поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
11.11.2011 Җәмгыять

Илдар Ханов: «Кешелек куркыныч астында»

Редакциябезнең кунагы – сынчы, рәссам, шагыйрь, дәвалаучы, республикабызның Габдулла Тукай исемендәге Дәүләт премиясе лауреаты, Казанның Аракчино бистәсендә күпләрне сокландырган, гаҗәпләндергән, рухландырган Галәм әхрамын – барлык диннәрнең чагылышы булган үзенчәлекле архитектура корылмасын төзегән Илдар әфәнде ХАНОВ. Аның тормышка карашы, яшәү рәвеше үзенчәлекле – моның белән газета укучыларыбызны таныштыру кызыклы булыр.

– Илдар абый, Сез гел хәрәкәттә – төзелеш эшләре белән дә шөгыльләнәсез, шигырь язарга, рәсем ясарга да  өлгерәсез. Энергиягез һәрчак ташып тора, үзегез, Ходайга шөкер, сау-сәламәт. Моның сере нәрсәдә?

 

– Кешеләрне яратуда, эштән, тормыштан рәхәтлек алып яшәүдә. Һәр иртәне намаздан башлыйм. Медитация белән шөгыльләнәм – теләгән эшемне җанымны биреп башкаруны мин шулай атыйм.

 

– Ничек дөрес яшәргә? Бу өлкәдә  яшьләргә дә әйтер сүзегез бардыр?

 

– Хәзер аларның күбесе акчага табынып яши. Бер-ике елдан шулкадәр байлыкка ирешәм дип уйласаң, киресенчә, тормышың бетте дигән сүз. Иң әүвәл Аллаһы Тәгаләгә ышанырга кирәк. Иң мөһиме – бүгенге яшьләр ничек яшәргә белми, идеология юк. Элеккеге шимбә өмәләре, балалар-яшьләр оешмалары, Тимур командалары булганда, аларның кыйблалары бар иде. Хәзер бандитлар капитализмы килде. Иң беренче чиратта пенсионерларга, бала үстерүчеләргә авыр.

 

– Акчага табынмаска дисез дә, Сезнең  мондагы зур ассамблеягызны акчасыз гына төзеп булмый бит.

 

– Әйе, әмма бу – уникаль очрак. Аллаһы Тәгалә рөхсәте белән, динне хөрмәт иткән  кешеләр монда үз теләкләре белән килеп булыша: өмәләр оештыралар, корылмаларның нигезләрен салырга авыллардан атлар белән килеп тә ярдәм итеп киттеләр. Әле мәчет төзеп маташам, ул Татарстанда иң зур мәчет булачак, шуны төзешергә тулы бригадалары белән дә киләләр.

 

– Биредән туристлар, тәннәренә генә түгел, җаннарына да шифа эзләп килүчеләр өзелми, Сез аларны магнит кебек үзегезгә тартасыз.

 

– Мин аларга үз мисалымда ничек яшәргә мөмкинлеген күрсәтәм. Үзем ташчы, үзем эретеп ябыштыручы, рәсемен дә үзем төшерәм, моның өчен акчаны да үзем эшлим. Тәүлегенә ике-өч сәгатьтән артыгын йокламыйм, ит ризыгын бөтенләй ашамыйм (җан ияләре бер-берсен ашарга тиеш түгел), күбрәк кычыткан ашлары, яшелчә белән тукланам. Шулай да үземдә җитәрлек көч сизәм. Сиңа Аллаһы Тәгалә булыша, диләр. Шулайдыр.

 

– Кешеләрне ничек дәвалыйсыз?

 

– Бисмилладан башлыйм, Ходайдан рөхсәт сорыйм. Миңа авыруга диагноз кую өчен бер-ике минут вакыт җитә – моның юлын үзем генә беләм. Бәлки, моны «өченче күз» дип тә атарга буладыр?! Аннары игътибарымны бик ныклап бер ноктага туплыйм да чирле органнарны «ямыйм-ябыштырам». Соңыннан да ул кешене күңелдә тотам, ерак арадан даими булышып торам.

 

– Күбрәк нинди авырудан дәваланырга  киләләр?

 

– Онкологияне кертеп, барлык чирләрдән дә. Үзләре килә алмаганнарны фотосурәтләре аша   да дәвалыйм. Сәламәтлекләрен ныгытуны сорап та, аракыдан, сырадан, наркотиктан арындыруны үтенеп тә киләләр. Яшь балаларны алып киләләр – экология начар, өстәвенә пычрак Идел суын эчәләр, шуңа иммун системалары бозыла.

 

– Һәммә кешене дә дәваларга ярамый диләр, дөресме?

 

– Әйе, зур гөнаһ эшләгәннәрне. Андыйлар өчен Ходайдан рөхсәт юк. Алар башта рухларын чистартырга, тәүбәгә килергә тиеш. Кабат килгәндә андыйларга да булышасың.

 

– Сез сихердән, бозымнан да дәвалый аласызмы?

 

– Шулардан арындыруны сорап  килүчеләр дә күп. Аеруча – Чуашстаннан, Мари Элдан. Кемгә дә булса сихер-бозым ясатырга да сорыйлар, мин андый эшкә бармыйм. Сихердән кемне – лазер белән, кемне шырпы белән арындырам – моның өчен махсус методикам бар.

 

– Бозымнан дәвалаганда, үзегезгә зарары тимиме?

 

– Минем саклагыч чараларым бар. Бозым белән шөгыльләнү бик борынгыдан – кыргыйлар заманыннан ук килә. Кара энергияне кан тамырларына ук кертү дигән сүз ул. Кешене нәселе белән юкка чыгару максаты куелган бозымнар да бар. Аларны чыгарып була. Ләкин яратып эшләргә кирәк, шулай булмаганда файдасы тими. Сүз белән механик рәвештә генә эшләсәң, көткән нәтиҗә чыкмый. Хәтта эчкечеләрне, наркоманнарны дәвалаганда да яратып эшләргә кирәк – алар да Алла бәндәсе. Ходай рөхсәт итсә, юләрләрне дә дәваларга була. Мәхәббәт белән кешене генә түгел, дөньяны да үзгәртергә мөмкин.

 

– Сезгә кешеләр шулкадәр күп килә, алардан туймыйсызмы, арымыйсызмы?

 

– Беркайчан да. Яшьтән шулай өйрәнелгән. Газаплы елларны күп күрдем: сугыш вакыты, ачлык, сәләмәлек,  туганнарымның үлеме... Шул вакытта ук сугышны ничек бетерергә, кешеләрне ничек исән калдырырга дигән уй кереп утырган иде. Үскәч, институт бетергәч, сәнгать тарихын укыгач, диннәр белән танышкач, бөтен дөньяда тынычлык урнаштыру өчен, халыкларны берләштерергә кирәк, дигән идея туды...

 

– Ул идеянең ничә процентын тормышка ашыра алдыгыз?

 

– Әлегә бик азын. Галәм әхрамы бинасын төзү ул идеянең башлангычы гына. Планета халкы әлегә барлык диннәрнең берләшүенә әзер түгел.

 

– Хәзер чит планета вәкилләре, оча торган тәлинкәләр турында күп сөйлиләр. Сезнең үзегезнең НЛО күргәнегез булмадымы?

 

– Күп тапкырлар. Беренчесе кырык өченче елны туганнарымны җирләргә зиратка баргач булды. Әле дә юк-юкта килеп чыгып торалар.

 

– Илдар абый, Сезнең күрәзәчелек сәләте дә бар, бер-ике елдан  ни буласын алдан әйтә ала, диләр. Менә безнең татар теле белән нәрсә булыр икән, аны саклап калу өчен нәрсә эшләргә?

 

– Кул кушырып утырмасак, саклап калырбыз. Менә мин киләсе елга үземдә мәдрәсә ачарга, анда татар сыйныфы булдырырга уйлап торам. Шунда ук татар телен өйрәнү өчен түгәрәк тә, татар-башкорт мәдәни үзәге дә, классик язучыларыбызга, сәнгать әһелләренә багышланган музейлар да  булыр дип уйлыйм. 

 

– Илдар абый, монда килгәндә Сезнең телескобыгызга да игътибар иттек...

 

– Аның тарихы болай. Миңа үз тирә-юнебездәге халык кына түгел, чит илләрдән дә киләләр – Украинадан, Япониядән, Голландиядән мөрәҗәгать итүчеләр бар. Кояш һәммәбезгә дә бер – хәбәр тиз тарала. Германиядән бер полковник килде, аягын кисәргә тиеш булганнар. Бер атна дигәндә терелттем. «Нинди рәхмәтләр әйтим?» – ди. Телескоп сорадым.

 

– Сезнең «Әнием чишмәсе» дип аталган чишмәгез бар иде. Кипкән, ахры?

 

– Юк, кипмәде, вакытлыча ябып тордым. Вакыты җиткәч,  кабат ачарбыз. Кешеләр суны аннан «КамАЗ»лар белән килеп  ала башладылар, шунда ызгышлар килеп чыккалады. Бездә халык матур яшәргә өйрәнмәгән әле. Алай гына да түгел, наркомания һәм алкоголизм ише афәткә каршы да ныклап торып көрәшүче юк, сөйләшү сүздә генә кала. Озакламый Әстерханнан алып Мәскәүгә чаклы арадагы экологияне, нанотехнология кулланып,  биохимик юл белән чистарта башламакчы булам. Кешелек куркыныч астында, аны без, кешеләр, үзебез саклап калырга тиеш.


Фаил ГЫЙМАДОВ
Шәһри Казан
№ |
Шәһри Казан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»