Дамир Сираҗиев премиясе лауреатлары - 2011 (ИСЕМЛЕК)

Татар театрының туган көнендә, 22 декабрьдә, Г.Камал театрында "Җыен" фонды һәм Татарстан Республикасы мәдәният министрлыгы тарафыннан Дамир Сираҗиев исемендәге театраль премия лауреатларын бүләкләү тантанасы узды. Әлеге премия 1999 елдан башлап, театр тормышына, аның үсешенә үзеннән өлеш керткән төрле һөнәр ияләренә (режиссерлар, актерлар, драматурглар, сценографлар, театр тәнкыйтьчеләре, җәмәгать эшлеклеләре, директорлар, һ.б.) бирелеп бара. Лауреатлар арасында бер генә очраклы кеше дә юк - барысы да театр дөньясында танылган, билгеле шәхесләр. Быелгы лауреатларның да һәркайсы әлеге премиягә тулысынча лаек дип саныйбыз һәм аларны ихластан тәбрик итәбез!

Сәнгать өлкәсендәге актив хәйрия эшчәнлеге өчен “ТАИФ” ААҖ генераль директоры АЛЬБЕРТ ШИҺАБЕТДИНОВ

Озак еллар дәвамында уңышлы иҗади эшчәнлеге һәм Яр Чаллы Татар дәүләт драма театры үсешенә зур өлеш керткәне өчен Татарстан Республикасының халык артисты БУЛАТ СӘЛӘХОВ

Классик каһарманнарның үзенчәлекле һәм кабатланмас образларын тудырганы өчен Г.Камал исемендәге Татар дәүләт Академия театры артисты РАМИЛ ВӘҖИЕВ

Балалар милли театры үсешенә зур өлеш керткәне өчен “Әкият” Татар дәүләт  курчак театры артисткасы Татарстан Республикасының атказанган артисткасы ГӨЛНУР ГАБДРАХМАНОВА

Озак еллар дәвамында уңышлы иҗади эшчәнлеге һәм Түбән Кама Татар дәүләт драма театры үсешенә зур өлеш керткәне өчен Татарстан Республикасының атказанган артисты РӘИС ГАЛИЕВ

Татар театр сәнгатен үстерүгә зур өлеш керткәне һәм гастроль-фестивальләр хәрәкәтендәге актив эшчәнлеге өчен Әлмәт дәүләт драма театрының директоры ФӘРИДӘ ИСМӘГЫЙЛЕВА

Казан шәһәренең театраль проектларында актив катнашканы өчен Казан Татар дәүләт яшь тамашачылар театры артисты МАРСЕЛЬ МӘХМҮТОВ

Озак еллар дәвамында уңышлы иҗади эшчәнлеге һәм Казан татар дәүләт яшь тамашачылар театры үсешенә зур өлеш керткәне өчен Россиянең атказанган, Татарстан Республикасының халык артисты НУРИӘХМӘТ САФИН

Г.Тукайның иҗади мирасын популярлаштыруга керткән өлешләре өчен (“Сөй гомерне” спектакле) К.Тинчурин исемендәге Татар дәүләт драма һәм комедия театры артистлары РЕЗИДӘ СӘЛӘХОВА, ЛИЯ ВИЛДАНОВА, АРТЕМ ПИСКУНОВ, ИЛФАК ХАФИЗОВ