• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
30.10.2012 Җәмгыять

“Хәзер берәү дә китап укымый инде”

Көзнең һәм кышның озын кичләре кемгә нәрсә белән ассоциацияләшәдер, минем күз алдына иң әүвәл китап килеп баса. Мәктәп китапханәсенекен «ашап» бетергәч, авыл клубы китапханәсендәгесен ташый башлый идек. Анда да китапханәче апаны тинтерәтеп бетерәбез әле: бусы кызыкмы, бусы нәрсә турында. Китапны кире китереп биргәндә инде күзләрне очкынландырып аның эчтәлеген сөйлибез...

Дөнья кыйммәтләре үзгәрә бару, цивилизациянең кызу адымнары безнең тормышка да үз шәрехләрен өсти башлады шул. Шәһәр белән китап бер-берсенә каршы торган дошман белән бер – элегрәк ике кичтә укылып бетә торган китаплар хәзер атналарга сузыла, китапханәдән алсаң, аны кире илтеп биргәнче бер ай узып киткәнен сизмисең дә. Ә бит барыбер китапсыз тормышны күз алдына китереп булмый – телевизордагы тозлы-тозсыз ток-шоулар карап, «көчәнеп кара, бәлки, көләрсең» ише тапшыруларга берекми бит күңел – һаман төнге абажур яктысында китап кыштырдатасы килә. Повесть, романнар булсынмы ул, шигърият дисеңме...

Ә безнең эстрада җырчылары нинди китап укырга ярата икән соң? Тәгәрмәч өстендә барган тормышларында китап нинди урынны били? Шушы сорауларга, соңгы укыган китабыгыз нинди дигәнен дә өстәп, аларның номерларын җыям.

Азат Фазлыев:

– Китап? Кеше хәзер китап укыймыни ул? Шаяртам инде, вакыт тәтегәндә китап укырга тырышам мин. Соңгы укыганы «Җил авазы» дип атала иде, менә авторын гына хәтерләмим. Сәбәп табып әйтүем түгел – әмма китап укырга вакыт җитми. Гастрольләрдән кайтып та кергән юк бит.

Алия Исрафилова:

– Китап укырга үлеп яратам. Хәзер менә Марат Кәбировның «Бердәнбер һәм кабатланмас» дигән китабын укып ятам. Яңача итеп язарга тырышкан, мистика жанрындагы әсәр. Ирләрчә, русча әйткәндә, брутальный тел белән язылган китап. Миңа язу стиле буенча Гөлчәчәк Галиева иҗаты якынрак. Ә болай татар китабы, рус китабы дип аермыйм. Әмма соңгы арада татар әдәбиятын укыйм, телгә сусаганмын, күрәсең. Китапсыз тормышны күз алдыма да китерә алмыйм – китап китап инде ул.

Алинә Бәширова:

– Соңгы арада укыган китабым психология буенча иде. Китап исемнәре бик хәтердә калмый, ә болай, гомумән, укырга яратам. Жанрлардан фантастика ошамый.

Асаф Вәлиев, Татарстанның халык артисты:

– Китап укыган юк инде ул. Хәзер бит компьютер, интернет заманы, ә китап укып утырыр өчен вакыт кирәк. Күз дә арый, бөкрәеп утырасы да килми дигәндәй. Газета-журналларны карап барам үзе. Соңгы арада Вахит Имамовның «Сәет батыр»ын яңартып алган идем – тарих, фантастика, мистика яратам. Теге дөнья турында язылган әсәрләр ошый, кармалар кызыксындыра. Шигърияттән Фәнис Яруллинны яратып укыйм.

Бәширә Насыйрова, Татарстанның атказанган артисты:

– Китап укырга яратам. Әмма катастрофик рәвештә аларны табып алу мәсьәләсе кабыргага төртә. Булсын иде ул һәр районга бер китап кибете! Минем өйгә терәп куйсалар каршы булмас идем... Г.Мөхәммәтшинның «Саумысыз, аккошлар» – соңгы укыган китапларым исемлегендә. Нәбирә Гыйматдинованың соңгы өч томлыгындагы повесть-романнарын укып чыктым. Әлеге авторны бик яратам. Башкорт язучысы Ришат Камаловның «Озын тал» китабы да бик ошады. Вакытым юк, дигәнне мин аңламыйм. Мин вакытым тыгыз булганда да китапка вакыт табам.

Роза Әдиятуллина, «ТНВ»да «Аулак өй» тапшыруы алып баручысы:

– Укырга яратам. Мураками иҗаты ошый, Анна Гавальданың «Жду тебя» романын яраттым. Соңгы укыган китабым Марсель Бакировның «Татар фольклоры» китабы икән. Монысын эшем таләп итә инде...

Газинур Фарукшин:

– Юк, укымыйм. Укый башласам, аерыла алмыйм, шуңа тотынмыйм да. Газета-журналларны карап барам. Хәзер берәү дә китап укымый бит инде – заманы ул түгел.

Иркә:

– Татар китапларын карап барырга тырышам. Баумандагы татар китаплары кибетенә еш сугылам. Бер алганда бер кочак итеп китап алам. Аларның бик очсыз бәягә сатылулары гына ачуны чыгара. Бер диск бәясеннән дә очсыз алар – 50-60 тәңкә. Интернеттан укыган чаклар да була. Әмма миңа барыбер иң якыны – татар телендәге китап. Үз телең үз телең инде.

Ринат Рәхмәтуллин:

– Вакытым юк китап укырга. Мин әле менә хәзер дә юлда, Мәскәүдән кайтып киләм. Көн дә гастроль, көн дә – юл. Китапны аны шул буш вакыты булганнар, эшсезләр, өйдә ятканнар гына укый аладыр инде ул. Мин бик теләсәм дә, китаплык вакыт таба алмыйм. Җырлар язам – шулай булгач, мин китап язучылар исемлегенә керәмендер инде... (Көлә.)

Ләйсән Сөнәгатова:

– Элек китаплар укыштыра идем, хәзер аңа вакыт та, кызыксыну да юк. Хәзер бит инде – интернет, интернет, интернет. Үзеңне кызыксындырган темаңны да, авторыңны да аннан табып укып була. Аның өчен китап эзләп, аны актарып утырырга кирәкми.

Айдар Фәйзрахманов, Татарстанның халык артисты:

– Китап укырга бик яратсам да, соңгы арада аңа вакыт тәтеми. Иҗат кешесе булгач, баштанаяк иҗатка чумып яшәргә кирәк. Бөтен вакыт та, кызыксынулар да шуңа китеп бара. Ә эшем һәм иҗатым буенча миңа фольклор жанрында эшләргә туры килә. Шигъри поэмалар укыйм, шулар буенча концерт программалары әзерлибез. Х.Әюп, Р.Харис иҗатларына багышланган программаларыбыз булды. Шигъри асылташларыбызны сәхнәгә чыгарырга тырышабыз. Хәзер бит сәхнә түренә элек мәҗлесләрдә дә качып кына сөйләнгән анекдотлар чыга, ә безнең нәфис сүз сәнгатенә урын калмады. Аның анысы да китап укымау, милли сәнгать белән кызыксынмаудан киләдер инде. Бу мине бик борчый һәм ул юнәлештә күп еллар эш алып барырга тырышабыз. Халык нәфис сүздән, китаптан, матурлыктан читләшмәсен иде.

Филүс Каһиров:

– Укырга яратам яратуын, әмма аңа вакыт кысылганнан-кысыла бара. Татар әдәбиятына өстенлек бирәм.

Фәрит Фәйзрахманов:

– Соңгы укыган китабым поездда нефть турындагы китап булгандыр. Баналь, әмма вакыт юк.

Эльвира Хәйруллина, Татарстанның атказанган артисты:

– Соңгы арада балаларның мәктәп дәреслекләрен укыйм... (рәхәтләнеп көлә). Балаларны мәктәптә укытканда үзеңә китап укырга вакыт калмый икән ул! Минекеләрнең берсенә – 9, икенчесенә – 8 яшь. Алар белән мәш килеп, китап укырга мөмкинлек чыкмый. Әле җәен диңгезгә барганда укырмын, дип бер мелодрама кыстырган идем, ул китапның бер бите дә ачылмыйча кире әйләнеп кайтты.

Ләйсән Гимаева:

– Мин Акунин китапларын яратам. Детектив жанры ошый. Китапсыз яшәп булмый.

Илмира Нәгыймова:

Китап укырга яратмыйм. Минем аңа түземлелегем җитми. Иң рәхәте – шул әсәр буенча төшерелгән фильмны карау. Соңгы укыган китабым моннан бер ел элек булгандыр. Анысы да училищедагы программа буенча кушылган китап иде. Ул китапның исемен дә, авторын да хәтерләмим.


Гөлнара ҖӘЛИЛОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№40 (819412) / 07.11.2012 22:43:37

чын татар, җук, җук, мин андый усал апай түгел.)))) Ну менә бабагызның салпы ягына саламны күп итеп кыстырсаң, колакларына матур-матур тукмачлар да элеп торсаң, яшәргә була))))) Ирекле булам дип, дөнҗядагы бердәнбер антиквар икзимплярдан зерәгә колак кагып булмый инде.)))) Иреккә сусаганнар яшәсеннәр күптән укылган китап булып, ә мин әле яртылаш сер белән тулы, һәм аны берәү дә разгадат итә алмас.)))

№39 (819356) / 07.11.2012 13:16:53

нокта
шулай тотып тор инде ,китапны арттан да, алдан да, уртадан да укый башлыйлар.

№38 (819346) / 07.11.2012 07:57:50

Татар,)))ул якка карама,затянут.))) 

№37 (819345) / 07.11.2012 07:42:42

Авыл апае, карап - карап торамда , тагы бер кат карап куям)))) Акыллы, юмор хисле хатын икэнен куренеп тора.

№36 (819344) / 07.11.2012 00:59:00

Иркә җаныем, син монда минем хакта дисертасия язып маташкансың икән. Нәрсә бу, мәдхияме суң, әллә ишан камчысымы? Муҗыт яңа язылачак упираңа увиртурадыр ә.Ни дип әйтим суң?
Да, мин әртис,
да, мин бестселлерлар яза алыр идем,
да, мин югары белемле,
да,чыннан да игътибарга лаек хатын, ,
да,мине көнче күбәләкләрдән кала күпләр бик ихтирам итәләр...
Ләкин мин чыннан да авыл апае, һәм бик күп авыл апайларына хас кимчелекле сыйфатлар мине дә урап узмаган. Ул минем сөйләмемдә дә, хәрәкәтләремдә дә, характерымда да чагылыш таба. Шуңа күрә сөйләмем күбрәк фонетик принципка нигезләнгән, характерым да \"чын авыл базары хатыны кебек кеше шәхесе хурларга ябышучан\"дыр. )))))
Син үзең соң дияргә җыенмыйм да, чөнки син безнең тарафтан әллә кайчан ахырына кадәр укылып беткән кызыксыз китап инде.)))) Синең эчеңдәге тышыңда, шуңа күрә высокомерие синең табигатеңне хәттә бизи дә әле. Әгәр ул булмаса, сине Иркә диеп атарга харам булыр иде. Ә болай бу исем сиңа ябышып тора һәм синең төп сыйфатларыңны бозмый да.))))
\"Нәкъ базар хатыны кебек урыныңа куйсалар, тынып торасың да, тагын чыгасың\".
Менә бу урында бераз дисиртасиягә төзәтмә кертергә туры килер, Иркәм. Мин кайберәүләр кебек тынып мыру саклап утырмыйм шул. Минем прусты \"Нәкъ базар хатыны кебек\" вакытым гына чамалырак. Авылда җаныем кырыкмаса кырык төрле эшнең һич бетәсе җук. Шуңа күрә иртәгәгә эшли торган эшләремне дә җайга салып куерга өйрәнгән. Бүгенгене иртәгә калдырырга яратмыйм. Әле кызым кайткан онык белән, кунаклар чакырырга җыенабыз. Төнлә чыгуым шул сәбәп белән.
Ә син юк-бар нәрсә уйлап чыгарып сүрприз ясарга җаратасың инде. Ул синең тәмле кәнфитең, шуннан башка тора да алмыйсың. Да, язуыңның атасы-анасы җук дип һаман әйтә киләм. Кәрәхтир чамалы шул синең. Бернигә яраксыз. Да, үземнең дә синнән артык җирем җук шул, \"Башкаларны каралтып йөреп дан алмакчы була\"м.

№35 (819341) / 06.11.2012 22:14:24

КАЙСЫ БОЛАРНЫН КУБРЭК КИТАП УКЫДЫ ИКЭН СЕРДЮКОВМЫ,ЭЛЛЭ ШОЙГУМЫ?

№34 (819338) / 06.11.2012 21:57:12

Иркә,мин дә аны хәрби чины булгач хәрбидер дип уйлаган идем,ну барыбер хәрби чины булу да бик әйбәт.МЧСполувоенная организасия .Самый главный еврей түгел,шунысына шатланам әле.Әнә,военныйлар комментларында сразу шуңа басым ясадылар.Как никак генерал армии. Аннан килеп ул дисциплиналы организациядән,барыбер табуретка түгел инде.МЧС -ярымхәрби,ә мебель фабрикасы-бизнес.Шуңа от души урлады да инде тегесе.

№33 (819337) / 06.11.2012 21:56:43

маладис иркә!!! шул сорыга мастер класс күрсәт әле!!!

№32 (819329) / 06.11.2012 21:01:46

Соры корт, 

"Беләсезме Иркә, аң белеме югарырак булган, һәр вакыт, үзенә караганда түбәнерәк акыллыны аңлый ала, ә түбәнерәк акыллы, үзендә акыллылыкның, белемнең югары ноктасы икәненә ышану сәбәпле (әбәттә белеме уртачадан да тэбәнерәк булса) үзеннән акыллыракларны, үзен аңлый алмыйлар, дип кабул итә"


Соры))) мине аңламыйлар дип мин дә әйтмәдем, №19 да әйтмәгән.)))Син нәрсә турында яздың??? Үзең турындамы???Мин - ул аралашу миңа кызыклы түгел дидем.

Мин, как раз 19га үз фикеремне генә әйттем.Аларга ачуланырга ярамый дип.Әлбәттә, 19 да высокомерие якты чагыла. Бик белемле һәм интеллектлы явызлар бар. Белемлелек кеше бәяләү критерие түгел. Үз урынын белсә. Әмма бездә күп очракта белемсезләр прут хәзер.Бигрәк тә яшьләр. Алар әле син аларны бушка өйрәтергә тиеш дип уйлыйлар. Сүз, әлбәттә, андыйлар турында түгел.


Нокта, нефть фонтаннары атканда белемле кешеләрнең асубо кирәге юк. Менә хәзер кризиска керә башлагач, урламый торган кешеләр кирәк була башлаган икән. Шойгу уңаеннан әйтәм әле.
Чын татар, Шойгу хәрби түгел, төзүче. Аннан урламу принцибы оборона ныклыгын тәэмин итә аламы икән. МЧС бурычлары белән оборона бурычлары аермасы ай-ай!МЧС башкарган эш бер эре предприятие башкарган эш кенә инде ул.Министрлык дип аталса да.Ну, безгә суңңңңң.....

№31 (819296) / 06.11.2012 14:04:39

Без ни очен укыйбыз сон?Кем купме укый?Берэулэр гомер буе укый-да укый,укый да укый.Бар белемен узе белэн алып китеп тэ бара.Берэулэр кургэнебезчэ аз укый. Купме укуына карап кенэ кеше турында фикер йортеп булмый.Кешелэр ихтыяжларына хэм момкинлеклэренэ карап белемгэ тартыла.Жэмгыять белемле булуга ихтыяжны арттырырга,мондый кешелэргэ узлэрен ачарга,башкаларны да узлэре артыннан ияртергэ момкинлек бирергэ тиеш.Э бу чишелэ торган мэсьэлэ,лэкин сорау шунда -КИРЭКМЕ СОН АНДЫЙЛАР ,ЖЭМГЫЯТЬКЭ"

№30 (819291) / 06.11.2012 13:33:42

Иркә
"Сөйләшү һәм аңлашу синең дәрәҗәңдә булмаганнан килә" Беләсезме Иркә, аң белеме югарырак булган, һәр вакыт, үзенә караганда түбәнерәк акыллыны аңлый ала, ә түбәнерәк акыллы, үзендә акыллылыкның, белемнең югары ноктасы икәненә ышану сәбәпле (әбәттә белеме уртачадан да тэбәнерәк булса) үзеннән акыллыракларны, үзен аңлый алмыйлар, дип кабул итә. Шул аларны бик каты гасабыйландыра да инде. Китап укып кына белемле булып булмый, фәнне китап ярдәмендә үзләштерергә генә мөмкин. Бу очракта да, китап иң мөһим булмаган кушымта гына...

