|
|
Бүген кемнәр туган
|
|
Архив
|
04.10.2008 Җәмгыять
ТУФАН МИҢНУЛЛИН: БЕЗНЕҢ БАШНЫ БУТЫЙЛАР"Болгар" номерларын пыран-заран китереп җимереп ташлаулары милләтебездә ыгы-зыгы куптарды. Берәүләр – җитәкчелекне, икенчеләр – язучыларны, өченчеләр, гомумән, татар халкын гаепләде. Инде ничә көннәр буе танылган драматургыбыз Туфан Миңнуллин үз-үзенә урын таба алмый интегә. Аны хәрабә хәлендәге бинаны карарга килгәч: "Йөрмәгез, китегез моннан", – дип куып чыгарганнар. – Нәкъ шундый бина төзибез дип әйтү – җәмәгатьчелекнең башын бутарга тырышу, – ди ул. – Адәм көлкесе бит инде. Минем костюмны тотып ягасың да, менә шуңа охшаган кием кибеттә бар дисеңме? Ул бит алай була алмый. Дөрес, дөньяда яңадан төзү практикасы бар. Әмма бүгенге техника белән теләсә нинди нигезне ныгыта алалар. Чит илдән экспертлар чакыртып, яңадан нигезен тикшертеп карарга кирәк иде. "Сөембикә" манарасын торгыздылар бит. Аның нигезе бөтенләй тузган иде. Ни генә дисәң дә, Тукай яшәгән бүлмә өлешен яңа бина эченә урнаштырып калдырырга кирәк иде.
Туфан Миңнуллин инде ун ел элек үк бу бинаны саклап калу өчен җан тырмаша. Ул вакытта никтер нигезе тузган дип әйтүче кеше табылмаган. Артистларга тулай торак ясарга кирәклеге хакында сүз булган үзе. Әмма акча булмау сәбәпле, бинаны төзекләндерергә алынмаганнар.
– Монда барыбыз да гаепле, – ди Туфан абый. – Без үзебезнең тарихыбызны вәхшиләрдән саклый алмыйбыз. Такташның өен җимереп ташладылар. Аңа һәйкәл куябыз, диделәр. Кайда ул һәйкәл? Тукай урамындагы Тукай, Әмирхан эзләрен чистартып чыктылар. Бауман урамыннан татарның иҗтимагый фикер үзәге булган нәшриятны шәһәр читенә "сөрделәр".
Яңадан Тукай бинасының торгызылуына ышанмый Туфан абый. Алдауның бер формасы, кыскача гына әйткәндә, халкыбызны кәкре каенга терәтеп калдыру, дип кабул итә ул җитәкчелекнең сүзен.
Алсу ХӘСӘНОВА |
Иң күп укылган
|