай клубында җыр башкарды. Кичә Хәйдәрне искә алуга багышланган иде. 

№4 (821476) / 30.11.2012 17:41:50

Мин дигэн балакаем, мэкалэдэ суз Рэчэйдэн китеп чит илдэ \"рэхэтлэнеп типтереп ящэу\" турында бара, э син эченэ гасырлар буе жыелганны чыгарып тугэсен. Ул безнен гомуми тарих хэм \"рэхэт томышны\" эзлэу юлларындагы ялгышлыкларнын берсе генэ... \"Чит жирдэ солтан булганчы, туган жирендэ олтан бул\" - дигэнне дэ онытмаска кирэк. Нинди генэ зиннэтле тормышта яшэсэн дэ, син жирэнгэн хэм чирканган авылдашларын синен нэселеннен кендек каны тамган жирлэрне югалтмыйча, коры далага (тигэнэк урманына)эйлэндерергэ ирек бирмичэ, уз бэхетен бэхетсезлеккэ дучар итеп яшэргэ, саклап торырга тырыша.Ул \"сэяси илэктэ\" авыл халкын гаеплэу абсурд.Шул авылдашларын сина буген ипи устереп ашатырга тырыша.Ипи буханкасы кадэрле алтынынны тотып кимерэ алмассын, ул синнэн дэ калыр...

№3 (821469) / 30.11.2012 15:36:32

Сэхэбиев мэрхуммени мин?

№2 (821466) / 30.11.2012 15:26:02

әле бу Таныш.
Әниемнең бәлешләре көтми. Туган нигез юк.
Авылның хәерчеләре, без бай булмасак та,әйберләрне талап,хуҗалыкны пран-заран китереп,кулак мөһере сугып, куып чыгардылар себергә...

Бер кайтканым бар. Авыл хәерчелеккә төшкән,бетүгә бара.Безне сөргән кешеләрнең балалары,оныклары эчүчелектә. Манара кискәннең тормышы эт тормышыдай,өйдән өйгә кереп хәер сораша. Тамак ялына хезмәт итә.

Теге җырдагыча,(мәрхүм Сәхәбиев җырлый иде). Без исән, дип җырлаганы искә төшә.
Аллаһе ташламады,гаиләбез исән,үз хезмәтебез белән мул яшәдек һәм яшибез. Кеше малына тимәдек,хәрәм ашамадык,урламадык аллага шөкер.

Кайтасым килми авылга!
Зиратка кайтып,каберләрне карап,чардуганнарны буяп киләбез.


Үпкәм дә,ачуым да юк авылдашларыма. Чын күңелдән сөйләшер кешеләр дә үлеп беткәннәр. Сөйләшер кеше юк!

Вәйт шулай.

№1 (821463) / 30.11.2012 14:30:09

якыннарын бер күрергә зар-интизар булып яшәүче милләттәшләребез азмыни?!.)))))
Мин белгэн чит илдэ яшэуче татарлар елга 2 тапкыр кайтып килергэ момкинлек табалар
Тик мондагыларга аларга барып килу момкинлеге гомер эченэ бер туры килэ,килсэ эле.. Бу узлэре юллык акча жибэргэн очракта.Елга берничэ бару турында суз дэ булу момкин тугел.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar