“Абага чәчәге” фильмын төшерү эшләре тәмамланды (ВИДЕО)

“Абага чәчәге” – Ркаил Зәйдулла әсәрләре буенча төшерелгән тулы метражлы нәфис фильм. Картинаның режиссеры һәм сценаристы – Салават Юзеев.

Төп герой Алия роленә Салават Юзеев яшь актриса Гөлнара Хасипованы сайлаган. Алия – Гөлнараның тулы метражлы кинода төшкән беренче зур роле. Гөлнара сүзләренчә, төшерү процессы аның өчен зур эмоциональ сынау булган. “Бик катлаулы мизгелләр булды: сөйгән ярымны югалту, көчләү һәм мәхәббәт күренешләрен уйнарга туры килде. Минем моңа кадәр андый эпизодларда төшкәнем юк иде әле. Бу бик кызыклы, әмма шул ук вакытта нык кыен да булды. Бигрәк тә төшерү мәйданчыгында моны шулкадәр күп кеше күзәтеп торганда”, – ди Гөлнара.

Фильмны Балык Бистәсе районының гүзәл урыннарында узды, анда материалның төп өлеше төшерелде. Төшерү эшләре Казанның Петербург урамында тәмамланган. Хәзерге вакытта картина монтаж һәм постпродакшн стадиясенә күчә. Фильмның эшләре 2027 елда тәмамланыр дип көтелә. Берничә кинофестивальдә катнашканнан соң, картинаның киң прокатка чыгарылуы планлаштырыла.

Текст: Матбугат ру.