Тинчурин театры Халыкара икътисадый форум кысаларында спектакльләр күрсәтә (ФОТО)

Кәрим Тинчурин исемендәге драма һәм комедия театры «Россия – Ислам дөньясы: KazanForum 2026» XVII Халыкара икътисадый форумы кысаларында «Ал яулыклы язмышым», «Туган-тумача», «Хыял артыннан», «Бәхет хакы» һәм «Әни килде» спектакльләрен тәкъдим итә.

«Ал яулыклы язмышым»ны Чыңгыз Айтматов әсәре буенча Тукай исемендәге Дәүләт премиясе лауреаты Айдар Җаббаров сәхнәләштергән. «Туган-тумача» – Илгиз Зәйниев пьесасы,  «Хыял артыннан» – Резидә Гобәеваның сезон дәвамында тулы аншлаг белән баручы мюзиклы, «Бәхет хакы» – Халисә Мөдәррисова әсәре буенча. Легендар «Әни килде» – Шәриф Хөсәенов 1968 елда язган һәм бүген дә актуальлеген югалтмаган әсәр.

Форумның мәдәни программа кысаларында урын алган, рухи һәм мәдәни кыйммәтләрне берләштерү кебек төп тема белән аваздаш булган әлеге спектакльләр гаилә кыйммәтләре, туган җиргә мәхәббәт һәм милли традицияләр аша театр сәнгатенең Россия һәм Ислам дөньясының универсаль диалог теле булуын күрсәтәчәк.