Бүген Татарстанда 25 градуска кадәр җылы һава торышы көтелә

Бүген, 26 сентябрьдә, Татарстанда элек антициклон тәэсирендә урнашкан аномаль җылы һәм коры һава торышы саклана. Бу хакта ТР Гидрометеорология үзәге хәбәр итә.

Республикада алмашынучан болытлы һава торышы фаразлана. Сизелерлек явым-төшем көтелми.

Җил секундына 4-9 метр тизлек белән көнчыгыштан һәм көньяк-көнчыгыштан исәчәк. Төнлә секундына 12 метр тизлек белән искән җил көндез тынычлана.

Чагыштырмача җылы төннән соң (7-12 градус) Татарстанда һава көндез +20, +25 градуска кадәр җылыначак (ТР башкаласында термометр баганалары +22, +24 градуска кадәр күтәреләчәк).

Элегрәк «Татар-информ» хәбәр иткәнчә, республикада сентябрь азагына кадәр коры һәм җылы һава торышы саклана. Татарстанда көзнең беренче аеның азагы климатик нормадан 5 градуска җылырак була.

Фото: Владимир Васильев, Татар-информ