Тинчурин театры 92нче сезонга нәтиҗәләр ясады (ВИДЕО)

Кәрим Тинчурин исемендәге драма һәм комедия театры 92нче тарихи сезонын япты. “Яңа сулыш” дип аталган әлеге сезон вакыйларга бик тә бай булды:

* Театр Татарстан 1 адресына яңа бинага күчте.

* Труппага режиссер Айдар Җаббаров килде.

* 12 премьера чыкты.

* “Тантана” премиясендә 3 номинациядә җиңү яуланды.

* Матбугат битләрендә театр 300гә якын мәртәбә телгә алынды.

* Интернетта 1000гә якын пост эленде.

* Спектакльләрне бихисап тамашачылар карады.

* Хезмәткәрләр тарафыннан санап бетергесез көч һәм тырышлык куелды.

“Менә хәзер инде 92 театраль сезонны яптык дип әйтсәк тә була! Нәтиҗәләр ясалды, лаеклылар бүләкләнде, планнар корылды. 93 сезонның премьерасында августта очрашырбыз”, – дигәннәр тинчуринлылар үзләре.

Һәм алар инде киләсе сезонга, яңа сезонның беренче премьерасы – “Лу” спектакленә әзерләнәләр.