Казанда узган Дуслык парадыннан ФОТОрепортаж

12 июньдә Казан Кремле территориясендә меңнән артык катнашучыны берләштергән Халыклар дуслыгы парады һәм “Мәдәниятләр мозаикасы” фестивале узды. Быел бу чара 100дән артык халык вәкилен берләштерде.

Кремль территориясе буйлап үзләренең милли киемнәрендә 100дән артык халык вәкиле һәм 1000нән артык кеше узды. Чарада катнашучылар арасында Дәүләт думасы һәм Татарстан Республикасы Дәүләт советы депутатлары, җәмәгать оешмалары лидерлары, милли-мәдәни автономияләр җитәкчеләре һәм активистлары, дәүләт һәм муниципаль хакимият органнары, югары уку йортлары вәкилләре, чит ил студентлары бар иде.

Россия көненә багышланган “Мәдәниятләр мозаикасы” этноконфессионалендә катнашучыларны Татарстан Рәисе Рөстәм Миңнеханов сәламләде. “Без көчле, ирекле илдә яшәвебез белән горурланабыз. Төрле телләрдә сөйләшүче, төрле милләт һәм дин вәкилләре Ватанга тугрылык һәм бабаларыбызның мирасына сакчыл караш белән берләшкән. Безнең бердәмлек нигезе – үзара хөрмәт һәм уртак рухи-әхлакый кыйммәтләр”, – диде Татарстан Рәисе.