• 10.11 «1+1» Ирле-Хатынлы Солянка. Филармония. 18:30
  • 21.11 "Яңа татар жыры". Гала-концерт "Пирамида".17.00
  • 19.12 Татар җыры. “Казан Экспо” күргәзмәләр комплексы, Илһам Шакиров исемендәге концертлар залы. 17:00
Туган көннәр
  • 21 Октябрь Рауза Әхмәрова
  • 21 Октябрь Илдус Зиннуров
  • 21 Октябрь Фәйзи Гаскәров (1912-1984)
  • 21 Октябрь Раил Шәмсуаров
  • 23 Октябрь Дания Гыймранова
  • 23 Октябрь Марсель Зарипов
  • 23 Октябрь Ленар Сәйфиев
  • 24 Октябрь Софья Гобәйдуллина
  • 24 Октябрь Рәис Шәйхелисламов
  • 26 Октябрь Раил Өметбаев
  • Казан шәһәрендә Зур Урам, 1 К адресы буенча квартира озак вакытка арендага бирелә. Кер юу машинасы, холодильник, телевизор бар. Бәясе 17 мең сум. т.89375830280
  • Апас районы Каратун станциясендә кулай бәядән генә бер бүлмәле фатир сатыла . Якында гына кибетләр, балалар бакчасы , мәктәп урнашкан . Телефон 89673645355
  • Дипломированный специалист. Делаю Взрослый и детский массаж. (так же делаю массаж особенным детям) не дорого с выездом на дом. Кому интересно пишите в ватсап.89063313174 (Гульфина) мой инстаграм _massage_kazan._
  • Казаннын Дружинная 4 адресы буенча урнашкан 2 булмэле квартиранын (1 булмэсендэ 2 кыз яши) 2 нче булмэсенэ тэртипле, начар гадэтлэре булмаган, вакытында тулэп бара ала торган татар кызы эзлибез. Квартирада яхшы ремонт, барлык унайлыклар, техника да бар. Ерак тугел ТЦ Тандем, Пятерочка, Магнит итп, метро Козья слобода. Заселение ноябрьдэн. Фотоларны в лс жибэрэбез. 89503177076
  • дворник,уборщица кирэк,центр 89872053927
  • Мастер на час хезмэте курсэтэбез!!! Плотник,электрик,сантехник,сварчик,бакча да утын кису,бакча тирэсе тотабыз, казу эшлэрен башкарабыз 89393318928 пенсионерларга ташлама каралган!!!
  • Бала кровате сатам, яхшы хэлдэ. Кирэк булса матрацы да бар. Казан. 1500 сум. 89027159146
  • Квартира статуслы 2 булмэле гостинка сатам,Казан,А.Кутуй тукталышы 89867130203
  • Бер булмэле фатир арендага,Дубравная м.ст.янында89393746053.
  • Казан. Урман чиклэвеге сатып алам, тел. 89172956589

 
 

 
Архив
 

               

07.07.2012 Җәмгыять

Безнең кызларга читтә ни калган?

"Ватаным Татарстан"ның тугры укучылары Гөлгенә Лотфуллинаны хәтерли булыр. Газетаны тартып барган хез­мәттәшебез 2005 ел ахырында көтмәгәндә (һәрхәлдә, без көтмәгәндә булды бу) АКШка кияүгә чыгуы турында хәбәр итте. Хәзер инде ул ике-өч елга бер мәртәбә туган якларына кайтып китә. Быел да җиләкле һәм Сабантуйлы июнь аенда Азнакай районы Әсәй авылында кызы Камилә һәм улы Данил белән кунак булды. Китешли, редакциябезгә дә кереп, хәлебезне белештеләр. Чәй янында исә менә инде җиденче ел МакКолл фамилиясен йөрткән, "һ" авазын американнарча киң итеп әйтә башлаган каләмдәшебез белән җитди темага әңгәмә кордык. Безнең ил кызларының ни өчен чит илгә кияүгә чыгып китүләре, аларны АКШта нәрсә көтүе һәм... американнарның ни сәбәпле өйгә урам аяк киеме белән кереп йөрүләре турында сөйләштек без.

Кушма Штатларга киткәнче һәм анда инде алты ел торып, аның гражданына әверелгәч, бу ил турында фикерең ничек үзгәрде?

– Беренче килгән кешегә ул бик чиста, матур, бөтен яктан җи­теш ил булып күренә. Ә инде тора-тора, кимчелекле яклары да күзгә ташлана. Медицина өлкәсе – шуларның берсе. Табиб хезмәтләре анда түләүле. Түләүле генә түгел – бик кыйммәт. Мәсә­лән, теш куйдырырга туры килде, ди. Медицина иминиятенә ия булмасаң, сиңа хастаханә җи­бәр­гән хисап буенча ике мең дол­ларга кадәр түләргә туры ки­ләчәк. Бер теш өчен! "Страховка"ң булса, иминият ширкәте, хастаханә белән сатулашып, шушы түләүне төшерә, ягъни ташлама ясата. Шушы ташлама ясалганнан соң сумманың 80 процентын иминият оешмасы түләсә, калган 20 проценты үзе­ңә кала. Бу – гадәттә, 200-300 доллар дигән сүз, ягъни Россия акчасына күчерсәң – 6-9 мең сум. Страховка булмаса, 1-2 мең долларыңны чыгарып сал. Бу әле теш дәвалау кебек гади генә медицина хезмәте турында сүз бара. Ә ин­де операция ясату, ба­ла табу аннан да кыйммәтрәккә төшә. Бер сүз бе­лән генә әйткән­дә, түләүле медицина шартларында Ходай сәламәтлектән аермасын, дип те­ләргә кала. Хәзерге вакытта Обама хакимияте тарафыннан мәҗ­бүри медицина иминияте программасын тормышка ашырып маташалар. Бу программа нигезендә, АКШта яшәүче һәркем ими­нияткә ия бу­лырга тиеш. Бү­генгә исә илнең миллионнарча халкының сәла­мәтлеге иминиятләштерелмәгән. Күп кенә зур шә­һәрләрдә дәүләт акчасына эшләүче хастаханәләр бар-барын, алар медицина иминияте булмаган хасталарны дә­валыйлар, фәкыйрь гаиләләргә ярдәм итәләр. Ләкин андый хастаханәләр зур шәһәр­ләрдә дә бармак белән генә санарлык.

Әни кеше буларак, АКШның мәгариф системасы белән дә эш итәргә туры килгәч, мин шаккаттым. Россиядә 2 яшьтән соң баланы бакчага урнаштырып, эшкә ур­наша аласың. АКШта андый яслеләр юк. Аларда түләүле "Дэйкэр" ("көндез карап тору") дигән бакчалар бар. Шундый бер бакчага баласын биргән иптәш кызым атнасына йөз доллар түли. Димәк, айга бер балага – дүрт йөз доллар. Әгәр дә эшкә урнашып, аена бер мең доллар хезмәт хакы аласың икән, аның яртысын диярлек балалар бакчасына тотарга туры килә дигән сүз. Алай җәфаланганчы, күп америкалылар балаларын өйдә үзләре ка­рауны хуп күрә. "Дэйкэр" янында "прискул" дигән мәктәпкә әзерлек бакчалары да бар, аларына исә балаларны өч яше тулгач кына алалар. Балалар бакчаларына сабыеңны үзең илтеп куйсаң да була, яисә махсус ав­тобуслары килеп алырга, китереп куярга мөмкин. АКШ мәгариф системасында биш яше тулган балалар өчен "kindergarten" ("балалар бакчасы") мәҗбүри саналып, аның өчен генә юнь түләү кертелгән. Америкада биш яшькә хәтле бала өйдә торса да ярый ди­гән сүз. Барак Обама алып барган сәясәте белән мин сөй­ләгән медицина һәм мәгариф проблемаларын хәл итәргә тырыша. Әгәр дә икенче тапкыр президентлыкка ирешеп, биргән вәгъдә­ләрен тормышка ашыра алса, әйбәт булыр иде.

– Бәяләрен сумнарга күчереп, күңелемә шом салсаң да, андагы тормыш дәрәҗәсе югарырак икәнен беләбез бит инде. Хезмәт хакларыгыз, керемнәрегез безнеке белән чагыштырырлык түгел ләбаса.

– Әйе, тормыш дәрәҗәсе югарырак. Ләкин салымнар, торак-коммуналь хезмәтләргә тү­ләүләр күпкә артыграк. Америкада хокукларның ни дәрә­җәдә яклануын Россия белән чагыштырып булмый. Сине борчыган проблема килеп чыкса, акча төрт­мичә генә дә аны бик тиз хәл итәргә була.

– Кайсысы әйбәтрәк соң: сездәге кыйммәткә төшкән һәм хокуклары якланган демократик системамы әллә безнең хокукый башбаштаклык хө­кем сөргән "очсыз" тормыш-булмышыбызмы?

– Тегендәге җайга салынган система әйбәтрәк инде. Салымнар югары, ләкин аларны тү­ләүнең нәтиҗәсе күзгә күренә. Менә Россиядә юллар өчен хәй­ран салым түләнә, ләкин яз җиткән саен урамнарда машина белән йөрерлек түгел. Юл хез­мәтләре, тишек-тошыкка сумала агызып, "ремонт" ясаган була. Америкада исә юл катламы ярылса, ул юлны яңабаштан салалар, шуңа ул бик озакка чыдый.

– Бездә көньяктан килгән мигрантларга килмешәкләргә караган кебек карыйлар. Анда да синдәй күченеп килүчеләргә кимсетүле караш сизеләме?

– Андый караш бар, ләкин америкалылар аны сиздермәскә тырыша. Елмаеп кына торалар, эшкә дә алалар. Мин эшләгән җирдә һинд та, филиппин да, румын, руслар да бар. Алар дәү­ләт тарафыннан җирле халыкка караганда да ныграк якланган әле. Эш шунда: закон буенча оешмадагы эш урыннарының ничәдер проценты мигрантларга бирелергә тиеш. Шуңа күрә хуҗа кеше, читтән килгәннәрне эшкә алып, дәүләткә салымнарының күпмедер өлешен киметә. Үземнең мөселман булуымны да яшермәдем. Ураза тотканда без, ике мөслимә, үзебезгә төшке аш тәнәфесен авыз ачу вакытына күчерүне сорадык һәм безнең үтенечне берсүзсез үтә­деләр. Шунысы бар: мигрантларга карьера баскычларыннан менү күпкә кыенрак. Менед­жерлыкка, югары дәрәҗәдәге урыннарга ирешү өчен икеләтә тырышырга кирәк.

– Танышларым арасында чит илгә кияүгә чыгып китүчеләр күп. Ни өчен безнең татар кызлары читтән кияү эзли икән?

– Матуррак тормышка кызыгып китәләр, мөгаен. Америкадагы таныш "якташларым"ның туган илләрендәге тормышлары җайланмаган булган. Аларның яртысы яңа җирдә ярыйсы тормыш кора алды, яртысы, ахыр чиктә, американ кияүләрдән аерылып китте. Бер дус кызым үзеннән күп­кә өл­кәнрәк американга кияүгә чыккан иде. Икесенең тормышка карашлары, фикерләү рәвешләренә кадәр төрле иде. Кыз, ниһаять, гражданлык алды, хәзер исә тегендә яшәүче руска кияүгә чыкты. Икенче дустым да аерылды, икенче бер америкалыга кияүгә чыкты... Беләсеңме, ае­ры­лышамы-юкмы, безнекеләр, бернигә дә карамастан, тырышып-тырмашып, АКШта калуны максат итеп куялар. Ни өчен? Чөнки аларны ватаннарына тартып торучы көч юк, үзләрен Россиядә кирәк дип санамыйлар. Минем белән бер вакытта Америкага күчеп киткән өлкән яшьтәге таныш бер әрмән апа бар. Анда малосемейка кебек кечкенә фатирчыкта яши. Инглиз телен белми, каядыр барасы булса, үзенә нәрсә кирәклеген дә аңлатып бирә алмый. "Нигә Мәскәүдә улыгыз янында яшәмисез соң?" – дип аптырыйм мин аңа. Ни өчендер ул Россиягә кайтырга теләми, АКШтагы тормыш рәхәтрәк тоела.

– Хәзер чит илдән кияү эзләүче кызларыбызга нинди киңәш бирер идең?

– Монда аларның нәрсәләре бар һәм тегендә нәрсә көтә – икесен дә чагыштырып уйларга кирәк. Монда яхшы урынга урнашкансың икән – тегендә ул булмаячак, чәчең белән җир себереп акча эшләргә туры килә­чәк. Монда өең бар, тормышың җитеш икән – анда да шул ук булыр, дип уйлау буш хыял булып калмагае. Фәкыйрь илдә яхшы яшәргә һәм бай илдә мескен хәлдә гомер кичерергә мөмкин. Тулы социаль яклауга анда бары тик гражданлыкка ия булучылар гына дәгъва итә ала.

– Америкада һәм бездә ир – хатын, килен – каенана мөнәсәбәтләре аерыла бит инде. Андагы гаилә алып бару рәвеше сиңа сәер булып тоелмадымы? Сиңа, татар килененә, караш ничек булды?

– Каенана һәм каената белән мөнәсәбәтләребез әйбәт. Без алар­га кунакка барабыз. Дөрес, аларда татардагы кебек бәлеш пешереп, кунак көтү гадәте юк. Авырлык килмәсен дип, балаларны да аларга калдырмаска тырышабыз. Шулай да кунакка кил­сәләр, сыйлап җибәрәм үзләрен. Безнең өчпочмакларны алар бик яраттылар. Ә инде билгеле бер гаилә мөнәсә­бәтләрен сөйләү авыр. Америкада шәхси тормышны урамга чыгып селкү дигән нәрсә юк. Шуңа хәтта туган-тумачаларның тормышлары турында да ирем Джон белән сөйләшмибез. Татар каенаналарының: "Ни­гә мондый кыйммәтле әйбер алдыгыз? Акчагыз күп мәл­лә?" – дип тикшерүләре га­дәти хәл булса, анда мондый сүз­не ялгыш та ычкындырмыйлар... Хәер, АКШта "Honey, do!" ("Сө­еклем, эшлә!") дигән күренеш киң таралганын әйтә алам! Ул американ хатын-кызларының ирләреннән өй эшләрен эшләтүен чагылдыра. Мәсәлән, хатын, өйгә кайтып: "Нигә ашарга пеш­мә­гән?" – дип ирен сүгеп ташларга да мөмкин. Яки: "Душ кергән­нән соң, ваннаны юып, коры чүпрәк белән сөртеп куй", – дип аңа ки­сәтү ясый. Әйе, американ хатыннар баш булырга ярата.

– Былтыр син әти-әниеңне дә кунак иттең бит. Алар Америкада нәрсәгә күбрәк гаҗәпләнде?

– Чисталыккадыр инде. Америкада урамда йөргән аяк киеме белән өйгә керәсең, ак келәмнәр­дән йөрисең һәм өйдә бер җир дә пычранмый. Тузан кунса гына.

– Ничек пычранмый?

– Урамда ачык туфрак юк. Гел асфальт һәм чирәм. Кыш көне ком да сипмиләр. Асфальт­ларны шампунь белән дә юмыйлар. Йортларны салганда ук, төзелеш бетеп, йортны тапшырганда, тирә-янын яшелләндереп, чирәм утыртып китәләр.

– Гөлгенә, Америкага кит­кәнгә үкенмисеңме соң?

– Киткәндә күбрәккә өмет­ләнеп, шуларга ирешә алмасаң, үкенер идең. Мин әллә нәрсәләр турында хыялланмадым да, яхшы һәм начар якларын да уйлап киттем, шуңа күрә үкенмим. 

Илдар МИРГАЛИМОВ
Ватаным Татарстан
№ 133-134 | 06.07.2012
Ватаным Татарстан печать

Фикерләр

Исем:
E-mail:
Текст:
 
№22 (809331) / 10.07.2012 08:45:13

Су басу сәбәбен һәм җитәкчелекнең
ниндилеген.


События Затопление Крымска жители называют терактом. Там прогнозируют найти не менее 3000 трупов
[9 Июля 2012 г., 21:52]

Журналист и писатель Быков в интервью «Эхо Москвы» по телефону с места событий в Крымске сообщил, что по самым скромным оценкам общее число погибших в результате наводнения около 1 тысячи человек. При этом он заметил, что местные жители говорят о 3 тысячах погибших, хотя по его мнению это завышенная цифра.

Между тем очевидцы, родственники пострадавших, волонтеры и их друзья продолжают рассказывать подробности о затоплении Путиным Крымска, чтобы спасти свою дачу и нефтебазу в Новороссийске:

“Крымск смыт на 80%. мой знакомый волонтер сейчас там. Говорит, за первое утро только их группа 600 трупов вытащила. А по визуальной оценке трупов больше 3 тысяч. Их Уралами военными вывозят. Морги переполнены. Город с населением смыт намеренно, так что ни о каких сотнях речи быть не может”.

Вконтакт выстрелил ужасом очевидца трагедии turkish_ghost at :

№21 (809273) / 09.07.2012 06:27:25

Кеше кебек яши башлар өчен безгә сарык көтүе булудан туктарга кирәк, иң беренче, акны карадан аера башларга, урамда пиво эчеп, кәнтәй итеп йөрүдән бушамаган халык булудан туктарга,һәрбер сүзгә ышанып утыруны бетерергә,телевизордан миңгерәүләтер өчен махсус сөйләгәннәргә аеруча, элементар демократия, сүз иреге булдырырга.
безнең илдә элементар сайлау хокукы да юк бит, нинди яхшы яшәү булмак кирәк.

№20 (809271) / 09.07.2012 01:59:03

Безнең кызлар үзебезгә булыр иде - КЕШЕ дигән әйберне ихтирам итүче, бер кеше башына иң күп байлык, җир-табыйгать байлыкларын дөрес бүлгәләүче ил булса.

Да, кызлар егетләр, кайда соң бәхет, кайда соң тормыштан канәгать булып яшәү урыны? Җан башына иң зур җир биләмәсе, иң күп хәзинә байлыклары булган илдә дә булмагач???

(Кигәвен)

№19 (809270) / 09.07.2012 01:42:36

Читенмени соң, акыллы(бит, тел) урыннарыгыздан, каләм белән тешләгәч?
Үземне, акыллы, гений га санамыйм.
Әмма, бөтенләй азган диктаторларга, яисә аңгыраларга - КОЯШны капларга комачаулармын!

(Кигәвен)

№18 (809269) / 09.07.2012 01:11:53

Үзен-үзе сөймәгәннәрне тыңлап(мәсәлән - Крутой), нигымны алмаштырыйммы?!. Абсурдның абсурды түгелме, мондый тәкъдим???

(Кигәвен)

№17 (809268) / 09.07.2012 01:05:32

Крутой
"К" хәрефен ишетәсегез дә килмәгәч, нигә, Крутой исеме астында язасыз?
Шушындый сорауларны, гадәттә, М.ру дагы бәйләнчек, хамелеон, и.т.п. ларга бирәм.
Кабатлыйм, элек, башкаларга әйткәнемне: " Кешенең үзеннән сорама, сүзеннән сора". Шушы гади, кыска сорауга җавабыгыздан, тора, безнең аңлашу-аралашу.
Инде, хамелеон һ.б. төркемнән икәнсез, пока! Мин сезне, барыбер таныячакмын.

№16 (809266) / 08.07.2012 23:36:58

Ә бит, бар табигатьтә шундый, Татар кызы сыман дагын кебек юньле кешеләр. Минем кардәшләрем- кигәвеннәр(хатын-кызлар) шундый асыл заттан булганнарны, тешләмичә, очып үтәрләр.

Буш сүзлеләргә, саләм!

№15 (809265) / 08.07.2012 23:23:07

Бу язманы укыгач, үземнең туган илемдә яшәвемә сөенеп куйдым.Бай яшәмәсәм дә ,аллага шөкер.Туган илемнән аерма,Ходаем!

№14 (809259) / 08.07.2012 20:48:26

Кигәвен,алмаштыр әле никыңны.Болай да көннәр эссе,кигәвеннәр бигрәк күп көндез хәзер.Кигәвеннең \"К\" хәрефен дә ишетәсе килми тагы кичен.

№13 (809253) / 08.07.2012 19:23:38

Күп еллар элек ишеткәнем бар иде: "чит илдә - хезмәт хакының яртысы - фатир тоту хисабына китә, калганы, налогларны түләүне дә алып аткач - тормыш кирәк-яракларына кала" - дип)))))))))))
Хэзер бездэ дэ шулай ук! Тик тормыш кирэк-яракларына бик аз кала! Аерма бары шунда!

№12 (809249) / 08.07.2012 18:31:49

Кигәвен,язганың шыр тузан.Азырак уйлап яз!!!

№11 (809248) / 08.07.2012 17:22:29

Күп еллар элек ишеткәнем бар иде: \"чит илдә - хезмәт хакының яртысы - фатир тоту хисабына китә, калганы, налогларны түләүне дә алып аткач - тормыш кирәк-яракларына кала\" - дип.

Бер олы яшьтәге танышым, монда пенсиягә чыккач, Германиягә яшәргә күчте. Үзе - беларусь, хатыны - немка иде. Аралашмасак та, якташы-дусты аша белгәләп тордым. Яшәргә урын бар. Пенсия(нинди формада алгандыр, Рәсәй биргәннеме, анда билгеләнгәннедерме? Белмим): яшәргә дә, пиво капкаларга да, ризыкланырга да җитә. Бар да әйбәт. Барыбер, нәрсәдер җитми. Әлбәттә, гомер уздырган ил, туганнар, дуслар, танышлар сагындырганы сизелеп торган. Олы яшьтәгеләргә чит җирләргә чыгып төпләнү - авырлык белән бирелә күрәсең.

Яшьләргә: һөнәрле, булдыклы, эш сөючән, сәламәт, фантазёр булганнарга - диңгез тубыктан! Без, яшь вакытта, СССР ның теләсә кайсы ноктасына барып урнашырга сәләтле идек. Мөмкинлек тә булдырылган иде. СССР дан ары - тимер койма. Сайланып алынган бик сирәкләргә генә рөхсәт иде.

Кемнәр, кайда гына яшәсәләр дә: туган яклары белән җепләрне өзмәсеннәр, сау-сәламәт булсыннар, ач-ялангач булмасыннар! Уңышлар, аларга! һәм безгә!

№10 (809224) / 07.07.2012 19:01:18

Акбаш монда бушлай турында суз бармый. Кешелэргэ кешечэ монэсэбэт турында суз бара,ин элек.Депутатлар белэн чиновникларнын гына тугел,хэркемнен яхшы яшэргэ хакы бар.
Энгэмэне эллэ кая алып китэсез.
Моннан качарга телэучелэр байтак,тик чит илдэн кайтып бездэ топлэнергэ жыенучылар элегэ куренми.

№9 (809218) / 07.07.2012 18:31:02

Акбаш
"бик саран диләр бит,бөтен нәрсәдә дә экономия ясарга тырышалар ди.Бәлки шуңа да аларда тормыш дәрәҗәсе югарырак"
Юк, Акбаш, сәбәбе күпкә югарыдарак-америкосларның бер нинди материал-товар белән тәкъмин ителмәгән кагәзен (долларны), бар дөнья акча урнына кабул итә. Шуның нәтиҗәсендә, үзе эшләп чыгарганга караганда, 10-15 тапкыр күберәк файдалана. Шулай булгач, анда тормыш яхшырак булмый, кая барсын???

№8 (809217) / 07.07.2012 18:19:53

\"Мин үзем на совесть башкарырга тырышам\" И поэтому имеею право красиво жить! Не плохо сказано!

№7 (809216) / 07.07.2012 18:13:02

Беркайда да,бер нәрсә дә бушка килми.Америкада да,үзең тырышмасаң,сиңа бернәрсә дә китереп бирмиләр.Америка халкын бик саран диләр бит,бөтен нәрсәдә дә экономия ясарга тырышалар ди.Бәлки шуңа да аларда тормыш дәрәҗәсе югарырактыр.Шулай да,монда үз җиремдә,үз халкым арасында яшәгәндә чит илләргә кызыкмыйм.

№6 (809212) / 07.07.2012 17:26:00

Танышка! А чем не заслужили хэзерге халык,яхшы тормышны? Сугыш елларында эшлэгэн эбилэребезме? Эллэ шул елларда туып ятим ускэн эти-энилэребезме? Эллэ без оныклармы не заслужили? Синен ничек эшлэгэненне кургэн кеше юк,эмма мин узем на совесть башкарырга тырышам. Тик ана карап кына алдагы тормышлар яхшырырга ошамаган!
Киерелеп чит ил машиналарында исерек килеш чабып авария ясап йоргэн, турэ малайлары
нилэре белэн заслужили андый иркенлекне?Эллэ аларнын аталары безнекелэрдэн кубрэк эшлэделэрме?
Алар армиягэ дэ барып тормый, авыр эшкэ дэ бармыйлар. Хэм доньянын рэхэтен эшлэучелэрдэн яхшырак татыйлар.
Э чит илдэ кеше законнар тарафыннан яхшы якланган.

Аннан килеп красивая жизнь дигэндэ барсы да яхталар,3 катлы йортларда яшэуне,ел эйлэнэсе бассейнда ятуны куз алдында тотмый бит.

№5 (809207) / 07.07.2012 15:39:20

Минем урында урыс малае булса әйтер иде, " что бы красиво жить надо заслужить", диеп ..Көн үтсегә эшләп, әзергә хәзер булып, "моя хата с края", дип гөмер итеп, матур яшәүне өмет итеп булмый. Бары тик, ил җитәкчеләрен, аларның әби - бабаларын сүгеп, җае чыккач чит илгә сызу ягын гына карарга кала

№4 (809204) / 07.07.2012 15:30:36

Тик чит илдә матур яшәү өчкн чзчең белән җир себерергә, һәм урыс әйтмешли,"надо ходить по ниточку" ))))
Кемнэргэдер эле дэ шулай жир себерергэ туры килэ кем бу!!!
Тик менэ эжере генэ юк!Чит илгэ тиешлесен эзлэп китэлэр,хэзер Россиядэн яна дулкын агыла чит иллэргэ. Бу эшлэргэ телэмэудэн генэ тугел.

№3 (809203) / 07.07.2012 15:23:19

безнең кызларга читтә берни калмаган.. Моңа, аларның чит илгә омтылуына 20-25 еллардан артык Тв ның бар каналларындан көненнә 8-9 сабын опералары күрсәтү сәбәпче..
Тик чит илдә матур яшәү өчкн чзчең белән җир себерергә, һәм урыс әйтмешли,"надо ходить по ниточку" Аларда, бездәге кебек, " миндән киткәнче, иясенә җиткәнче" девизы белән эшләү юк...

№2 (809198) / 07.07.2012 14:41:37

Бала табу,теш куйдырулар бездэ дэ нэкъ шул бэя инде.

№1 (809195) / 07.07.2012 14:16:55

БАРСЫНЫН ДА МАКСАТЫ БЕР- БУ ИЛДЭН НИЧЕК ТЭ ЧЫГЫП ЫЧКЫНУ...

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте