Ваһапов фестивале тәкъдим итә: Ришат Төхвәтуллинның беренче концертлары

Татар-башкорт сәхнәсендә “яңа йолдыз” кабына: Ришат Төхвәтуллин! “Яңа гасыр”, “Мәйдан” каналларын караучы тамашачылар ягымлы тавышлы, мөлаем бу яшь җырчыны инде яратып та өлгерделәр. Ришат репертуарында – затлы, зәвыклы эстрада әсәрләре, нигездә махсус Ришатка атап язылган яңа җырлар, шулай ук татар-башкорт классикасының иң матур үрнәкләре.

Ришат Башкортостан Республикасы Туймазы районының Карамалы Гөбәй авылында туган. Октябрьский музыка училищесын тәмамлаган. Бүгенге көндә Уфа сәнгать академиясенең 5 курсында укый.

Узган ел ул Рәшит Ваһапов фестиваленең яшь башкаручылар конкурсында 1-нче урынны яулады.

Һәм менә ниһаять Ваһапов фестивале яшь җырчының беренче концертларын оештыра.

Алар 26 октябрь Уфа (Башкорт дәүләт филармониясе) һәм 29 октябрь Казан (Татар дәүләт филармониясе) шәһәрләрендә үтәчәк. Бу көннәрдә Ришатның беренче СД-альбомы да тәкъдир ителәчәк.

Концертларда танылган артистлар Бәширә Насыйрова, Филүс Каһиров, Ринат Вәлиев катнаша.

Шулай итеп, татар-башкорт сәхнәсендә “яңа йолдыз” кабына: Ришат Төхвәтуллин! Тарихи мизгелне күрми калмагыз!

Белешмәләр өчен: Уфа – 8(347) 250-77-42;

Казан – 8(843) 277-18-22

Рәхим итегез!