• 28.10 "Ләйлә вә Мәҗнүн" , 12+, Кариев театры, 18:30
  • 29.10 Микулай, 12+, Кариев театры, 18:30
  • 30.10 Премьера!"Бәхетле көнем", 3+, Кариев театры, 11:00 һәм 13:00
  • 30.10 "Яратып туялмадым", 16+, Кариев театры, 18:00
  • 31.10 Премьера "Бәхетле көнем", 3+, Кариев театры, 11:00
  • 31.10 "Шәй-бу, Шай-бу!", 12+, Кариев театры, 18:00
  • 01.11 Юрий Шатунов. КСК "Уникс". 19:00
  • 02.11 "Хикмәт әкиятләре", 6+, Кариев театыр, 18:00
  • 03.11-07.11 Ришат Төхвәтуллин. Сула. КСК "Уникс"
  • 04.11 "Корт", 12+,Кариев театры, 18:00
  • 05.11 Премьера! "Бәхетле көнем", 3+, Кариев театры, 13:00
  • 05.11 "Мәхәббәт күгәрченнәре", 12+, Кариев театры, 18:00
  • 06.11 "Кәҗүл читек", 6+, Кариев театры, 13:00
  • 06.11 "Шәй-бу, Шәй-бу!", 12+, Кариев театры, 18:00
  • 07.11 "Сәлам, Актәпи",3+, Кариев театры, 13:00
  • 07.11 "Ак чәчәкләр кебек...", 12+, Кариев театры, 18:00
  • 10.11 Валерий Меладзе. Татнефть Арена. 19:00
  • 10.11 "Озын-озак балачак", 12+, Кариев театры, 18:30
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
Бүген кемнәр туган
  • 28 Октябрь
  • Шәүкәт Биктимеров (1928-2012) - актер
  • Әлфинә Әзһәмова - җырчы
  • Марс Макаров (1939-2016) - композитор
  • Илфат Шәехов - баянчы
  • Таһир Гыйлаҗев - әдәбият галиме, тәнкыйтьче
  • Рафаэль Сибат (1946-2003) - язучы
  • Вәсимә Хәйруллина - шагыйрә
  • Гөлсем Болгарская (1891-1968) - актриса
  • Сдается однокомнатная квартира в Казани на улице Октябрьский городок(советский район) т.89872199861
  • Сдаю 1 комнатную квартиру в районе остановке Советская площадь город Казань на длительный срок.15 т.р.+ квартплата РИЭЛТОРАМ ПРОСЬБА НЕ БЕСПОКОИТЬ!! тел.89872199861
  • Казанда Грузчик, Газель хезмэте курсэтэбез! 89196271171
  • Мамадыш районында иртә буаз тана сатыла, бәясе килешү буенча, тел.89172470972
  • Бер булмэле квартир,гостинка,студия снимать итэм,укып эшли торган татар кызы,ДРКБга якын булса бик яхшы булыр иде или якын-бирэ районрдан советский,и тд.2булмэле квартирга бер кыз янына подселениега да керергэ риза.тел:8962-575-68-53.
  • Корбанга, гакыйкә, нәзергә сарыклар бар. Казанга, Биектауга, Питрәчкә китереп бирәбез. Барлык бәясе 8000 мең. 89179113219
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ЗАРПЛАТА 15-17 МЕН ТЕЛ 89957664503
  • Открыта вакансия на должность бухгалтера , экономиста в бюджетное учреждение в с.Актаныш тел 88555232062, 88555232034
  • Ноябрь бэйрэмендэ суелачак яшь ярымлык угез итенен ике ал боты сатыла.кг 330 сумнан тел 89027113070
  • Телэче районы Шэтке авылында йорт сатыла.Газ, су кергэн. 89534073195
 
 

 
Архив
 
16.02.2012 Язмыш

Бәхетне дә бүлик икегә

Укшый-укшый хәлдән тайган хатын аңына барыбер килеп җитмәде әле. Әллә ялгыша торгандыр бу имче карчык? Иң якын кешең бозган ди бит, сәламәтлегең шуңа какшаган, ди. Иң якыннары күпмени аның – ире дә балалары, әнисе исән, инде егерме биш елдан артык бер тәлинкәдән ашаган Тәнзилә ахирәте. Ахмак, ни уйлый бу баш дигәнең – болардан шикләнү гөнаһның гөнаһыдыр, әстәгъфирулла.

– Бүгеннән хәлең җиңеләер. Өеңә кайткач, мендәрләреңне тикшер, диван-өстәл аякларын күтәреп кара. Тапкан «алтын»ыңны кулыңда озак тотма, елгага илтеп агыз. Аннан юынып чыгып, намазыңны укы. Төшеңә сине үтерер өчен дип бозым ясаган кешең керер.

 

Шулай диде дә Айгөлне этеп-төртеп диярлек өеннән чыгарып җибәрде карчык.

 

Өенә кайтып кергәндә шабыр тиргә баткан иде Айгөл. Башта диван аякларын, аннан мендәрләрен капшарга тотынды. Андагы хәшәрәтне күргәч, имәнеп үк китте. Ничек моңарчы күрмәгән икән? Иң соңыннан ванна бүлмәсенең бусагасына абынып егылды ул. Чәчрәп барып төшүенең авыртуын да әллә ни тоймады, ахры. Күгәргән янбашын кулы белән угалап алды да ишек яңагын каерып ачты. Аннан бер өем төелгән энәләр коелды. Йа Хода, кем аны шуның кадәр күралмады икән, кемгә ни зыяны тиде соң аның?

 

Ире белән өченче сыйныфта укучы кызы кайтып кергәндә, Айгөл инде эшен төгәлләгән иде. Кайнар аш, елмаю белән каршы алган хатынын күргәч, ире сөенеченнән кычкырып ук җибәрде: «Әллә авыруың чигенә инде, әнисе?» Айгөл иренең куенына кереп сеңгәнен сизми дә калды: «Бардым бит, әтисе, теге карчыкка. Авыруың уза, диде». Әмма артыгын әйтәсе килмәде. Аларның өендә болай да, таң атса, чир турында гына сөйләшәләр, бүген аның турыда гәп куертасы килми иде.

 

Иртәнгә Айгөл шабыр тиргә батып, коты чыгып уянды. Төшендә ул ахирәтен күрде. Чирек гасырдан артык бер җан булып яшәгән Тәнзилә... Иң якын кешең булыр, диде бит карчык...

 

...Алар Тәнзилә белән икесе дә банк хезмәткәре булырга укыдылар. Беренче курстан, бер тулай торактан башланган дуслыгы игезәк язмышка әверелде дә куйды. Бер ширкәткә икесе дә икътисадчы булышчысы булып урнашты, аннан икесе дә кияүгә чыкты. Икесенең дә уллары туды, икесенең дә ирләре эчкече булды, икесе дә ир йодрыгы ашап яшәде. Коточкыч ул елларны искә төшерәсе килмәсә дә, алар һәрвакыт иңгә-иң куя белделәр, бер-берләренең юанычы булдылар. Аннан икесе дә бер үк вакытта диярлек аерылышты, икесе бергә тулай торакның бер бүлмәсендә ялгыз хатын булып утырып калды.

 

Әмма Айгөл дә, Тәнзилә дә мескен булып, елап яшәргә күнекмәгән иде. Тырыштылар, тырмаштылар – кешедән ким-хур булып яшәмәделәр. Уллары мәктәп тәмамлыйсы елларда гына аларның хезмәт кую урыны алышынды. Тәнзилә икътисадчы эшен күптәнге күңел тарткан кул эше – тегүчелеккә алыштырды, Айгөл исә зур бер оешмада бүлек җитәкли башлады. Тәнзиләдән вакыт-вакыт: «Син бит инде безнең ише генә түгел», – кебек сүзләр ишетелсә дә, Айгөл көнләшүгә урын калдырмый иде. Тапкан малын үзе дә сизмәстән бүлешә иде, малайларга да алган әйберне гел пардан итте, ялларына да юллама хакын берүзе түли иде.

 

Әллә шулай итеп гомерләрен дә тәмамлап куярлар иде... Айгөл артыннан дәрәҗәле ир-ат йөри башлады. Юлына аркылы ятты, диярсең – ай-ваена калдырмады, ничек итсә итте, хатынның инде кырау төшкән йөрәгенә ачкыч ярата белде ул. «Чыгасың инде чыгасың килгәч», – диде төксе генә Тәнзилә киңәшкә килгән ахирәтенә. «Яшәп кара. Барыбер озак тормассың. Байларга бит ул безнең кебек карт, сөякләре каткан хатыннар кирәкми», – дип тә өстәде. Никах укытып яшәп карыйк, диде Айгөл Юныска. Әмма ирнең сүзе бер булды: «Мин кети-мети уйнап йөрер яшьтә түгел, җаным. Миңа гомеремнең көзенә кадәр бергә булырдай хатын кирәк».

 

ЗАГСтан соң ике ай узуга, хатын үзендә сәер үзгәрешләр күреп шаккатты. Утыз алты яшендә корсак күтәрмәс бит инде?! Гинеколог хатын кычкырып көлде: «Утыз алты сиксән алты түгел бит әле ул. Илледә дә бәби тапканнар җитәрлек». Командировкадагы иренә телефон аша әйтергә кыймады Айгөл. Тәнзиләгә чыгып чапты. Аннан алар икәүләп Айгөлләргә китте. Ире кайтканчы, туачак нәнигә бүлмә хәстәрләп, ремонт ясап куярга кирәк. Тәнзилә бер атна куна-төнә аларда ятты. Юныс кайтып, яңалыкны ишетүгә, хатынын кулыннан төшерми озак басып торды. Тәнзилә дә бу күренешнең шаһиты иде. Декрет ялына чыгар алдыннан төшемле эшенә ахирәтен тәкъдим итте Айгөл. Ике ай аны эшкә өйрәтте, директорны ничек кирәк алай җайлап, үз урынына Тәнзиләне калдырып китте. Ә үзен тулаем бәби үстерүгә багышлады. Аннан аяклары сызлавына түзә алмый, таякка калды. Тәнзилә, коры гына: «Картаеп беткәч, сиңа эт тә бала табарга кушмаган», – диде. Юныс табиб арты табиб табып торды...

 

...Үзенең элеккеге эш урынына килеп кергәндә, төш вакыты җитеп килә иде инде. Тәнзилә утырган кабинет ишеге ярымачык, анда ахирәтенең телефоннан сөйләшүе ишетелде. Алдан әйтми-нитми генә килеп кергән Айгөлне күргәч, сөенгән кыяфәт чыгарды ул. Айгөлнең кулында түгәрәк ипи иде.

 

– Тот менә шушы ипине, – диде Айгөл, коры гына. – Тот та мин сиңа бозым ясамадым, диген.

 

Тәнзиләнең йөзеннән кан качты. Эндәшерлек көче юклыгы күренеп тора иде. Әмма ипидән корт чаккан кебек качарга тырышты ул. Айгөл аның саен аңа якынайды.

 

– Димәк, син?! Мин синең белән бер табактан ашап, бер кыерчык ипиемне дә икегә бүлеп яшәдем. Фатир алырга булыштым, таудай корсагым белән эшкә өйрәтеп, үз урынымда калдырдым, алган бер күлмәгемне дә икегә бүлеп кидем. Минем корсаклы вакытымда, бала туар алдыннан ничек шундый адымга бара алдың?

 

Такмаклый-такмаклый елаган Айгөлгә Тәнзилә җирәнеп диярлек карады. «Бәхетеңне генә икегә бүлеп булмады бит, – диде аннан салкын канлылык белән. – Синдә шәп ир, бала. Олы улың әйбәт җиргә урнашты, акыллы. Минеке төсле игелексез бала түгел»...

 

* * *

 

Ул шул ук урында эшли, – ди Айгөл, язмыш йомгагына нәтиҗә чыгаргандай. – Аралашмыйбыз, әлбәттә. Юныска бөтен нәрсәне сөйләп бирергә туры килде. Минем рәнҗешем юк. Бәйрәм, туган көне саен телефонга чүпрәк каплыйм да аның өй номерына шалтыратып котлыйм. Бәхет телим. Ул мине танымый: «Кем бу?» – ди. Сиңа бәхет теләүче, дим. Мин аңа чын күңелемнән бәхет телим. Менә минем бүген бәхетем түгәрәк бит – гаиләм исән-сау, ирем ярата, балаларым игелекле. Тәнзиләнеке дә шулай булсын иде. Их...


Гөлнара ҖӘЛИЛОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№19 (796015) / 18.02.2012 11:57:39

минем бер иптэш хатын бар ,ире кыйык -мыйык йри башласа, ой иремне бозганнар дип богаучыга йгерэ .Причем монда бозым ирен узе кэнагэтлэндерэ алмагач ,гел акырып торгач ни эшлэсен инде ,жылы урын эзли бичара ир кеше .Гомер буе шул омчы -тымчы янында утэ бу хатыннын гомере . Узем дэ биздем бу хатыннан хэзер бик аралашмыйбыз ,ул эйгэ керсэ гел балалар б/н оршыша идем ,э хэзер аны кертми башлагач тфу-тфу куз тимэсен аллага шекер .Инде кай вакыт шиклэнэ дэ идем ..генах конешно ,балалар да нигэдер яратмадылар ..эни кертмэ эле шуны дилэр .Узе эйбэт, простой, кешегэ охшаган инде тел ягы да аллага шекер . Бик каты гайбэтче инде узе .

№18 (796010) / 18.02.2012 11:15:57

сихерче түгел

"Кешенең затылогына карап үзеңнең аңа булган" иң-иң яхшы теләкләремне әйтсәм, бу тормышеа ашамы? Аныйлар бар.)))
Гомүмән, начарлык эшләп була икән, яхшылык та эшләп булырга тишле бит.)))
Андый юк-барга ышанмыйм шуууул.)))

№17 (795999) / 18.02.2012 09:51:08

Күз тию бар. Күз әледәге баягы шул көчсез биологик кырларны гына боза ала.Ул, әлбәттә, балалар. Балаларга күзем тия торган гадәтем бар. Ул үзеннән үзе чыга торган тыеп булмый торган соклану хисе.Шунлыктан кулга тотып кысып сөю мөмкинлеге булмаса, мин балаларга күз төшермим.Ә менә кысып сөйгәндә баланың бозылган кыры кабат рәтенә-җаена кайта.Хәтта файдалы көче дә бардыр. Балаларны шуңа еш сөеп торырга кирәк.Шундый балалар нык үсә.

№16 (795994) / 18.02.2012 09:05:11

Сихерне төрле юллар белән башкаралар.Кешенең затылогына карап үзеңнең аңа булган начар теләгеңне генә әйтсәң дә,бу сихергә керә.Мин моны кулланмаска киңәш итәр идем - таяк ике башлы.

№15 (795992) / 18.02.2012 00:23:40


Сихер белән маташучы кеше күзе белән башкара,андый кешенең күзенә карамагыз үзегезгәдә каратмагыз.Әгәр берәү сезгә күзен ачып карап тора икән ул сихерче.Чегәннәрдә шулай башкара.Ләкин көчле кешене(характерлы) җиңә алмый,ә менә балаларын җиңә.Балаларын үзенә бйсындра кара көч белән.Сак булыгыз.

№14 (795990) / 18.02.2012 00:01:03

Соры корт, күзгә күренми торган иң түбәнге астраль катламда, җимергеч удар ясап, кара көчләр генә яши. Бу катламны җирдә яшәгәндә гөнаһлы гамәл кылган, бары тик начар эшләре белән генә кеше хәтерендә сакланып калган үле җаннар(өрәкләр) бертуктаусыз тулыландырып тора, чөнки аларны башка катламнарга кабул итмиләр. Алар анда билгеле бер вакытка кадәр чистарыну процессы үтәргә тиешләр. Кайберәүләр, кылган начарлыкларының күләменә карап, шактый озаккарак тоткарланалар. Алар анда да шайтани гамәл кылуларын дәвам итәләр. Кара магия, сихер белән эш итүчеләр нәкъ шулар белән бәйләнешкә керәләр һәм кешеләргә җимергеч удар ясарга сәләтлеләр. Астраль өрәкләрнең һәм кара энергия белән эш итүче сихерчеләрчеләрнең турыдан туры йогынтысыннан котылу өчен, Аллаһы Тәгаләгә бик якын булу һәм информацион энергетик кырны ныгыту сорала. Энергетик яктан көчле кешеләргә бернинди куркыныч та янамый, чөнки алар Аллаһ тарафыннан сакланган булалар. Аллаһ тарафыннан сакланганнар гына саклана, кеше үзен үзе сакларга сәләтле түгел.

№13 (795957) / 17.02.2012 18:20:01

Соры корт, 
Никогда не говори ни когда!!.Кызганычка каршы ырым, бозым , әфсен- төфсен бар шул..Кайчандыр миндә синең кебек көлеп кенә караган идем..Әни сөйләгәндә ышанмый идем.. Ничек инде ике югары уку йорты бетергән , КПСС члены андый юк барга ышанырга..
Электән үк булган.. Хәзер тагын киң кулланыш алды.. Көнчелектән халык интегә.

№12 (795953) / 17.02.2012 17:51:33

Ышанмасан, башына тешкеч ышанасын ул! Минем иремнен апасы безнен гаилэне таркатырга диеп ясаткан иде. Ахыр чиккэ житкеч, эшкеручеге бардым, кайнана ризалыгы белен, аертырга ясатканнар, янадан ясаучыга дип жиберимме дигеч- \"Каян килсэ, шунда китсен\"-, дидем. Тогел бер елдан узенен ире йортны калдырып чыгып китте. Ышамас идем мин дэ!

№11 (795952) / 17.02.2012 17:50:47

Ышанмасан, башына тешкеч ышанасын ул! Минем иремнен апасы безнен гаилэне таркатырга диеп ясаткан иде. Ахыр чиккэ житкеч, эшкеручеге бардым, кайнана ризалыгы белен, аертырга ясатканнар, янадан ясаучыга дип жиберимме дигеч- "Каян килсэ, шунда китсен"-, дидем. Тогел бер елдан узенен ире йортны калдырып чыгып китте. Ышамас идем мин дэ!

№10 (795942) / 17.02.2012 16:17:26

Язып та куялар соң!!! Әллә язганнарына үзләре дә ышана башлыйлар микән? Ырым, бозым, әфсен-төфсен... эдэм көлкеләре. Астагы комментарийларда да бит әле, шул турда җитди итеп язып маташалар. Барып чыктык бугай...

№9 (795933) / 17.02.2012 12:56:55

нишлэп шундыйдыр инде без, менэ дигэн язмадан да гаеп эзлибез.

№8 (795927) / 17.02.2012 11:15:38

Монда бит Рузилэ, Айгол тугел, автор сойли безгэ!
э автор аларны, унай геройнын куркэм сыйфатларын курсэту очен саный. Эдэбият тэлабе как-никак

№7 (795917) / 17.02.2012 09:03:52

Голнаранын унай герое миндэ хормэт уятмый. эшлэгэн яхшылыгынны санап тормыйлар инде. эшлэгэнсен икэн яхшылыгынны – булдыргансын. эшлэ дэ оныт, яхшылыгын белэн битенэ бэрмэ. э теге кире герой уз начарлыгы очен Ходай каршында узе жавап бирер

№6 (795866) / 16.02.2012 17:06:07

Авыл апаена.
Минем бу мәсәләдә хаклы булуымны бер сезгенә түгел танучы.. Ну кайберәүләр танысалар да бу турыда әйтергә кыенсыналар..Мине тиранлыкта гаеплиләр..
Мин бу мәсәләдә бик күп серләрне ачалам..

№5 (795860) / 16.02.2012 16:00:57

Шулай да...
Бог видел,я была холодна.... дип әйтте ди бер монашка...бер ир чишендергәндә.

№4 (795857) / 16.02.2012 15:47:59

Җарата, җаратмаслык түгел ул, ну түлке аулакта җакын да китерми. Ирем кылларын тартып караган булган.

№3 (795856) / 16.02.2012 15:45:02

Авыл аппае,чыннан да ярата икән бит синең иреңне дустың.

№2 (795854) / 16.02.2012 15:40:56

Җүләр хатын куенында елан асраган. Тегесе оятсыз, гаиләле кеше өендә ялгыз хатыннарның мәгънәлесе йөрми, гадәттә. Кем бу хаклы, димәк.
Минем дә бергә бер табактан ашап үскән балачак дустым ялгыз яши, ләкин чакырсам да, килмәскә тырыша, туган көн белән котларга килсә дә, тизрәк кайтып китү җаен карый . Бер заманны аңа, иремә икенче хатынлыкка килсәң дә ачуланмыйм, яратам ич мин сине, дигән идем, үзе миңа ачуланды, ярсыды, ник әйткәнемә үкендем. Ләкин миннән бераз көнләшсә дә, андыйга бара торган түгел инде.

№1 (795849) / 16.02.2012 14:50:15

нигэ шундый эшэке кешелэр бар икэн бу деньяларда ,нигэ белмилэр узлэренэ эйлэнеп кайта бит .

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar