Гөлия Вәлиәхмәтова пластик операциядән соң: «Үземнең теләгемне генә чынга ашырдым»

Популяр блогер, композитор Марат Мухинның тормыш иптәше Гөлия Вәлиәхмәтова операция ясаткан “15 еллык хыялымны тормышка ашырдым”, – дип сөйли Гөлия үзенең Макс-каналында.

Хәл-әхвәл белешеп, Гөлия Вәлиәхмәтова белән элемтәгә чыктык.

– Гөлия, хәлләрегез ничек? Операция ничек узды?
– Операция уңышлы узды. Гади тел белән әйткәндә, артык булган җирдән майны алып, кирәк булган җиргә куйдылар. Операциядә бернәрсәне дә кисеп алмыйлар, аз җәрәһәтле ысул белән эшлиләр. Бер авырлыгы да юк. Икенче көнне

– Сез, гомумән, идеалист бугай?
– 15 ел элек табиб: "Тагын 5 килограммга ябык", – диде. Ә мин ял итәргә киттем. Киресенчә, авырлыгым артты. Операция турында да онытым, дөресен әйткәндә. Кыскасы, килеп чыкмады, димәк, язмаган булган. Хәзер исә, тәҗрибәле хирург белән таныштым. Ул операциягә алынды. Миңа гел фигарулы кешеләр ошады. Кемгәдер тумыштан бәхет елмая, аның күкрәкләре дә, күт бите дә матур. Спорт ярдәмендә үземнең хыялны тормышка ашырырга тырыштым, булмады. Бу операциядә организмда булган майны гына тараталар. Аның бер куркыныч ягы да юк. Операциядән соң уянгач ук, үз аягыма бастым.

– Хәзер үзегездән тулысынча канәгатьме? Кешеләр фикеренә колак саласызмы?
– Идеалга кадәр ерак әле. Идеал булырга теләмим дә. Бары тик үземнең теләгемне генә чынга ашырдым. Мин беркемгә дә зыян салмыйм бит. Кешеләр нәрсә тели, шуны уйлый инде. Бу гадәти хәл. Сөйлисе килгән кеше, сөйли. Голливуд актрисасы Дженивер Лопес бу операцияне инде ничә ел элек ясады. Рәхәтләнеп яши.

– Марат каршы килмәдеме? “Син болай да чибәр”, – дип әйтмәдеме?
– Марат минем теләгемә каршы килми, ул – терәк, таяныч. Һәркем үз насыйбын таба диләр. Ирем мине аңлый, беркайчан каршы килгәне юк. Мин дә әллә нәрсә эшләп йөрмим инде.

– Тернәкләнү узасыздыр хәзер?
– Дарулар эчәргә куштылар. Ай дәвамында ябыгырга ярамый. Табибларның киңәшләрен үтәргә кирәк була, әлбәттә.

Фото: шәхси архивтан