Казанда Иран киносы көннәре узачак

30 сентябрьдән 2 октябрьгә кадәр Казанның «Мир» кинотеатрында Иран киносы көннәре булачак. Ул 30 сентябрьдә тантаналы рәвештә Иран киносы көннәрен ачу һәм «Мөхәммәд: Аллаһ Рәсүле» фильмын күрсәтү белән башланып китәчәк.

«Мөхәммәд: Аллаһ Рәсүле» (18+) фильмының режиссеры Мәҗид Мәҗиди. Әлеге фильм Пәйгамбәребез Мөхәммәд Мостафа салләллаһу галәйһи вә сәлләм тормышы тарихына багышлана.

1 октябрьдә режиссер Мохаммәд Реза Херадмандан төшергән «Натурдешт» (18+) фильмы була. Бу фильм Иран календаре буенча 1403 елның маенда әнисе янында басуда уйнап йөргәндә югалган дүрт яшьлек Ясна исемле кызчык тарихы. Мәгълүмат чаралары һәм социаль челтәрләр ярдәмендә кешеләр аны эзләүгә кушыла һәм дүрт көннән соң Яснаны парапланчы таба.

«Без предварительной договоренности» (18+) дигән фильм шулай ук 1 октябрьдә була.  Аның режиссеры Бәхруз Шоайби. Бу фильм Ясман исемле кыз турында сөйли, ул әтисе үлү сәбәпле күп еллардан соң Алманиядән Иранга кайта. Аның улы аутизм белән авырый, бу сәяхәтне аның өчен аеруча катлаулы була. Ясман әтисен бөтенләй белми диярлек, ә әтисенең аңа калдырган мирасы кызны тагын да ныграк гаҗәпләндерә.

2 октябрьдә режиссер Асхан Рагозар төшергән «Соңгы фантазия» (18+) фильмы.  Бушлык дөньясын җиңгәннән соң, Персия патшасы иблисне юк итәргә карар кыла. Ул патшалыкны шаһзадә Захакка калдыра. Бәхетсезлеккә каршы, явызлык Захакның җанына оялый. Шаһзадә күргән куркыныч төшләр аны гел. Караңгылык белән яктылык арасындагы бу мәңгелек көрәштә кем җиңәр?

2 октябрьдә режиссер Эбрахим Хатамикия төшергән «Аллаһ белән сөйләшкән Муса» (18+) фильмы. Әлеге кинов Муса пәйгамбәрнең (галәйһиссәлам) туу тарихын сөйли.