• 02.06-07.06 Казан шәһәре буенча җәяүле экскурсияләр. ТР Милли музее
  • 24.06 Вадим Захаров концерты. Филармония. 18:30
Туган көннәр
  • 05 Июнь Наилә Низами
  • 05 Июнь Артем Пискунов
  • 05 Июнь Нурания Җамали
  • 05 Июнь Фәния Арсланова
  • 05 Июнь Павел Сигал
  • 06 Июнь Айгөл Гыймранова
  • 06 Июнь Илдар Хәйруллин
  • 06 Июнь Фәнис Фәтхи
  • 07 Июнь Мөнирә Мазунова-Хәбибуллина
  • 08 Июнь Рәис Миңнеханов
  • Ищем чистоплотную мусульманку на подселение ул.Губкина 30Б. Отдельная комната в трехкомнатной квартире, в новом доме, остановка рядом. Тел.89600412669
  • Казань салмачи бистэсендэ 8 сот жир кишэрлеге сатыла,бик унайлы урында ,фундаменты бар ,барлык сорауларга телефон аша жавап бирэмен,телефон номеры 89377797292
  • Кама Тамагы районында 11,6 га (ике пай 5.8га) межевать ителгэн жир участогы сатам. Участок бик унайлы урында урнашкан, яныннан ук асфальт юл утэ, документлары эзер. 2024 елда идел аша купер тозелеше кулланышка тапшырылачак, шэһэрдэн участокка кадэр асфальт юлдан 40 минут вакыт кирэк булачак. Кадастровый номер 16:22:060501:111 Тел 89674628716
  • Журналистлар урамында урнашкан ике бүлмәле квартирага бергә торырга татар кызы эзлибез. Якында гына Попова, Пионерская, Ак. Губкина остановкалары. 16000 всё включено. 89274052074
  • Газель, грузчик хеэмэте курсэтэбез 24/7. 89196271171
  • Энергетиклар урамында урнашкан (Мәскәү базары) тулак торактагы бүлмә арендага бирелә. Булмәдә яшәү өчен кирәкле бөтен җиһаз бар. 89050215173 номерына шалтыратып, тулырак мәгълүмат белә аласыз.
  • Ф. Амирхана урамында 1-булмэле фатырны озак вакытка арендага бирэм. Яшэу очен ботен унайлыклары да бар. Айлык тулэу бэясе 17мен.89173903748.
  • Казанда сатам диван яна 20 менгэ алган идем бер тапкырда ятмаган кучеп киту сэбэпле сатам 15 менгэ тел89178840723
  • Казан Чапаева урамында 2 булмэле фатирны арендага бирэм.17500+ счётчики газ+ вода+ свет.т.89655931320.т.89872630522
  • Ищу девушку на подселение в комнату к девушке, в 2-х комнатной квартире. Желательно на долгий срок. По адресу Восстания/Ибрагимова. Оплата 4500 руб. в месяц. Оплата после заселения. Всё необходимое в квартире имеется. Без комиссий. Собственник! Не риэлтор. +7 917 873-82-13 или +79179361290 (ватсап)
 

 
Архив
 

               

28.04.2012 Җәмгыять

Татар - шайтан таягы

Шайтан таягы дигән үсемлекне белмәгән кеше юктыр. Галәмәт чәнечкеле, ачык шәмәхә-алсу төстәге үсемлек ул. Биеклеге 2 метрга кадәр җитәргә мөмкин. Аның чәчәге көзен ата торган кашкарый чәчәгенә охшаган һәм ул, кашкарый кебек үк, астралар семьялыгына керә. Иң кызыгы шунда – шайтан таягының урысча аталышы – татарник! Бәлки урыслар, татарны кимсетеп, шайтан таягы белән чагыштырганнардыр.

Безнең татар кебек изелүгә, мыскыллауга дучар ителгән, җаны җәрәхәтләнгән, иманы тапталган тагын берәр халык бармы икән? Халык санын алганда, төрле милләтләргә бүлгәләп киметергә тырыштылар, ләкин татар барыбер җаны, рухы белән татар булып калды. Татарны нишләтеп кенә карасалар да, ул яши, аны берничек тә бетерә алмыйлар. Нәкъ шайтан таягы кебек, чәчәк атып яши.

Шайтан таягы чәнечкеле генә түгел, гаҗәеп файдалы дару үсемлеге дә. Аның составында бик сирәк очрый торган биологик актив матдә – силимпарин бар. Ә ул гепатоп-ротектор булып тора икән, ягъни бавырны дәвалый һәм саклый. Шайтан таягында цинк, селен, бакыр, майны таркатучы барлык витаминнар, кверцитин, флаволигнан һ.б. бар икән. Һәм шуңа күрә дә ул бик күп дарулар составына кертелә. Шикәр диабеты, симерү, күз күреме начараю, йөрәк-кан тамырлары авырган вакытта да ярдәм итә шайтан таягы, дөресрәге аның кайнатмасы. Организмнан токсиннарны, радиацияне куып чыгару өчен, химия яки нурланыш терапиясеннән соң аның төнәтмәсен эчәләр. Дәвалау максатыннан, аның барлык өлеше дә файдаланыла.

Татар да шундый бит! Йортына килеп керсәң, милли ризыклары – чәкчәк, бавырсак, өчпочмак, кош телләре белән мәтрүшкәле, җимешле чәй эчертеп, булган кайгыларыңны эретеп, йөрәгеңә шифа сала. Аның милли бизәкләрен күрсәң – үзе бер гүзәллек, алка-муенсалары, чулпы-хәситәләре, чигүле, каюлы читекләре, кәләпүш-түбәтәйләре, четәрле тәрәзә кырыйлары – үзе бер хәзинә. Ә җырлары, милли көйләре – “Карурман”, “Зөләйха”, “Рәйхан”, “Гөлҗамал”лар – йөрәккә шифалы дәва. Бер халыкта да булмаган Сабан туе туганнарны, дусларны-кардәшләрне очраштырып, җанга рухи дәва бирә!

Менә шулай! Татарник дип әйтсәләр, кимсенмәгез! Татар, чыннан да, шайтан таягы белән бер! Беркайчан бетми, мәңге яши!

Арча районы, Наласа авылы. 

Гөлчирә НӘҖМЕТДИНОВА
Татарстан яшьләре
№ |
Татарстан яшьләре печать

Фикерләр

Исем:
E-mail:
Текст:
 
№38 (804765) / 04.05.2012 22:23:49

Ул ерунда..все таки балалар.
Районда киңәшмә бара.. җитәкчеләр кышкы сезонга эзерлек хакында отчет тоталар.. беоәү торып басада."Котельный сожгли "ди, котельный запустили диясе урынга

№37 (804757) / 04.05.2012 21:16:16

Булган хәл.
Укытучы дәрестә шайтан таягының русчасын сорый.Укучы:шайтанская палка)))

№36 (804528) / 02.05.2012 21:18:30

Шайтан таягының да нәрсә икәнен белмәсәм,авыл кешесе булырга да түгел.

Чәчәк атканда гына матур,кереп карадым,әллә кырмавыкмы диеп.
Менә быел ничектер, кайтып карамадым.

Минем бер дус кызым бар иде.Юмор аңарда,көнләшерлек,спортны ярата,Һәм безнең авылныкы- бер"шайтан таягын"-аның уенча-егетләрнең асылын да,чын күңеле белән яратты.Ә,ул,авылдан чыкса,аңарга хоть чуаш хатыны булсын,бабник.Шул кыр янында бер атлы,аяклары җиргә тигән,дустымның ире,чөнки аңарга авылдан чыгырга ярамый.Өйләнешеп авылда яшәгән булалар,натуральный алкоголик -дустымның ире.Ә кем гаепле?

Ул асылны танымадым,әни әйтте.

№35 (804349) / 01.05.2012 21:54:31

ничек кенэ ашыйлар эле!!!!!

№34 (804348) / 01.05.2012 21:50:10

Иркә,№31 Узеннен наданлыгынны курсэтеп утырма, авылга кайтып коту кот, табигаткэ чык, шунда курерсен малларнын шайтан таягын ничек ашаганны.

№33 (804336) / 01.05.2012 20:49:17

бавыр булгач,миңадыр инде.врачка барып тикшертергә вакыт юк.өченче елны клуб директоры (худ.рук мин ярты штатта,аннан китапханәче)белән күрәзәчегә бардык.ник дисәгез:иртәгә Сабантуй дигән көнне ишекләрне ватып аппаратурабызны урлап киттеләр.милиция тапмады.аптырап,җүләрләр,карта ачучыга бардык,бик аңлаешлы итеп әйтмәгәч,бер күрәзәчегә киттек,аңгыралар инде без,сөйләде -сөйләде,кем алып киткәнен тасвирлап бирде.аннан үзебезгә берничә сүз әйтте.миңа сиңа пиво да эчәргә ярамый синең бавырың гел беткән,өегездә кара нәрсә бар дип өй эчемне тасвирлады,финанслар күп кирәк булачак,әйдә миндә дәвалан диде.аннан чыккач иремә әйткән идем,бу сүзләрне ул миңа әйтергә тиеш иде,мин аракыны бик күп эчтем бит,ә синнән просто акча каермакчы була ул диде.кызыма сөйләгәч,башта врачларга күрен диде.врачка да барырга вакыт юк,аңа да кире бармадым.бавырымның авыртканы юк,ләкин шуннан соң авызыма тамчы да хәмер капканым юк,анда баруның файдасы шул булды,быел 3 ел була.

№32 (804312) / 01.05.2012 17:57:36

Бавырга бик файдалы дип,врач язды:\"Шрот из плодов расторопши пятнистой\". Көнгә 1 балкашык йотасы ашаганда.57,90 сум тора \"Моя аптекада\".
Кабына карап утырам, андагы рәсем гә: ачык шәмәхә төстәге чәчәктән аста алоэ сабагына охшаган 3-4 катлы энәле буынтыклары бар, аннары муены шәп-шәрә китә.Пенза,Кузнецк каласы эшләгән.
E-mail:IDMKuznezk@rambler.ru

№31 (804277) / 01.05.2012 08:45:53

Кәҗә дә, беркем ашый алмый татарникны. Аңа ябышмыйлар да. Ә теге сусыл чәнечкелесе(чертополохның күп төрләре), ансын ашыйлар. Сыер да ашый, исе дә китми.Әмма безнең якта сирәк алар.Бездә аерым -аерым берән-сәрән, туп-туры, горур зур шәмәхә чәчәкле таяк кукыраеп беркемне якын китермичә утыра.Иркә

№30 (804272) / 01.05.2012 06:37:49

Шуңа шатландым әле,башка үсемлекләр үсә алмаган җирдә,шундый матур чәчәкле үсемлек үссен әле...
Олы абзый бик дөрес итеп чагыштырган,ТАТАРНИК дип. Шудый шул безнең татар,олы абзый яши,эшли алмаган җирләрдә,матур итеп чәчәк атып,полнокровный итеп яши ала.

Беренче карашка чәнечкеле булсада,"кәҗәләргә файдасы" бар икән шул...

Безнең халыкны да кимереп файдаланалар шул...

№29 (804259) / 30.04.2012 21:03:57

)))) Асылташ , тикмэгэ генэ кэжэ сотен кин кулэмдэ файдаланалар ....

№28 (804257) / 30.04.2012 20:55:04

аннан соң,бездә үсә торганын кәҗә бик оста итеп ашый ,ди әни,шаккатып карап тордым ди,инәсенә авызын да тидермичә,өстәге алсу чәчәген генә шундый оста итеп алып ашый ди .кәҗә начар әйбер ашамас,ди.

№27 (804191) / 30.04.2012 07:37:37

№25
сез хәзер таралган борщевины әйтәсезме әллә???
Шайтан таягы бездә бурьян булып үсми. Алар гадәттә башка нәрсә биек булып үсә алмаган җирдә ялгыз үсәләр. Тирәсендә кибә юашлаган тәбәнәк үлән-чирәм була. Ерактан зур булып күренеп чәчәге үзенә тартып тора.

Әни бәләкәй чакта ииии балтырган бәлеше тәмле була дия иде. Алар урман кырыенда яшәгәннәр. Бездә юк иде.Балтырганның ни икәнен белүчеләр ссылка куегыз әле.

№26 (804190) / 30.04.2012 07:31:01

Асылташ))) чәчәге астындагы коробкасы зур һәм озын чәнечкеле булса, расторопша булырга мөмкин.Хәзер үстерүчеләр күп икән аны, шуның белән тараладыр.Сез барыбер көньяграк, җылырак райондыр.Бездә, төньякта чертополох обыкновенный һәм татарник колючий гына бар.Ул чәнечкеле әйберләрнең (чертополохның)безнең зонада тагын берничә төре бар. Әмма мин шайтан таягы дип төсе әремнеке кебек, сабагы нәкъ таяк төсле (яфраклар юк дәрәҗәсендә, җирдәгә ятканнары розетка сыман ), әмма гел чәнечкедән торган, чәчәге (чәчәкләр җыелмасы) чәчәк утырмасынан зуррак булганын әйтәм)))

Әгәр чын расторопша икән, ул файдалы. Бигрәк тә бавырга.Аны хайваннарда, кешеләр дә ашый. Ә шайтан таягын ашап булмый. Аңа ваще якын килеп, кул тигезеп булмый. Керпе кебек ул)))))Иркә

№25 (804161) / 29.04.2012 19:02:39

Безнең авыл янында ук бик уңдырышлы җир бар.Беләсезме шунда биш алты ел ни үсә-шайтан таягы.Ужас.Көтү көткәндә күпме җәфаланабыз,башмакларга нәрсә кирәк,шул шайтан таягы өчендә.Бер ай өчендә сукыраялар.
Көтүдән соң,күрә алмыйм,куркыныч төш кебек,шул таяктан торган кыр.

Хәзер дә шул ул.Чөнки без булдыксыз,куркак,һәм бозаудан да хуже.Татар керми,шул чәнечкегә бозау керә.Яз көне бер нәрсә чәчмиләр.Кемгә кирәк.

№24 (804158) / 29.04.2012 18:53:36

бездә үсә торганының чәчәк астындагы коробкасы бик зур.бу рәсемдәгесе икенче әйбер.бездәгесенең сабагы бик юан,сусыл,тәмле,конечно бик нык чәнечкеле,көчкә сындырып алып,ашыйбыз без аны(әни кан басымы төшкәнгә бик файдалы ди,гомер буе ашыйбыз инде эләккәндә,әле үлмәдек)без кечкенә чакта бөтен җир тутырып үсә иде,аны бик сирәк очрата башлаган идек,былтыргы яңгырга болыннар тулды ,үсеп чыкты.шайтан таягы дип йөртәбез без аны,кан басымы төшкәндә файдасы бар.белеп әйтәме икән,әни әйтә,ул женшеньның ерак туганы ди.

№23 (804128) / 29.04.2012 16:08:46

№19, №17дә расторопша, чертополох пятнистый)))) татарник колючийның чынлап та яхшы рәсем юк инетта. Бу бәхәсләрдән соң үзем дә быел төрле яклап фотога төшереп күрсәтермен дип торам.Шайтанъелгада бик матур булып үсеп утыралар алар шайтан таяклары.Иркә

№22 (804127) / 29.04.2012 16:06:04

Кемнең эше нинди шуны кимерә инде Иркә!

№21 (804125) / 29.04.2012 16:03:11

Фармакогнозия нәрсәгә өйрәтә иде? Менә сиңа кипкән үлән порошогы бирәләр һәм син аның нинди үлән икәнен белергә тиеш. Күбесенчә микроскопик юл белән беленә. башка юллар белән. Болай үләнне аера белү, хим состав, ничек кайчан җыярга, нинди шартларда киптерегә, ничек сакларга, ничек кулланыргалары аның само собой.

Кәҗә кебек кишер-кәбестә кимереп кенә йөрми фармакогностлар.Иркә

№20 (804124) / 29.04.2012 15:59:14

Кәҗә фикеренчә шулай 40ел эчендә флора үзгәрә ала инде ул))) СССРда бер шундый билгеле агроном бар иде, солычаны солыга әйләндереп була дигән))))

Юк, мин белешмә ачмадым. Высшая ботаника һәм фармакогнозия курсларын уздым, 5 кә экзамен бирдем. Украинаның Полтава өлкәсендә ВИЛАР ( бөтенсоюз дару һәм ароматик үләннәр институты) дигән җирдә практика үткән идем.

№19 (804123) / 29.04.2012 15:57:50

№17 Менә бу чынлап та шайтан таягы!!! Мин үз-үземне белә-белгәннән бездә үсә, һәм шайтан таягы дип йөртелә.
Аллаһы боерса, ул чәчәк арткач, авылга кайтсам, төрле яклап фотога төшереп алып килермен дә, сайттка җибәрермен.

№18 (804122) / 29.04.2012 15:54:20

Карадым,бездэ будяк дигэн төре генә юк икән. Ә калган таяклар барсы да бар!

№17 (804121) / 29.04.2012 15:48:23

u.wikipedia.org/wiki/Файл:Silybum_marianum_001.jpg
http://ru.wikipedia.org/wiki/%D0%A4%D0%B0%D0%B9%D0%BB:Silybi_Mariani_
http://www.gardenia.ru/pages/rastor_001.htm

Менә шушындый яфраклы һәм орлыклы булса, расторопша була. Орлыгыннан май алалар.Иркә

№16 (804120) / 29.04.2012 15:47:48

Аха, моннан 40 еллар чамасы басылган белешмәне ачып караган да, бездә үсми дигән фикергә килгән.
Аннан бирле флора-фауна ничек үзгәргәнен беләсеңме???


Аннан килеп бер үк үсемлекне төрле якта төрлечә атаулары да бар. Язма буенча шулай килеп чыгуы да бар!
Нигә мин аны сиңа расларга тиеш??? Безнең кырларда икесе дә бар и вәссәлам!!

№15 (804118) / 29.04.2012 15:40:59

Юк, айкамадым, тик һәр үсемлекнең үсү шартлары була. Апельсин бездә үсә алмаган кебек. Апельсин бездә үсмәгәнне белү өчен, миңа Апаска бару кирәкми.
Апаста расторопша үсүен расларга кирәк башта.Сиңа, миңа түгел.

№14 (804113) / 29.04.2012 15:26:47

Бездэ Апас районында икесе дэ үсә,бөтен Татарстан территориясен айкап чыкмагансыңдыр бит Иркә?????

№13 (804106) / 29.04.2012 14:45:49

Расторопшаның яшь яфракларын салатка да салалар хәтта. Татарникка кул белә ябышып булмый бөтенләй. Ул гел бик зур һәм кечкенә чәнечкедән генә тора диярлек, коры һәм кояшлы җирләрдә үсә. расторопша дымлы, күләгәле җирләрдә үсә һәм ул сусыл.Иркә

№12 (804105) / 29.04.2012 14:40:38

№11, мин аптекада синең кебекләр белән эшләми идем.Кстати, татарлар арасында гына очрый андыйлар.Алар сорау бирәләр гадәттә. Җавап бирәсең. Юк алай түгел дип үзләренең ахинеясын сөйләп мине өйрәтергә тотыналар. Мин аларга, сез миңа ник сорау бирәсез соң, сез үзегез дә барысын беләсез, сезгә провизор кирәк түгел бит дим гадәттә. Үпкәләп китеп баралар)))Үпкәләүдән узмый,чөнки мин тупас сүз әйтмәдем, тиешле хезмәтне күрсәткән))) Чөнки андыйлар белән вакыт уздыру непродуктивно.

Чын татар, бездә ромашка аптечная (Matricaria chamomilla)дип иген басуы кырыендагы ромашканы ( Matricaria inodoraда) җыялар әле. Җыялардыр, шикләнмим.

Расторопша есть пятнистый чертополох.Безнең зонада очратканым юк.Бәлки көньяк районнарда сирәк экземплярлар очрыйдыр. Җиргә терәлеп үскән розетка яфраклары аклы яшелле булырга тиеш.Чәчәкне дөрес әйтәсең. Тик татарникны күпкә зуррак була.Татарник яшел төстә һәм сусыл түгел чертополохлар кебек, күксел ак һәм коры, сабак гел чәнечке һәм яфраклар юк дәрәҗәсендә,(бик сирәк бер-ике булырга мөмкин) шуңа таяк диләр. Чәчәге башка охшашларга карый ( чертополох төрләре, билчән, василек обыкновенный)2-3 тапкыр зуррак була.Спец Иркә

№11 (804104) / 29.04.2012 13:55:42

Шайтан таягы урысча чертополох була.Татарник дигәне шул расторопша түгел микән.Иркә,син ялгышасың бугай,расторопша безнең якларда да үсә,аны халык бездә җыя көз көне.Кайнатыпотварын бавырны чистарту өчен кулланалар.Шайтан таягы да ,расторопша да бер-берсенә бик охшашлар.Әмма да ләкинчәчәкләре бн аерылып торалар.Расторопшаның чәчәкләре энәле шар сыман булалар.
Татарда шундый әйтем дә бар әрсез кешеләр турында:Шайтан таягына кырау тиямени?-дигән.

№10 (804101) / 29.04.2012 12:50:01

Шайтан таягы булмаганнарын ашыйлар ул. ашап йоталар, тирескә, тизәккә әйләндерәләр.

№9 (804100) / 29.04.2012 12:39:46

йотмагач ашаганнары кая китэ сон Нияз??

№8 (804098) / 29.04.2012 12:33:27

Шотландлар да мең елга якын инглизләр кулы астында булсалар да юкка чыкмаганнар, бетереп булмастай шайтан таяклары булганнар, татарга да шайтан таягына әйләнергә кирәк юкка чыкмас өчен.
шайтан таягын бер генә мал да ашап йота алмый.

№7 (804078) / 29.04.2012 07:55:11

Фотографиядә Чертополох обыкновенный
Саrduus nutans L.

Татарник колючий (лат. Onopórdum acánthium) түгел.

Нияз, мин үземне күптән шайтан таягы итеп хис итәм.Шайтанъелга авылыннан мин. Казан балалары Шайтанка дип йөриләр.

Гербларга килгәндә, сез күтәргәч кенә язырга булдым, ул барысларны, еланнарны аңлай алганым булмады. Татар кайчан барыс күргән???1000 ел элек Алтайдамы? Соңгы 500ел шул шайтан таягы язмышы. Таш кына үсә ала торган җирдә һәръяклап ерактан үзенә тартып күренерлек итеп күтәрелгән үлән. Күреп, килеп карагач, чәчәген күреп ах итәсең! Син аны өзәргә тырышып кара. Бик теләсәң дә өзә, юкка чыгара алмыйсың. Узып китәсең, узгач та борылып карыйсың әле корырак елларда.Чынлап герб итеп алырлык.Иркә

№6 (804067) / 29.04.2012 00:29:52

Шайтан Таягы - Чертополох (чертов посох)- Герб Шотландии. Татары и Шотландцы - два народа с почти одинаковой судьбой

№5 (804047) / 28.04.2012 19:58:06

Аллага шокер-татар итеп,моселман диненен гузэллеген татып яшэргэ насыйп иткэн Раббыбызга мен рэхмэт!

№4 (804029) / 28.04.2012 17:21:45

Кар да алмый, кырау да алмый торган, бернигә дә бирешми торган үсемлек ул шайтан таягы. Үҗәт шотландларның милли билгесе!
Шотландлар аны үз гербларына куйганнар.
http://almazbabaika.livejournal.com/
http://ru-ru.facebook.com/almaz.sultanov
http://www.tatar-gazeta.ru/

№3 (804023) / 28.04.2012 16:03:55

http://www.skbeta.ru/medicina/tatarnik.html

әзерәк башка охшашларыннан аерып була торган ссылка. Татарник дип язган рәсемнәр астында кайсы василек обыкновенный, кайсы билчән, күбесе чертополох.

№2 (804021) / 28.04.2012 15:46:48

Бик күп дарулар составына кертелми. Силимарин (коры экстракт) һәм силибинин ( флаваноид, экстакттан алынган матдә) төрле сәүдә исемнәре ( маркалары) белән сатылалар.Карсил, легалон, мәсәлән.

№1 (804019) / 28.04.2012 15:31:17

Менә бу тулы ахинея!!! башта аңламыйча да тордым. Мәйтәм мин мыруда Соры белән ислам яклаганда шайтан таягында силимарин ( силимпарин түгел) ачканнармы дип уйлап, интернетка киттем. Юк.Барысы үз урыныда.

Безнең зонада үсә торган шайтан таягы - татарник официаль медиөинада кулланылмый!!! Шунлыктан аның химсоставы билгеле түгел, өйрәнелмәгән.

Рәсемнәрдә генә охшаган татарник-шайтан таягына охшаган расторопша пятнистая безнең климат зонасында үсми. Ул көньякта гына үсә.Менә шул гепатопротектор үзлекләренә ия.Силимарин дип орлыкларыннан алынган коры экстрактны әйтәләр. Төп фармакологик эффектны силимарин составындагы силибинин бирә.
Иркә апагыз. Провизор.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте