|
|
Көн мәзәге
![]()
|
Бүген кемнәр туган
|
|
|
Архив
|
15.05.2026 Мәдәният
Раил Садриевның хәлләре ничек?Әлмәттән Рузинә апа Гыйбадуллина "Ирек мәйданы" газетасына хат юллаган: "Буа театрының элекке директоры, артист Раил Садриевның хәлләре ничек икән? Ни эшләр башкарып йөри? Сәламәтлеге яхшымы? Бик яратабыз, шигырь сөйләүләрен сагынабыз. Раилгә сәлам юллыйбыз". Эльмира Садриева, Раил Садриевның тормыш иптәше җавабы:
— Раилнең хәлләре әйбәт. Елдагыча, мартта кыяр ашый башладык. Хәзер теплицада помидор өлгереп килә. Бакчаны шулхәтле яратып карый инде. Сәламәтлеге яхшы, Аллаһка шөкер. 8 февральдә Казанда “Чулпан” мәдәният үзәгендә чыгыш ясады. “Дәрвиш” спектакле белән чыккалап керә. Тамбов, Липецкида куйды, Әстерхан, Саратовка гастрольгә җыена. Мәскәүдә бер семинарда һәм очрашуда булып кайтты. Китаплар укый, шигырьләр ятлый. Аларны сәхнәдә сөйләргә әзерләнә. Чөнки шигырь уку да — Раилнең бер күңел халәте. Аның һәр көне вакыйгаларга бай, тик торырга вакыты да юк.
Фото: Татар-информ
--- |
Иң күп укылган
|