Бүген иртән контроль эшен төзәтергә килгән җирдән укытучыга пычак кадаган

Бүген иртән Питер мәктәпләренең берсендә куркыныч хәл булган. 9 сыйныфта укучы бер малай 29 яшьлек математика укытучысына пычак кадаган. Беренчел мәгълүматларга караганда, малай контроль эшен төзәтергә дип мәктәпкә иртәрәк, иртәнге җидегә килгән. Укытучының аннан борылуы була - ул аңа арттан пычак кадый.

Шуннан соң яшүсмер үзенә дә пычак кадаган, дип фаразлана. Бу малайның әнисе дә шушы ук мәктәптә тарих укытучысы булып эшли икән. Башка балаларга зыян килмәсен өчен аларны классларга һәм спортзалга ябып куйганнар. Мәктәп янына полиция машиналары килгән. 

Малайны һәм укытучыны сырхауханәгә озатканнар. 

Көн дәвамында бу хәл турында яңа хәбәрләр дә булырга мөмкин.

_{Фото: SHOT телеграм каналы}