• 26.06-28.08 Театрализованное фольклорное Казан-шоу. Туган авыл.
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 28 Июль
  • Айрат Акимов - җырчы
  • Нургали Булатов - журналист
  • Якуб Агишев (1899-1972) - галим
  • Рәшит Ибраһимов - язучы
  • Наил Мәганов - җәмәгать эшлеклесе
  • Рамил Нотфуллин - дәүләт эшлеклесе
  • Розалина Шаһиева - шагыйрә
  • Туй, туган көн, юбилей һәм башка уңайдан якын кешегез белән хәтирәләрне теләкләр аша үреп,оригиналь шигырьләр,проза,рәхмәт сүзләре,бәет,җыр текстлары иҗат итәм.Һәр кешегә индивидуаль караш.Кулай бәяләр.Заказлар алдан алына.89083405794 ватсап.
  • Сдаю 1 комнатную квартиру в Наб. Челнах в 62 ком-се молодой семейной паре или двум девушкам студенткам. 89093132683 вацап
  • 62 яшьлек Ир Яна гына пенсиягэ чыктым казаннан ерак тугел район узэгендэ яшим бакча яратам бераз гына умарталарым бар жыр монга гашыйк узем шикелле ялгызлыктан туйган 55 62 яшьлек хатын кыздан шалтырату кэтэм тел 89270417535
  • Исэнмесез. Метро Аметьева,горьки яки Карбышева,даурский,мавлютова урамнары тирэсеннэн 1 булмэле квартира озак вакытка снимать итэргэ эзли без. 89372982380
  • Исәнмесез. Яңа бал сатам. Умартам урман янында тора. Экологик чиста бал. 3л -1300, кәрәзле бал - 600скм/кг. Казанга китереп тә бирәм. 89600344439 нлмерына шалтыратыгыз.
  • Добрый день! Продаю мёд из своей пасеки. Пасека находится около липового леса, в отдаленном от основных автомобильных дорог. Мёд характеризуются экологической чистотой и повышенными лечебными свойствами. Мёд цветочно-липовой. Цена 3л - 1300. Имеется доставка по городу Казани. В продаже имеется мёд в сотах весом от 1кг 500гр - до 2 кг. (вес тары не входит). Цена - 600 р/кг. Оптовом покупателям (от 10 банок), скидки. Желающие пишите по номеру 89600344439
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
 
 

 
Архив
 

               

13.09.2012 Матбугат

Рушания Алтай: “Төркиядә журналистларны медиакорылыш белән җитәкчелек итә белә торган кеше итеп әзерлиләр”

Бүген “Татар-информ” мәгълүмат агентлыгында татар телендә чираттагы видеоконференция узды. Студиябездә без Төркия Республикасы Истанбул шәһәрендә яшәп иҗат итүче милләттәшебез, “Тукай” мәдәният һәм мәгърифәт үзәгенең мәдәният, матбугат һәм яшьләр комитеты җитәкчесе, “Татар-информ” мәгълүмат агентлыгының Төркиядә аккредитацияләнгән хәбәрчесе Рушания Алтай белән әңгәмә кордык. Бүген ул “Татарстан - Төркия массакүләм мәгълүмат чаралары күзлегеннән” темасы кысаларында Төркия журналистларының эш тәртибе турында мәгълүматлар җиткерде, шулай ук татар милләтен үстерүгә һәм башка мәсьәләләргә кагылышлы фикерләрен җиткерде.

– Рушания ханым, иң элек, “Тукай” үзәгендәге эшчәнлегегез турында сөйләсәгез иде. Татар милләтен үстерү юнәлешендә нинди эшләр башкарыла анда?

 

Р. А. Иң элек мин Татарстандагы милләттәшләремә, биредәге хезмәттәшләремә Истанбул якларыннан искән җылы җилләр аша кайнар сәламемне җиткерәм.

 

Сезнең сорауга килгәндә, “Тукай” үзәге 2004 нче елның ноябрендә барлыкка килде. Бу идея күптәннән бар иде инде. 2006 елда, Габдулла Тукайның тууына 120 ел тулу уңаеннан, без татарлар буларак кына дәшүләт ярдәменнән башка “Тукайның тормышы һәм әсәрләре” дигән конкурс игълан иттек. Ул Төркиядә дә, Татарстанда да киң таралыш тапты. Тукайны яхшы беләгән Төркиядә яшәүче кайбер милләттәшләребез арасынннан жюри билгеләдек, алар арасыннан өч җиңү яулады. Бу чарага Төркиядән генә түгел, Татарстаннан да мәкалә язып җибәрүчеләр булды. Андыйлар арасында журналист Мансур Мортазин, Татарстанның атказанган укытучысы Фәргат Зыятов, “Татарстан - Яңа гасыр” телеканалы журналисты Әнзия Ханнанова, Зәйдән югары сыйныф укучысы Дамирә Сәгыйрова, Чаллыдан Айгиз Мингалимов, Түбән Камадан Илнур Хәйруллин да бар иде. Арча укытучысы Фәргат Зыятовның мәкаләсе конкурс шартларына туры килеп бетмәде, ләкин ул бик кызыклы яңалыкларга, мәгълүматларга бай булганлыктан аңа жюри симпатиясе премиясе бирелде.

 

Аннан соң Төркия җөмһүрияте белән бәйле барлык чараларда катнашырга тырышабыз. Аларда кагыйдә буларак күргәзмәләр оештырыла, анда үз стендыбызны булдырып, Татарстан халкының җәүһәрләре сыйфатында төрле әйберләребезне тәкъдим итәбез. Шулай ук Төркия телевидениеләре Татарстан белән бәйле тапшырулар эшләгән вакытта, безгә мөрәҗәгать итәләр һәм без аларга кирәкле мәгълүматны биреп, рәсемнәр, видеосурәтләр һәм башка мәгълүматлар белән ярдәм итәргә тырышабыз. Быел май аенда Тукай тормышы һәм иҗатына багышланган шундый тапшыру яңгырады. Гадәттә Төркиядә татар балаларына игътибар җитеп бетми, шул уңайдан, без Татарстанда чыгучы китапларны күзләп, татар телендәге видеокүренешле мультфильм дискларын эзләп табып, андагы балаларга ярдәм итәбез.

 

– Билгеле булганча, “Татар-информ” мәгълүмат агентлыгы Татарстан гаммәви мәгълүмат чаралары тарихында беренче булып, даими чит ил аккредитациясенә ия булды, шул рәвешле, агентлык АКШ, Алмания, Бөекбритания, Франциянең эре медиаструктуралары сафына эләгеп, Төркия Республикасында халыкара мәгълүмат агентлыгына әверелде. Шулай итеп, Сез Төркиядә узучы дөньякүләм дәрәҗәдәге чараларны яктырту хокукына ия булдыгыз. Сезне тагын бер кат котлыйбыз бу казаныш белән. Ничек ирешеп булды моңа? Нинди тырышлыклар таләп итте ул?

 

Р. А. Моңа бары тик зур теләк кенә кирәк иде дип уйлыйм мин. Татарстанның әдәбияты, сәнгате, белем дөньясы халыкара дәрәҗәдә инде берникадәр таныш. Ә менә Татарстан журналистларын әле белеп бетермиләр, шуңа күрә миндә шундый идея туды. Танышларымның киңәше миңа зур терәк булды: алар миңа син үз дәүләтеңдәге медиакорылышны дөньякүләм масштабка чыгара аласың диделәр. Һәм мин моның юлларын эзли башладым. Кая мөрәҗәгать итү юлларын эзли башладым. Монда бер факт мөһим: Төркиядәге массакүләм мәгълүмат чараларына үзеңне таныта белү хәлиткеч роль уйный. Минем Төркиянең Әгәй университетында журналист белемемне дәлилләүче дипломым бар. Бу да зур ярдәм булды. Документлар җыю өчен 7 айлап вакыт узды, Төркия Министрлар Кабинетына мөрәҗәгать иттем. Бу чорда иләктән иләгән кебек тикшерделәр. Төркиянең тикшерүе аңлашыла, тик бигрәк тә бу тикшерүләрнең Россия ягыннан булуы гаҗәпкә калдырды. Россиянең Төркиядәге консуллыгыннан рекомендацияләр булу зарур иде. Россиянең Тышкы эшләр министрлыгыннан документлар таләп ителде. Куркынычсызлык оешмасы белән әңгәмә булды. “Татар-информ”ны тикшерә башладылар. Шушы папкабыз Министрлар кабинетында оештырылучы махсус комиссиягә тәкъдим ителде. Комиссия “Татар-информ” агентлыгын Төркиядә аккредитацияләргә дигән карар чыгарды. Шуның нәтиҗәсендә без үзебезнең матбугат битләрендә Төркиядәге чит ил яңалыкларын җиткерә алу бәхетенә ирештек. Монда бары тик теләк һәм ышанычлы оешма булу гына кирәк иде. Ышанычсыз корылыш булсаң, бу эш барып чыкмас иде, мөгаен.

