|
|
Бүген кемнәр туган
|
|
Архив
|
08.06.2012 Мәдәният
Әлмәт театрыннан яңалык29 май - 4 июнь көннәрендә Пермь өлкәсе Лысьва шәһәрендә Россия кече шәһәрләренең X театр фестивале булып узды. Евгений Миронов җитәкчелегендәге Нация театры оештыра торган бу фестиваль заман драматургиясе һәм режиссураcын тәкъдим итүе белән кызыклы. X юбилей фестивалендә Россиянең 18 шәһәреннән килгән театрлар катнашты. Башкала кунагы Олег Табаков театр – студиясенең “Рассказ о счастливой Москве” (Андрей Платонов) спектакле күрсәтелде. Фестиваль көннәрендә тәҗрибәле педагоглар мастер-класслар үткәрде. Лидия Федосеева-Шукшина җитәкчелендәге жюри яхшы дип бәяләгән Лысьва драма театрының “Игроки” спектакле Нация театры сәхнәсендә күрсәтеләчәк.
Әлмәт театры былтыр бу фестивальдә М.Лермонтовның Искәндәр Сакаев сәхнәләштергән “Гашыйк Кәриб” спектакле белән катнашып рәссам Димитрий Хильченко “Иң яхшы рәссам” призы белән бүләкләнгән иде. Быел театр Македония режиссеры Звездана Ангеловска куйган Карло Гоцциның ”Болан – Патша” спектакле белән катнашты һәм “Спектакльнең пластик тәэсире өчен” дипломына лаек булды.
Артистлар Лысьва шәһәрендә Хәсән Туфан яшәгән йортта булдылар, шагыйрьнең абыйсының зиратына чәчәкләр салдылар.
1
2
3
4
5
6
Әнисә ТАҺИРОВА |
Иң күп укылган
|