|
|
Бүген кемнәр туган
|
|
Архив
|
22.10.2008 Шоу-бизнес
АЛСУ ТАТАРЧА ҖЫРЛЫЙАлтай сенаторы, милләттәшебез Ралиф Сафинның кызы, рус эстрадасы йолдызы Алсу татарча җырлый башлады. Ноябрь аенда аның татар халык җырларыннан һәм махсус аның өчен язылган әсәрләрдән торган альбомы дөнья күрәчәк. Җырчыны якыннан белүчеләр, бу проектны ул махсус дәү әнисе - Тәскирә Сәләхова өчен әзерли дип әйтә. Чөнки Тәскирә ханым, яраткан оныгының Бакы евреена кияүгә чыгуын хупламаган. Мөгаен, татар җырлары ярдәмендә Алсу дәү әнисенең күңелен йомшартырга уйлыйдыр. Яңа альбомдагы җырларны Россиянең зур сәхнәләреннән ишетеп булмас, ди Алсуның продюссерлары. Аларны төбәктәге радиостанцияләр генә яңгыратачак дип фаразлыйлар. 11 композициядән торган альбомны җырчы әтисенә бүләк иткән инде. Ралиф әфәнде татар җырларын кызы башкаруында бик яратып машинасында тыңлый икән. Мәгълүм булганча, Алсу әле күптән түгел генә икенче кызын да алып кайтты.
--- |
Иң күп укылган
|