поиск новостей
  • 21.01 Премьера! "Арыну", Татарстанның халык артисты Нуриәхмәт Сафин юбилее, 12+, Кариев театры, 18:30
  • 22.01 Премьера! "Арыну", Татарстанның халык артисты Нуриәхмәт Сафин юбилее, 12+, Кариев театры, 18:00
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 21 Гыйнвар
  • Фирзәр Мортазин - җырчы
  • Эльнара Нурмөхәммәтова - җырчы
  • Иван Егоров - дәүләт эшлеклесе
  • Наил Мөхәррәмов - галим
  • Кәрим Җаманаклы (1905-1965) - шагыйрь
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
 
 

 
Архив
 
25.10.2011 Җәмгыять

Мәет яткан җир мәет теләп тора

"Ханнар зираты" өстенә салынган Чаллы трассасында чираттагы фаҗига

Күптән түгел генә Мамадыш районы, Түбән Яке егете Марат Вәлиев Казан – Чаллы трассасының Урта Кирмән һәм Уразбахты авыллары арасындагы участогында юл фаҗигасенә эләгеп һә­лак булды. Бу хәбәр бөтен авылны тетрәндерде. Халыкның: "Бу юл зират өс­тенә салынган, шуңа күрә биредә үлем-җитем күп", – дигән фикере әлеге вакыйгадан соң тагын да ныгыды.

 

Төштә Марат "14" санын күрсәткән

 

Бала чагыннан ук Марат башкалардан аерылып торды. Егетнең әнисе шәһәр кызы булса да, тырыш, уңган килен булып чыкты. Уллары Марат янына тагын ике игезәкләре – Нияз белән Ильяс тугач, дөньялары түгәрәкләнеп киткән кебек иде. Тик, нигәдер, гаилә бергә озак яши алмады, аерылдылар. Мин Фәнзия апаның, малайларын ияртеп, авылдан киткәнен генә хәтерлим. "Марат мәктәптә өч ай укыган иде инде. Әтисе белән әбисе килделәр дә алып кайтып киттеләр. Марат үзе дә, кайтам, диде. Ул вакытта йө­рәгем бик өзгәләнгән иде", – ди әнисе Фәнзия апа.

 

Укуын бетергәч, Марат Түбән Кама шәһәренә барып эшкә урнаша. Тик Мамадышны ташлап китә алмавын аңлап, киредән бирегә кайта. Нияте биредә йорт салу, өйләнү була.

 

Ана күңеле фаҗига чыгасын сизенә. "Гел төнлә, телефоным шалтырап, Марат үлгән, диярләр төсле иде. Эштән кайтканда да алдыма гел аның машинасы килеп чыга иде. Күршебездә генә шундый машина бар. Югыйсә Аллаһы Тәгалә мине кисәткән дә бит. Без генә игътибар итмибез шул, – ди ул. – Әниемнең төшенә Марат ак кәгазьгә 14 санын куеп керә. Баштарак аңлап җиткезмәдек. 14 сентябрьдә баламны югалткач, төшнең мәгънәсе аңлашылды. (Марат Вәлиев "ундүртле"дә бәрелеп үлгән дә бит әле. – Г.Ш.) Ул кичтән сигез тулып сигез минутта шалтыртты. 18 минут сөйләштек. Хәлләремне сорашты. Курткасын алып китмәгән иде. Өстеңә дә юк, ике курткаң да монда, дигәч, мин беркая да бармыйм, ял көне килермен әле, дигән иде. Төнге ике тулып 20 минутта минем күңелемә килгән шалтырату булды, Марат үлде дигән сүзләрне ишеттем. Үлгәннән соң бер генә тапкыр төшемә керде. "Авылда икәнбез. Әбисе дә (Әкълимә апа бер ел элек үлгән иде.) бар. Машинадан төшкән Маратны әтисе Сәүбән кулларына күтәреп алып кереп килә." 18 яше тулган баланы ник күтәрдең? – дим. –Тегесе шуңа әй шатлана, кычкырып-кычкырып көлә", – ди ул. Озакламый кырыгын үткәрергә әзерләнеп йөри алар. "Әле ярый авыр кайгымны җиңеләйтергә улларым, туганнарым, мәрхәмәтле кешеләр бар. Үзем эшли торган коллектив җи­тәкчесе Рөстәм Дильмеев төн­ге өчтә машина да бирде, акчалата да ярдәм күрсәтте. Рәхмәт аларга", – ди Фәнзия Сәмигуллина.

 

Маратның әтисе Сәүбән абый Вәлиев улының фотоларын карап утыра. Бер генә моңаеп төшкәне юк. Гел елмаеп, көлеп төшкән Марат. 21 яшьлек улының гомере өзелүе турында Сәүбән абый да тыныч кына сөйли алмый.

 

"1994–1999 елларда мин ЮХИДИ хезмәткәре булып эш-ләдем. Ул вакытларда юлда үлгән кешеләрне күп күрергә туры килде. Бер дә үз баламның гәүдәсен шушы юлдан табармын, димәгән идем. Әлеге урыннан тыныч кына уза алмыйм. Баламны сагынам. Бу язмыштыр инде. Юлда йөрүчеләр сак булсыннар иде", – ди ул.

 

Юл инспекторлары корбан чалдыра

 

Сәүбән Вәлиев, улы һәлак булган урынның зират өстендә урнашкан булганга, хәвеф-хәтәр тартып торуын безгә беренче әйтте.

 

"Матур, чалт аяз көннәрне дә биредә машиналар бәрелешә, кайсысы кырыйга оча иде. Юл зират өстеннән узганга шулай булгандыр инде ул. Әле һаман да шушы юл аша көн дә узып йөрибез. Гел авария бит. "Ханнар зираты"ндагы җаннар безгә рәнҗеп ята кебек", – ди ул.

Чыннан да, нәкъ Урта Кирмән һәм Уразбахты авыллары арасында койма белән әйләндереп алынган "Ханнар зираты" дип аталган каберлек урнашкан. Өлкәннәр исә әлеге юл астында зират өлеше калган дигән фикердә. Моның шулай икәнен бу юлда еш кабатланып торучы аварияләр дә исбатлап тора сыман.

 

Мамадыш районы ЮХИДИ идарәсендә техник күзәтү буенча дәүләт инспекторы булып эшләүче Рафаил Мөбарәкшин сүз­ләренә караганда, моннан ун ел элек биредә фаҗигаләр күбрәк тә булган икән әле.

 

"2002 елда бер атна эчендә шушы урында 10 юл һәлакәте булды. Шуннан соң авыл картлары белән киңәшләшкәч, бу урында корбан чалдырып карадык. Әлеге эшне ун елдан артык башкарабыз инде. 2002 елда әлеге юлда 25 һәлакәт теркәлсә, 2010 елда бу сан бераз кимеде – 17 булды. Быел тагын артып китте. Соңгы 9 айда гына да 17 юл фаҗигасе теркәлде. Шуның җидесе "Ханнар зираты" урынына туры килә", – ди ул.

 

Урта Кирмән мәктәбенең тарих укытучысы Ринат Хәйруллин сүзләренә караганда, 1887 елда тикшеренүләр уздырырга килгән тарихчы Е.Т.Соловьевка Рус Кирмәне руслары: "Татарлар бу зиратны изге урын дип саныйлар, аны кадерләп торалар, монда биек булып хәтфәдәй үлән үсә", – дип әйтеп калдырганнар икән.

 

 "1990 еллар башында Үсәлидә яшәүче тынгысыз җан Мансур Фазылов, зиратның коймасыз торуына борчылып, проб­лема күтәргән иде. Шуннан соң район хакимияте ярдәм итеп, ул тимер рәшәткә белән әйләндереп алынды. Тик, кызганычка каршы, койма эченә зиратның бөтен мәйданын да кертеп булмый. 1975 елны Казан – Чаллы магистрален төзегәндә зиратның төньяк өлеше җимерелеп ташланыла. Җимер-гәнчегә кадәр озынлыгы көньяктан төньякка – 181 м, ә көнбатыштан көнчыгышка 114 м була. Шулай итеп, тиңе булмаган вәхшилек эшләнелгән. Җирле халыкның мөнәсәбәте белән исәпләшеп тору юк, өстән килгән әмер көне-сәгате белән үтәлә. Зур тракторлар, зират балчыгын эттереп алып, юл астына салып та куялар", – ди Ринат Хәйруллин.

 

Ә бит бу юлда, нәкъ менә шушы урында күпме кешеләрнең гомере юл һәлакәтендә өзелә. Халык юлны читтәнрәк тә үткәреп булыр иде, дип борчыла хәзер. Соңгы елларда бу трассаны ике яклы итеп төзеп килә башладылар. Озакламый юлчылар Урта Кирмән белән Уразбахты авыллары арасында урнашкан каберлекләрдән төзелгән юлга җитәчәк.

 

Түбән Яке авылы абыстае Маһинур Гобәйдуллина исә бу хәлләргә карата: "Мәет яткан җир мәет теләп тора", – диде.


Гөлгенә ШИҺАПОВА
Ватаным Татарстан
№ | 21.10.2011
Ватаным Татарстан печать

Фикерләр

Исем:
E-mail:
Текст:
 
№9 (784380) / 26.10.2011 18:34:02

Васыйта - транспорт

№8 (784369) / 26.10.2011 17:21:16

Белмэмеш
Автовасыйта

№7 (784357) / 26.10.2011 16:13:05

Автовасыйтаның да ни икәнен әйтсәң

№6 (784315) / 25.10.2011 22:51:19

Ышанмас җиреңнән ышанырсың...

№5 (784301) / 25.10.2011 21:33:10

Шаккаткыч хорафатчыллык!
ЮХИДИ-нең техник-эксплуатацион хезмәте тарафыннан юлның әлеге, бәла-каза “күбрәк” була торган участокны җентекләп тикшерәсе урында андагы ниндирер,билгесез рухларга корбан чалулар...
Ә аның “сере” бик гади. Чөнки ул урында я чишмә күмелеп калган, я булмаса инеш. Андый урыннарда асфальтның өсте һәрдаим дымланып тора. Аеруча җәй көннәрендә. Тизлек хәтта сәгатенә 90—100 км. булганда да автовасыйта бу участокка килеп керүгә, тәгәрмәчнең юл белән ышкылуы катастрофик рәвештә азаеп, нульгә хәтле төшеп бетә. Әлеге күренеш нәтиҗәсендә машина юл өслегендә шуышып бару халәтенә күчә. Бу исә үз нәүбәтендә автовасыйтаны юлда тайгаклап “уйнаклавына” китерә. Шофер аны-моны абайлап өлгергәнче машина, яхшы гына барган юлыннан сабып, я каршыдагы юлга аркылы килеп баса, я булмаса юл читенә әйләнеп барып төшә.
ЮХИДИ-челәр белә ич андый урыннарга нинди билге куясын!
Ихтирам белән бабагыз.

№4 (784263) / 25.10.2011 18:24:13

"Гел төнлә, телефоным шалтырап, Марат үлгән, диярләр төсле иде-----ана гел шулай уйланган.берук,шулай булыр тосле,шулай булачак,куркам шикелле уйларны баштан чыгарып атыгыз.Курыккан алга килэ!Зинхар очен,сузекэемне тынлагыз!!!!!!!!!!!!!!!!!!Бер урыннан уткэндэ гел егылып имгэнмэсэм ярар иде дип курыктым.Но нэкъ шунда таеп егылып имгэндем.Ходаем,узен сакла дип кенэ йорегез.Анлата алдыммы,юкмы?

№3 (784261) / 25.10.2011 17:48:34

Мин эллэ ничэ шундый жир турында ишеткэнем бар. Бер иске зират остеннэн юл салдылар да, машинада уткэн кешелэр кичен алда коту килгэнен куреп, сыерларны тапамыйм дип читкэ тайпылып аварияга юлыгалар, улэлэр иде. Хотя коту анда мэнге йорер урын тугел, просто шулай кузлэренэ куренгэн. Берничэ очраклы гына исэн калган кеше шулай сойли иде -кинэт кенэ куз алдында коту чалынды, дип.
Элек -электэн мэетлэрнен урынын кузгатырга ярамый, дип эйткэннэр бит инде, эмма тынлаучы юк. Э кешелэр йолаларны бозуга гомерен биреп тули. Шунысы кызганыч.

№2 (784260) / 25.10.2011 17:18:06

Уз баланны жир куенына илтеп куюданда,доньяда шуннанда авыр кайгы юкдыр.
Фэнзиягэ,туганнарына ходай тэгалэ ярдэм бирсен.
Мишэр дусларын.

№1 (784257) / 25.10.2011 15:48:56

Алла сакласын!Купме гомерлэр озелэ бит шул тынгысыз юлларда!дусларымны,туганнарымны бер ук саклый курсен,Аллахы Тэгалэ....

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar