|
|
|
Бүген кемнәр туган
|
|
Архив
|
08.02.2026 Хәвеф-хәтәр
«Төнлә этебез бертуктамый өрә башлады» - Илнар Ялалов янгын нечкәлекләрен сөйләдеИлнар Ялаловларның ике көн эчендә ике мунчалары януы турында язган идек. «Матбугат.ру» сайтында аны 4 мең кеше укыды. Кичә Илнар социаль челтәрдә «Матбугат.ру» аккаунтын соавтор булырга чакырды һәм хәвеф-хәтәрнең ничек килеп чыкканын үзе сөйләде. Көлгә әйләнгән бүрәнәләр фонында җырчы менә нәрсәләр бәян итте. 31 гыйнвар көнне аңар әнисе шалтыраткан. Мунчалары шартлаган ди. Ә әтисе мунча эчендә калган. Илнар шундук әтисенең хәлен сораша. Бәхеткә, әтисе ниндидер бер могҗиза белән исән калган. Мунчаның бөтен диварлары читкә очкан һәм бер диварны тимер багана ышыклаган. Шуның аркасында әтисе исән калган.
2 февраль көнне Илнарларның үз мунчалары яна. Нинди сәер очраклылык бу? Бу сорауга җырчы әле дә җавап таба алмый.
“Сәгать төнге бер. Йокларга яткан идек, - дип искә ала Илнар Ялалов, - шунда Арчи кушаматлы этебез бертуктамый өрә башлады. Бер тәрәзәгә карыйм, буран башлана икән дип уйладым. Икенче тәрәзәгә карыйм – бар да аяз. Урамга йөгереп чыктым һәм мунчабыздан чыккан төтенне күреп алдым”.
Мунчаның “предбаннигында” министудия була. Илнар җырларын шушында яздыра торган булган. Концерт костюмнары, музыкаль җиһазлар, ноутбук – барысы да янган.
Ялаловлар гаиләсенә ярдәм итәргә теләүчеләр булса, реквизитлар аларның социаль челтәрдәге битләрендә күрсәтелгән.
Ут-күздән Аллаһ сакласын! Берәүгә дә мондый хәлне күрергә язмасын!
Моңарчы язган идек: Ялаловлар гаиләсендә сәер хәл: ике көндә ике янгын - "Ярый әле әти исән калды"
Фото: социаль челтәрдән
--- |
Иң күп укылган
|