Урман хуҗасы, су анасы һәм удмурт йолалары (ФОТО)

Бүген Мамадыш районының Пойкино авылында язгы кыр эшләре тәмамлануга багышланган удмурт бәйрәме «Гырон Быдтон» узды. Бәйрәм «Ваньмыз ву бордын» («Бөтенесе судан») дип аталган үзенчәлекле милли сәхнә белән башланып китте.

Бәйрәм кунакларын һәм анда катнашучыларны республика Рәисы исеменнән Дәүләт Советы Рәисе урынбасары Юрий Камалтынов котлады. «Бу гүзәл бәйрәм уңаеннан сезне чын күңелдән котлыйм. Борынгы традицияләрне саклау турында сөйләгәндә, Татарстан бу процесска актив ярдәм итә. Гырон Быдтон – күркәм удмурт бәйрәме, Уяв – чуаш, Валда шинясь – мордва, Иван Купала – украин, Сабантуй – татар, Каравон – рус бәйрәме. Бу гүзәл традицияләр республиканың күпмилләтле мәдәнияте ноктасындагы чәчәкләр кебек. Без моның белән горурланабыз. Татарстанда яшәүче халыкларның мәдәнияте һәм мирасы яклансын һәм буыннан-буынга тапшырылсын» – диде ул.

Мамадыш районы бу бәйрәмне инде икенче тапкыр кабул итә – биредә «Гырон Быдтон» беренче тапкыр 2019 елда узган иде.

Бәйрәмнең иң матур мизгелләренең берсе – эстафета тапшыру булды. Инде күптәнге традиция буенча, бәйрәмне оештыручы район символик агач казны (ул бәйрәмне үткәрү билгесе) киләсе районга тапшырды. Киләсе елга бу бәйрәмне үткәрү хокукы Әгерҗе районына бирелде.

Концерт программасы һөнәри һәм үзешчән башкаручыларны берләштерде. Кунаклар каршында «Айкай» удмурт фольклор җыр һәм бию театры, Татарстан һәм Удмуртиянең иҗат коллективлары, шулай ук удмурт эстрадасы артистлары чыгыш ясады.

Сәхнәгә шулай ук Мамадыш районының балалар коллективлары һәм «Мудорвай» Тамашачылар өчен берничә мәйданчык әзерләнгән иде. Шуларның иң гадәти булмаганы – удмурт мәдәни хәрәкәте активистлары тарафыннан тергезелгән күл. Кайчандыр бу урында сулык булган, ләкин вакыт узу белән ул сазланган. Хәзер монда янәдән балык тотарга мөмкин булачак, ә тамашаның бер өлеше булып Су анасы торды. Ул килүчеләр белән аралашты һәм бәйрәмдә үзенчәлекле күңеллелек барлыкка китерде.

Милли уен ярышлары да гаҗәеп дәртле һәм кызыклы булды. Ир-атлар үз көчләрен гадәти булмаган ярышларда күрсәттеләр: күнегелгән герләр урынына авыр бүрәнәләр күтәрделәр һәм бүрәнәне ераклыкка ыргыту буенча ярыштылар.

Фестиваль җиңүчеләрне хөрмәтләү белән тәмамланды – «Чеберина» (сылу кыз), «Батыр» (батыр), «Шудо буро удмурт семья» (бәхетле гаилә) һәм «Арган кырза» (иң яхшы башкаручы) билгеләнде.

Шулай ук барлык теләүчеләр удмурт милли кухнясы сыйларыннан һәм традицион йола боткасыннан авыз итә алдылар.