Cезон ачылу уңаеннан Камал театры матбугат конференциясе җыя

Г.Камал исемендәге Татар дәүләт Академия театры 107 сезон ачылу уңаеннан журналистларны матбугат конференциясенә чакыра. Конференция 19 сентябрьдә 11:00 сәгатьтә театрның кече сәхнәсендә була. Катнашалар:

•    Фәрит Бикчәнтәев – Россиянең һәм Татарстанның атказанган сәнгать эшлеклесе, театрның баш режиссеры;
•    Илфир Якупов – театр директоры вазифаларын башкаручы;
•    Радик Бариев - Татарстанның атказанган артисты,  “Кечтүкле уен” (И.Зәйниев) спектакленең режиссеры;
•    Нияз Игламов – театрның әдәби бүлек мөдире, театр тәнкыйтьчесе;
•    Фирая Әкбәрова - Татарстанның халык артисткасы (яңа сезонда аның юбилей кичәсе һәм аудиодискның презентациясе көтелә);
•    Люция Хәмитова – Татарстанның халык артисткасы,  “Җәйнең бер көнендә” (Й. Фоссе) спекатклендә төп рольне башкаручы;
•    Эмиль Талипов –  “Мулла” (Т.Миннулин) спектаклендә төп рольне башкаручы.