№29 (819285) / 06.11.2012 12:13:44

өч собачка диләр икән, ялгышканмын.Миңа дулкынланган ноктага охшый, ташны суга аткач чыга бит әле.№28не нокта дип уйласаң)))) сиңа үзеңне тикшертергә кирәк. Мин йолдызчыклар күрәм.Башкасы да шул чама булганга, без комментариев.

№28 (819284) / 06.11.2012 12:05:23

Иркә, күзеңә күренсә, бисмиллаңны әйт. Бу темада минем комментаий юк иде әле, менә монысы беренче. Авыл апае дөрес әйткән, "белемеңнең" гаять чамалы дип. Әллә 19 үзеңме соң? )))

№27 (819282) / 06.11.2012 11:29:40

Көтелмәгән җирдә татар өчен иң драматик тема ачылган.

Авыл апае, менә син, мәсәлән. Син чыннан да игътибарга лаек хатын, тик игътибар җәлеп итү урыны синең өчен мыру түгел. Мин сиңа юнәлешләр әйткән идем инде:а) бестселлерлар яза алыр идең,б) артистлыкка кастинглар узып кара, сиңа укып торасы юк бит, табигать салган барысын. №19 синең кебек филология белеме алмаганы күренеп тора, -чая һәм -щаяны бутавы гаеп түгел, бу сиңа гаеп булыр иде.Калганы техник хата, күз йомып басудан килә торган.Башкаларны каралтып йөреп дан алмакчы буласың син.Син үзең соң димә тизрәк, мин синнән аермалы буларак, чын авыл базары хатыны кебек кеше шәхесе хурларга ябышмыйм. Нәкъ базар хатыны кебек урыныңа куйсалар, тынып торасың да, тагын чыгасың.

Татар алга китсен өчен иң беренче тезис - һәркем акыллы, уңган, булган, тик һәркемнең лаеклы үз урыны бар. Менә шуны аңлап, шуның буенча эш йөрсәк иде.

Мин №19ны 100 процент аңлыйм. Әйтик, авылда мине высокомерныйракка саныйлар иде. Анда да тулы мәгънәсендә түгел. Высокомерныйлык ул ниндидер гамәлләрне дә күздә тота. Мине күп очракта дәшми торган, бик аралашмый торган кеше дип беләләр. Шул гына. Тик ул дәшмәү - сүз булмаудан түгел. Сөйләшү һәм аңлашу синең дәрәҗәңдә булмаганнан килә.Әлбәттә, бу тормышны кыенлаштыра.Соңгы елларда ошыймы- ошамыймы бүрәнә өсләрендә әйе-әйе дип утырам, эштә каллектиф дип җыелып эчкәндә - эчәм. Әмма косасылар килә андый чакта, әмма түзәм, чөнки аерылсаң, ак карга кебек чукыйлар. Син зыян салган өчен түгел, син бары икенче төрле булган өчен.

Тик №19ның бер ялгышы бар.Тик алар кабул итми дип, аларга карата нәфрәт тупларга ярамый. Бу ситуацияне авырайта гына. Хәзер менә элек булмаган шанс барлыкка килде. Акыллы кешеләр бергә җыйнала алалар.Тик ул җыенда инде мин акыллырак дип исбатларга кирәкми.Чын интеллектуаль кеше, чын талант кебек, үзенең акылына үзе чын бәя бирә ала.Әйтик, мыру үз гомеремдә беренче тапкыр мин рәхәтләнеп сөйләшкән икенче урын булды.(Беренчесе эшемдә. Даруларым янында.)Мин, гомумән, ТВ, татар ТВсы карамаска кидәш итәм. Анда карарлык нәрсә бармы??? Әгәр юк икән, син аңа нервы бетермә, ул татарда акыллы кеше юк икәнне аңлатмый. бу Татмедиа, теге кудрявыйның исемен оныттым, ул һәм айтуганова эшен генә бәяли.Һәрнәрсәнең башы булган кебек, ахыры да бар. ТНВының үлер көне җиткән димәк.

Өч нокта, синең башка никны да беләм, син генә акыллы түгел, башка акыллылар да бар икәнен аңласаң иде.Ә менә авыл апае урыны, точно мыру түгел. Аның башка талант.

№19, мин синең белән аралашыр идем, рәхәтләнеп мәсәлән. Бары үзеңнән аерылган кешеләргә ихтирам белән карарга кирәк. Чөнки һәркемнең үз лаеклы урыны бар. Кичә "Эхо Москвы" да ниһаять человеческое достоинство турында икенче ракурс алды. Эй сөйли инде бер яшь нәмәрәсә, Америкада булган, фәлән-фәсмәтән, кайсыдыр штатында җәмәгать урынында тәмәке тартырга ярамагыч, тартырга урам га чыккан. Анда имеш урна булмаган ( ышынмадым) , шул тирәдәге урам себерүче аның тартып бетергәнен лостоинство белән көтеп торган да достоинство белән себереп алган.Ә бит, ситуация нәкъ киресенчә. Төпчек ташлаучы җыештыручы кешегә кеше итеп карарга тиеш. шул вакытта гына достоинстволы кешеләр урам себерергә киләчәкләр. Мин сезгә чын күңелнән әйтәм, әйтик миңа яхшы!!!! итеп урам себерүче президентка караганда 1000! өлеш кирәгрәк һәм файдалырак кеше. Миңа президентның булуына караганда булмавы яхшырактыр, бәлки!!! әмма мин 2-3 көн урам себермәсәләр чыгырымнан чыга башлыйм.Һәркем кеше, үз урынындагы кеше хөрмәткә һәм ихтирамга лаек. Менә урыннарына лаек булмасалар, анда инде икенче мәсәлә.

№26 (819266) / 06.11.2012 00:22:06

Әй, умник №19! Ходящая димиләр, ходячая энциклопедия диләр; элудированный түгел, ә эРудированный, эрудит сүзеннән; ну неординарный булырга можешь, чөнки бу урында ул белемле дигән мәгънәне барыбер аңлатмый. Вәт \"белемеңнең\" гаять чамалы булуы белән мыручыларны көлдердең инде. Маэмайлар баядан бирле сине үртәп утыралар бит, шуны аңламыйсыңмы?))))

№25 (819265) / 06.11.2012 00:08:28

Кайсы авыррак икәне башыңа төшкәч ачыклана)))

№24 (819264) / 06.11.2012 00:05:51

№ 19
"Аның берсе чынлап та авыррак"))) Җавап биргәнче, параметрларга барып җиткәнче, "авырлык" сүзенә нинди төшенчә бирәсез? Бу сүз белән, халыкта, өч физик төшенчә билгеләнә бит?

№23 (819263) / 05.11.2012 23:52:43

Ә син үскәнем, акыллы булсаң, әйт әле, чынлап та кайсы авыррак: бер кило мамыкмы, әллә 1 кг кургашмы?
Аның берсе чынлап та авыррак, тик фикереңне дәлилләп тә күрсәт, физика законнары белән, безләргә наданнарга.
Өч собачкаңдагы миләреңне дә кушып эшләт.

№22 (819262) / 05.11.2012 23:05:51

Фантастика да, әдәби әсәргә керә.))) "интеллектуал тапшыруларны да карап барам һәм анда катнашучылардан алдарак җавапны да беләм" Разве белемле кеше сорауга тиз генә җавап бирә ала??? Тестка җавап бирү белемлелекнекне күрсәтми, хәтер яхшылыкны күрсәтә.))))))) Белемле кеше, башта сорауны ачыклый, аннан гына җавап бирә. Әйтик, киң таралган: "1кг мамык авырмы яки кургашмы?" Сезнең кебек "элудированный"ның җавабы дөрес булмаячагы әллә каян күрнеп тора, чөнки, сорау язылып беткәнче, җавабыгыз әзер. Ә бит дөрес җавап булсын өчен, ким дигәндә, 5-6 параметрны ачыкларга кирәк.))))))

№21 (819258) / 05.11.2012 22:13:47

Игтибар белән укысаң иде, мин кайда әдәби китап кына укыйм дип язганмын әле өч собачка?

