|
|
Бүген кемнәр туган
|
|
Архив
|
27.10.2008 Матбугат
«ШӘРЫК»КА «ДӘҮ ӘНИ» КИЛӘ“Дәү әни” Әлфинур Хисами 30 октябрь көнне “Шәрык” клубындагы “балалары” янына килә. Клубка йөрүче студентлар һәм иҗади кешеләрне “дәү әни” үзенең самимилеге һәм тыйнаклыгы белән гашыйк иткән. Әлфинур апалары татар телевидениесында "Күчтәнәч" тапшыруын алып бара, бит. Барлык балалар да әкиятләр ярата, тылсымлы дөнья геройларына ихластан ышана. "Татарстан – Яңа Гасыр" тамашачыларга яраткан дәү әни һәм дәү әтиләре сөйләгән кичке әкиятләр, татарча мультиклар бүләк итә. Дәү әтигә килгәндә, анысы - Зәйтүн Яркәев, фамилиясе башка булса да, ул Әлфинур ханымның ире. Алар бер кыз һәм бер ул үстергән. Уллары "Яңа Гасыр" радиосы ди-джее Эльнар ЯрКәеф.
Әлфинур Хисами үзе Татарстанның Апас районы Урта Балтай авылы кызы. Балачакта табибә булырга хыялланган. Тик язмышы сәхнәгә, экранга китергән. Әмма максатын ул барыбер йолдыз булу дими, кеше булып калу, ди. Ә “Татарстан - Яңа гасыр” тамашачыларына ул: “Безнең белән калыгыз һәм туры сүзле булыгыз. Үзегезнең киңәш-тәкъдимнәрегез белән уртаклашыгыз”, - дип белдерә.
--- |
Иң күп укылган
|