|
|
Бүген кемнәр туган
|
|
Архив
|
08.07.2012 Сәясәт
М.Шәймиев: "Матди һәм матди булмаган мирасны кайтару вакыты җитте"Казанда ЮНЕСКО Бөтендөнья мирасының Яшьләр моделен уздыру кысаларында "Бөтендөнья мәдәни һәм табигый мирасны саклау турында"гы 1972 елгы Конвенцияне куллану механизмнарын яхшырту, Бөтендөнья мәдәни мирас объектларын үстерүдә һәм танытуда яшьләрнең катнашуы турындагы мәсьәләләр буенча дискуссия булды. Утырышта ЮНЕСКО Бөтендөнья мирасы Комитеты әгъза-дәүләтләренең рәсми вәкилләре, ТР Дәүләт Киңәшчесе Минтимер Шәймиев, ЮНЕСКО эшләре буенча РФ Комиссиясенең җаваплы секретаре Григорий Орджоникидзе, Парижда ЮНЕСКО каршындагы Россиянең даими вәкиле, ЮНЕСКО Бөтендөнья мирасы Комитеты рәисе Элеонора Митрофанова катнашты. Җыелганнарга сәламләү сүзе белән Минтимер Шәймиев мөрәҗәгать итте. "Россия өчен яңа этап башлана - безнең халык күпне күрде, ләкин бөтен җирдә дә булдыра алганчы материаль һәм материаль булмаган мирасны кайтара башларга, аны буыннан-буынга тапшыра торган итәргә кирәк", - диде ул. ТР Дәүләт Киңәшчесе Татарстанның мирасны саклый алуына мисал итеп, Казан Кремлен китерде. Ул ЮНЕСКО Бөтендөнья мирасы исемлегенә кертелгән. Башкала кунаклары инде аны күреп өлгергән. Алга таба форум кысаларында мәдәни объектларны реставрацияләү һәм саклауга масштаблы мисал сыйфатында кунакларга Болгар һәм Зөя тәкъдим ителәчәк. ЮНЕСКО Бөтендөнья мирасы Комитеты рәисе Элеонора Митрофанова билгләп үтүенчә, Яшьләр моделен булдыру идеясе иң элек Россиядә туган, ә уздыру урыны - Татарстан Республикасы юкка гына сайланмаган. "Татарстан - ул төрле мәдәният һәм диннең бергә яшәү моделе. Шулай ук Татарстан ЮНЕСКО белән төрле мәьәләләр буенча бергә эшли", - дип билгеләде ул. Элеонора Митрофанова Санкт-Петербургта үткән ЮНЕСКО Бөтендөнья мирас комитетының 36 сессиясенә нәтиҗәләрне әйтте. Шулай 50дән артык эш документлары нигезендә 241 резолюция кабул ителгән. Бөендөнья мирасы исемлеге 26 яңа объект белән тулыланган. Объектларның гомуми исемлегенә 962 объект кергән. Исегезгә төшерик, 21 ил вәкиле - бөтендөнья мирасын саклау мәсьәләләре буенча белгечлек алган 20-25 яшьтәге Комитет вәкилләре - профильле югары уку йортлары студентлары, аспирантлары, яшь галимнәр -Казанда 1-9 июльдә үтә торган Халыкара яшьләр форумында катнашучы булды.
Юлия РЕВИНА |
Иң күп укылган
|