Блогерлар һәм журналистлар өчен “МедиаПоле” премиясенә гаризалар кабул итү дәвам итә

Россия Федерациясе Авыл хуҗалыгы министрлыгы блогерлар һәм массакүләм мәгълүмат чаралары вәкилләре өчен «МедиаПоле» авыл тематикасы буенча мәгълүмати проектларның илкүләм премиясендә катнашу өчен гаризалар кабул итүне дәвам итә.

Премия «Авыл территорияләрен комплекслы үстерү» программасы кысаларында гамәлгә ашырыла. Премиянең төп максаты - Россия авылының уңай образын тудыруга, шәһәр яны территорияләрен үстерүнең алдынгы тәҗрибәсен, агротуризмны таратуга, авыл хуҗалыгы хезмәтенең әһәмиятен арттыруга, халык традицияләрен, тарихи-мәдәни кыйммәтләрне саклауга юнәлдерелгән медиапроектларны ачыклауга һәм аларны гамәлгә ашыруда ярдәм итүгә юнәлдерелгән. 

«МедиаПоле» илкүләм премиясендә 18 яше тулган Россия Федерациясе гражданнары – шәхси авторлар, блогерлар, студентлар, яшь белгечләр, медиаконтент авторлары, массакүләм мәгълүмат чаралары вәкилләре һәм журналистлар катнаша ала.

Премиягә гаризалар 30 сентябрьгә кадәр кабул ителәчәк. Составына медиаөлкәнең танылган экспертлары кергән жюри иң яхшы 120 авторны сайлап алачак.

Октябрьдә финалистлар ике көнлек эшлекле программада катнашачаклар, анда медиаөлкәнең әйдәүче экспертлары белән танышачаклар, шулай ук илнең иң яхшы медиаүзәкләрендә булачаклар.

Җиңүчеләрне бүләкләү тантанасы көтә, үз проектларын танытуга акчалата сертификатлар, шулай ук Россия Федерациясе Авыл хуҗалыгы министрлыгыннан истәлекле бүләкләр тапшырылачак. 

Премиянең приз фонды 5 миллион сум тәшкил итә. Гаризалар бирү рәвеше һәм җентекле мәгълүмат рәсми сайтта: медиаполе.рф, шулай ук Премиянең Вконтакте һәм MAXтагы социаль челтәрләрендә бар.