Тукай музее «Гаилә» проекты кысаларында җиңү яулады (ФОТО)

Габдулла Тукай әдәби музее балалар өчен мәдәни-мәгърифәтчелек үзәкләре булдыру буенча ил күләмендә уздырылган бәйгенең сайлап алу турында җиңеп чыкты.

Бу бәйге Россиянең Мәдәният министрлыгы тарафыннан илкүләм «Гаилә» милли проектының «Гаилә кыйммәтләре һәм мәдәният инфраструктурасы» дигән федераль проект кысаларында уздырылды.

2027 елда ил күләмендә 77 төбәктәге 164 китапханә, 92 мәдәни-ял учреждениесе һәм 44 музей базасында 300 балалар үзәге ачу планлаштырыла.

Габдулла Тукай әдәби музеенда балалар өчен заманча мәдәни-мәгърифәтчелек үзәге булдырылачак. Ул балалар һәм үсмерләрнең белем алуын, иҗатын һәм мәдәни үсешен берләштерә торган мәйданчыкка әйләнәчәк. Биредә матди-техник базаны яңарту, җиһазлар сатып алу, технологияле зоналар булдыру, шулай ук яңа мәдәни-мәгърифәтчелек программалары эшләү күздә тотыла.

Музей балалар аудиториясе белән актив эшли – Тукай әсәрләре буенча шәүлә театры белән программалар оештыра, бәйрәмнәр, остаханәләр (мастер-класслар) һәм квестлар уздыра.