№20 (819246) / 05.11.2012 20:10:27

Ә мин №19 Әдәби китап укып "Ходящая энциклопедия, элудированный, неординарный кеше" кешегә әйләнүче турында беренче ишетәм.)))))))) Моның ише коменнарийны, бүгенге көндә, бер несостоявший әритс, үзен журналист санаучы берәү генә язарга может.))))))))))))))

№19 (819245) / 05.11.2012 19:50:36

Мин үзем үз гомеремдә берничә мең китап укып чыктым, белмәгәнем, укымаганым юк. Ходящая энциклопедия, элудированный, неординарный кеше диләр.
Кем беләy генә сөйләшә башласам да, гыйлем ягыннан да, фикер йөртү ягыннан да, - гәптәшемнән өч-дүрт башка өстен икәнлегемне сизәм. Мин генә түгел, әңгәмәдәшләрем дә.
Алар минем белән 5 минут сөйләшкәч, - үзләренең коры томана икәнлекләре башларына барып җитеп, миңа кырын карый башлыйлар, тагын да бер биш минуттан соң мине күралмаска әйләнәләр, тагын да 5 минуттан соң аларның ничек итеп булса да мине "үз урыныма" һәм дә ничек итеп кенә булса да, - теләкләре туа, һәм дә инде көнләшеп төрле гайбәт таратып, пычрак ягарга маташып һ.б. Һәм дә еш кына шундый гайбәт һәм нахак ялалары – таралып та китә. Ата дошман күрә башлыйлар. Бары тик бер әйбер өчен генә, үзләренең коры тинтәк булулары аркасында тинтәк булмаганнарны күралмаганнары аркасында гына.
Мин аларга да шулай ук презрение белән җавап бирәм, кроссворд тапшыруын караган вакытта анда катнашучыларның шул кадәр дә надан була торып та, ниндидер пост, ниндидер урын алып татарның билгеле кешеләре булып йөрүенә җенем чыга. Телевидениедә күрсәтелгән бар интеллектуал тапшыруларны да карап барам һәм анда катнашучылардан алдарак җавапны да беләм.
Дусларым юк диярлек, кеше белән артык аралашырга тырышканым да юк. Урамдагы аракы эчеп бер-берен тукмап аңгыра сарык бәрәннәре халәтенә әйләнгән җан ияләрен автомат белән атып кырып бетерер идем.
Милләтнең төп байлыгы - безнең кебек укымышлы, акыллы кешеләр. Тик, кызганычка каршы, бүгенге көндә, андый кешеләргә хаҗәтлек юк. Түрәләр дә үзләреннән акыллырак кешеләрне өнәп бетермиләр, үз тирәләрендә күрергә дә теләмиләр, наданлыклары фаш булмасын өчен.
Дөн-я белән көчлеләр идарә итми, акыллылар идарә итә. Акыллыларга юл бирик, по связям урын алуга чик куярга вакыт. Хәзерге заманда безне бары тик белем генә коткарып кала алачак. Ә без укымыйча упкынга очып төшеп барабыз. Халык укымый башлагач, - ул сарык көтүенә әйләнеп бара дигән сүз инде.

№18 (818942) / 02.11.2012 02:03:36

Алсуга. Марат Кәбиров әсәрләрен укыгыз.

№17 (818876) / 01.11.2012 11:37:02

Барысыда китап укый, исемнэрен генэ эйтеп бирэ алмыйлар икэн... кеше колдермэсеннэр иде ичмасам. китап укыр очен ин яхшы вакыт юл инде ул телэгэн кешегэ

№16 (818874) / 01.11.2012 11:21:50

куке

№15 (818873) / 01.11.2012 10:46:10

Классикларны укы Алсу. Хэзерге заман авторлары арасында сирэк яхшы язучы. Тем боллее роман дигэнсен.

№14 (818872) / 01.11.2012 10:22:06

Бер әйбәт татарча яна роман әйтегез әле, зинһар. Срочно китап укыйсым килә!!!

№13 (818820) / 31.10.2012 16:23:54

Композитор да, жырчы да, тозуче дэ, китапхэнэче булу да - бар хонэр дэ узенчэ авыр, жэмэгать)))
Бер-ике тапкыр бер урта буын жырчысы белэн гатрольлэрдэ йоргэнем булды. Ардыра, элбэттэ. Бик куп коч китэ. Анын торле чурты-муртлары бар шул, жырладын-биеден дэ киттен генэ тугел. Эмма элеге жырчы, буш вакыты чыккан саен, букчасыннан китап чыгарып, шуны онытылып укый иде! Тэк шту "вакытым юк" дип йоргэн жырчылар, акланмыйча гына, "укырга телэгем юк" дисэгез ни була инде, э? Сезнен кубегезнен интервьюлардан а шыр надан икэнегез куренеп тора, юкса!

№12 (818797) / 30.10.2012 22:36:17

Мансур. Оренбур, композитр булунын нэрсэсе бар, ноталыры жидегенэ бит ))))), шунын очен музыкаларыда бер-берсенэ ошаганнар

№11 (818795) / 30.10.2012 22:34:28

Майкл Җиксын үлде түгелме суң ул? Шулыйрак ишеткәнием.

№10 (818793) / 30.10.2012 22:26:08

Әртисләребез белән бераз ачыклык керттек инде. Композиторларыбыз белән хәлләр ничек икән? Хәзер бит сәхнә тирәсендә буталучыларның һәр икенчесе композитор бугай(һәрхәлдә алар үзләрен шулай атыйлар). Тик иң шаккаттырганы шунда, алар бер-беренең иҗатын ишетеп тә карарга тырышмый кебек...

№9 (818772) / 30.10.2012 19:59:55

Майкл Джексонны артист дип нәк менә шул маймуллар исәплиләр дә инде.
Ул үз гомерендә бер китап та укып чыкмаган ярыммаймуллар өчен, ярыммаймулга әйләндерелгәннәр өчен җырлый. Мин ун миллион андый Майкыл-маймылкылны бер Илһам Шакиров яки Әлфия Афзаловага алыштырмыйм.

№8 (818758) / 30.10.2012 18:45:37

Китап укысалар,нәрсә җырлаганнарын аңларлар иде,хет!

№7 (818743) / 30.10.2012 17:34:23

№6: Майкл Джексон тугеллэрдер бит, ел буе мировое турнеда йорергэ)
Бик кыен булса алай, эшлэмэсеннэр, кирпеч ташысыннар стройкада. Сразу жинелэер хэллэре)) Доресен генэ эйткэндэ, бу язмада аталган минимум яртысы - чуп, алар бар ни-юк ни татар эстрадасында, китсэлэр - искэ алучы да булмаячак, татар эстрадасы очен бер югалту да тугел бу))

№6 (818739) / 30.10.2012 17:01:41

барыгыз да монда акыл сатып утырасыз,сез бер генә тапкыр алар белән йөреп кайтыгыз гастролләрдә,аннан соң язарсыз...

№5 (818737) / 30.10.2012 16:43:38

Китап укырга вакыт юк дигэн кешене ботенлэй анламыйм,ул бит инде ашарга вакыт юк дигэн кебек.Бернинди интернет та китпны,анын тэмле исен алыштыра алмый.Артисларнын вакыт юктыр инде,алар бит улэ-бетэ акча куалар,булыр булмас тавышларына фонограмма эшлэтеп.

№4 (818736) / 30.10.2012 16:41:53

Ә укымагач, кеше кире маймулга әйләнә.
Яртылаш әйләндек тә бугай инде, хәзерге кичке урам яшләренең кайбер кыланмышларына караганда.

№3 (818729) / 30.10.2012 15:02:30

Бу язманы укыгач,артистларнын ин надан халык икэнен анладым.

№2 (818728) / 30.10.2012 15:00:04

Гузэл белэн тулысынча килешэм. Хэзерге жырчылар - жыен "колхозник"лар. Бер Иркэнен генэ жавабы ошады

№1 (818724) / 30.10.2012 14:25:53

Бигрэк тупой жырчыларыбыз бар икэн). Харап, вакытлары юк, гастрольдэн кайталар.
Хэр кон саен 8эр сэгать эшлэгэн кеше нишлэргэ тиеш икэн, ботенлэй хэреф онытыргамы?
Китап уку вакыттан тормый ул, ул -интеллектуаль потребность. Укыган кеше вакытына да карамый, укый. Укымаса - димэк, кызыксынуы юк, шул гына.

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar