Рәшит Ваһапов фестивале яңа лауреатларын игьлан итә

10 ноябрьдә Рәшит Ваһапов исемендәге VII Халыкара татар жыры фестиваленең яшь башкаручылар конкурсы төгәлләнде. Ул С.Сәйдәшев исемендәге зур концерт залында узды. Ә лауреатларны игьлан итү тантанасы 22 ноябрьдә Г. Тукай исемендәге Татар дәүләт филармониясендә үткәреләчәк.

Фестиваленең проект авторы һәм җитәкчесе, Р. Ваһапов исемендәге татар мәдәнияте фонды рәисе Рифат Фәттахов белдерүенчә, быелдан башлап фестивальнең яшь башкаручылар конкурсы өч елга бер тапкыр үткәреләчәк һәм анда югары һәм урта музыка уку йортларында укучы яки аны тәмәмлаган җырчылар гына катнашачак. Ягьни Ваһапов конкурсы тулаем профессиональ дәрәҗәгә күтәрелә.

Сүз уңаеннан, бөек җырчыбыз Илһам Шакиров җитәкләгән җюри составында да – бары тик югары белемле профессионаллар.

- Әлбәттә, конкурсның бик җитди профессиональ таләпләр куеп эшләве аның катнашучылар санын киметте. Аның каравы, конкурсантларның профессиональ дәрәҗәсе бик югары. 22 ноябрьдә татар тамашачысы үзенә яңа исемнәр ачар, дип өметләнәм, - диде Рифат Фәттахов.

Ваһапов фестиваленең 22 ноябрьдә филармониядә үтәсе концертында, яңа җиңүчеләр белән беррәттән, узган елгы лауреатлар да, әйтик, фестивальнең гран-при иясе Филүс Каһиров та катнаша.

Башлана 18.30 сәг. Белешмәләр өчен :231-18-28.

1

2

3

4

5

6

7

8

9

Рәсемнәрдә: Ваһапов фестиваленең конкурс күренешләре.