"Эштә хезмәттәшләрем гел гайбәт сөйли. Аларга кушылмасам да, тыңларга туры килә"

Сорауга Казанның “Гаилә” мәчете имам-хатыйбы Рөстәм хәзрәт Хәйруллин җавап бирде:

— Гайбәт — кабер газабына илтә торган гөнаһлы гамәл. Ялган, гайбәт сөйләүче кыямәт көнендә җәзасын алмый калмас. Гайбәт сөйләүчегә генә түгел, аны тыңлаучыга да шулкадәр гөнаһ языла. Берсе — тел, икенчесе — колак гөнаһы.

Пәйгамбәребез хәдисендә: “Гөнаһ кылганны күрсәгез, аны кул белән, булдыра алмасагыз, тел белән туктатырга тырышыгыз, алай да килеп чыкмаса, йөрәк белән каршы булыгыз”, — ди. Хезмәттәшләрегезнең гайбәт сөйләгәнен ишетсәгез, бу урыннан китүегез хәерлерәк булыр. Әгәр чыгып китү мөмкин түгел икән, “Сезне дә, мине дә Аллаһы Тәгалә гафу итсен”, — диегез.