|
|
Бүген кемнәр туган
|
|
Архив
|
10.07.2012 Мәдәният
Татарстанның халык артисты Әнвәр Гобәйдуллин вафатЯрты гасырдан артык татар театр сәнгатенә тугры хезмәт итеп, Ә.Г.Гобәйдуллин татар, рус һәм чит ил классикасы спектакльләрендә 120 артык образ тудырган. Күренекле артист башкарган төрле характердагы рольләр тормышчан, ышандыргыч, хисле һәм үзенә генә хас төсмерләр белән аерылып торды. Ф.Бурнашның “Яшь йөрәкләр” спектаклендә Исаак, Г.Ибраһимовның “Татар хатыны ниләр күрми” спектаклендә Шәйхел, Х.Вахитның “Рәхим итегез”ендә Илгизәр, Ш.Камалның “Акчарлаклар”ында Шәрәфи, К.Тинчуринның “Американ”ында Сәлим, “Зәңгәр шәл”ендә Питрәй, Ю.Сафиуллиның “Идегәй” спектаклендә Дәрвиш, З.Хәкимнең “Күрәзәче” спектаклендә Галәветдин, Н.Исәнбәтнең “Җирән чичән белән Карачәч сылу” спектаклендә Хөлдерифүн һәм башка образлары аныћ иќат биографиясендә генә түгел, татар театр сәнгате тарихы битләрендә дә күренекле урын алган гүзәл образлар булды. Ә.Г.Гобәйдуллин үзенең кешелеклелеге, тыйнаклыгы, сайлаган һөнәренә тугрылыклыгы белән шәһәр һәм республиканың театр җәмәгатьчелеге арасында тирән абруй казанды. Халкыбызның талантлы улы, Татарстанның халык артисты Әнвәр Гобәйдуллинның якты истәлеге безнең күңелләрдә мәңге сакланыр. Гоголь урамы, 18а йорт, 23 фатир адресы буенча була.
--- |
Иң күп укылган
|