Казан аэропортында Габдулла Тукайның тууына 140 ел тулуга багышланган чаралар узды (ФОТО)

Татарстан Милли музее Габдулла Тукай исемендәге «Казан» халыкара аэропорты белән берлектә 30 апрельгә кадәр шагыйрьнең 140 еллыгына багышланган чаралар уздыра. Бүген аэропорт бинасында төп чаралар узды.

Кунаклар тарихи дефиле карый алдылар. Тамашачылар анда XIX гасыр ахыры – XX гасыр башы киемнәре белән таныштылар театрлаштырылган күренешләр һәм Печән базары турындагы күләгә театрын карадылар. Шулай ук халык өчен тематик фотозона оештырылган иде. Шулай ук Тукай әкиятләре геройлары белән интерактив программа оештырылган иде. Монда һәркем Шурале һәм Су анасы белән очраша алды.

Чаралар 30 апрельгә кадәр дәвам итәчәк. Анда балалар рәсемнәре күргәзмәсен, шулай ук Габдулла Тукайның тормышына һәм иҗатына багышланган фильмнар һәм мультфильмнар карарга мөмкин.