|
|
|
Бүген кемнәр туган
|
|
|
Архив
|
14.12.2025 Җәмгыять
Илшат Әминов унлап кыргый эт һөҗүменә дучар булуын сөйләдеБүген ТНВ каналында эфирга чыккан “Семь дней” тапшыруында үтә дә мөһим сюжет күрсәтелде. Кыргый этләр темасына багышланган иде ул. Узган елны Самосыровода дүрт аяклылар өере бер хатынны талап үтерде. Быел Васильево бистәсендә 9 яшьлек кыз-бала каты зыян күрде. Васильеводагы хәвефле хәл турында элегрәк язган идек. Телевизион тапшыруның алып баручысы Илшат Әминов үзе белән килеп чыккан куркыныч хәл турында да сөйләде, дип яза "Матбугат.ру". Аккош күле якларында Юдино зираты тирәсендә йөргәндә аңар унлап кыргый эт һөҗүм иткән. Ярый әле журналистның кулларында трекинг таяклары булган.
“Бик оешкан төстә, тыныч кына, бүреләр сыман һөҗүм иттеләр, - ди Илшат Юныс улы, - Этләр башлыгының куркыныч карашын әле дә хәтерлим. Аннары зур гәүдәле ир-атны җиңә алмаячакларын аңлагач, урман эченә качтылар. Әгәр дә куркуымны күрсәтсәм яки йөгерә башласам, алар мине өзгәләп атарлар иде. Минем урынымда берәр бала булса, аның бернинди шанслары да калмас иде”.
“Хакимиятнең бурычы – халыкны мондый эт өерләреннән саклау. Бу хайваннарны кануни ысуллар белән юк итәргә кирәк”, - дип өстәде Илшат Әминов.
--- |
Иң күп укылган
|