• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

12.01.2012 Җәмгыять

«Winx»ларга мәдхия

Биш ана кибеттә «Winx» киштәсе янында курчаклар сайлыйбыз. «Гитаралылары җырлыймы икән аның? Кызыма җырлый торганы кирәк», – ди бер ана. «Ә минеке Флораны һәм шуңа ниндидер оча торган ат сорады», – дип сүзгә кушыла икенчесе. «Кайсы Ләйлә дә, кайсы Текна соң моның? Бөтенесе бертөсле бит болар», – дим, сайлый-сайлый аптырап беткәч.

«Черномазаясы – Ләйлә, җирән башлысы – Блум, ә Текнаны белмим. Рәсемнән карап танырга була», – дип аңлата өченчесе. «Черномазая» дигәнебез бераз карасурак кына булып чыкты, интернеттан карап белдем, оригиналда Аиша икән ул, Гайшә буладыр инде безнеңчә.

 

Күп белүче кызым миңа фея-курчакларның алтау икәнен аңлаткан иде инде. Былтыргы Флорага өстәп, быел аңа Блум, Текна, Ләйләне алдым. Базарда ничектер – белмим, кибеттә иң арзанлы курчак 335 сум тора (акция белән янәсе), иң кыйммәтлесе 1000 сумнан шактый ераклашкан сумма. Кыскасы, мин бер меңлегемә Кыш бабайга язылган хатта күрсәтелгән өч курчаклы булдым. Бу әле бик эконом вариантларны сайлап.

 

Яңа ел бәйрәме – әти-әниләрнең «Кыш бабай янчыгы» булып эшли торган вакыты. Мөгаен, баланың Кыш бабайга ышануы балага караганда ата-анага күбрәк тә кирәктер әле. Бала күрмәгәндә чыршы төбенә бүләк куеп, без үзебезне могҗиза тудыручыдай хис итәбез. Шушы хис хакына уч төбенә сыярдай озын ботлы канатлы курчакны «ат бәясенә» ал инде!..

 

Тормышның көннән-көн яхшырмаганын күреп торсак та, һаман яхшыга ышанабыз лабаса. Могҗиза көтәбез. Иртәгәнең бүгенгә караганда яхшырак булачагына ышанасыбыз килә. Бу айда хезмәт хакының күбрәк языласына өметләнәбез. Заманында әти-әниләребез коммунизмга ышанган кебек.

 

* * *

 

Бу курчаклар да өстәлгәч, безнең өебез тулы «Winx» булачак: курчаклар, дәфтәр, ручка, бетергеч кебек канцелярия товарлары, журналлар… Хәзер инде мин дә «Winx»лар буенча шактый зур белгечкә әверелдем – кызым да өйрәтте, интернеттан да мәгълүмат җыйдым. Җирдә яшәп яткан Блум исемле кыз чынбарлыкта Домино планетасы принцессасы икән. Ул Магикс дигән тылсымлы үлчәмдә феялар яшәвен белеп ала. Ничектер (сериалны карамагач, ничеклеген әйтә алмыйм, кызым да белми булып чыкты) Алфейга эләгеп, «Winx» клубы оештыра.

 

Әлеге тылсымлы дөньяны һәм андагы феяларны итальяннар уйлап тапкан. Сериал тиз арада популярлашып китеп, «Winx» табыш китерүче сәүдә маркасына әверелеп куйган. Башта дүртәү булган феялар тора-бара артып, алтыга җиткән. Җиденчегә «Winx» клубы әгъзасы булмаса да, шушы мультсериал герое Рокси да өстәлә. Тик минем кызым, Роксины яратмыйм, ди. Димәк, киләсе елга кызчыгымның мавыгулары үтмәсә, ике генә курчак аласы кала. Мультик буенча, феяларның бойфрендлары да, пиксилары да бар. Пикси дигәне теге феяларга бәйләнгән нәни феялар икән. Йа Аллам, кеше фантазиясенең чиге юк, проектның уңышын сизеп алгач, геройлар саны артканнан-арта бара. «Клуб Винкс — Школа волшебниц» проекты – иң зур рейтинглы тапшыруларның берсе. Курчаклары Барби һәм Братцлар кебек үк актив сатыла. 2007 елда ук бөтен сатылган курчакларның 40 проценты «Winx»ка туры килгән ди. Кыскасы, бренд, сәүдә маркасы, медиафранчайз һәм тагын әллә нинди текә сүзләр кулланып, шактый «мактарга» мөмкин бу проектны. Италия киноаналитиклары фикеренчә, «Winx» җырлары дуслыкка һәм камиллеккә өнди, киләчәккә өмет тудыра. Үсмерләргә бу феялар зәвыклы киенүләре, яңа технологияләр белән мавыгулары, музыкага тартылулары өчен һәм команда рухы белән яшәүләре ягыннан үрнәктер, күрәсең. Кыскасы, «Winx Club» сериал гына түгел, үзенчәлекле культура.

 

«Winx» сәүдә маркасында кыз балалар ярата торган ачык ал төс өстенлек итә. Курчаклары Барбины хәтерләтә. Үзләре бер-берсенә шулкадәр охшаган ки, чәчләре булмаса, аерам димә. Блум – җирән чәчле, Флора – саргылт-коңгырт, Муза – шәмәхә-зәңгәр, Стелла – ак, Ләйлә – кара, Текна – кызыл. Бөтен вак-төягенә кадәр уйланылган мондый бренд «хуҗасына» зур акчалар китерә, әлбәттә. «Winx» сәүдә маркасы балалар тормышының бөтен өлкәсенә үтеп кергән: кием-салымда да, язу-сызу кирәк-яракларында да – канатлы кызлар. «Winx»лы журналлар да чыга. Интернетта «Winx»лы уеннар тәкъдим ителә торган берничә сайт бар. Аларда феяларны киендерергә дә, буярга да, өйләрен җиһазларга да мөмкин. Быел җәй көне кызымны эшкә ияртеп йөргәндә шактый уйнады ул алар белән. Начар уеннар димәс идем.

 

«Winx»ларны әйләндереп карыйм да шушыларның брендка әверелүенә аптырыйм. Барби тибындагы озын торыклы, нечкә курчаклар. Нигәдер башлары зур, ялгышмасам, медицина андый җитешсезлеккә гидроцефалия дигән диагноз куя. Аллаһ сакласын! Ә италиялеләр шушы курчаклардан сәүдә маркасы ясап, күпме кызларны җәлеп итә алган.

 

Минем кызымның аларның мультсериалына артык исе китмәде. Мөгаен, болары өчен ул әле шактый кечкенәдер. Аңа «Маша и медведь», «Смешариклар», «Лунтик» кызыграк. Әмма курчаклары нәкъ менә Флора-Блум-Лейла-Стелла-Текна-Муза булырга тиеш. Мин аның зәвыклы, якты, матур киемнәр кигән канатлы курчаклар белән уйнавына каршы түгелмен. Бәлки, ул аларның канатлы булуына кызыгадыр. Чөнки моннан берничә ел ул үзенә чын канатлар сорап аптыраткан иде. Кешеләрнең канат җилпеп оча алмавын аңлагач, феялар белән мавыга башлагандыр.

 

Мин бу мавыгуның адәм баласында еш була торган фанатлыкка күчүен генә теләмим. Поп-йолдызлар белән саташучылар, спорт йолдызларын стеналарга элеп куючылар күпме. Стас Михайлов кебек артистларны карарга билет алып, берничә мең халык сыйдырышлы спорт сарайларына баручыларны аңламыйм. Анда ни күренсен дә, нинди юньле энергетика булсын?! Музыка камера залларында гына тыңланырга тиеш дип саныйм. Шаша-котыра футбол-хоккей караучыларны аңламыйм. Мин, гомумән, фанатлыкка каршы. Фанатлар – кемнәрдер өчен зур акчалар китерә торган бизнес. Фанатлыкның яше юк. Баламның андый фанатлыктан өстен булуын телим. Башкаларны кабатларга кирәкмәвен, «толпа» булырга ярамавын аңлатам.

 

* * *

 

Алдым курчакларны, чыршы төбенә тездем. Әмма… кызыма мәктәп лагеренда зур сер ачканнар: Кыш бабай юк икән, ә бүләкне әти-әниләр үзләре ала ди. «Син дә «Winx»ларны үзең алдыңмы?» – дип, җиде яшьлек кызым күзләремә карый. Мин аның ничек дөньяга килүе турындагы соравыннан да җавапсыз калмаганны, бу юлы ни әйтергә белми аптырап калам. Әмма «бөек сер»не ачарга туры килде: әйе, курчакларны мин алдым. 30 секундлык тынлык. Аннары кызым кычкырып елап җибәрә: «Кыш бабай булмагач, киләсе елга тагын калган ике «Winx»ны кем алачак?» Мин бу ситуациядән матди файда ясарга тырышып әйтеп куям:

 

– Кызым, яки «сер», яки бүләк иде. Син «сер»не сайладың…

 

– Миңа бүләк кирәк. Кыш бабай булмагач, аны кем алсын?!

 

– Ә бәлки бардыр ул Кыш бабай. Ул бөтен балалар янына килеп җитә алмаганга күрә, балалары еламасын өчен, бүләкне әти-әниләр үзләре аладыр…

 

– Бәлки бардыр, кызым.

 

– Бар ул, әни, бар. Ул булырга тиеш. Мин аңа киләсе елга да хат язам, яме.


Рузилә МӨХӘММӘТОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№8 (792183) / 12.01.2012 19:22:26

әллә миненке генәме дигән идем, юк икән)))))))))))))))

№7 (792164) / 12.01.2012 17:28:11

Күке, кайда булган? Шуны беләсе иде.)))))

№6 (792162) / 12.01.2012 17:19:00

Нигэ аптырадыгыз шул хәтле? Үзегезне искә төшерегез!
Заманында шоколад кәгазьләре,каплы конфетлар дефицит чакта конфет тартмалары, маркалар, наклейкалар бер дә җыймадыгызмы?
Һәр заманның үз мавыгулары инде.

№5 (792161) / 12.01.2012 17:01:24

минем племянницанын да азагы куба шул винкслар белэн. раскраска, футболка, курчак, мультиклары- вообще пипец. лэкин шунысы кызганыч, безнен балалар бзнен мультфильмнар белэн кызыксынмыйлар. аларга винкс, губка боб,тачки х.б. булсын. ул дисней. никелодиум(дорес язмадым кебек) каналларында гомумэн урыс мультфильмнары юк. берконне врунгель бара. карамады ул аны. э шунда несуразный (башка суз юк!) губка боб булса, текэлеп утырасы иде. менэ шулай жэмэгать...

№4 (792160) / 12.01.2012 15:47:07

Кызым 2 кл укый. шулай ук Винксларга гашыйк. КЛАССЛАРЫ БН НАКЛЕЙКА ЌЫЯЛАР,БЕР БЕРСЕ БН АЛМАШАЛАР.мультфильмы кљн дђ сђг 2 була. шућа ќитешђм дип алдан ук план тљзеп куя, мђктђптђ тоткарланмый. Беркљн њзем дђ кызыксынып карадым. Начар мультфильм тњгел болай. Алар яхшылыкка љйрђтђ. Тђртипсезлек бн кљрђшђлђр. Без бђлђкђй чакта да курчаклар иде инде ул, ђмма хђзерге балалар кебек аларга табынганны хђтерлђмим. Књп кызлар алар кебек киенђ, алар сњрђте тљшкђн кием салым сорый, концтоварлар да шулар рђсеме бн генђ булсын, ди.

№3 (792157) / 12.01.2012 15:00:42

Рузилә, ул биш әнинең берсе мин булмаганмы икән әле...

№2 (792154) / 12.01.2012 14:13:15


Хәзерге балалар шул кадәр аңлылар,ис китәрлек.Аларны алдыйм димә.Бер кыш Бабайга (теледәге)син чын түгел алдыйсың дидгәч аптырам киттем.

№1 (792152) / 12.01.2012 13:49:55

шушы акыллы балага,матур итеп кыш бабайның кем икәнен аңлатмаска. алдарга кирәкме балаларны?
алар аңлыйлар бит инде.......

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar