|
|
Бүген кемнәр туган
|
|
Архив
|
14.10.2008 Интернет
МИҢА ФУТБОЛ ТРЕНЕРЫ ШАЛТЫРАТТЫ!Португалиянең www.sporting.pt сайты спортка багышланган. Билгеле булганча, бу илдә бар кеше диярлек футбол белән кызыксына. Сайтта бер шаяру бар: үз исемеңне, фамилияңне һәм телефон номерыңны язасың һәм “Старт” төймәсенә басасың. Мин шулай эшләдем дә... Видеосюжет башланды. Стадион. Зур футбол матчы башлануга санаулы минутлар кала. Ә бер футболчы килмәгән. Шунда тренер янына бер ярдәмчесе йөгереп килә дә папкасын күрсәтә. Карасам - анда шул спортчы исеме сызылган да, аның урынына минем исем-фамилия язылган! Тренер тиз генә кесәсеннән телефон трубкасын чыгарып номер җыя башлады. Берзаман телефоным шалтырады. Трубканы күтәрдем. Сайттагы видеода тренер минем белән сөйләшә - ә мин аның тавышын үземнең Казандагы телефон трубкасында ишетәм. Кызганыч, португаль телен аңламыйм. Мондый роботны уйлап чыгарган кешегә афәрин диясе генә кала. Шунысы кызганыч, бу шаяру бер көн генә нормаль эшләде. Хәзер бер эшли, бер эшләми. Күрәсең, Португалия роботларының чит илләргә шалтыратырга акчалары беткәндер...
Үзегез сынап карагыз, бәлки, тренер сезгә шалтыратыр. Сылтама: http://as00.estara.com/OneCC/200106287983/sporting/index.html
Данил СӘФӘРОВ |
Иң күп укылган
|