 

Әйтеп киткәнегезчә, Сез Казан университетында да, шулай ук Төркиянең Измир каласы университетында да тележурналистика һәм кинематография бүлегендә белем алгансыз. Нинди аерма тойдыгыз белем бирү системасында? Гомумән Төркиядә журналистларны ничек әзерлиләр?

 

Р. А. Әйе, Казан дәүләт университетын мин 1992 нче елда тәмамладым, 1993 нче елданТөркиядә мин Измир каласындагы Әгәй университетының халыкара коммуникация факультетының телерадиожурналистика һәм кинематография бүлегендә укый башладым. Нинди дәресләр керә икән дип кызыксына башлагач, шаккаттым: расписаниедә бизнес белән идарә итү, математика, бухгалтерлык, статистика, хокук кебек фәннәр бар иде, әйтерсең лә, мин журналистикага түгел, бизнес белән бәйле белгечлеккә укырга кергән диярсең...Соңыннан Төркия медиаструктурасы асылын аңлагач, төшендем: Төркиядә журналистларны хокук нигезләрен яхшы белүче белгеч итеп әзерлиләр. Беренче курста хокукның терминнарын өйрәтүдән башласалар, алдагы курсларда хокукның төрле тармаклары нечкәлекләрен җиткерделәр. Шулай ук логистика һәм халыкара мөнәсәбәтләр, идарә итү системасы буенча да белем бирделәр. Кыскасы, безне журналист итеп кенә түгел, ә медиакорылыш белән җитәкчелек итә белә торган кеше итеп әзерләргә тырышканнар. Һәм бу бик дөрес, минемчә. Казан университетында матур сөйләм, матур язуга игътибар күбрәк бирелсә, Төркиядә, киресенчә, әдәби юнәлешкә әһәмият аз. Шундый киңкырлы белем алгангамы, мин үземне Төркиядә туып үскән кеше шикелле иркен хис итә идем. Журналист белеме булган һәм мондый белемне алмаган вәкилләрнең иҗаты арасында аерма бар. Төркиядә хосусый ММЧ киң таралыш алган, шуңа күрә кайбер газеталар сенсациягә игътибар юнәлтә, бу бигрәк тә, журналистика белгечлеге буенча укымаган каләм ияләрендә сизелә. Мәсәлән, Төркиядәге бер вакыйганы искә аласым килә. Ялгышмасам, 2007 нче елда ислам дине белән бәйле бер җыен үткәрелде. Анда ул вакыттагы Татарстан Президенты Минтимер Шәймиев тә катнашты. Ул узган гасырның башларында ислам торышы белән бәйле чыгыш ясады. Россиядә большевикларның дингә каршы сәясәте турында бәян итеп, Төркиядә исә Ата-төрекнең хакимияткә килүе һәм аның дин һәм дәүләтне аеруын билгеләп узды. Ул Ата-төрекнең дингә каршы булуы турында фикерен белдермәде, ләкин тәрҗемәче ниндидер нечкәлекне төшереп калдырып, “Ата-төрек дингә каршы” дигән сүзләр җиткерде. Бу Төркия журналистлары арасында ризасызлык уятты. Алар үзләренең канәгатьсезлеген җиткерә башлады, Минтимер Шәймиев исә аңлатма бирергә мәҗбүр булды, нәтиҗәдә үзенең фикерен тәфсилләбрәк җиткерде. Шәрехләмә барышында Минтимер Шәймиевнең дин яклы, аның Фейсал премиясенә лаек булуы турында әйтелсә дә, бер яшь кенә журналист бу сүзләрне читкә куеп, җыенга йомгак итеп язылган мәкаләсендә “Татарстан Президенты Ата-төрекне исламга каршы дип бәяли” дигән фикерне өскә чыгарган. Аннан соң гына тәрҗемәче хатасы дип аңлатма бирелде.

 

Шуны да билгеләп үтәсе килә: Төркиядә сүз иреге бар. Теләсә-нинди жуналист Президентны да, министрны да тәнкыйтьли ала. Ул укучылары мәнфәгатьләрен кайгыртып, түрәләр хаксызлыгын шелтәләп, хакыйкатьне ярып сала ала.

 

– Рушания ханым, Сезне ике төрле югары уку йортында киңкырлы журналист белеме алган кеше буларак, бәхетле каләм остасы дип әйтергә була. Инде төп темабызга әйләнеп кайтып, Татарстанның Төркия массакүләм мәгълүмат чараларында алган урынын билгеләп үтик әле. Теге яки бу республика данын, әйтик, безнең очракта Татарстан данын еракларга таныту, дәрәҗәсен чит илләрдә күтәрү йөзеннән нинди эшләр башкарып була?

 

Р. А. Төркия медиасы бүгенге көндә азмы-күпме Татарстанны таный башлады инде. 1997-2002 нче еллар арасында Истанбул мэриясе Татарстан белән бәйле бик зур чаралар оештырыды. Кызганыч, ул еллардагы чаралар белән чагыштырганда бүгенгеләре бик кечкенә булып тоела. Истанбул мэриясе ул чорда төрки дөньяның мәдәниятын танытуга зур көч сарыф итте, Татарстан көннәре дигән декада оештырыла иде. Анда күптөрле җыр-бию коллективлары, мәдәният эшлекләре, галимнәребез дә катнашты. Кино сәнгатен таныту мөмкинлеге дә бирелде. Без ул вакытта андагы татарлар программаның бай булуыннан сайлый алмыйча “интегә” идек: Тинчурин театры спектакленә барсаң, кыллы уен квартетын күрми калабыз, шигырь кичәсенә барсак, татар милли кул үрнәкләре күргәзмәсен тамаша кылмый калабыз дип икеләнү кичерә идек. Ләкин программа никадәр бай булмасын, бу чаралар турындагы язмалар Төркиянең бер генә массакүләм мәгълүмат чарасында да урын алмады. Журналларны алып кайтып карый идем, ник шунда бер хәбәр булсын.

 

Шуңа күрә, минемчә, Татарстанның танылуы 2004 нче елдан башланды. Ул елны Татарстанның “Татнефть” җәмгыяте Төркиянең Tupras нефть компаниясен сатып алу тендорында катнашты. Элек төрек журналистлары Татарстанның кайда икәнлеген белмиләр иде, алар аны Казакъстан, Төркмәнстан тирәсендә бер җөмһүрият дип кенә уйлый иде. Шул тендорда катнашу Татарстанга игътибарны арттырды. Берничә газета битләрендә Татарстан, “Татнефть” турындагы язмалар пәйда була башлады. Бер бик танылган журналист “Татнефть” белән әңгәмә корып, Татарстан турында зур язма дөнья күргән иде. Шулай әкренләп Татарстан турында Төркия матбугаты белә башлады.

 

Тукай елы уңаеннан Төркиядә Анкара шәһәрендә Тукай бюсты ачылды. Ул Төркия матбугатында киң яңгыраш алды. Быел Истанбул шәһәрендә Тукай паркы ачылды, мәшһүр шагыйребезгә һәйкәл куелды.

 

Татарстан данын таныту өчен, Татарстан телевидениеләренең, мәгълүмат агентлыгының Төркиядә бүлекләрен ачу кирәк, минемчә. Корпунктлар булса, хәбәр алыш-биреш тә җайлашачак.

 

– Темадан читкәрәк китеп, Казанның дөньякүләм спорт чараларына әзерлек мәсьәләсенә тукталыйк. Аларга әзерлек кысаларында, башкалабыз үз йөзен шактый гына үзгәртеп килә. Моны сез бирегә кайткан вакытта үзегез дә тоясыздыр... Дөресен әйтергә кирәк, бу җитди әзерлек шәһәр халкы, башкала кунаклары өчен юлларда уңайсызлыклар тудыра. Ялгышмасам, Төркиядә дә Кышкы Универсиада узган иде бит, анда әзерлек ничек алып барылды? Казан ни дәрәҗәдә уңайлы, кызыктырырлык хәзер?

 

Р. А. Төркиядә дә Кышкы Универсиада гөрләп узды. Әзерлек аерым бер сайт әзерләүдән башланды. Шунысы игътибарга лаек: кызыксынган кешеләр бу хакта белделәр, кызыксынмаган шәһәр халкы үзләрендә Универсиада узуын тоймый да калды. Объектлар төзелешенә генә игътибар юнәлтелде, ә юллар, башка инфраструктура болай да тәртиптә иде инде. Казанда Универсиада якынлашуы уңайлыклары белән генә түгел, уңайсызлыклары белән дә сиздерә. Бер объетка барып җитү өчен бик күп вакыт алдан чыгарга кирәк, бездә булса халык күптән митинглар белән урамнарны шаулатып, Президентка да кереп җиткән булыр иде, мөгаен. Казанда халык сабыр икән!

 

– Үз милләтенә, гореф-гадәтләренә үтә дә тугры булган төрекләр арасында яшәү кыен түгелме? Кайтасы килгән мизгелләр булмадымы? Андагы татарлар даирәсендә милли туй йолалары, шул ук килен төшерү, кияү мончасы, килен токмачы, башка гореф-гадәтләр үтәләме?

 

Р. А. Мин төрекләрнең бик күп гореф-гадәтләренә мөкиббән. Безнең тамырларыбыз бер булгач, ул кадәр аерма юк, шулай да менталитетта аерма сизелә. Аларда мәрхәмәтлелек сыйфаты куәтле, монда кайткач, Мәскәүдәге миһербансызлык күңелгә каты бәрелде. Төрекләргә ислам диненә хас шәфкатьлелек нык сеңгән, анда ярдәмчеллек шулкадәр киң чагылыш таба. Шуңа күрә миңа анда яшәве бер дә кыен булмады. Безгә алардан үрнәк алу кирәк. Ә туган илгә кайту теләге һәрвакыт булачак. Татарстан авылларының берсендә туганга, туган җир үзенә тарта. Иң матур авыллар Татарстанда дип әйтер идем. Нинди генә булмасын, туган илне бернәрсәгә дә тиңләп булмый. Күзең ачылып, тәпи йөри башлаганнан бирле газиз булган туган илне кире кагу мөмкин түгел, туган илне сагыну, аңа омтылу хисе булмаса, мин үземне кеше дип түгел, ә каты бәгырьле бер барлык кына дип атар идем. Хәтта туган җир чүл уртасы булса да, минем өчен ул бик кадерле булыр иде..

 

Кызыклы әңгәмәгез өчен рәхмәт!


Гөлнар ГАРИФУЛЛИНА
Татар-информ
№ | 12.09.2012
Татар-информ печать

Фикерләр

Исем:
E-mail:
Текст:
 
№19 (815788) / 26.09.2012 10:50:51

"Sen nindeyin milleddeş bulasın?" дип бик дөрес сорау куелган. Икесе дә дә бер үк таш. Берсе-йөзек кашына, икенчесе- мунча ташына

№18 (815624) / 24.09.2012 16:11:28

İftıradan Allah saklasın. Bu хакыйкать yazgannarda ıftıra tulıp turganını bız Türkiye Tatarları pek yakşi bilip turabız. Idıl- Ural cemıyetınden sürülmek için evvel bu cemıyete agza bulu kırege fakat Ruşenya hanım bu cemiyette hıçbir zaman agza bulmadı, agza bulurga tılemedı de. Bunu bütün Istanbul bılmektedır. Ruşenye hanım Vekılçılık\'te ışli başlagaç neler neler işlendı bunu da bilip turabız. Ul işlegende Sabantoylar aile meclısı olmaktan çıktı ormanda bütün kürkemliği bilen bütün Tatar yulaları bilen uza başladı. Ul kitkeç Sabantoylar uramnarga tüştü. Sabantoy mu konser mi sirk mı anlaşılmaz bir şey boldu. Bunları küresin kilmezse de bunlar real - hakikat. Bari Allah dan korksaydın. Sen nindeyin milleddeş bulasın? Kenlisen anlaşılan. Ruşenye hnm. Vekılçilik\'te işlegen devirde Tataristan\'ı tanıtan dergiler çıktı, cemiyetler bilen uçraşularnı da ul uyuştura başladı. O künge dek bunlar yoktu. Türkiyeli pek çok milleddeşimizin Tataristan\'ı kitip kürmesi için de vesile boldu. Bunları senın bilesing kilmi anlaşılan. Allah sana akıl fikir versin.

№17 (815510) / 23.09.2012 15:09:03

Якташ,сәнгат әхеле җөмләләрендә мәкалә героинясы лексиконына хас, тамга булырдай сүзләр бар.

№16 (815095) / 19.09.2012 16:54:30

№14,
Алтай тугелдер ул, ул больницада бит эле, ана не до этого

№15 (815093) / 19.09.2012 16:39:43

\"Сэнгать эхеле\" миннэн алдарак житешкэн минем фикерлэрне язарга. \"хакыйкать\" дигэн адэми затка монда тагын бер-ике фикеремне эйтеп узасым килэ. 2000 елда мин дэ Истанбулда якташым Гаяз Исхакый каберенэ барып туган ил туфрагы сибеп кайттым. \"Сэнгать эхеле\" кургэннэрне мин дэ курдем, ташландыграк иде шул яраткан эдибебезнен кабере, мэрмэрлэре дэ каралып, ярылып беткэн иде шул. татар халкынын шундыен олы шэхесе каберенэ игътибар булмау йерэкне эрнетте. 2004 елда \"Якташлар\" жэмгыяте буларак госсоветтан Алсу Тарханова, Дания Давлетшиналар белэн баргач, Гаяз абыебызнын кабере чистартылганлыгн куреп соендек. Лэкин мэрмэрлэрнен каралып тыруы, искергэн булуы кунелгэ ятмады. Рушаниядэн бу каберне янарту момкинлеге турында сораштык. Ул бэк жентеклэп тикшерде, берничэ торле кабер урнэге нигезендэ бэялэрне белеште. Без Исхакыйнын якташлары буларак эдибебезнен каберен янартырга дигэн карарга килдек. Шунда Рушания эйтте, ниндидер Тюлай дигэн ханым житэкчелегендэ Исхакыйнын кызы Сэгадэт апа корып калдырган фонд бар икэн, бэлки алар белэн сойлэшкэч, каберне ул фонд янартырга алынмасмы икэн, дип. Купмедер вакыт уткэч Рушания телефоннан элеге фонд белэн сойлэшуен хэм алар бу фикергэ бик жылы караганлыкларын белдерде. Икенче сойлэшудэ Исхакый каберенен янартылганын эйтте, телевизордан кургэч шаккаттык: без коткэннэн дэ матур итеп янартылган иде. Менэ бу чын хакыйкать. Э \"хакыйкать\" дип кешегэ яла ягучы, пычрак атучынын просто иманы юк. Ата бирсен энэ, хет башка исем белэн

№14 (815088) / 19.09.2012 16:10:58

сәнгать әһеле, бик кайгырасың, син үзең Алтай түгелме ул?

№13 (815087) / 19.09.2012 16:07:23

\"хакыйкать\",
син ничек итеп Рушанияне \"букларга\" белми аптырагансын. Мин Истанбулга 2003 елда килгәч, Йосыф Аучура һәм Гаяз Исхакый каберләренә бардым. Менә шунда уз кузләрем белән курдем, бу шәхесләрнең каберләре башка каберләр арасында үксез калган. Каралмаган. Дорес, безнең мондагы каберләр, зиратлар белән чагыштырганда, Төркия зиратлары бик чиста, пөхтә, мәрмәр белән эшләнгән, берсеннән -берсе матур чәчәкләр утыртылган. Ә менә Исхакый белән Акчура каберләренә кул тимәгәнлеге, ташландык калуы барыбер сизелеп тора. Рушания ханым белән икебез бу каберләрнең чүпләрен үз кулларыбыз белән утадык. Шул чакта Рушания ханым бу хәлгә бик пошынды, шундук зират җитәкчелеге белән сөйләште.Баксаң, каберләрне зират җитәкчелеге карамый, һәр кемнең каберен туган-тумачасы килеп карый икән. Үзләре карарга җитешә алмаганнар акча туләп махсус оешмадан чистарттыралар икән. Рушания ханым шул оешманың телефон номерын алды да шундук шалтыратып сорашырга тотында. Әле хәзер дә исемдә: 60 лирага бер каберне бер ел буе карап-чистартып тоталар икән. Килешү срогы төгәлләнгәч, аны тагын акча туләп озынайырга була икән. Икенче елны делегация белән барганда мин ул каберләрнең бик нык каралганын, җиргә үрмәләп үсә торган чәчәкләр белән бизәлгәнен күрдем. Һәм мәрмәрнең бер кырыенда чистартып, карап торган оешманың үзен таныта торган реклама кебегрәк язуы да күзгә чалынды.

№12 (814823) / 16.09.2012 21:30:23

Белеүемчә, Рушания 1972 елгы, шулай булгач укырга 1989да кергән булса, ул берничек тә КДУны 1992дә тәмамлый алмый.Монда хата бар.Йә Рушания әйтмәгән,йә җурналист хаталанган тәмамлады дип.Белүмчә, ул тәмамламыйча, уку дәверендә Татарстан тәкъдиме бн Төркиягә укырга китте.Молодец, ни әйтәсең.Һәркем кулыннан килми ул, чит илгә китеп уку.Көнләшкән кеше үзе барып укып карасын.

№11 (814817) / 16.09.2012 21:17:26

И бәгыркәйләрем! Бер дә эшегез юк мени сезнең?! Кеше бн булышып ятмасагыз. Кем чистартса да ярамыймы ул зияратларны?Кемгә дә савап кына.Юкны бар дип сөйләгән кеше Ходай каршына баргач үзе җавап бирер.Рушаниянең дошманнары шул кадәр күптер дип уйламаган идем.Йә, булышыгыз инде, башка эшкә ярамагач.Мескен татарлар, бер-берегезне ашамасагыз тынычлап йоклый алмыйсыздыр шул.Ярый, әле безнең телне башка өммәт аңламый,оятын кая куяр идең!Татарның деградация сәбәбе аңлашыла, әмма аңа дару гына юк.Башкорт булуың хәерлерәк шул...

№10 (814637) / 14.09.2012 15:28:11

Эхем-эхем

№9 (814628) / 14.09.2012 12:35:13

рушанияне Гөлнар Рарифуллина фотосыннан карап хозурланып булмас инде сиңа.Ул Гөлнарга ошамаган.

№8 (814625) / 14.09.2012 10:56:25

Дөресе болай
Рушания Алтай бик кыю, әрсез, бәлки талантлыладыр. ханым. Ләкин Исхакый. Акчураларның каберләрен гомер бакый Истанбулдагы \\\"Идел-Урал\\\" җәмгыяте һәм Ураллылар гаиләсе чистартып һәм карап торды һәм тора. Моны Истанбулдагы бар татарлар да белә, дөреслеккә хилафлык китермәгез!
Рушанияне әнә шул ялган һәм уйлап чыгарылган эшчәнлекләре \\\"бизи\\\" дә инде. Шуңа күрә аны Татарстанның Истанбулдагы вәкиллегеннән дә, \\\"Идел-Урал\\\" җәмгыятеннән дә сөрделәр һәм якын да китермиләр. Шуңа да ул үзенә аерым бер җәмгыять тәзеде, анда берничә кеше генә йөри. Кызганыч, әле һаман Төркиядәге татарларны бутап ята икөн, һәм кемдер аның уйдырмаларына ышана да. Хәер, нәкъ татарча...

№7 (814618) / 14.09.2012 07:07:15

күрәсе килә бу рушанияне. Гөлнар Рарифуллина фотосын куегыз әле!

№6 (814616) / 14.09.2012 06:41:33

Истабулда татар каберләрен арулаучы?Оят кирәк болай дип язарга.Истанбул зиратларында һәр кабер кадер хөрмәттә.Пиар ясап утыручылар аның нинди полеттагы нинди птица икәнен белә билгеле.

№5 (814613) / 14.09.2012 02:49:11

Рушания ханым Алтай Истанбулда үткәрелгән чараларда куйган көче гаят зур! Аның һәм оештыру эшләрен тәртиптә тотарга тырышлыгын, һәм консерт програмын алып баруын әле дә хәтерлим чабып йөргәнен!
Ә Төркиядәге ташландык хәлдә татар каберләрен (Исхакый, Акчура һ.б.) кем аруларга тотыган беренчеләрдән? Рәхмәт сезгә!!! Тырыш,уңган чын татар кызы!

№4 (814612) / 14.09.2012 02:43:08

Казанда халык сабыр икән!
-Казанда халык сарык көтүе төсле, кызганычка каршы..Уйлап эш итәргә теләми дә, курка да.

№3 (814607) / 14.09.2012 00:12:23

Нинди Хәтерләүче белән әйткәләшеп ятасыз соң монда?

№2 (814595) / 13.09.2012 20:30:43

Мин дә Рушанияне яхшы белгәнгә күрә, сиңа җавапсыз кала алмыйм, хәтерләүче.Рушания - шәхес! Андыйлар күп булмый.Синең кебек эт-бетләр, Төркиядә дә бар. Шуңа күрә алар да икенче бер җәмгыять төзергә мәҗбүр булдылар!КДУның журналистика бүлеген бездә бетергән булдык.Әйе, ул нәк бетерү дип атала.Шуннан артыгын әйтеп торасым килми, этика кагыйдәсенә сыймый!Бүгенге көндә җурналист булып эшли алуым төркемебезнең көчле булуы, тырышлык нәтиҗәсе.Мөгаллимнәребезне гаеплисем дә килми, күрәсең алардан артыгын таләп итмәгәннәр.КДУның матди-техник базасы ташка үлчим.Кулга фотоаппарат, видеокамера тотып та карый алмыйча укып чыккан булдык.Чит телне дә кем генә белә икән? Рушания укыган вуз мөмкинлекләреннән көнләшергә генә кала. Безнең дипломны аныкы бн чагыштырып булмый шул, бик теләсәк тә. Көнче хәтерләүче, үтең сытылмасын, үзеңә кыенга туры килер.Яңадан тусаң да Рушания була алмассың, тынычлан, аңа бер диплом да җиткән.

№1 (814586) / 13.09.2012 17:23:42

хрен тебе разница?
син уңышлы укып бетергән. допустим, ул бетермәгән.
нәтиҗәдә нәрсә? үзеңә кара,син кайда да,ул кайда! менә разница нәрсәдә!

талантлы кеше укымаса да талант ул!укып талантка ия булып булмый,син шуны хаман аңламыйсың икән әле.
көнчелек зурдан үзеңдә. бу синең вак кеше икәнеңне күрсәтә!

ашыкма мине мыскылларга,мин сине дә,Раушанияне дә белмим. мин бары синең шикелле кешеләрне беләм. аларның,үзләренең куларыннан килмәгәнгә, кемдер гаепле,только үзләре түгел.

әнә, иркә әнисеннән алган тәрбия белән яши,синең шикелле көнчелек юк үзендә. чөнки аның әнисе бай,тәрбияле гаиләдә үскән. хәерче бер вакытта да бай була алмый!

ә Раушания күрәсең,птица высокого полета!

миңа таааак каааҗтсә.

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar