• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

08.10.2011 Җәмгыять

Мин «Шальной» авылыннан

– Беренче апрельгә дә ерак, ник исеңә төшердең син мине, җимешем, – дип каршылады мине Камил Кәримов. – Мине бит, гадәттә, юморга бәйләп искә алалар. Ә болай урамда көз, бүлмәдә салкын һәм син балкып килеп керәсең, пнимаеш...

Камил КӘРИМОВ башкача сөйләшсә, үзе үк гаҗәп булыр иде. Йөзеннән дә, теленнән дә шаянлык-җорлык коелып кына торган язучы-сатирик, сәхнә теле остасының кәефен елак көз генә боза алмый анысы, букчасында моның өчен уңай энергетика җитәрлек. Күңел тәрәзәсеннән гел елмаеп күз кысып торган кояшны ул әдәбиятта – романнарына, сәхнәдә – юморескаларга, тормышта балаларына өләшә тора.

 

Сагынуга чыдый алмыйм

 

– Авылдан чыгып киткәнгә 45 ел гомер узган инде. Бик тиз чыгып киткән идем, бик озак кайтып ятам әле, – дип сүз башлады Камил Кәримов. – Үзебезнең авылда нигез тергезәм. Мин картаймыш көннәрендә чит районда, авылы матур, дип кенә төпләнгән язучыларны аңлый алмыйм. Читтә якын, үз була алмыйсың инде ул – үз авылыңнан кала кемгә кирәк без? Менә минем авылда нигезем инде юк: әни үлгәнгә дистә елдан артты, Шамил абыем Казанда тора, апа Үзбәкстанда төпләнеп калды.

 

– Балачак барыбер дәшеп кайтара, алайса?

 

– Гомерем буе сагынуга чыдый алмадым. Заманында китәм дигән кешегә аяк чалу дигән нәрсә юк иде. Бүген биш меңгә якын кешесе булган Шәле авылы гомер бакый халык санына, эшче кулларга кытлык кичермәде. Мәктәп тәмамлауга, мин дә чыгып киттем. Һәм шул китүдән...

 

– Балачакны сикереп узмыйк инде. Кемнеке-кемнеке, Камил Кәримовныкы зерә кызык булгандыр ул?

 

– Минем хәтердә бер этлек саклана анысы. 8 яшьләр тирәсендә Зөфәр исемле бер малай белән тау шуып кайтыш. Урамнан трактор килә. Безнең теге авыр чаналарны тартып алҗыган чак – акрын гына килгән тракторның артына бәйләп тә куйдык. Имеш, өйгә кадәр кайтабыз да төшеп калабыз. Эңгер-меңгердә сөйләшә-сөйләшә кайта торгач, карасак, Шәлене чыгып китеп, күрше Күн авылына килеп җиткәнне сизми дә калганбыз. Кот чыкты, борын мышкылдата башладык. Тракторчы аты-юлы белән сүгенде дә Күн авылының мәктәп директоры өенә илтеп куйды. Ул, ничек кирәк алай, ат белән безне үзебезнең авылга кайтарды. Башка вакытларда сосма (аш чүмече. – Г.Җ.) белән менеп төшәргә күп сорамаган әни бу юлы әрләмәде, бер сүз әйтми кочаклап алганы гына истә.

 

– Камил абый, сезнең авылның исеме шәл бәйләүчеләргә бәйлеме ул?

 

– Аны бөтен кеше шулай уйлый. Әмма шәлгә бәйлелеге юк аның. Кул осталары гомер бакый күп булса да, шәлне аны безнең авылда күптән түгел генә бәйли башладылар. Ә Шәле сүзе «шальной»дан алынган дип уйлыйм. Бездә гаҗәп төртмә телле, төрле тип халык. Алар, бер-берсе белән үртәшеп, сүз көрәштереп яшәде. Без бәләкәй чакта авыл кырые агач төбеннән генә тора иде. Халык урман куенына килеп урнашкан булган. Чукындыру заманнарында исә авыл кырыенда кара багана торган – бу чукынмаучы авыл символы. Янәсе, кереп кенә карагыз, үзегезне сөннәтләп чыгарачакбыз.

 

– Сездән алай, шәһәргә китим әле, дип ашкынучылар да күп булмагандыр инде. Кул сузымы җирдә генә Казан үзе...

 

– Бездә эшчән, чыныккан халык яши. Базар икътисады заманы килгәч, күпләр куркып калды. Ә шәлелеләр – юк. Без бит гомер буе базар белән яшәгән йөремсәк халык. Безне өчебезне ялгызы үстергән әнием Мәдинә дә (әти мин – төпчеге туган елны үлгән) миңа йон оекбаш җиткерә алмый интекте. Элек иске аэропорт аша Казанга 35 км озынлыкта ат юлы бар иде. Халыкка базарга барып, бәрәңгесен сатып кайту пүчтәк эш булды. Атнасына ике тапкыр брезент белән капланган машина авылга килеп, базарчыларның товарларын алып китә иде. Әмма, әйтәм ич, китәм дигән кешегә паспорт бирмичә интектергән түрә булмады. Китәсең килә икән – юлыңа ак җәймә.

 

Дөнья буйлап – Актаныш кешесен

 

– Сезнең ак җәймә – Актаныш булдымы?

 

– 19 яшемдә мин, су бораулаучы булып, Актаныш ягына киттем. Мин аңа, андагы кешеләргә үлеп гашыйк булдым. Ягы да, кешеләре дә үлеш мәхәббәтле анда. Шуңа мин гел, актанышлыларны бөтен дөньяга үсенте-рассада итеп утыртасы бар, дим. Аның серен дә беләм мин – су ул. Без менә Лаеш, Питрәч, Саба, Теләче – дүртәүләп бер Мишә елгасына карап утырабыз. Ә сездә!.. Агыйдел, Сөн, Кама, Ык, Шәбез... Аның кадәр матурлык янәшәсендә яшә дә, матур да булма, имеш! Мин дә андагы матурлыкка таң калып йөргән кеше. Бүген дә Актаныш икенче ватаным кебек. Куян, Актанышбаш, Суыксу, Чалманарат, Күҗәкә, Чат, Каенлык... Кара, мин Актаныш ягындагы авылларны үз районымнан да әйбәтрәк беләм бугай.

 

– Чикләвеге беренче мәхәббәт имәнендә булгандыр, бәлкем?

 

– Әлбәттә, Актаныш чибәренә гашыйк булдым. «Чишмә» колхозында су бораулаганда күреп таң калдым да башны югалттым. «Ком сәгате», «Сакау күке» романнарымдагы Фазыл – әнә шул яшьлектәге мин инде ул. Әмма безгә бергә булырга насыйп булмады. Гомерем буе шул Актаныш кызын оныта алмый яшәдем.

 

– Камил абый, мин никтер ир кешенең йөрәгендә сөю сакланмыйдыр дип уйлый идем...

 

– Яза торган кеше дөрес кеше түгел бит инде ул. Ир кешенең бит аның язмышы беренче хатын-кызына бик бәйле. Ул вакытта минем кыюлык җитмәгәндер, әмма мин аны гомерем буе күңелемдә йөрттем.

 

– Соңыннан бер күрешеп, еллар дәвамында үзгәрми сакланган образның бүгенге чынбарлыгына күз саласыгыз калган.

 

– Мин аны Казанга килеп төпләнгәч, адреслар өстәле буенча эзләп тапкан идем. Аның фамилиясе бик тиз үзгәргән иде... Аңа ничек хат языйм, яки, барып, гаиләсенә кыенлык китереп йөрим инде?! Әмма мин аны утыз елдан соң барыбер барып күрдем. Нәкъ әнә син әйткәнчә, тазарган, ямьсезләнгән хатын күрермен дә, күңел утырыр, дигән идем. Ә юк, ул бүген тагын да матурланган. Шуңа ике роман да күз яшьләре белән язылган...

 

Үкендертәм әле мин сине

 

– Кулга каләм алып, яза башлауда да Ул гаеплеме?

 

– Бердәнбер сәбәбе шул гына. Мин аны шаккатырырга тырышып, үкендертәм әле мин сине, дип яза башладым. Юкса үзем режиссура бүлеген тәмамлаган идем. Миңа сәхнә дә, әдәбият та бертигез якын. Сәхнәне белгән кеше әдәбиятка җырлап килеп керә. Аннан, бөтен әсәрләрем дә автобиографик – батыр язам, дим. Минем кебек дөресен язучылар бик сирәк. Шуңа да укучы якын кабул иткәндер.

 

– Иң беренчесе һәм язылып ята торганы турында беләсе килә.

 

– Беренчесе битендә мәхәббәт чокыры булган кыз турында язылган «Мәхәббәт чокыры» хикәясе. Аннан соң «Ком сәгате», «Сакау күке», «Уен», «Игезәкләр йолдызлыгы» романнары язылды. Хәзер «Мин иртәгә яшим» дигәне язылып ята. Әле үземә күрә бер нәтиҗә дә чыгардым: минем һәр әсәр кичке унда – свиданиегә чыгып китә торган вакытта гына языла башлый икән. Иртәнгә кадәр язам, ягъни свиданиедән кайтып җитү вакытына кадәр. Бу романым да шул ук тәртиптә языла. Бусында минем биографиядәге бик күп ялгышлар фаш ителә.

– Нинди ялгышлар инде ул?

 

– Төп ялгышым – ятимлекне онытып бетереп булмады. Авылда бит ул үзен бик сиздертә, ә шәһәрдә, хикмәти Хода, бөтен кеше дә бертигез. Икенчесе – хатын-кызда бик иртә ялгышып, мин хәзер кемгә кирәк инде, дигән түбән бәя булу, амбицияләр булмау.

 

– Мин әллә ир-атның хыянәтеме икән дигән идем...

 

– Әгәр мин хәзер, гомер бакый хыянәт итмәдем, дисәм, ирләр миннән кычкырып көләчәк. Әлбәттә, хыянәт иттем, дисәм, өйгә кайтасы бар. Әле мин матурлыкны күрер, аның алдында сизгер булыр яшьтә...

 

Үзем, үзем, үзем

 

 – Камил абый, кайсы якынрак – сәхнәме, эшләгән матбага чараларымы?

 

– Мин «Чаян» журналында – 12, Язучылар берлегендә 8 ел эшләдем. «Казан утлары»нда инде унбер ел. Мин бит, кайда гына эшләсәм дә, эшемне ярата торган кеше. Әмма бер сыйфатым бар – киткән җиремә кайтмыйм. Әйләнеп кайту – җиңелү ул. Халык язучы дип таныса да, үземне язучы дип кычкырып әйтергә уңайсызланам. Батраклык психологиясеме шунда... Сәхнәне дә яратам. Зөфәр Хәйретдинов, Ганс Сәйфуллин, Мирсәет Сөнгатуллин, бүген Рәсим Низамов, Габделфәт Сафин, Рөстәм Закиров, Вил Усманов кебек сәхнәдә сатираны сыйдыра алучы, аны аңлаучы җырчылар белән эшләү ошый. Акча өчен эшләмим, татар эстрадасында алып баручы буларак акча эшләп булмый.

 

– Гаиләгездә Сез нинди әти?

 

– Үзем, үзем, үзем, дигән әти. Бөтен нәрсәне дә бары тик үзем генә эшлим. Улым Рушанга – 27 яшь, кызым Алсу 24ен тутырды. Хатыным Клараны укыган вакытта күреп ошаткан идем. Шуннан бирле янына беркемне дә якын җибәрмәдем. Матур озын чәчләренә ушым киткән иде, сигез яшькә кечерәк кызга өйләнгәнгә утыз елдан артып киткән икән инде.

 

– Әңгәмәне йомгаклап, тирә-юнегездәге Дөнья турында сорыйсым килә. Матурмы ул?

 

– Дөнья искиткеч матур. Мин аның матурлыгына кайчак телсез калам. Әмма аның чын матурлыгы барыбер нигезгә, үзең туган авылга бәйле. Шәледә өй салып ятуым да шунлыктан. Үзем салган өйдән Сабан туена чыгып, күргән һәр авылдашым белән рәхәтләнеп сөйләшеп, ашыкмыйча гына үз өемә кайтып, андагы бәхетле мизгелләргә кинәнәсем килә...


Гөлнара ҖӘЛИЛОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№45 (783356) / 18.10.2011 06:20:54

Бездә чын язучылар да, чын шагыйрьләр дә бар әле. Факил Сафин, Җәүдәт Дәрзаманнар...Талант иясе Ренат Харис
юк-барларның премия, исем алышлы уенына бер сүзе белән чик куярга мөмкин.

№44 (783318) / 17.10.2011 22:16:24

Имамовлар миллион тиражлы китап чыгарсын, ә Тукай премиясе Камилгә, халык язучысы исеме дә аңа. Хәзер китап укучы юк ул, тем более өстә.

№43 (783181) / 16.10.2011 21:00:51

Фарид, Син "Фәрит Имамов"мы?

№42 (783180) / 16.10.2011 20:58:20

\"Запрятанная история татар\" 250 мең тираж белән чыгуын чыкты,акча бирүчеләр табылгач, укучысы күпме булды икән соң?

№41 (783071) / 14.10.2011 21:45:24

Вахит Имамов и Камил Каримов несопоставимые велечины. арид

№40 (783066) / 14.10.2011 21:25:34

Ә "Татарлар Пугач" явында? Тагын кем язды шундый китап!

№39 (783062) / 14.10.2011 21:21:28

Ихласка. Вахит Имановка 250 мең тираж белән чыккан "Запрятанная история татар" дигән китабы өчен генә дә һәйкәл куярлык! Ничек телең әйләнә аңа каршы сүз сүләргә?

№38 (783061) / 14.10.2011 21:16:43

Бөтен талант -Актанышта,
Чүп-чар, юк-бар Шәледә;
Шәле + Актанышка
Чыдар хәл юк әлегә...

№37 (783032) / 14.10.2011 19:19:29

Ләйсән №33!

Шаярасың да инде!

№36 (783031) / 14.10.2011 19:13:59

Мөгътәсим!

 

№35 (783029) / 14.10.2011 19:00:47

"Вахит Имамов зур, җитди язучы.Иҗаты да олы, гәүдәсе дә мәһабәт, карап торырлык ир-егет". И-и күрсәтә инде шул "мәһабәт" гәүдәсен "Мәйдан"да!!!Журналда урнаштырылган һәр фотоның уртасында -үзе. Мин-минлек чире йокканмы үзенә?.. Шуның кыйланмышыннан журналны алмас, актанышлыларны сөймәс булдым инде.

№34 (783025) / 14.10.2011 18:07:24

Вахит Имамов зур, җитди язучы.Иҗаты да олы, гәүдәсе дә мәһабәт, карап торырлык ир-егет. Аңа ни язса да килешә. Вәт парин, күрмәкчедән чүлмәкче кәрләләр половой гигант булып кылтайсын инде...

№33 (782983) / 14.10.2011 07:04:39

Күтләр никахы бугай

№32 (782964) / 13.10.2011 21:41:17

Куклэр никахы тугелме икэн?

№31 (782963) / 13.10.2011 21:35:01

Бергә алар. Бөтенесе бер иш. Әле берсе, исемен оныттым, Казан утларында мәчеттә секс турында да язды.Шул романын Тукай премиясенә тәкдим иткәннәр бугай.

№30 (782949) / 13.10.2011 19:43:37

эйе шул. В.Имамовта да хэтта Ф.Садриевта да бар андый күренешләр Марс!

№29 (782941) / 13.10.2011 19:27:51

Марат Әмирхан да , Камил Кәримов та сексны төшереп калдырмыйлар.

№28 (782875) / 13.10.2011 07:05:36

"КУ" да чыккан романнар нәрсәгә дә ярамаганын шул ике хәреф, К һәм У хәрефләре әйтә.

№27 (782853) / 12.10.2011 21:45:07

Мөгез!
Бу сүзләрне Камил язмагандыр ич?

№26 (782852) / 12.10.2011 21:39:15

Казан утларының белмим кайсы санында ике әсәр бар иде, икесе дә бер теманы чәйнәгән. Авторларын әйтмим,миннән булсын яхшылык, кыскасы, шундый юлларны укыгач, әдәби әсәрме соң бу дигән уйга баттым. Сүзен сүзгә китермим, якынча: "Ул кызны агач янына бастырып кына теләген канәгатьләндереп алды да..."

Ужас. Әллә укымыйча бастыралар инде?

№25 (782844) / 12.10.2011 20:23:22

Кямил молодец. Файзулин урынына ул достоин.Засиделся.

№24 (782827) / 12.10.2011 18:18:12

Димәк Файзуллин чыгасы әйберләрне карамый,укып тормый кул куя.

№23 (782739) / 11.10.2011 21:43:05

Шут романнар яза! Вот так шутка...

№22 (782730) / 11.10.2011 21:31:11

Сакау күкесе аңлашылды.УКып була.Ә Игезәкләр йолдызлыгы нәстә? Аны бит укып булмый.Аңладым, редактор пенсиягә китми, урынын бушатмый.Монысы Файзуллинның тез астына.Баракны үрә бастыру турындага шуткасы ошады. И все.Ничек оят тугел шундый нарсә чыгарырга?

№21 (782537) / 10.10.2011 10:54:38

Камил абый мин сезнен китапларны укып барырга тырышам.Сезне безнен авылдан булуыгыз б/н бик нык горурланам.Иҗади унышлар сезгә!!!

№20 (782519) / 09.10.2011 22:26:44

Уууу Камил абыйга гомерем буе гашыйкмын мин,ир-ат буларак бик ошый...Шэп ир..Эх, бер генэ........

№19 (782506) / 09.10.2011 19:45:42

Камил Актаныш кызын оныта алмый, э мин Камил Кэримовка гашыйк- ижатына, концертлар алып баруына да, ир-егет буларак та бик симпатичный кеше. Телэклэре кабул булсын. Э Актаныш ягы чыннан да искиткеч ямьле, татар Швейцариясе дилэр аны.

№18 (782449) / 09.10.2011 00:06:04

Менә вәт, шуның белән барысы да әйтелде. Җылыйсы килсә - Тукай,
көләсе килсә - Кәрим бугай.

№17 (782441) / 08.10.2011 23:06:02

Амбиция миңа калса, талантлы кешеләрдә булган очракта да , күзгә бәрелмәскә тиеш. Алайса безнең үзләрен язучы дип йөрүчеләрдә амбиция тулып ашкан, талант кына юк.
Коммунистлар чоры гына язучыдан ниндидер полубог ясамакчы итте. Чын язучы шулай халыкның үзеннән аерылмаска тиеш.Гомумән, уважуха Кәримовка.)))) Иркә апаегыз өстәлендә ике китап, Тукай белән Кәримов. Җитди чакта тукай, көләсе килсә- Кәримов.Иркә

№16 (782427) / 08.10.2011 21:41:05

«Сосисочный»да эшләүче җәмәгатьчелек язуны татарча да
элмәкче, әмма 2 ел инде – кирәкле сүзне таба алмый изалана.
Кемдә нинди тәкъдимнәр бар?

№15 (782424) / 08.10.2011 21:13:54

мыручы
Алдашасың.)))  Иске Кормаштан безнең авылга нигез салырга килгәндә, бабыкайның әтисе, ат арбасы үрәчәсенә ябешеп, тәпи-тәпи килгән (шул, 7 яшләр чамасы булган), төнлә белән, черки талауга түзә алмыйча, абыйсы белән икесе бер атка атланып, кабат Иске Кормашка тайганнар... Үзебезнең авылдагы, бабыкайның бабасы (авыдагы иң беренче нигез), әтинең бабасы яшәгән нигезләрне бесәм дә, Иске Кормаштагы бер нигезне дә белмим...

№14 (782422) / 08.10.2011 21:13:25

чын татар,"Куңел кузе курмәсә, маңгай кузе ботак тишеге,"шул.

№12 (782414) / 08.10.2011 20:36:10

М.М., Иске Кормаш

№11 (782413) / 08.10.2011 20:35:13

чын татар, кунелен кузе курсэ донья матур!эгэр инде болайрак эйтсэк,мангай кузлэреннэн ни файда сон,кунелен кузе хичтэ курмэсэ.

№10 (782412) / 08.10.2011 20:35:02

мыручы, Кайсы кормаш?

№9 (782409) / 08.10.2011 20:32:48

ММ га, Соры корт Актаныш районы Кормаш авылыннан.Хэзер Алабу"т"а шэхэрендэ яши бичэсе бн,матур гомер итэ.

№8 (782408) / 08.10.2011 20:32:21

Чынлап та,матурмы ул дөнья?Бик сирәгебез генә үз-үзебезгә шул сорауны бирәбез.
Дөнья матурлыгын күрергә вакыт та таба алмыйбыз бит без.

№7 (782407) / 08.10.2011 20:28:35

Кызыклы әңгәмә.Ошады.

№6 (782406) / 08.10.2011 20:25:21

Соры корт Алабуганыкы ла ул!


Гомергә командировкадан кайтып керми ул,шуңа Татарстанны гына тугел,тагын әллә кайсы җирләрне белә!

№5 (782405) / 08.10.2011 20:20:39

Соры корт, Зиләйлүк! Сез икегез дэ Актаныштан мени? Шулкадәр авылларны беләсез?

№4 (782401) / 08.10.2011 20:06:03

"Кайсыгыз алдыйдыр инде" Берсе дә алдамыйдыр, Зиләйлүк. Куян, Актанышбаш, Суыксу, Чалманарат, Күҗәкә, Чат, Каенлык... Барсында да булгандыр инде. Кайсы авылда эшләгән, шунда, диюем...))) 

№3 (782400) / 08.10.2011 19:57:36

Минем истә әле, Сез телевизордан күренә башлаган мәлләрдә, әни әйтә иде, Куяннан....апа белән бик каты йөрделәр дип. Ә Сез Чишмә дигәнсез. Кайсыгыз алдыйдыр инде))))
Уф, алай да ирем артист я язучы түгел, мин күтәр алмас идем мондый интервьюларны))))

№2 (782385) / 08.10.2011 18:23:37

Шәп интервью, укуы ук күңелле, дөньялар яктырып киткән кебек. Белмим, интервью бирүчесе остамы, әллә алучысымы...

№1 (782349) / 08.10.2011 13:56:58

Ир -егетләр! Сез чыннан да шулай ярата аласызмы?!!!

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar